1 Tesaronia 1:6 - Godoni vuʼa maiuʼina

⁶ Ja 'u'o núra vejuja'ina'e vene 'ee Natohwijara venaja'ina'e vejara. Uneunecha sisea ani ani rejara vo ja Godi oni 'Avena vajijino teamana'eme ira ikaho apejara.

1 Tesaronia 1:6 ပူးပေါင်းရင်းမြစ်များ

Matiu 16:24

'Enarena Jesura Huni tisaiporu ijá 'iama Ei pini Nuni túna'i roi ve'amajaho hu huni oja maka'i kaivo huni korosia apene Na 'ararihi'amana.

Joni 8:12

Jesu kú'o ijá 'iama Na mwe'a kehuni hanaji'ina. 'Ena'omo ea irara Na 'ararihi'amajaho hu nututa niho'o areri paohuna. 'Enakaivo hu ira ka'ene majama hihunijaho apehuna 'iamana.

Akisi 13:52

'Ejumakame tisaiporua Godoni 'Aveni ruha apena parajukame niho'o teamana'eju'e hijura.

Akisi 5:41

Pu kanisoru puni una'i are'i kaivo arihe temaraji'i va'ajihuni maijaho pu Jesuni ihijihuna'e ea pu sise'i 'ahie 'ee juha apeja jihuna'e avajara.

Akisi 9:31

'E'eme sosia ka'ene Jutia hine Karari hine 'ee Sameria hijujija matausaha hiji'i emarene 'ee Natohwiji juhavi'i hijara. 'Ejume Godoni 'Avenijara pu soma'eju'e ea mapoka rena ajima va'ara.

Romani 15:13

Jara Godia ka'ene nimaa rojujara temara 'ee matauvi'ini samahakame jara nimaa rojajaho Godoni 'Aveni jihuni harura vajijino itusahe ameurahe ariha.

1 Koritia 11:1

'Enajihuna'e na areri Kerisora venujakaji na vejujihuna'e ja 'u'o nara vejuja'ina'e ve'avara.

1 Koritia 11:2

Ja uneunecha mapoka vajijaho na vwihaniu jihuna'e na iviama ja ta'arorahu. 'Enakúne tamana ka'ene nara ja vajihujija ija kisina'e 'uninamiu.

1 Koritia 4:16

Ijihuna'e na ja jariravukúne ja na'ia mapoka nara vejuja'ina'e hina ve'avara.

2 Koritia 6:10

'Ene areri temuki rarenuhuna vo majamano temarasahura. 'Ene uneunecha pa'ana vo nú venau'e ea mapoka puni hia areri renaura. 'Ene nú pa'ana vo nú uneunecha maho'o rukima'ura.

2 Koritia 8:5

'Ene ikaho núra ichá'ina'e vwihaji'i hijuja'ina pana kaivo Godira ura renuja'ina'e pu maraku'ijaho puni hia Natohwi jihuni ija tahi irechamareja iji'a nuni ija taha roara.

Karesia 5:22

'Enakaivo 'Aveni jihuni 'inijija ikena. Oja 'ekaravujine 'ee mari'uvujine matauma hijujine 'ee chochumano hijujine 'ee swasina rejujine 'ee mamaa vejujine 'ee paucha'asahi'i vena ihajinanavujina.

Epasasi 5:1

Ijihuni hahi areri sesahu nuna ka'ene oja mihi'inakije Godira venuja'ina'e ve'avara.

Piripai 3:17

'Ene vwehu nune ahume nuni ma'aja 'ahi 'ararihie one 'ee ea 'aho'a ka'ene núra oju'e kúvaja'ina'e ojujihi puni mwapunijihi ki'avara.

2 Tesaronia 1:4

Ijihuni maijaho jara nimaa rone 'ee ea 'ahopo ja sise'i 'ahiu'e haha hinavuri veijino kirasahe namiju jihuna'e nú Godoni sosia vajakaho ja rone ta'arorahe 'waravura.

2 Tesaronia 3:7

Ja ojo nihena kavu. 'Enakúne núra vejuja'ina'e niho'o ve'avara. Ijihuni maijaho jara nú kú'eje nú joni vaji karokaha vehuna niho'o pana.

2 Tesaronia 3:9

Nú jona'e venahu jihuna'e nú ja jarirave ja núni 'iruma venu'ipisa areri reja'a kaivo ja ija'ina venareje joni 'iruma 'ekahuni 'unamiji naja'iro 'ahiu.

2 Timoti 4:2

'Enakúne Irijaho naja'amana. Vea 'aha ho vea 'aha pana kaivo maiji amairiara'amana. 'Ene ni'ajihe amairie najahe 'ee ira kisina ni'ajihi'i 'urarahe 'warame 'ee hami chochumano masuanu hiji'i hami najaha 'wara'amana.

Hipuru 10:34

'Ene ea ka'ene tipurai irechamia jihipu'úmo ahuma sisea apejara. 'Ene uneunecha ka'ene ja 'ajohajaho 'etujihara vo ja teamana'eme matauvara. Ijihuni maijaho joni uneunecha mavarasa'ina ka'ene majama nahunijaho ijí 'ajiha namujaho ja nihejara.

1 Pita 1:6

'Enakúne ijihuna'e ja ni'ima'ura'e teamanaha. Iviamai ja muka tu'u'wi sisei hiju kaivo túna'ijaho ja teamanama parahuna.

1 Pita 1:8

Ja Hu pakavu vo ja Hu oja mahu 'ee ja Hu iviama pakavu vo ja Hu nimaa roju. Ijihuna'e ja ni'ima'ura temarasahe 'ee temara ka'ene niho'o ira areri pa'warahunijino aromahuna.

1 Pita 3:13

A mamaiji vehuna'e ura rena parana'amajaho ea irara a sise'i 'aha'ena?

3 Joni 1:11

Vwea nuna ka'ene na oja mahukera a paka'eje sisei jihuni 'unamijaho matesara'amana kaivo mamai jihuni 'unamijiru matesara'amana. Ea irara mamaaru venujaho hu Godi ona 'ee ea irara sisearu venujaho hu Godi pakamuna.