1 Koritia 6:9 - Godoni vuʼa maiuʼina

⁹ 'Ú ea ka'ene arira pahijujija Godoni ara areri pavahunijaho ja vi hena kavo? Ja paki'eje emaapo pisimi'ava. Ijihuni maijaho 'asúra kivasa ka'ene 'uasa veji'inijija 'ee ea ka'ene godia ira'ata'e oja mihi'ina 'ee ea 'ahopuni napara 'ee parua aherame oji'ina 'ee parua ka'ene puni haha 'eke monia 'imena'ina 'ee parua parua'e aherame 'oju'e 'ee napara napara aherame oji'inijija areria Godoni ara pavahuna.

1 Koritia 6:9 ပူးပေါင်းရင်းမြစ်များ

Matiu 19:29

'Ejakame ea ka'ene Nuni ihijihuni hahi puni ara irechame puni 'u'ua poka irechame 'ee ma'ipija irechame oha oma irechamie 'ee puni mwe'a irechame hariha irechamiu ijija pu niho'o eha mai mapoka mapoka 'ekahuna 'ee majama hihuna apehuna.

Matiu 25:34

'E'eje Kinijara ijí ea ka'ene Huni mana'inija'i hi'avajijahija ijá 'warahuna Roajiha Núni Omijara ja merajiharena nitama ike mwe'akaho mai'o pareji'ini joni kwaa ka'ene amairihaji apeha.

Ruku 21:8

'Ejume Hu ijá 'iama Ja hami ka'avara. 'Ejakame pu ea ja papisimi'avara. Ijihuni maijaho ea mapoka'e Nuni iha 'ahi roe ijá 'iahune Na Kerisona'omo vea niape'i venu 'iava he'avajaho niho'o pa'ararihi'avara.

Akisi 20:32

Godoni ija tahi irechamie 'ee Huni ira ka'ene mai ijí vaji irechamiura'omo ijara areri ni'aji'eje ja emarene 'ee Godoni ehipuni vaji ja joni aachia 'ekahuna.

Akisi 24:25

'Ejume Porura 'unama ariramaaru vehuna 'warame 'ee hia hami 'ajohuna 'ee Godira 'otua túna'i ni'ima'uraka vehunijaho 'waravume Pirikisiho ijí henarena tea juvume raname ijá 'wama Va hino'eje nara kú'o 'umena heji'i ro'amana 'wamana.

Romani 1:18

Godoni sena kahi akúpa 'ahi rena samai najuhujaho ea ka'ene arira pahine 'ee sisearu vene 'ee Huni 'unama nimaiji panajuhujija Godiho pununa'i sena venu.

1 Koritia 15:33

'Enakúne ja paki'eje emaapo pisivisa'ava. Ea sisesa pu'úmo ahuma ojujipo veju'e kara mamaa siserasahura.

1 Koritia 15:50

'Ena'omo vwehu nune na ijá 'iavu Haha 'ee 'aa rukinijaho Godoni ara kwaa pavahuna. 'Ene pa'areji'inijaho papa'arehunijaho areri paapehuna.

1 Koritia 3:16

Ja pahene pakavo? Ja Godoni Temiporua'omo Godoni 'Avena joni vaji hinu.

1 Koritia 5:1

'Ene vu'a ka'ene 'waravu'e hijujaho ijí joni vajijaho ea hine 'uasa veju. Ijí 'uasa vejuri 'unama kajaho niho'o Jenitarua puni vaja pareji'ini renu. 'Ene ea pina omahoni napara turame oji'i hinu.

1 Koritia 5:10

'Enakaivo na mwe'akino ea ka'ene 'uasa vejujihi rone 'warahuna pana. 'Ene ea ka'ene uneunecha rukina'e rehuna itunavi'inijija pane 'ee nesa apeji'inijija pane 'ee godi ira'ata oja mihi'inijija pana. 'Enakaivo na ijihi rone 'wara'ipisa ja mwe'akaho arema vaa'a.

1 Koritia 5:11

Nimaa'e na joni asura vene ea ka'ene nimaa roji'ina 'i'ika'i 'uasa veji'ina 'ee ea 'ahopuni kukua kima itunavi'ina 'ee godia ira'ata oja mihi'ina 'ee ea ira sisea 'waravi'ina 'ee ea ka'ene toa sisea isa'ora 'ee ea ka'ene nesa apeji'iniji'i paahume 'ee 'iruma paihuna'e rone vejuta.

