1 Tesaronia 5:14 - Godoni vuʼa maiuʼina

¹⁴ 'Ene vwehu núne nú ja jarirame 'waravujaho ja ea ka'ene vu'ataa paheji'inijija 'urara'avara. 'Ene ea ka'ene tea junavi'inijija 'ee ea ajuasina ni'aji'avara. 'Ee ohura paape'avara ka'i ea 'aho pu'úmo masuani hi'avara.

1 Tesaronia 5:14 ပူးပေါင်းရင်းမြစ်များ

Matiu 12:20

'Enakaivo hwa'ohapo irasahe navujaho Hu paveje tu'usunaha arihuna. 'Ene vena ka'ene utahu va'o ma'uaku'wi renujaho Hu paveje utahuna. Ijihuni maijaho Hura veje ariramaa rene asitaha parahuna.

Ruku 22:32

'Enakaivo Na oni siporua 'ojura'omo ara nimaa ronujaho pa'ohuna. 'Enareje a kú'o 'uname Nuni ro'amajaho ara Nuni ehijakija najahakame pura nimaa rojujaho ija kisi apena puni una'i saname vehuna 'wamana.

Akisi 20:27

Na niho'o Godoni ura ijí 'wara'irono vejujaho na pajuvuta kaivo na 'waravuta.

Akisi 20:31

'Enajihuna'e 'aiha veji'i vwiha'avara. Juara no'opiso vajijino na'i veiri'a nituiji'i ihajinaname ea kwinu kwino nimaiji najahe 'waravuta.

Akisi 20:35

Nara uneunecha mapoka ka'ene vejujaho jara ija'ina'e venareje ea ka'ene pivusahuji ni'aji'avarono najahuta. 'Ene Natohwa Jesura Huni iri 'waramaji vwiha'avara. 'Ekujaho mamaa kaivo vajihujaho mavarasa'ina vejura 'iamana.

Romani 12:1

Vwehu nune na ja jariravi'i 'waravukúne. Godira ja numiramani vajijino joni hahijaho mai'o hine akuavi'ine 'ee swasa ka'ene Godi teamahuni ja'ina'e vene ma'avara. Ijaho raka mamaa ka'ene núra Godi oja mahe venahunijina.

Romani 14:1

Ea ka'ene Godi nimaa rojara kaivo ija kisi pa'unavi'inijija hami 'ajora'avara. 'Enakaivo ja unenu'u pina ka'ene rakijara maa'e rakijara sisea ijijahija pu pu'úmo panakara'avara.

1 Koritia 4:14

Ikijahija ja juna'avarono na vehuna pana kaivo ja nuni harihija ka'ene na oja mihure sa'ini jihuna'e na ja ni'ajihe 'waravu.

1 Koritia 8:7

'Enavo nimaa roji'ina 'aho'a ike henakakaho pa'ana kaivo ea 'aho'a nija'ina'e godi ira'ata mapokijihi nimaa rone puni 'iruma swasa vena roe iviamaikino usevu. 'Ene pu ijí ijujaho pu godi nimai jihuni swasa vejara'e iju roji'i ijura. 'Eju'e puni vwiha niho'o siserasaha parajura.

Karesia 5:22

'Enakaivo 'Aveni jihuni 'inijija ikena. Oja 'ekaravujine 'ee mari'uvujine matauma hijujine 'ee chochumano hijujine 'ee swasina rejujine 'ee mamaa vejujine 'ee paucha'asahi'i vena ihajinanavujina.

Epasasi 4:2

'Enakúne oja 'ekaravuri vajijino masuani ajuarasaha hine 'ee ea hami 'ahie 'ee haha sonahi'eje hine 'ee ea 'aho pu'úmo matausahe vivinui hine 'ee ea 'aho pu'úmo mamaa'e veji'i hi'avara.

Epasasi 4:32

'Enakúne ea 'aho pu'úmo hami veti'araha 'ee oja purasina'e rene 'ee vwihane arekaravi'ina'e reha areri Godira Keriso oni vaji ja vwihanie arema ja'ina'e ve'avara.

Korasia 1:28

'Ene nú ichihichano va'ujaho Keriso rone ea mapoka 'waravu. Nú pu ni'ajihe 'warame 'ee vwiha mamaiji najahura. Ijihuni maijaho nú ea kwinu kwino Keriso oni vaji marana areri rena para'eje vajahuna.

2 Tesaronia 3:15

Ja hu naka'e 'ahauja'ina paaha'avara kaivo vweuna 'waramu ja'ina'e ira kisina 'warave he'amana.

1 Timoti 3:3

Hu ea ka'ene toa sisea oja pamihi'ine 'ee pa'ara'iro ohura apeji'ina kaivo vivinui matauma hihuna ura reji'ine 'ee monia oja mihuri 'unamijaho aremajara re'amana.

1 Timoti 6:11

'Enakaivo a Godoni eijihuna'e 'unama ija'inijija juha'amana. 'E'ikaivo arira maiji 'ararihae vene 'ee Godi ura renuji vene 'ee nimaa rone 'ee oja 'ekarame masuani ajuarame mamaa'e ve'amana.

2 Timoti 4:2

'Enakúne Irijaho naja'amana. Vea 'aha ho vea 'aha pana kaivo maiji amairiara'amana. 'Ene ni'ajihe amairie najahe 'ee ira kisina ni'ajihi'i 'urarahe 'warame 'ee hami chochumano masuanu hiji'i hami najaha 'wara'amana.

Taitasi 1:10

Pu ea mapoka vu'a kajaho pahene veju kaivo pu ira karokaha 'wame ira'ata kajino ea pisivisavura. 'Ene ea ka'ene sisa 'uhui'inijipo ija'ina vejura.

Taitasi 1:6

A ea iji piji'amajaho ea ka'ene sisea veji'inijija papiji'amana. 'Enakaivo ea ka'ene napara kwinu kwino savi'inijino piji'amana. 'E'irakúne puni harihija Natohwijaho nimaa rone sisea ani ani pavene 'ee emahwapuni ira papataarorahuna.

Hipuru 12:12

'Enakúne ija jona ka'ene harura pa'arenaujaho harura vene 'unaha. 'Ene joni atoka ka'ene irimanamujaho harura vena 'urine namina va'a.

Hipuru 13:3

'Enakaivo ea ka'ene tipurai hijujija parunamie 'ee ja areri pu pu'úmo hiji'i vwihava ja'ina'e vwihani'avara. 'Ene ea ka'ene ahija sisea apejujihija areri pu pu'úmo hiji'i vwihava ja'ina'e vwihani'avara. Ijihuni maijaho ja 'u'o haha rukina.