1 Koritia 9:19 - Godoni vuʼa maiuʼina

¹⁹ 'Ena'omo na iviamaa emaapuni una'ijaho mataume oju. Ijihuni maijaho na ea maho'o puni pwea rejuta'omo na ea maho'o venae Keriso una'i ro ranahuna.

1 Koritia 9:19 ပူးပေါင်းရင်းမြစ်များ

Matiu 18:15

'Enakúne oni ei pini a sise'i 'ahaa ka'amajaho a'asu hemi va'e hu hu'úmo 'wama amairi'amana. 'Eje hu oni ira he'amajaho mamaa vehuna.

Romani 1:14

Na ura Kuriki 'ee ea ka'ene Godi pahena pakavi'ina 'ee ea ka'ene kama heji'ina 'ee ea ka'ene pahena pakavi'ina 'u'o ni'ajihe najahuna.

Romani 11:14

Nara Jua venakame pu Jenitaruapo raka ka'ene apejaji ura rena'e ariramaa ijí ape'avarono na 'unama savu.

Romani 15:2

Roe nú ja pu'úmo ea ka'ene núni rori hijujija veje teamanamava 'ee pu maranihuni jihuna'e ni'ajihe pu Godoni ira ija kisi apene puni una'i saname ve'avara.

1 Koritia 10:29

Na ike 'waravukaho oni vwiha ijí rone 'warahuna pana kaivo ea pinijihuniji 'waravu. Ijihuni maijaho ea pinijaho irakijihuna'e huni vwiha vajijaho nara matauma ojujaho 'eke manura vene ki'ena?

1 Koritia 10:33

Na uneunecha mapoka ka'ene ija'ina'e vejujaho ea maho'o teamanahuni jihuna'e veju. Na uneunecha ka'ene na'e maranihunijaho pasaravura. 'Enakaivo iraka ka'ene veje pua'e ni'ajihe maranihuniji saravura.

1 Koritia 7:16

'Ú napare a ichá'ina'e oni parua ni'ajahe Godoni ea rehunijaho hena kamo? 'Ene parue a ichá'ina'e oni napara ni'ajahe Godoni ea rehunijaho hena kamo?

1 Koritia 9:1

'Ú na pamataume ojura raka? 'Ú na apasorua pana raka? 'Ú na nuni Natohwa Jesu Kerisoho pakavuta raka? 'Ú ja nara kaukara kisina ka'ene Jesuni vaji vejujihuni eha pana raka?

2 Koritia 12:14

'Ene na ivi'a 'aha no'upisu ijí ja vu'e ki'irono amairiaravu. 'Ene na paveje jonuna'a ahija renahuna. Ijihuni maijaho na joni kukuiji 'eka'irono avahuna pana kaivo ja 'eka'irono avaju. Ijihuna'e sesahwapo emahwa puni uneunecha patamuvanihura kaivo emahwapo sesahwa puna tamuvaniura.

2 Koritia 4:15

Ike uneunecha maho'o ikija ja maranihuni jihuna'e veju. 'Ene maiji vwihaniujaho rausahe va'e ea mapoka puni va'u. 'Enajihuna'e ea mapoka teimani 'wame 'ee Godiho niho'o maho'o hura hara ta'arohuna.

2 Koritia 4:5

'Ene nú núni vu'a parone 'waravu kaivo Jesu Keriso Hu Natohwiji rone ja 'waravu. 'Ene nú Jesu onijihuna'e joni pwea rejara.

Karesia 5:1

Nú 'ahijaho unenu'a 'ahopuni harura hara pahihuni jihuna'e Kerisoho nú venume hanasina'e rejara. 'Enakúne majamano kisina'e rene namina va'avara kaivo kú'o pwea rene harura hari hijuja'ina'e pare'avara.

Karesia 5:13

Vwehu nune ijihuni maijaho ja unenu'u 'ahopuni harura hari pahihuni jihuna'e iji pijihana. 'Enakúne hanasina ka'ene jara apejujaho paveje hahijihuni ura ijaho pave'avara. 'Enakaivo oja 'ekaravuri vajijino ni'ajaravara.

1 Timoti 4:16

A oni hia orono hami 'ajo'amana 'ee hami kivi'i najahe 'ee 'unama iraka ka'ene nimaijiru ve'amana. Ijihuni maijaho a ija'ina'e ve'amajaho a orono ni'ajarame 'ee ea ka'ene oni vu'a hejujija ni'ajihe avahuna.

2 Timoti 2:10

Ijihuni hahi uneunecha mapoka ani ani'ina nuni una'i rejujija na ijihipuni vaja kajino kirane va'ura. Ijihuni maijaho ea ka'ene iji pijihajihi punijihuna'e avajura. 'Ejakame pu 'u'o roe Jesu Keriso oni vaji ni'ajihi'inijaho apene 'ee pinana ka'ene majama nahuniji 'u'o ape'avarono avajura.

1 Pita 3:1

Napare 'unama nikwinu'ina kajino paruhu jopuni hari hi'avara. 'Ejakame parua 'aho'a ka'ene ike Irake pahene vejujija ira pa'warahuna vo napahwa puni kara ijipo venae pu nimaa rohuna.