1 Pita 3:16 - Godoni vuʼa maiuʼina

¹⁶ 'Enakaivo oni vwiha veje arira'e re'amana. 'E'irakúne emaapo vu'a ira'atijino 'wame 'ee a ninama'avajaho oni kara mamaa ka'ene Keriso oni vaji namujara veje pu junahuna.

1 Pita 3:16 ပူးပေါင်းရင်းမြစ်များ

Matiu 5:11

Nunijihuna'e erapo ja ira sisea 'warame 'ararihie vu'a sisea ani ani'ina 'warame ijá veja ki'avajaho ja teamana'avara.

Akisi 24:16

'Enajihuna'e na na'ia mapoka harura vejukame nuni vwiha veju'e Godoni una'a 'ee emaapuni 'una'i arira'e navu'e na namihuna areri parenuna.

Akisi 28:22

Nú ea ikihi puni vu'a ani'ina'e 'wamape ojukame nú ura oni vwiha ijí he'i 'ahúu 'wavara.

Romani 9:1

Na Keriso oni vaji nimaa'e 'waravu. Na ira'ata paapeju kaivo nuni vwiha ijaho Godoni 'Avenijara nimaa ve'eju'e 'waravu.

2 Koritia 1:12

Ijihuna'e núra teamanumujaho ikena. Núni vwiha ijara 'warumujara nú Godoni maiji vwihanii'ina vajijino mwe'a ikehuni vaja 'ee jonuna'a kara mamaa vejara. Nú akuavare Godi ura renuni 'unamijino nimaa nimaiji vejara kaivo mwe'a kehuni vwiha ijihunijaho pana.

2 Koritia 4:2

'Enakaivo nú uneunecha ka'ene hemijija junuhuni jihuna'e niarevara. 'Ene nú ea papisimisame 'urahoju. 'Ene Godoni irijaho unenu 'aho'a ijí pu'úmo ahuvi'i 'warahuna pana kaivo nimaijino epuni una'a vene 'ee Godoni una'a 'u'o 'waravura.

1 Timoti 1:19

'Ene oni nimaaroijaho vwiha hami vwihaji'i 'ajo'amana. Ijihuna'e ea 'aho'a puni nimairoa pata'aroha jihuna'e pu sisima epuna'i tira'usahara.

1 Timoti 1:5

Nara vu'a ka'ene najahu jihuni maijaho oja 'unama mamaijino 'ekarame 'ee hami vwihane 'ee hami nimaa ro'avara.

2 Timoti 1:3

Godi ka'ene na Huni kaukara vejujaho areri sahunupo vejaja'ina'e nuni vwiha arira na'eju'e teimani 'wavura. Na majama na'ia veiri'a nuni siporua'e 'ojuri veijino a vwihanaura.

Taitasi 2:8

A niho'o vu'a maaru ea naja'amana. 'Ejakame ea pina a sisea areri pa'wara'amana. 'Ene ninakaravi'inijija junave nú ira sisea areri pa'waru'avara.

Hipuru 13:18

'Enavo nú joni vaji hina roujaho nú unenu pina venareje nú junuhuna pana. Nú raka ka'ene vejujaho ja kúvi'i núni hura vehuniji vwihaji'i vejura. Ijihuna'e núni siporua 'onu'avara.

Hipuru 9:14

'Enakaivo ikaho niho'o vwihaha! Niho'o ni'ima'urijaho ikena. Nú kwamasahuni 'unama ka'ene vejujaho Keriso oni 'aijara núni oja sovuma paranana. 'Enajihuni hahi Godi ka'ene majama hiji'inijaho nú oja mahe 'ee ta'arohu. Ijihuni maijaho Kerisora majama hinuni 'Avena vajijino ori'ini sisea pa'ajara núnijihuna'e Godina'i swasa ka'ene ariramaijaho venana.

1 Pita 2:12

Joni kara ijija Jenitaru puni vajijaho mamaa'e re'amana. Pu ja sisea namahe 'warahuna kaivo jara mamaa ka'ene ve'avaji kimareje vea ka'ene Hura 'aiha vei ro'amajaho Godi ta'aro'avara.

1 Pita 2:15

Ja 'unama ika'ina vejujaho Godoni ura. 'Ena'omo ja 'unama ariramaiji ve'avajaho ea ka'ene puruva reti'inijija puni vu'a pa'arehuna.

1 Pita 2:19

Ijihuni maijaho ea irara Godona venahuroji'i temuka 'ee siseisei hinuni vaja 'ee sise'i 'ahauri vajijino hura vene 'ee puni hari hinujaho Godi ura renuna.

1 Pita 3:21

Ikara najuhajaho Jesu Kerisora kwama 'urinaji matesarame toi sama najuhu kaivo toi samahujara ni'ajúhe veje núni haha chiha pa'arehuna areri pana. Ijaho vwiha samaa re'amarono Godi jarima 'waravu.

1 Pita 4:4

Ijihuna'e ea kajija pu maho'o tatavujaho ja kú'o puni pwinana'a pareju'e pu jonuna'i sisea vwihane ira sisea 'waravura.