1 Koritia 4:6 - Godoni vuʼa maiuʼina

⁶ 'Ena'omo vwehu nune na iviamaa uneunechakija nuni toi veji'i hiju'e Aporasi 'u'o jonijihuna'e ija'ina venu. 'Ejakame ijí iraka ka'ene vene 'waravajaho ja núni vaji hena kúme vehuna. 'Ejakame ira ka'ene vene 'waravajaho ja paasisame kaha'ahuni va'e 'ee ea 'aho pu'úmo ninakarame jarika pare'avara.

1 Koritia 4:6 ပူးပေါင်းရင်းမြစ်များ

Akisi 18:24

Jua ea pina huni ihijaho Aparasina. Hu Arekisanituria nahejara 'ee vu'a arira 'waravi'ina'omo hu roe Epasasi hinana. 'Ene hu Godoni ira hena kavi'ina.

Akisi 19:1

Aparasiho Koriniti hi'eme Poruho 'unama hurunami Epasasi roe tisaiporua 'aho'a piunimana.

Romani 12:3

Ijihuni maijaho Godi na maiji vwihaniarena na Huni pwea re'urono iji pijihana. Ijihuna'e ja eaka mapokakihi ika'ina 'waravu. Ja joni haharu vwihanareje pa'unirame 'eke ichutoi 'ahasiri'avara. Vea ka'ene ja joni haha vwihajuri veijaho ariramaaru vwiha'avara. 'Enakúne veje ea kwinu kwino Godira hu nimairoa ichá'ina'e vajahajaho vwihaji'i hi'amana.

1 Koritia 1:12

'Ejume na iviamaa raka ka'ene rona 'waravujaho ikena. Ja ea kwinu kwino na Poru 'ararihau 'iavu'e 'ee vu ea pina na Aporasi 'ararihau 'iavu'e 'ee vu ea pina ija 'iamo Na Sipasi 'ararihau 'iavu'e vu ea pina ijá 'iamo Na Keriso 'ararihau 'iamu.

1 Koritia 1:19

'Enajihuna'e Godoni ira vaji ika'ina vejara. Nara ea ka'ene vwiha mamaijihi puni vwiha ijija ruarahe pa'arehuna. 'Ene ea ka'ene hena kama paraji'ini jihipuni henaka ijija 'eka karaa rori 'aninamihuna 'wamana.

1 Koritia 1:31

Nitama Godoni ira vaji ika'ina vejara. Ea irara kehi kehi o'iro 'aha'amajaho Natohwi jihuni vaji kehi kehi o'amana.

1 Koritia 13:4

'Ene oja mihuni 'unamijaho masuanu ajuarane hijujine oja mihuni 'unamijaho epuna'i mamaa'e vejujina kaivo paajiname oja sisea vwihajura. 'Ene oja mihuni 'unamijaho pajarika rene 'ee kehi kehi vejura.

1 Koritia 3:19

'Ene ike mwe'a kehuni vwiha mamaa ijija Godoni una'ijaho maa pana. Ijihuni maijaho Godoni ira vaji ika'ina vejara. Hura Huhusu ea ka'ene vwiha mamaa ijija puni pisivaraa vajijino iji 'uniramuna 'iamana.

1 Koritia 3:21

'Enakúne ja paki'eje emaapuni vwiha ijija'e 'ararihie kehi kehi o'ava. Ijihuni maijaho uneunecha maho'o ikija jona.

1 Koritia 5:2

'Ene ja ijihuna'e kehi kehi o'i kaivo patemukavu. 'Ena'omo maijaho ja temuka apene ea ka'ene joni vaji ija'ina'e venajaho ranave samai vahune sa'inijaho avaju.

1 Koritia 5:6

Jara jarika'e rejujaho mai'o maa pa'ana. Ja isitia ma'u'umaijipo harava maho'o arumau'e ni'ima'ura'e renujaho ja vi kivure?

1 Koritia 8:1

Iviamai godi ira'atijihi puni swasa vene 'iruma vajihu jihipuna'e 'waravu. Nú nihena kavu nú ea maho'o henaka rukina. 'Ene henaka pu veju'e kehi kehi vejura kaivo oja 'ekaravujara ni'ajihe 'unirame 'urinaura.

1 Koritia 9:23

'Enajihuna'e na vu'a maiu'ini jihuni hahi uneunecha maho'o veju. 'Enajihuna'e na ea pina ka'ene ijihuni eha apehunijina.

