2 Koritia 1:12 - Godoni vuʼa maiuʼina

¹² Ijihuna'e núra teamanumujaho ikena. Núni vwiha ijara 'warumujara nú Godoni maiji vwihanii'ina vajijino mwe'a ikehuni vaja 'ee jonuna'a kara mamaa vejara. Nú akuavare Godi ura renuni 'unamijino nimaa nimaiji vejara kaivo mwe'a kehuni vwiha ijihunijaho pana.

2 Koritia 1:12 ပူးပေါင်းရင်းမြစ်များ

Akisi 23:1

'Ejumakame Poruho nia ajira kanisoru kajija kivi'i ijá 'iama Vwehu nunakije na Godoni una'i hami hinuva'o roe iviasi 'e'uju 'iamana.

Akisi 24:16

'Enajihuna'e na na'ia mapoka harura vejukame nuni vwiha veju'e Godoni una'a 'ee emaapuni 'una'i arira'e navu'e na namihuna areri parenuna.

Romani 9:1

Na Keriso oni vaji nimaa'e 'waravu. Na ira'ata paapeju kaivo nuni vwiha ijaho Godoni 'Avenijara nimaa ve'eju'e 'waravu.

1 Koritia 1:17

Ijihuni maijaho Kerisoho na ea toi sama'urono ranamihuna pana kaivo vu'a maa maiu'ina'e naja'urono ranamiana. 'Enakaivo na emaapuni vwiha ijino 'wara'ipisa Keriso oni korosijihuni vu'ijaho maa pa'ana'e reja'a.

1 Koritia 12:8

Ijihuna'e Hu ea pina 'Avena vajijino vu'a ka'ene vwiha mavarasa'iniji vajahuna. 'Ene vu ea pina vu'a ka'ene henaka ijí 'Avena nikwisu'ina kajara vajahuna.

1 Koritia 15:10

'Enakaivo Godoni maiji vwihani'inijara renajihuna'e na iviamai ea irakijaho reju. 'Ene Huni maiji vwihani'ina ka'ene nununa'i venajara maa pa'ana'e rehuna pana kaivo nara kaukara ni'ima'ura ka'ene vejujara ea 'aho'ijija asitahuta. 'Enavo ijaho na pana kaivo Godoni maiji vwihani'ina ka'ene na hu'úmo namujarana.

1 Koritia 2:13

Uneunecha ka'ene Godira vajúhaji nú ja najahu kaivo emaapuni vwiha mamaiji rone 'warahuna pana kaivo 'Avenijara najuhajihi najahu. Nú Godoni 'Aveni jihuni vwiha 'ee 'Avena huni iriji'i ahuvi'i 'waravu.

1 Koritia 4:4

'Ene nuni vwiha ijaho arira 'ee unenu'u pini na namihuna pana. 'Enakaivo ijara reje na arira rehuna pana kaivo Natohwijara Huhusu na piuhihe kihuna.

1 Koritia 5:8

Roe nú ijihuna'e sora ijava. Harava ka'ene isitia sahasi jihunijaho pane 'ee isitia ka'ene sisea vwihajujaho pane 'ee siseijija pana. 'Enakaivo harava isitia pa'ana ka'ene nimaa nimaa 'ee ariramaajino vena ijava.

2 Koritia 1:17

Ijihuni maijaho na ike ura vu'i vwihajuta ka'ene arevujaho na majikari arevuta raka? 'Ú nuni vwiha ijija na haha huni vwiha ijino vwihane 'ee nara i'a 'ivujija pana 'iame avajura raka?

2 Koritia 11:3

'Enakaivo vejuro'i taparijara huni henaka ira'atijino Ivi pisimia ja'ina'e hu joni vwihaiji 'u'o veje ja Keriso oja nimaa ka'ene mahuji arehunijara na tea junimu.

2 Koritia 2:17

'Ene ea 'ahopo vejuja'ina'e Godoni irijaho paapene monia vene oju. 'Enakaivo nú Godoni irijaho nimaa Keriso oni vaji 'waravu'e Godi ka'ene nú irechamúume roajihuni una'i 'waravu.

2 Koritia 4:2

'Enakaivo nú uneunecha ka'ene hemijija junuhuni jihuna'e niarevara. 'Ene nú ea papisimisame 'urahoju. 'Ene Godoni irijaho unenu 'aho'a ijí pu'úmo ahuvi'i 'warahuna pana kaivo nimaijino epuni una'a vene 'ee Godoni una'a 'u'o 'waravura.

2 Koritia 8:8

Na ikaho 'ejahie 'warahuna pana kaivo na ja ea 'aho'a nimaa nimaijino oja mihu ho pana ijí ki'irono 'waravuta.

Karesia 6:4

'Enakaivo veje ea kwinu kwino huni kara ijija ori piuhara'amana. 'Enareje iji'a ijara rejakame hu ori kehi kehi ohuna kaivo ea 'ahopuni jihuna'e pajarika'e rene ohuna.

Epasasi 6:14

Ja ika'ina'e ve'avajara reje ja areri kisina'e rene namihuna. Joni 'aha mo'oa charia ka'ene nimaijino irame 'ee joni túra ariramaijino vahanaha.

Piripai 1:10

'Enajihuna'e na ura reniujaho ja uneunecha nimaijija hami vwihane hena kivi'i mamaaru vejakame ea ja panama'eje hina va'e Kerisora ro'amani veijino use'avara.

1 Tesaronia 2:10

Godiho nú nihena kúme nimaa veju'e ja 'u'o nimaa veju. Núra ichá'ina'e ja pu'úmo akume 'ee arimaa'e hine 'ee unenu 'aho'a ea 'aho'a panamuhe 'waru'eme nú nimaa roji'ina pu'úmo hami hijura.

1 Timoti 1:5

Nara vu'a ka'ene najahu jihuni maijaho oja 'unama mamaijino 'ekarame 'ee hami vwihane 'ee hami nimaa ro'avara.

Taitasi 2:7

A 'u'o uneunecha mapoka ka'ene a ve'amajaho unama mamaaru vejakame pu 'u'o mamaaru ve'avara. A ea naja'amajaho ariraru najahe pu ara raka ka'ene najahu jihuni hura ve'avara.

Hipuru 13:18

'Enavo nú joni vaji hina roujaho nú unenu pina venareje nú junuhuna pana. Nú raka ka'ene vejujaho ja kúvi'i núni hura vehuniji vwihaji'i vejura. Ijihuna'e núni siporua 'onu'avara.

Jemisi 4:6

'Enakaivo Hura maiji vwihani'inijaho ni'ima'ura vajúhuna. Ijihuna'e ija'ina'e 'warumana. Godiho kehi kehi veji'inijija ura parenu kaivo masuani ajuarasahe hijujihija maiji vwihaniujaho vajihi'ina 'úmana.

1 Pita 3:16

'Enakaivo oni vwiha veje arira'e re'amana. 'E'irakúne emaapo vu'a ira'atijino 'wame 'ee a ninama'avajaho oni kara mamaa ka'ene Keriso oni vaji namujara veje pu junahuna.

1 Pita 3:21

Ikara najuhajaho Jesu Kerisora kwama 'urinaji matesarame toi sama najuhu kaivo toi samahujara ni'ajúhe veje núni haha chiha pa'arehuna areri pana. Ijaho vwiha samaa re'amarono Godi jarima 'waravu.