1 Koritia 6:10

'Ene nesa apeji'inijija 'ee ea ka'ene uneunecha pupusumano rarena 'ekahuna itunavi'inijija 'ee toa sisea ine nanami'inijija 'ee ea sisea namahe ronahi'inijija 'ee ira'atijino pisimisame nesa apeji'inijija Godoni ara pavahuna.

1 Koritia 6:18

'Enakúne 'uasa vejujija juha'avara. Ijihuni maijaho sisea 'aho'a ka'ene emaapo vejujaho ijija haha huraruna kaivo ea irara huni haha ea irai 'uasa vejuri 'unamijino ahumujaho huni haha sise'i 'ahae avanu.

1 Koritia 6:19

'Ú oni hahakaho Godoni 'Avena ka'ene Godoni rena roana ka'ene oni vaji hinujihuni Temiporu ijaho a mai'o paheno? 'Enajihuna'e oni hahijaho a'asu onaru pana.

1 Koritia 9:24

Ja pavwihajo? Ea ka'ene chacharame ninukujahujaho ea maho'o ninukujahura kaivo ea kwinu eha apenuna. 'Enakúne eha apehuni 'unamijino chacharame ninukujaha.

2 Koritia 12:21

'Ene vea ka'ene na kú'o joni vu'ujino nuni Godijara venie na joni una'i vahi'a apehunijara tea junimu. 'Eje na ja'amu vehuna. Ijihuni maijaho ea mapoka ka'ene itunavume nimako rene hine sisea ka'ene vena apene roe 'ee hine hurecharame 'uasa vejajaho mai'o pataarohe puni sisea vwihane arevi'ina.

Karesia 6:7

'Ene ja papisivarame Godi sivaa'ava. Ijihuni maijaho ea irara hu uné raka uja 'onujija hu uneka kajihi jahene 'ekuna.

Korasia 3:5

Ijihuna'e joni haha pwinana'a vaji 'uasa vehuni 'unama 'ee huricharame 'ee sisea vehuna ura renae ituname 'ee jajaso uneunecha rukina'e rehuna itunavura ka'ene joni vaji navujija 'anie kwamasa'avara. Ijipuhipo joni godi ira'atijaho rejukúne 'ania kwamasaha!

Hipuru 12:14

'Enakúne ea 'aho pu'úmo oja sonaravi'i hi'avara. 'Ene ani ani pavene 'ee 'unama ariramaiji vehunijara ituna'avara. Ea irahipo ariramaa pa'ana re'avajaho Natohwijaho pakahuna.

Hipuru 12:16

'Enakúne joni vaji ea 'aho'a 'uasa pavene 'ee Godi pamatahareje Isora venaja'ina pave'avara. Hu 'iruma huni hahi poka huni harurijaho 'u'ua huna'i 'imenana.

Hipuru 13:4

'Ene ja napasi nene 'ee parui nejajihuni hura vene 'ee ijaho paruarahareje napara paturame 'ee parua patura'avara. 'Asúra kivasi 'uasa paveje 'ee napasina paruina pura parui nene 'ee napasi nejajaho paruarahe patura'avara. Ea ija'ina veji'inijija Godira eha sisea mihuna.

Jemisi 1:16

Vwehu núna ka'ene na ja oja mihi'inakije paveje ea ja pisivisa'avara.

1 Joni 3:7

Sesahu nune paveje ea 'aho'a ja pisivi'avara. Ea irara arira maiji venujaho hu arira. 'Ene Hu arimai ja'ina'e hu 'u'o arira.

Revaresiani 21:8

'Enakaivo ea ka'ene juvi'ina panimaa roji'ina sisea mama'ina veji'ina ea 'aniu kwamasahi'ina 'uasa veji'ina ea masihavi'ina icha muni godi ira'ata veji'inijija 'ee ira'asina ea ija'ini jihipuni tinijaho vena ni'ima'ura marekiji'i reji'i nahúna namuji rehuna. Ijaho kú'o kwamasahunijina.

Revaresiani 22:15

'Enakaivo ara natohwa kajihuni samaijaho 'ua 'ee ea masia rukina 'uasa veji'ina ea 'aniu'e kwamasahi'ina godi ira'ata icha muni veji'iniji oja mihura 'ee ea ka'ene ira'ata vehuniji oja mihi'inijija samai hina apena vahuna.