1 Pita 1:25 - Godoni vuʼa maiuʼina

²⁵ 'Enakaivo Natohwi jihuni Irijaho majama nama va'una'omo ijaho Ira ka'ene ja najahajina.

1 Pita 1:25 ပူးပေါင်းရင်းမြစ်များ

Matiu 5:18

Na nimai nimai ja 'waravu ike akúpa mwe'akaho ni'aha kwino ijá pa'arehuna. 'Enakaivo unenu'u pina ma'uparitumaa ho ma'u'ua Godoni Iri jihuni vaji navujaho niho'o papa'arehuna kaivo ijá na'eje uneunechaka mapokijija roe areri rehuna.

Ruku 16:17

Mwe'a 'ee akúpakaho pa'arehuna kaivo Godoni ira niho'o papa'arehuna.

Joni 1:1

Nitamatama anejijaho Irijina. Irijaho Godi ahuma hinana. 'Ene Irijaho Godina.

Joni 1:14

'Ejume Irijaho roe haha apene nú pu'úmo ahuma hijume nú Huni hanaji'ina kavara 'ee Huni Hariha nikwinu'wi maa kajihuni hanaji'inijaho Amo ka'ene maiji vwihanúe 'ee nimaijihuni rena roana.

1 Koritia 2:2

Na ja pu'úmo hijuti veijaho jara Jesu Kerisoho 'ee Hua'e korosi 'anaajiru hena kahuna'e ura reniana.

Epasasi 2:17

'Ene Hu roe ja ea ka'ene karori kaheri hijajija matauma hihuni vu'a 'warame 'ee ea ka'ene nini hijujija 'u'o matauma hihuni vu'a 'waramana.

Epasasi 3:8

Na ea maho'o ka'ene nimaa roji'ina puni vaji túchamaa ijina vo ike maiji vwihani'inakaho na mihana. 'Ene Keriso oni vaji uneunecha mapoka mamaa ka'ene areri pamanura vene 'warahunijija Jenitaru naja'urono vajihana.

Taitasi 1:3

Huni vea apejume ike Huni vu'akaho najahe 'waravume samaa renana. Godi ka'ene núni Ni'ajúhi'inijara nara ve'urono 'warimana.

Hipuru 6:5

'Ene pu Godoni irijihuni maijaho hene 'ee harura ka'ene mai'o rohunijija nihena kavara.

1 Pita 1:12

Pu najahume kavajija pu pupusu pani'ajaravara. 'Enakaivo ja ni'ajihe ike uné raka ka'ene rejajija ea ka'ene vu'a maa maiu'ina 'waravi'inijipo Godoni 'Avena ka'ene akúpi 'ahi ranavume roajihuni vaji uneunecha ka'ene 'ona oji'inapo he'irono ura renaujija 'waravara.

1 Pita 1:23

Godoni Ira mai'o hiji'ina ka'ene majama nama vahuni vaji kú'o nahenaara. Ijihuni maijaho ja 'ina ka'ene pa'arehunijaho pana kaivo papa'arehunijino ja kú'o nahenaara.

1 Pita 2:2

'Enakaivo musiapo musaru ura renau ja'ina'e ja Godoni Iriji ura rena'avara. 'Enareje veje ijara ja ni'ajihe maranie emarene 'uri'avara.

2 Pita 1:19

Ijihuna'e nú niheju. Poropeti epuni ira vaji 'waramajaho roe nimaa'e renana. 'Ena'omo ja puni iriji hene ve'avajaho ja mamaa'e vehuna. Puni vu'a kajaho areri nahehai nututi hana'eju'e vea nitumu ja'ina. 'Ene areri moroi joni oja vaji roe ajimu ja'ina.

1 Joni 1:1

Nitama anejijaho ijí Ira kajaho ijí hinana'omo nú Hura iraka ka'ene 'warumajaho hene 'ee nú núni nii kame 'ee Hura raka ka'ene venajaho nú kame 'ee nú núni iji Hu 'unavaji rone veju. Ikaho Ira ka'ene majama hihunijina.

1 Joni 1:3

Iraka kame hejajaho nú ja 'u'o 'waravu. 'Ejakame ja nú pu'úmo hami vehuna. 'Ejume nú nimaa Amoho 'ee Huni Hariha Jesu Keriso pu'úmo hami veju.

Revaresiani 14:6

'Ejume vukú'o na ka'eme 'ona oji'ina pina ichutoi jaivi'i Godoni majama hihuni vu'a maiu'ina apene ea ka'ene mwe'i hijuji kwakwa maho'one 'ee arara 'ee ira ani ani'ina 'ee amuja mapoka 'waramana.