1 Tesaronia 2:13 - Godoni vuʼa maiuʼina

¹³ Ikehuni hahi nú 'u'o na'ia mapoka'e Godi teimani 'wavura. Ja vea ka'ene Godoni ira ike núnuna'i apejari veijaho ja emaapuni ira puna'a paapejara kaivo ja Godoni ira nimaa'e apeju ja'ina'e apejara. Ijihuna'e ja ea irara ijí ira kaji nimaa ronujaho joni vaja 'u'o kaukara venu.

1 Tesaronia 2:13 ပူးပေါင်းရင်းမြစ်များ

Matiu 10:20

'Enajihuna'e ijí vu'a kajaho a pana kaivo Amo oni 'Avenijara oni vaji 'warahuna.

Matiu 10:40

Ea irara ja hami 'ahiujaho pu Na 'u'o hami 'ahiu. 'Ene ea ka'ene Na hami 'ahiujaho pu Godi ka'ene Na ranamiume rouji 'u'o hami 'ahau.

Ruku 11:28

'Enakaivo Hu ijá 'wama Ea ka'ene Godoni vu'a hene vejujaho ijihija Godi merajihuna 'wamana.

Ruku 5:1

Na'ia pini Hu Jenesareti soha rorijino namine vu'a 'wara'eme ea mapoka Godoni vu'a kaji he'i 'ahiume ijí kahi piijaravi'i roajivara.

Ruku 8:11

Ike haa ikehuni maijaho ikena. 'Inijaho Godoni Irakena.

Ruku 8:21

Hu eha vene ijá 'iama Nuni oha 'ee Noin'u'uhija ea ka'ene Godoni ira hene veji'inijina 'iamana.

Joni 15:3

Nara vu'a ka'ene 'waravujara vejume joni mwina nipa'arejara.

Joni 17:17

Oni ira nimaakúne A Oni ira apena vena'e pu ea arira re'avara.

Joni 17:19

Puni hahijihuna'e Na Nuni haha pu mihuta. Ijihuni maijaho Oni ira ka'ene nimaijino veje pu ea arira re'avara.

Akisi 10:33

'Ejume pu a ahera'avarono na vea panisavuta vo irechamiuta. 'Ejume a niho'o mamaa vene roana. 'Ena'omo nú ja pu'úmo ahuma Godoni una'i hijukino Natohwijara vu'a ka'ene a 'waramaji 'waruma 'wamana.

Akisi 13:48

'Ejakame ijí Jenitaru kajija pu vu'a kaji henareja temarasahe 'ee Natohwi jihuni vu'ijaho ta'arohara. 'Ene ea ka'ene majama hihuna'e Godira iji pijihajija nimaa rojara.

Akisi 16:14

'Enakaivo napara pina huni iha Ritiane 'ee hu Taiataira ora kaivo hu ateha avi'ina vene ea 'aho'a 'imenauna 'ee Godi oja mahi'ina'omo Natohwijara huni oja jaraume Porura 'waramajaho hene venana.

Akisi 17:11

'Ejume ea ka'ene ijí hijujaho puni vwiha mamaa vwihaji'ina'omo pura Tesaronaika ora asitahara. Ijihuni maijaho pu Godoni irijaho ura rena parani'eme apene 'ee na'ia mapoka tahe 'ee 'eka manura vene kivura.

Akisi 17:32

Pu he'eme ijí kwama 'urina kaji 'waravume hejajaho ea 'aho'a ijasahume 'ee ea 'aho'a ijá 'wava Nú kú'o vu'a ikaho he'i 'ahúu 'wavara.

Akisi 2:41

Ea ka'ene vu'a kaji hene vejajija toi samahara. 'Ene ea ka'ene nimaa roji'ina mapoka (3,000) vea kajino huri rejara.

Akisi 8:14

Apasoru ka'ene Jerusaremi hijajipo hejajaho ea mapoka ka'ene Sameria hijajija Godoni ira hene apejuma henareja pu Pita'o Joni'o irechamiume va'ara.

Romani 10:17

'Enajihuna'e Keriso oni vu'a hejuri vajijino nimaaroijaho rouna.

2 Koritia 3:18

'Enakaivo nú maho'o núni Godi urania unenu'u 'aho'a pavahúnamúu'e navujihuna'e nú areri mane'a'e ahanihu ja'ina'e Natohwi jihuni hanaji'inijaho núni vaji majama ahanihuna. 'Ene nú ta'arohe Hu vare'ina'e rena apene ajima vai'i nahuna. 'Ene hahaji'ina kajaho Natohwa ka'ene 'Aveni jihuni vaji rouna.

Karesia 4:14

'Ene nuni haha vaji atamijaho jonuna'a ahija renana vo ja na papataarorihare 'ee pasenamana kaivo ja na areri Godi oni 'ona oji'ina 'ekau ja'ina'e apeniara 'ee Jesu Kerisora Ori roakame ape'ava ja'ina'e apeniara.

Korasia 1:6

Ijí vu'a maiu'ina kajara joni roaja'ina'e 'u'o 'e'une kwaa ararakino va'e hine majaa 'ina renu 'ee rausahe emarenu. 'Ene ni areri vea ka'ene ja Godoni maiji vwihanie ijihuni nimaiji hene kavume renaja'ina'e renu.

Hipuru 4:12

Godoni irijaho mai'o hiji'ini harurijara itu'o'una paranana. Huni enijaho so'wa ka'ene 'ena ronu ronujaho asitaha paranana. 'Ena'omo so'wa kajihuni enijara nuni ura 'ee vwihijaho 'uhua aruma va'e 'e'uhuna. 'Enareje núni oja ichá'inijaho najuha parahuna.

Hipuru 4:2

Godira 'ojuta hwehuni tinijaho amairiaramana. 'Ena'omo ijaho vu'a maa maiu'ina ka'ene iviamaa nú 'warumukaho nikwisu'ina kaji pu 'waravara. 'Enakaivo ijí vu'a kajara pu ni'ajihuna pana. Ijihuni maijaho Godira raka ka'ene 'waramajaho pu panimaa rojara.

Jemisi 1:18

Hu Huni ura ijino nú Huni vu'a nimaa vajijino nahenuana. 'Ejakame nú areri Hura uneunecha ka'ene vena jihipuni amurijihi re'avarono avanana.

1 Pita 1:23

Godoni Ira mai'o hiji'ina ka'ene majama nama vahuni vaji kú'o nahenaara. Ijihuni maijaho ja 'ina ka'ene pa'arehunijaho pana kaivo papa'arehunijino ja kú'o nahenaara.

1 Pita 1:25

'Enakaivo Natohwi jihuni Irijaho majama nama va'una'omo ijaho Ira ka'ene ja najahajina.

1 Pita 2:2

'Enakaivo musiapo musaru ura renau ja'ina'e ja Godoni Iriji ura rena'avara. 'Enareje veje ijara ja ni'ajihe maranie emarene 'uri'avara.

2 Pita 3:2

'Ejakame ja nitama poropetia ka'ene akuavi'inijihipo vu'a ka'ene 'waravara 'ee Natohwa ka'ene ni'ajúhi'ini jihuni tamana ka'ene apasoruepo 'waravajija vwihahuni jihuna'e veju.

1 Joni 3:3

'Enajihuna'e ea irara ike nimaaroakaho Huni vaji namujihuna'e hu ori'ini vejume arira maa renana. Areri Hu arira maija'ina renuna.