1 Tesaronia 4:1 - Godoni vuʼa maiuʼina

¹ Vwehu núne Vu'a túchamaa pina ikena. Nú Natohwa Jesuni vaji ja jarirame 'waravu núra vu'a ka'ene 'waravume ja hene oju kaja'ina'e nija'ina oje Godiho teama'amana. 'Eje ja maranie ajime va'amana.

1 Tesaronia 4:1 ပူးပေါင်းရင်းမြစ်များ

Joni 15:2

Nuni anuama ka'ene 'ina parejajaho Hu 'eke ato'arumuna. Nuni anuama ka'ene 'ina rehunijija Hu hami 'uhue amairie 'ajohukame 'ina huri niho'o mapoka mapoka rehuna.

Akisi 20:27

Na niho'o Godoni ura ijí 'wara'irono vejujaho na pajuvuta kaivo na 'waravuta.

Romani 8:8

Ea ka'ene sisei jihuni iraru hena vejujipo veje Godi niho'o teamahuna pana.

1 Koritia 11:23

Ijihuni maijaho na Natohwi jihuni apejuji na ja 'u'o 'waravu. Ijí na'ia kajino nahama'avarono Hu puretia apenana.

1 Koritia 15:1

'Ene iviamaa vwehu nune na vu'a maa maiu'ina ka'ene nara ja najahume ja apejara ka'ene ijara ni'ajihume ja maraniana ka'ene ja ijihuni toi namijuji 'wara'i veju.

1 Koritia 15:58

'Enajihuni hahi vwehu nune na ja oja mihi'ine kikisima'ura'e rene nami'avara. 'Ene pavarivarivi'ina'e re'avara. 'Enakaivo na'ia mapoka Natohwi jihuni kaukara asisame huri ve'avara. Ijihuni maijaho jara Natohwi jihuni vaji kaukara ka'ene vejujaho maa rukima'ura.

2 Koritia 10:1

Na Porura onuno ja 'ejahie Keriso oni ajuarana masuani hijura vajijino 'waravu. Na vea ka'ene ja pu'úmo ura varira kakaravujaho ajuasina'e rejura kaivo na karaa ani hijujaho na niho'o ira kisina'e jonuna'a 'waravura.

2 Koritia 13:11

'Enajihuna'e vwehu nune túchamaijaho temarasaha 'ee vena'e mahou'ina'e reha. 'Ene ni'ajaraha 'ee oja sonahiaha 'ee vwiha nikwinu rene matausahe hiha. 'Eje Godoni oja mihi'ina 'ee matausahi'inijara ja pu'úmo nahuna.

2 Koritia 5:9

'Enajihuna'e núni ura ijaho nú mai'o hi'eja ho kwamasahuna kaivo nú veje Hu teamahuna.

2 Koritia 6:1

Nú Godi pu'úmo ahuma kaukara vejujihuna'e nú jarirame 'waravujaho ja paki'eje Godira maiji vwihaniajaho majikari apene tau'avara.

Karesia 6:1

Vwehu nune ei pini sisei vaji oja ka'avajaho ja ea ka'ene ni 'Aveni vaji emakina'e rejajipo va'e masuanu ni'ajahe 'uri'amana. 'Enakaivo ojono hami 'ajo'ara'avara vejuro'i ja 'u'o ija'ina'e vena ve'ejakúna.

Epasasi 4:1

Na Natohwi jihuni tipura eijara ja jarirame 'waravujaho ja 'unama mamaa ka'ene ja 'umena jihunijino 'uraha oha. Ijihuni maijaho ja Godira 'umenaana.

Epasasi 4:20

'Enakaivo ja 'unama ikehunakino Kerisoho hena kahuna niho'o pana.

Epasasi 5:17

'Enakúne papuruva reti'avara kaivo Natohwi jihuni ura ijija hena ka'avara.

Piripai 1:27

'Enakaivo joni kara 'unama mamaa ira maiu'ina ka'ene Jesu Keriso rone 'waramu ja'ina'e heha. 'E'irakúne na vu'e ja ki'eju ho na arema hi'ujaho nara hehuna'e ura reniujaho ja kisina'e namine oja 'ee vwiha kwisu rene ahume vu'a maiu'ina ka'ene nimaa roijihuna'e harura pina veju.

Piripai 1:9

'Ene na siporua 'ojujihuna'e jara ea 'aho'a oja mihujaho niho'o emarena parane 'ee joni henaka hami vwihane veji'ina'e rehuna.

