1 Pita 1:22 - Godoni vuʼa maiuʼina

²² Ja nimai ijihuni ira hena vejume joni oja maa renajihuna'e nimaa nimaa vwehu jona oja mi'avara. 'Ene oja vamaa kami rene roe oja 'ekara'avara.

1 Pita 1:22 ပူးပေါင်းရင်းမြစ်များ

Joni 15:17

Ikija Na ja 'waravukúne ea 'aho pu'úmo oja ma'ara'avara.

Joni 15:3

Nara vu'a ka'ene 'waravujara vejume joni mwina nipa'arejara.

Joni 17:17

Oni ira nimaakúne A Oni ira apena vena'e pu ea arira re'avara.

Joni 17:19

Puni hahijihuna'e Na Nuni haha pu mihuta. Ijihuni maijaho Oni ira ka'ene nimaijino veje pu ea arira re'avara.

Akisi 15:9

Hu kúmujaho núa 'ee pua ani'ina kaivo nimaa roijara puni oja vaji sisea soma amairiahana.

Akisi 6:7

'Enajihuna'e Godoni ira rausaha apene kwaa ara mapoka va'ana. 'Ejume pirisitia mapoka 'u'o nimaa rojara. 'Ene ea ka'ene Jerusaremi hijujija nimaa nimaa roji'ina mapoka mapoka rejara.

Romani 1:5

Huni vaji nú maiji vwihanúajaho apene 'ee apasorua'e rejajihuna'e nú Huni ihijihuni hahi Jenitaru maho'o 'warave roe hene nimaa rone vehuna.

Romani 2:8

'Enakaivo ea ka'ene pu pusumano vwiha'ika'i nimaiji pata'arohujaho 'ee uneunecha sisearu vejujija Godoni sena 'ee ajira pu mihuna.

Romani 8:13

'Enajihuna'e ja hahijihuni ura ijí veji'i hi'avajaho ja kwamasahuna kaivo ja 'Avenijara ura renuja'ina'e hijujaho ja hahijara raka ka'ene venujaho 'aniu'e pa'arenujihuna'e ja majama hihuna.

2 Koritia 6:6

'Ene ariramaaru vejara vaja hinaka vaja masuani ajuarasahe hijuri vaja 'ee mamaa'e vene ni'aja'aravura vaja 'ee Godoni 'Aveni jihuni vaja 'ee oja nimaiji mihuri vaji hijara.

Karesia 3:1

Karesia ora ka'ene vwiha pa'akije ea irara ja pisimiane? Jesu Keriso korosia 'ahi 'anaajaho na eriri joni una'a panajahume samaa'e parenane?

Karesia 5:5

Ijihuni maijaho nú 'Avena vaja 'ee nimairoa vajijino ariramaiji nimaa roji'i 'ajaha hiju.

Karesia 5:7

Ja nimamaa'e vejara vo irara tanu'urihu'e nimaijaho pavejo?

Epasasi 4:3

'Ene Godoni 'Avenijihi pu'úmo ahuma hijuri 'unamijaho hami 'ajohi'i matauvi'iniji vevahame hiha.

Piripai 1:9

'Ene na siporua 'ojujihuna'e jara ea 'aho'a oja mihujaho niho'o emarena parane 'ee joni henaka hami vwihane veji'ina'e rehuna.

1 Tesaronia 3:12

Natohwijara venae jara ea kwinu kwino oja 'ekaravura 'ee emaa maho'o oja 'ekaujaho emarene 'ee ameurahe arihama areri núra jonuna'i vejuja'ina'e renama.

2 Tesaronia 1:3

Vwehu núne nú na'ia mapoka'e jonijihuna'e Godi teimani 'wavura. Ijihuni maijaho joni nimaa roijaho niho'o emarena paranu. 'Ene jara oja 'ekaravujaho 'u'o niho'o emarena paranu.

2 Tesaronia 2:13

'Enakaivo vwehu núna ka'ene Natohwijara ja oja mihukije nú na'ia mapoka jonijihuna'e Godi teimani 'wavura. Ijihuni maijaho nitama anejijino Godira ja maranihuna'e iji pijihana. 'Ene 'Avenijara somahume ja nimaijaho nimaa rojara.

1 Timoti 1:3

Na Masatoniai va'irono a Epasasi hi'amarono 'ejahae 'waravu jihuni maijaho ea ka'ene vu'a ani'ina vajahuji tanu'urihe arehuna'e 'waravuta.

1 Timoti 1:5

Nara vu'a ka'ene najahu jihuni maijaho oja 'unama mamaijino 'ekarame 'ee hami vwihane 'ee hami nimaa ro'avara.

1 Timoti 4:12

'Ene veje a ea maiu'ini jihuna'e a túa paveta'avara. 'Enakaivo ara vu'a 'waramuna 'ee onuna 'ee oja mihuna 'ee nimaa ronuna 'ee arira maa ka'ene venujara ea ka'ene nimaa roji'inijija najahakame pu 'u'o ija'ina ve'avara.

1 Timoti 5:2

'Ene paranahijija ohuana'e 'waramu ja'ina'e 'warame 'ee 'asúrijija ma'ipuana'e 'waramu ja'ina'e arira'e vwihaji'i 'wara'amana.

2 Timoti 1:14

'Ene Godoni 'Avena ka'ene núni vaji hinujara ni'aja'eje mamaa ka'ene mahajaho 'ajo'amana.

Hipuru 11:8

Nimairoa vajijino Eparahamiho Godira 'umenajaho Huni ira hena venana. 'Enarena huni ara are'ika'ivo kwaa pina ka'ene Godira hu mahuna ka'ene nahama 'waramaji va'ana. Hu va'ajaho kwaa ichihicha va'u roji'i pakama paheji'i va'ana.

