2 Koritia 1:1 - Godoni vuʼa maiuʼina

¹ Na Porura Keriso oni apasorua Godira Huni ura ijino iji pijihana. 'Ene Timoti ka'ene núni vweiji'o Godoni sosia maho'o ka'ene Korinitiai namuna 'ee nimaa roji'ina maho'o ka'ene Akea vaji hijujihi puna'e veju.

2 Koritia 1:1 ပူးပေါင်းရင်းမြစ်များ

Akisi 16:1

'Enarena hu Tepi 'ee Risitara 'u'o roana. 'E'eme tisaiporua pina ijí hinuna. Huni ihijaho Timotina. Huni ohijaho Jua 'ee hu nimaa roji'ina kaivo huni omijaho Kuriki.

Romani 15:26

Godoni ehija 'aho'a ka'ene Masatonia hine 'ee Akea hijujipo teamanavumakame Godoni ea 'aho'a ka'ene Jerusaremi hami pahijujihi puna'e swara nianae irechamihaji na 'eka va'e vajihe ijí monia kajara pu ni'ajihuna.

Romani 16:21

Timoti ka'ene Godoni kaukara nú hu'úmo ahuma venajaho Rusiasiho Jesaniho Sosipata ka'ene nuni eijaho ijá ja 'ajoravu.

Romani 16:5

'Ene sosia ka'ene puni sei ahuvujihija 'ajora'avara. 'Ene Epinetasi ka'ene Esia oraka Keriso urana nimaa ronaji na hu oja maha parajuji ja hu 'u'o 'ajo'avara.

1 Koritia 10:32

Paveje Jua ho Kuriki ho Godoni sosia ari'ava.

1 Koritia 16:10

'Ene iviamaa Timotira roe ja pu'úmo hi'amajaho paveje tea ju'amana. Ijihuni maijaho areri nara vejuja'ina'e hu Natohwi jihuni kaukara venu.

1 Koritia 16:15

'Enakaivo vwehu nune ja Sitepanasi oni kachi'ina nikivura. Pu Akea opuni 'ina amurijina. 'Enajihuna'e pu hine ea ka'ene nimaa roji'inijihi ni'ajihi'i hijujihuna'e na ja 'ejahie 'waravu.

1 Koritia 16:24

'Ene Jesu Keriso oni vaji ja ea maho'o na oja mihe 'ajoravu. Ameni.

1 Koritia 6:11

Ja ea 'aho'a ikija nimarako 'unama ija'iniji ojara. 'Enakaivo ja somahe 'ee venaume ea akuavi'ina'e rejara. 'Ene Jesu Keriso oni ihijihuni vaja 'ee núni Godijihuni 'Aveni jihuni vaji ja venaume ea arira'e rejara.

2 Koritia 1:19

Ijihuni maijaho Godi oni Hariha Jesu Keriso rone joni vaja kajino núrane 'ee Siruvenasine 'ee Timotine ijá najahajaho i'a 'iavujaho i'a 'ee pana 'iavujaho pana kaivo Huni vajijaho i'a.

2 Koritia 1:23

'Ene Godira nuni ojijaho kame nimaa'e veti'eju'e ikaho 'waravu. Na Koriniti pavu'ujihuni maijaho na joni hura'e vene makimarejo ijihuna'e pavu'uta.

2 Koritia 11:10

'Ene areri ike Keriso oni nimaa ka'ene núni vaji hinujihuna'e nara ike temarane vejujaho Akea vaja ea pina patanuhuna.

2 Koritia 9:2

Ijihuna'e jara vajihuna'e amairiaravujaho na nihena kivu. 'Ene na ijihuna'e ta'arorahare'e Masatonia ora 'waravuta. Juara pina ka'ene nipa'arenajino Akea ora vajihuna'e amairiaravara. Jara ea vajihuji henareja ea pwina oja 'urina paraniume avajara.

Karesia 1:1

Na Poru apasorua ka'ene emaapo iji pijihe rehuna pane 'ee emaapuni haruri rehuna pana kaivo Jesu Keriso oni vaji Godi Amo ka'ene Hua'e vejume kwama 'urinajara iji pijihana.

Karesia 3:26

Ijihuni maijaho ja iviamaa Jesu Keriso oni vajijino nimai rojajihuna'e ja maho'o Godoni harihija'e rejara.

Epasasi 1:1

Na Porura Godoni ura ijino Jesu Keriso oni apasorua rejuta. 'Ena'omo Godoni ehija Epasasi hijura ka'ene Jesu Keriso oni vaji uchaha pa'ajihi puna'e veju.

Piripai 1:1

Poru'o Timoti ka'ene Jesu Keriso oni pwehipo ea ka'ene nimaa roji'ina 'ee eruta 'ee tikonia ka'ene Jesu Keriso oni vaji Piripai hijujihi puna'e veju.

1 Tesaronia 1:1

Nú Poru ho Sivenasi ho Timoti ho ijano sosia ka'ene Tesaronia Godi Amoho 'ee Natohwa Jesu Keriso puni vaji hiju jihipuna'e pasikaho veju. 'Ene maiji vwihaniujine 'ee matauvi'inijaho jona.

1 Tesaronia 3:2

'Ene hu Timoti núni vwea ka'ene nú pu'úmo Godoni kaukara veji'ina ka'ene Keriso oni vu'a maa maiu'ina 'waravi'ina ranavu'e ja ni'ajihe joni nimairoa kisina'e re'amarono vu'u.

2 Tesaronia 1:1

Poru ho Siruvenasi ho 'ee Timoti ijipo sosia ka'ene Tesaronia Godi núni Oma 'ee Natohwa Jesu Keriso puni vaji hijujihi puna'e pasikaho veju.

1 Timoti 1:1

Na Poru Jesu Keriso oni apasorua 'ee Godi ka'ene núni Ni'ajúhi'ina 'ee Jesu Keriso ka'ene núra nimaa rojujara 'warivume rejuta.

2 Timoti 1:1

Na Poru Godoni ura ijino Jesu Keriso oni apasorua. 'Ene Jesu Keriso oni vaji majama hihuna'e nahama 'warumaji najahi'ina.

Taitasi 1:1

Na Poru Godoni pwea 'ee Jesu Keriso oni apasorua. 'Ene ea ka'ene Godira iji pijiha jihipuni nimaaroa 'ee nimaiji henakame ariramaa hihuna najahu.

Pairimani 1:1

Poru Jesu Keriso oni tipurea 'ee núni vwea Timoti'i Pairimani núni vwea ka'ene nú oja mahe 'ee nú pu'úmo kaukara veji'ini jihuna'e veju.

Hipuru 13:23

Na ja hehuna ka'ene 'waravujaho núni vwea Timotiho tipura ni'e'una roana. 'Ena'omo hu marako iki ru'e'u'amajaho na aheme nú hu'úmo vu'e ja kihuna.