Piripai 3:14

'Ene na harura ni'ima'ura vene va'e pa'arehuni vutuiji 'e'une eha ka'ene Godira Jesu Keriso oni vaji ichutoi huna'e 'umenuajaho apehuna.

Korasia 1:10

'Ene ja 'unama mamaa ka'ene Natohwiji ura renuja'ina'e one 'ee Huni hura ve'avara. 'Ene kaukara mamaa ka'ene ja vejujija 'ina rukina'e rene 'ee Godoni henaka vajijino emare'avara.

Korasia 2:6

'Enakaivo ja Jesu Keriso ka'ene Natohwiji apejarakúne Huni vaji 'uraho'avara.

1 Tesaronia 3:12

Natohwijara venae jara ea kwinu kwino oja 'ekaravura 'ee emaa maho'o oja 'ekaujaho emarene 'ee ameurahe arihama areri núra jonuna'i vejuja'ina'e renama.

1 Tesaronia 4:2

'Ejume nú Natohwa Jesuni harura vaji varapa raka ka'ene vajihajaho ja nihena kivu.

1 Tesaronia 5:12

'Enakaivo vwehu núne nú ja jarirame 'waravujaho ea ka'ene joni vaja kajino kaukara kikisina'e vene 'ee Natohwi jihuni vaji ja 'ajoha'e 'ee vu'a ka'ene pu 'waravujaho ta'arora'avara.

2 Tesaronia 1:3

Vwehu núne nú na'ia mapoka'e jonijihuna'e Godi teimani 'wavura. Ijihuni maijaho joni nimaa roijaho niho'o emarena paranu. 'Ene jara oja 'ekaravujaho 'u'o niho'o emarena paranu.

2 Tesaronia 2:1

Vwehu núne núni Natohwa Jesu Kerisora roakame núra ahume Hua'e piunahuniji 'wara'i veju.

2 Tesaronia 3:1

Vwehu núne túchamaijaho núni siporua 'ojakame Natohwi jihuni vu'akaho mamako rausahakame joni vaji pinana mamaa ka'ene 'urina ja'ina'e ea kajihipuni vaja 'u'o pinana 'uri'amana.

2 Tesaronia 3:13

'Enakaivo vwehu núne ja 'unama mamaa vehunijaho pasena'avara.

1 Timoti 5:21

Na Godiho 'ee Jesu Kerisoho 'ee Huni 'ona oji'ina ka'ene iji pijiha jihipuni una'i pa'uama 'ivi'i 'waravukúne ike 'unama nimaa kija hami 'ajohe ve'avara. 'Enakaivo ja paki'eje ira ka'ene ja najahume hejaja'ina'e vwihaji'i ve'ava. 'Ene oja ka'ene ronukwino rejujaho pasa'avara.

2 Timoti 4:1

Na Godiho 'ee Jesu Keriso puni una'i a Ira naja'amarono 'waravu. Ijihuni maijaho Hura Kinia'e rene hi'iro'amajino ea ka'ene mai'u hijura 'ee kwamasahajija 'otua vetihuna.

Hipuru 11:6

Ijihuni hahi nimairoa pa'a Godi veje teamahuna niho'o areri pa'ana. 'Ena'omo ea irara Godoni ro'amajaho Godi ijí hinuji nimaa ro'amana. 'Ene ea irara Hu sa'amajaho Hu eha maa vajihi'ina ro'amana.

Hipuru 13:16

'Enakúne ea 'aho'a ka'ene kukua pa'aji vajihuna pasena'avara. 'Ene mamaa vehunijaho parunami'avara. 'Unama ija'inijija Godi teamama paranuna.

Hipuru 13:22

Vwehu nune Na ja 'ejahiare'e na asura ma'uako vejukúne raka ka'ene 'waravukaho hami ve'avara.

2 Pita 3:18

'Enakaivo núni Natohwa 'ee Ni'ajúhi'ina Jesu Keriso oni maiji vwihani'ina 'ee henaka vajijino emare'avara. 'Ene iviamaakino rene va'e majama aneja púsa pa'ana 'ee pinana maijaho Huna. Ameni.

1 Joni 3:22

'Enakaivo nú Huni tamana vene uneunechaka Hura ura renuji hena vejujihuna'e nú raka'e jarivujaho Hu nú vajúhuna.