Hipuru 13:1

Vwehu jo pu'úmo oja ma'ara'avajaho majama nama va'amana.

Hipuru 5:9

Ijihuni hahi Godira vejume Hu Ni'ajúhi'ina Natohwa ariramaa renana. 'Ena'omo Jesuho majama hihuni Anesura'omo ea irara Huni ira hena ve'amajaho hu majama hihuna.

Hipuru 6:10

Godi nimaa nimaa'omo ja Huni iha 'ahijino kaukara ka'ene veji'i Hu oja mahe 'ee jara Godoni ehija ka'ene oja mihare'e ni'ajihe apena vai'i hijukaho Hu paruhuna.

Hipuru 9:14

'Enakaivo ikaho niho'o vwihaha! Niho'o ni'ima'urijaho ikena. Nú kwamasahuni 'unama ka'ene vejujaho Keriso oni 'aijara núni oja sovuma paranana. 'Enajihuni hahi Godi ka'ene majama hiji'inijaho nú oja mahe 'ee ta'arohu. Ijihuni maijaho Kerisora majama hinuni 'Avena vajijino ori'ini sisea pa'ajara núnijihuna'e Godina'i swasa ka'ene ariramaijaho venana.

Jemisi 1:21

'Enajihuna'e 'unama ka'ene chiha rukinijija 'ee sisea 'aho'a ka'ene joni vaji navujija maho'o irecha'i kaivo masuani ajuarasahe hi'avara.

Jemisi 4:8

'Ene Godoni nini roa paraha! 'Ejakame Hu joni nini roa paranama. Sisea veji'inakije joni ija sisea sove paranama. 'Ene vwiha no'o no'u'inikije joni oja veje ariramaa rejava.

1 Pita 1:2

Ehu nune ja nimaa rohunijaho Godi Amoho anejiji Hu nihena kimarena ijihuna'e ja iji pijihana. 'Ene Godoni 'Aveni venae ja marasahareje Huni 'aijara venae joni sisea pa'arehuna. Godira ja maiji vwihanie matauhunijaho joni vaji itu'ona parahuna.

1 Pita 2:17

Ea maho'o puni hura ve'avara 'ee vwehu jona oja mi'avara 'ee Godoni hura vene 'ee kinia huni hura ve'avara.

1 Pita 3:1

Napare 'unama nikwinu'ina kajino paruhu jopuni hari hi'avara. 'Ejakame parua 'aho'a ka'ene ike Irake pahene vejujija ira pa'warahuna vo napahwa puni kara ijipo venae pu nimaa rohuna.

1 Pita 3:20

Ijija maraku'ijaho vuataa paheji'ina'omo Noa oni veijino Godiho makivi'i vivinui 'ajiha hi'eju'e sisima venana. 'Ene ea iropu no'opisu toa 'aha kajino aherame roana.

1 Pita 3:8

Ike vu'ake tanuhunijaho ikena. 'Enakúne roe ja pu'úmo vwiha kwino vwihane 'ee ea 'ahopuna'i temuka apene 'ee vwehu núna oja mai vwihanie 'ee ja ea ichá'inijaho pavwiha'ika'i oja ajuarasaha.

1 Pita 4:17

'Enajihuna'e iviamaa aneja vene Godoni ehiji jihipuni vaja piuhiha kihuni veijina. 'Ena'omo núni vaji mako aneja ve'amajaho vi ea ka'ene Godoni ira pahene vejujija eha ichá'ina'e apeja'e?

1 Pita 4:8

'Enakúne maho'o oja vamaa kamino rena roe oja 'ekara'avara. Ijihuni maijaho oja 'ekaravujara sisea mapoka vahamauna.

2 Pita 1:7

'Ene Godoni 'unamiji vejuri vajijino vwehu jona hami 'ahi'avara. 'Ene vwehu jona hami 'ahiuri vajijino oja 'ekara'avara.

1 Joni 3:11

Vu'a ka'ene nitama aneja nú hejajaho ikena. Ja ea 'aho pu'úmo oja 'ekarahuna.

1 Joni 3:23

Ikaho Huni tamana. Nú Huni Hariha Jesu Keriso oni iha nimaa rone 'ee ea 'aho pu'úmo oja 'ekarahuna areri Hura 'waruma ja'ina'e vehuna.

1 Joni 4:12

'Enakaivo na'i pini ei pini Godi niho'o kahuna pana kaivo nú ea 'aho pu'úmo oja 'ekaravujaho Godi núni vaji hinuna. 'Ene Huni oja 'ekaravujaho núni vaja areri renuna.

1 Joni 4:20

Ei pini ijá 'imujaho na Godi oja mahu 'i'i kaivo vweaha kame semujaho hu ira'ata apene avanu. Ei pini hu ea nii huni kamujaho oja pamahu kaivo ichá'ina'e Godi ka'ene hu pakamujaho oja ma'ena?

1 Joni 4:7

Ehu nuna ka'ene na ja oja mihi'inakije veje ea 'aho pu'úmo oja 'ekara'avara. Ijihuni maijaho oja 'ekaravujaho Godoni rena roana. 'Enakaivo ea irara ea 'aho'a oja mihujaho hu Godoni vaji nahejara 'ene Godi hena kamuna.

Revaresiani 2:4

'Enakaivo joni vaja unenu'u pina kwinu senimu. Ijaho ja nitama aneji Na oja mihaja'ina ja Na oja pamihu.