1 Tesaronia 4:13 - Godoni vuʼa maiuʼina

¹³ 'Enakaivo vwehu núne jara ea ka'ene kwamasahu jihipuni vu'ijí pa'warave he'ava jihuna'e hine ea ka'ene panimaa rojujipo vejuja'ina temuka apehuna nú ura parenu.

1 Tesaronia 4:13 ပူးပေါင်းရင်းမြစ်များ

Matiu 27:52

'E'eme euchi jara'eme Godoni ea nimaa nimaa ka'ene kwamasahajija 'urijara.

Joni 11:24

'Ejume Mata ijá 'wama Na niheju. Vea túchamaa ka'ene ea mapoka kú'o 'uri'avari vea kajino hu 'urihuna 'wamana.

Akisi 13:36

Tevitiho Godoni ura ijaho hura hinani veijino ehwa puna'e veji'i hinu va'o kwamana. 'Ejumakame pu apene va'e huni amuhija irechamiajino ranavume sakaranana.

Akisi 7:60

'E'ikaivo hu aruha arihi'i ira ajira ijá 'umenane Natohwe pu na sise'i 'ahiukúne A pu eha pavetia 'ume'i kaivo kwamana.

Akisi 8:2

'E'eme ea ka'ene Godi oja mahi'inapo Sitivini oni haha apena va'e ranavara. 'Enareja pu niho'o huamu vene niramaruvara.

Romani 1:13

Ehu nune na nimarako ura roe ja ki'iro 'ahiana kaivo unenu'u pini rejumakame na parou kajaho ja nihena kavu. Ijihuni maijaho na Jenitaru 'aho'a kajihi puni vaji 'ina 'aho'a 'ekuja'ina'e 'aho'a joni vaji 'ina rukina'e rehuna ura reniu.

1 Koritia 10:1

Vwehu nuna ja paki'eje pahena ve'avarono na ike 'waravu. Ijihuni maijaho emahu núna maho'o 'imitia hari 'ee soha vaji roe ika'i ajivara.

1 Koritia 12:1

Vwehu nune ja pahene ve'avarono na ivi'a 'Avena huni swariji rone 'wara'i veju.

1 Koritia 15:6

Ijihuni túna'ijaho Hu vwehu núna mapoka mapoka (500) puni una'i ni'aha kwinu va'ana. Ea 'aho'a iviamaa majaa hina rou kaivo ea 'aho'a ni kwamasahara.

2 Koritia 1:8

Ijihuna'e vwehije nú jara pahene pavwihahuni jihuna'e 'waravu. Esia vaji sisea ahija ichá'ina'e núni 'ahi roajaho nú niho'o ahija ni'ima'ura vaji aruvara 'ee núni haruriji'i areri parenana. 'Ejume núni vwiha ijaho núni hia niroe paraju rojara.

Epasasi 2:12

Ja ma vwiha'aha. Vea kajiha kajaho ja Kerisoho raname karaa ani hijara 'ee ja Isureri puni vaja asinamiara. 'Ene ja raka ka'ene nahama 'waravajija suja 'ee raka ka'ene túna'i rehunijija ja puruva rena'eme hijara. 'Ene iki mwe'i Godi pahena pakavi'i hijara.

Epasasi 2:3

Nú 'u'o puni vaja kajino nitama hine núni hahijihi puni ura ijí vejara. 'Ene núni hahijihuni ura 'ee núni vwiha sisesa ijipo rosamúa parajara. 'Ene núni kara ijija sisea ijihuna'e nú Godoni sena hari ea 'aho'a kajihi pu'úmo hijara.

1 Tesaronia 4:14

Nú Jesura kwame kú'o 'urinaji nimaa ro'avajaho Godira ija'ina'e ea ka'ene Jesuni vaji kwamasahajija Hu hu'úmo aherame rohuna.

1 Tesaronia 4:15

Na ikaho Natohwi jihuni iri vaji rena roaji ja 'waravu. Nú ea ka'ene mai'o hijukija Natohwijara ro'amajaho nú urasahe pavahuna kaivo nú mahi'eje ea ka'ene kwamasahajipo 'urihuna.

1 Tesaronia 5:10

Hu núnijihuna'e kwama jihuna'e nú mai'o hi'eja ho kwamasahuna kaivo nú pu pu'úmo ahuma majama hihuna.

1 Tesaronia 5:6

'Enakúne roe ja pu'úmo ea 'ahopo vejuja'ina'e panotui kaivo 'urine nia nirie 'aiha veji'i hija.

2 Pita 3:4

'Ene pu ija'ina 'ihuna Hura rohuna ka'ene nahama 'waramajaho ichí roo? 'iame 'ijahe 'warahuna. Ijihuni maijaho uneunecha ka'ene mai'o mwe'a aneja vejajino rene roe emahu núpo kwamasahajino unenu'u pina ani'ina pare'eju'e nija'ina'e navu 'iahuna.

2 Pita 3:8

'Enakaivo ike vu'a kwinu parunami'amana. Ehu nuna na oja mihi'ine Natohwi jihuni 'unamijaho juara mapoka mapoka (1,000) pa'arejujaho areri vea kwinuna 'ee vea kwino pa'arenujaho areri vea mapoka mapoka (1,000) pa'areju ja'ina.