1 Tesaronia 5:13 - Godoni vuʼa maiuʼina

¹³ 'Ene oja 'ekauri vajijino pura kaukara ka'ene vejujihuna'e puni hura vene ira mamaa ijino 'wara'avara. 'Ene ea 'aho pu'úmo matauma hi'avara.

1 Tesaronia 5:13 ပူးပေါင်းရင်းမြစ်များ

Matiu 10:40

Ea irara ja hami 'ahiujaho pu Na 'u'o hami 'ahiu. 'Ene ea ka'ene Na hami 'ahiujaho pu Godi ka'ene Na ranamiume rouji 'u'o hami 'ahau.

Maka 9:50

Misa mamaa kaivo misa kajihuni vweijara pa'are'ipisa 'ú nú ichá'ina veje kú'o vwea reja'e? Emaa misa puna'i vwea rukina re'avajaho ja joni oja hami 'ajohe 'unama maa vejajihuna'e ja ea mapoka pu'úmo hami hihuna.

Joni 15:17

Ikija Na ja 'waravukúne ea 'aho pu'úmo oja ma'ara'avara.

2 Koritia 13:11

'Enajihuna'e vwehu nune túchamaijaho temarasaha 'ee vena'e mahou'ina'e reha. 'Ene ni'ajaraha 'ee oja sonahiaha 'ee vwiha nikwinu rene matausahe hiha. 'Eje Godoni oja mihi'ina 'ee matausahi'inijara ja pu'úmo nahuna.

Karesia 4:14

'Ene nuni haha vaji atamijaho jonuna'a ahija renana vo ja na papataarorihare 'ee pasenamana kaivo ja na areri Godi oni 'ona oji'ina 'ekau ja'ina'e apeniara 'ee Jesu Kerisora Ori roakame ape'ava ja'ina'e apeniara.

Karesia 5:22

'Enakaivo 'Aveni jihuni 'inijija ikena. Oja 'ekaravujine 'ee mari'uvujine matauma hijujine 'ee chochumano hijujine 'ee swasina rejujine 'ee mamaa vejujine 'ee paucha'asahi'i vena ihajinanavujina.

Karesia 6:6

'Ene veje ea ka'ene ira naja'eme henajara ea ka'ene hu nahajaho uneunecha mamaijija hu hu'úmo vajúsara'amana.

Epasasi 4:3

'Ene Godoni 'Avenijihi pu'úmo ahuma hijuri 'unamijaho hami 'ajohi'i matauvi'iniji vevahame hiha.

Korasia 3:15

'Ene veje Keriso oni matauvi'inijara joni oja 'ajoha'amana. 'Ene ijihuna'e ja haha kwino rene matauma hi'avarono nimaa iji pijihanakúne teamana'eje hiha!

1 Tesaronia 5:14

'Ene vwehu núne nú ja jarirame 'waravujaho ja ea ka'ene vu'ataa paheji'inijija 'urara'avara. 'Ene ea ka'ene tea junavi'inijija 'ee ea ajuasina ni'aji'avara. 'Ee ohura paape'avara ka'i ea 'aho pu'úmo masuani hi'avara.

2 Tesaronia 3:16

Natohwa ka'ene matauvi'inijara Huni matauvi'iniji na'ia mapoka 'unama ani ani ja vejujihuniji matauhuna mihu. 'Ene Natohwijaho ja pu'úmo hinu.

2 Timoti 2:22

Ea maiu'inapo hahijipo itunavuri 'unamijija juha'amana kaivo ariramaa 'ee nimairoa 'ee oja 'ekaravura 'ee matausahe hijuji 'ararihi'amana. 'Ene ea ka'ene Natohwiji oja mamaiji vwihaji'i 'uraha 'wavujihipo vejuja'ina'e ve'amana.

Hipuru 12:14

'Enakúne ea 'aho pu'úmo oja sonaravi'i hi'avara. 'Ene ani ani pavene 'ee 'unama ariramaiji vehunijara ituna'avara. Ea irahipo ariramaa pa'ana re'avajaho Natohwijaho pakahuna.

Jemisi 3:18

'Ene matauma hihuna 'waravi'inijipo matauma hihuna 'waravu'e roe ariramaa'e rejura.