1 Koritia 5:10 - Godoni vuʼa maiuʼina

¹⁰ 'Enakaivo na mwe'akino ea ka'ene 'uasa vejujihi rone 'warahuna pana. 'Ene ea ka'ene uneunecha rukina'e rehuna itunavi'inijija pane 'ee nesa apeji'inijija pane 'ee godi ira'ata oja mihi'inijija pana. 'Enakaivo na ijihi rone 'wara'ipisa ja mwe'akaho arema vaa'a.

1 Koritia 5:10 ပူးပေါင်းရင်းမြစ်များ

Ruku 18:11

Ea ka'ene Parasi ijaho huhusu namiji'i siporua ika'ina'e 'onana. Godi teimani 'wavujaho na ea 'aho'a ka'ene pu pusumano vwihane 'ee ira'ata apene 'ee napara hurichavu ja'ina pana. Na A teimani 'wavu. Ijihuni maijaho na ea ka'ene takisia'e apeji'ina ka'ene kame naminu kaji vare'ina pana.

Joni 15:19

Ja mwe'a kehuna re'ipisa ja hunijihuna'e hu ja oja miha'a. Ja mwe'a kehuni vajakino Nara ja iji pijihe 'ekauta. Ijihuna'e mwe'akaho ja senavu.

Joni 17:6

Ea ka'ene Ara Na mwe'i vajihajija Na A rone pu najahuta. Pu Oni ea kaivo A Na vajihajija pu Oni ira hena veju.

Joni 17:9

Na puni siporua 'oju kaivo Na mwe'a kehuna pa'oju. Ea ka'ene A Na vajiha jihipuna'e 'oju. Ijihuni maijaho pu Oni eijihuna'e Na puni siporua 'oju.

Joni 8:23

Hu pu ijá 'iama Ja mwe'a harake ora kaivo Na ichutohuna. 'Ene ja mwe'a kehuna kaivo Na mwe'a kehuna pana.

1 Koritia 1:20

'Ene ea ka'ene vwiha mamaijija ichihune? 'Ene Sikuraipia ichihune? 'Ene ea ka'ene mwe'a kehuni vwiha rukina ka'ene ninakaravi'inijija ichihune? Godira mwe'a kehuni vwiha mamaijija 'eka venaume vwiha pa'ana'e rejara.

1 Koritia 10:27

'Ene ea pina panimaa roji'ini a va'e hu hu'úmo 'iruma i'amarono 'warave he'amajaho va'e uneunecha ka'ene hura venajaho matauma i'amana kaivo oni vwiha ijihuni hahijihuna'e paapo'amana.

1 Koritia 5:11

Nimaa'e na joni asura vene ea ka'ene nimaa roji'ina 'i'ika'i 'uasa veji'ina 'ee ea 'ahopuni kukua kima itunavi'ina 'ee godia ira'ata oja mihi'ina 'ee ea ira sisea 'waravi'ina 'ee ea ka'ene toa sisea isa'ora 'ee ea ka'ene nesa apeji'iniji'i paahume 'ee 'iruma paihuna'e rone vejuta.

1 Koritia 5:9

'Enajihuna'e na nuni asura vaji vene 'waravujaho ja ea ka'ene marisi 'uasa veji'inijihi pu'úmo paahuhuna'e 'waravuta.

2 Koritia 4:4

Mwe'a kehuni Godijara ea ka'ene panimaa roji'ini jihipuni vwiha ijija tanu'urihu'e puruva retiu. 'Eju'e vu'a maa maiu'ini jihuni hanaji'inijaho 'ee Keriso oni mamaijaho pahena pakavu. Hu Godi arerina.

Epasasi 2:2

Ja nimako ijaho ike mwe'a kehuni 'unamijino 'urahe ojara. 'Ene 'avena sisea ka'ene ichutoa 'ajohu jihuni harura hari ojara 'ee hu ea ka'ene vu'ataa paheji'ini jihipuni vaji iviamaa kaukara venujina.

Piripai 2:15

'Ejakame ja Godi oni harihija ka'ene sisea pa'ane sisea paveji'ina 'ee sisea panamahi'inijihi rene ike ea ka'ene arira pave'i kaivo ani ani veju kihipuni vajijaho ira puna'e rene mwe'i hana'avara.

1 Joni 4:5

Pu mwe'a kehuni jihuna'e pu mwe'a kehuneru 'wavura. 'Eju'ukamare'e mwe'a kehuni eijija puni iraru hejura. Mwe'a kehuni siseijara pu renaura.

1 Joni 4:7

Ehu nuna ka'ene na ja oja mihi'inakije veje ea 'aho pu'úmo oja 'ekara'avara. Ijihuni maijaho oja 'ekaravujaho Godoni rena roana. 'Enakaivo ea irara ea 'aho'a oja mihujaho hu Godoni vaji nahejara 'ene Godi hena kamuna.

1 Joni 5:19

Nú niheju. Nú Godona kaivo mwe'akaho maho'o 'avena sisei jihuni harura hari namu.

Revaresiani 12:9

Ijí anaka ni'ina ka'ene pi'onavajaho hu tapara nitama orijine huni iha 'u'o 'avena sisea 'ee Setanina. Hu ea maho'o ka'ene iki mwe'i hijujaho pisimiu jihuna'e hu huni 'ona oji'inijihi pu'úmo ato'arumaume mwe'i roara.