2 Koritia 10:12

Nú harura pa'ana'omo nú pa'eke manura vene irechamie ea 'aho'a ka'ene opu rone 'waravu ja'ina pavejura. 'Enakaivo vea ka'ene pu opo manura vene pirahujaho pu pahene pakavi'ina'e kavu.

2 Koritia 10:15

Nú areri núni chahijaho paasime ea 'ahopo kaukara ka'ene vejajihuna'e ta'arosarahuna. 'Enakaivo nú vwihajujaho joni nimaa roijara 'urine emare'amajino núni kaukara ka'ene joni vajijaho 'urine natohwa'e rene rausaha parahuna.

2 Koritia 10:7

Ja hine uneunechakija ma huri pu ichá'ina navuja'ina'e kivu. 'Enakúne ei pini huhusu hu Keriso oni ea renaji niarerina ro'amajaho maka'eje hu ikaho kú'o ori'ini huni vaji vwiha'amana. Hu Keriso oni ea renajihuna'e nú 'u'o rejara.

2 Koritia 11:4

Ijihuna'e ei pini roe Jesu pina ka'ene nú panajahaji roe naja'ena ho 'avena pina ani'ina ka'ene jara apeja ja'inijaho pana ka'i ani'ina ho vu'a maa maiu'ina ka'ene jara apeja ja'inijaho pana kaivo ani'iniji najahe ja ijihi nimaa vena'e ve'avarono tea junimu.

2 Koritia 12:19

Jara hine vwihana apene roujaho núra raka ka'ene 'waravujaho nú núni haha anakarame ijihuna'e 'waravu roju. 'Enakaivo nimaijaho Godoni una'i nú Keriso oni vaji ja oja mihujihuna'e ja vena'e marasahe 'uri'avarono 'waravu.

2 Koritia 12:20

Ijihuna'e na vea ka'ene kú'o 'uname roujaho jara ichá'ina ka'ene rehuna'e na vwihajujaho parena vehunijara na oja hianimu. 'Ene nara ichá'ina ka'ene veje ja ura parenahuniji vwihaju. 'Ene joni vaja hine 'ura'aravu ho ea 'ahopuni kukui jihuna'e sename ajinavu ho ajiri pivaroramu ho 'ura'arame ninakaravu ho ea ira'atijino namahe 'wavu ho epuni vu'a sisea ronahu ho jarika reju ho 'ee uneunecha mai'o ura arini paname 'ee pareju.

2 Koritia 12:6

Ijihuna'e na ura temara'i 'ahi'amajaho na vwiha papuruva reti'ina'e re'eju. Ijihuna'e na nimaiji rone 'warahuna. 'Enakaivo na ijaho pa'warahuna. 'Ejakame ei pini iraka ka'ene nuni vaji kime 'ee nununa'i henujiru aromihuna.

2 Koritia 4:15

Ike uneunecha maho'o ikija ja maranihuni jihuna'e veju. 'Ene maiji vwihaniujaho rausahe va'e ea mapoka puni va'u. 'Enajihuna'e ea mapoka teimani 'wame 'ee Godiho niho'o maho'o hura hara ta'arohuna.

Korasia 2:18

Ja paki'eje ea 'ahopo ja pisimisave joni haha ruarahe 'ona oji'ina oja mihuna'e 'warame visoni toi namuji'i ike veha 'iame 'ejahie 'ee puni vwiha ijí ani ani kehi kehi veji'i 'waravakame joni eha ka'ene 'ekahunijihi are'ejakúne hena pavanami'avara.

1 Tesaronia 1:5

'Enajihuna'e vu'a maa maiu'ina ka'ene nú apena roajaho iraru pa'waravara kaivo harura 'ee Godoni 'Avena vaji roe raka ka'ene núra 'waravajaho nimaa hene ja nimaa rojara. 'Ene nú jonijihuna'e ichá'ina ka'ene hijajaho ja nikúvara.

2 Timoti 2:10

Ijihuni hahi uneunecha mapoka ani ani'ina nuni una'i rejujija na ijihipuni vaja kajino kirane va'ura. Ijihuni maijaho ea ka'ene iji pijihajihi punijihuna'e avajura. 'Ejakame pu 'u'o roe Jesu Keriso oni vaji ni'ajihi'inijaho apene 'ee pinana ka'ene majama nahuniji 'u'o ape'avarono avajura.