1 Koritia 4:5 - Godoni vuʼa maiuʼina

⁵ 'Enajihuna'e marako vu'a nimaijaho pahe'i kaivo ea namaha va'ava. 'Enakaivo masuani 'aja'eje Natohwijara ro'amajino iraka ka'ene nututi tanume navujija veje roe samaumaa re'amana. 'Ene emaa huni oja vaji ichá'inijaho Hura veje roe samaumaa'e rehuna. 'Ejakame ea kwinu kwino ta'arorahujaho Godina'i rena rohuna.

1 Koritia 4:5 ပူးပေါင်းရင်းမြစ်များ

Matiu 10:26

'Enajihuna'e ja ea 'aho'a pajuha'avara. Ijihuni maijaho uneunecha mapoka ka'ene vaji navu'e ea mapoka pakivura'omo túna'i sama hirahuna. 'Ene ea mapoka ni'i ni'i hemi navujaho hena kihuna.

Matiu 24:30

'E'eje ijá re'eje ijihuna vaja kajino Ema Puni Harihijihuni aacha ka'eje ijí 'imitia vaja kajino harura ni'ima'ura hanaji'iniji'i roakame eaka mapoka ka'ene mwe'akaki hijujijahija pu kamareje niho'o niramaruma parahuna.

Matiu 24:46

Vea ka'ene huni natohwijara roi'i kave huni pwea kaukara veji'i hi'amajaho hu merajahuna.

Matiu 25:21

'Ejumakame huni natohwijara ijá 'wama Mamaa'e venana. A nuni pwea mamaa ka'ene vene ihajinanavi'inakera a nuni kukua ma'u'uakaho areri venajihuna'e na ranamae nuni kukua mama'ina 'ajohihe ijihuni húmata re'ena. 'Enakúne oni natohwi jihuni temara vaji ro aruma 'wamana.

Matiu 25:23

'Ejume huni natohwa kajara ijá 'wama Mamaa'e venana. A nuni pwea mamaa ka'ene vene ihajinanavi'inakera. A nuni kukua ma'u'umaakaho areri venajihuna'e na ranamae nuni kukua mama'ina 'ajohihe ijihuni húmata re'ena. 'Enakúne oni natohwi jihuni temara vaji ro aruma 'wamana.

Ruku 6:37

Ja ea 'aho'a panama'irakúne Godi ja panamahuna. Ja ea 'aho'a parona'irakúne Godi ja 'u'o parona'amana. Ea 'ahopuni sisea vwihane are'irakúne Godira joni sisea vwihana are'amana.

Joni 21:22

Jesu ijá 'wama Na ura eakaho hina apena va'eje Na kú'o rohuna re'ipisa ijaho oni kaukara panakúne Na 'ararihia roa 'wamana.

Joni 21:23

Pu vwehwaha ijí henareja 'wama apene oji'i ijá 'wava Ike tisaiporuakaho pakwa'ena 'wavara. 'Enakaivo Jesu hu pakwa'ena pa'iamana. 'Enakaivo Na ura eakaho hina apene va'eje Na kú'o rohuna re'ipisa ijaho Nuni kaukara 'wamana 'iamana.

Joni 5:44

Ja ojono ta'arosara'i kaivo Godi ka'ene nikwinu'wi maijara ja ta'arorahunijaho pasara'avajaho ja ichá'ina'e nimaa ro'eja?

Romani 14:4

A ea irana'omo ea pipuni pweijaho namaho? Hu 'onu ho naminujaho huni natohwijihuni temuka kaivo Natohwijara veje hu kisina namihuna.

Romani 2:1

'Enavo ijihuna'e joni 'unama pina panamu. Ja ea irahipo ea 'aho'a namahujaho joni 'unama pina panamu. Ijihuni maijaho a ea irara ea 'aho'a namahujaho a orono oni ahija'e vene avanu. Ja ea irahipo ea 'aho'a namahujaho iraka ka'ene pura vejujaho ja 'u'o ija'ina vejura.

Romani 2:16

Ijí vea kajino Godira emaapuni hema Jesu Keriso oni vaji namahuna. Ikaho nuni vu'a.

Romani 2:29

Ea ka'ene Jua nimaa nimaijaho 'Avenijara huni oja vaji sisa 'uhuahajina kaivo varapa 'ararihau jihuna'e Jua rehuna pana. 'Enajihuna'e emaapo hu aromahuna pana kaivo huni arovu ijaho Godina'i rene rouna.

Romani 2:7

'Enakaivo ea ka'ene na'ia mapoka'e masuani hine mamaa vene 'ee pinana maiji sarame 'ee hura vene 'ee uneunecha ka'ene majama nahuniji saravujija Hu majama hihunijaho pu mihuna.

1 Koritia 1:7

'Enajihuna'e núni Natohwa Jesu Kerisora rohuni veiji 'ajahuri vajakaho Godoni swara papivusahuna.

1 Koritia 11:16

'Enakaivo ea irara hu ijihuna'e ura'e chicha ve'i ve'amajaho nú 'unama 'aho'a 'ararihihuna pa'ana. 'Ene Godoni sosijara 'unama 'aho'a 'ararihihuna pana.

1 Koritia 11:26

Vea irakijino ike puretia ike ine 'ee kapusi toa 'eke i'avajaho ja Natohwijara kwamaji 'wame nasaravi'i inava'e Hura ro'amaji 'e'u'avara.

1 Koritia 15:23

'Ena'omo 'oi'oi huni 'unama namu. 'Ejume Kerisora amura 'urinana vo túna'i Kerisora ro'amajino Huni ehija 'u'o 'urihuna.

1 Koritia 3:13

'Ena'omo vea nituma roe sa'eje ea kwinu kwino puni kaukara ichá'ina ka'ene venujaho 'otua veijino veni vena kive samaa'e rehuna. Ijihuni maijaho vena kajara huhusu ea irara uné raki 'eke ara venajaho vena kihuna.

1 Koritia 3:14

Ea irara huni ara uné raki apene venajara parene ari'amajara hu eha mamaa apehuna.

1 Koritia 3:8

Ijihuna'e ea ka'ene 'ina 'onuji'o toa vajihuji'o nikwinu'ina. 'Enakaivo ea kwinu kwino pura kaukara ka'ene vejaja'ina'e eha ija'ina'e 'ekahuna.

2 Koritia 10:18

Ijihuna'e ea ka'ene ori ta'arosaramujaho nimaa vetihuna pana kaivo Natohwijara nimaa vene ta'arohe 'waramujarana.

2 Koritia 10:9

Ijihuni maijaho nuni asura ikipo veje ja tea junahunijaho na ura pareniu.

2 Koritia 4:2

'Enakaivo nú uneunecha ka'ene hemijija junuhuni jihuna'e niarevara. 'Ene nú ea papisimisame 'urahoju. 'Ene Godoni irijaho unenu 'aho'a ijí pu'úmo ahuvi'i 'warahuna pana kaivo nimaijino epuni una'a vene 'ee Godoni una'a 'u'o 'waravura.

2 Koritia 5:10

Ijihuna'e nú ea maho'o Keriso oni 'otua asúki ijihuni una'i namihuna. 'Ene nú ea kwinu kwinu núra hahiji'i hijari veijino ichá'ina ka'ene mamaa ho sisea vejajaho eha areri ija'ina'e apehuna.

1 Tesaronia 5:2

Ja ijaho ni maho'o hejume pa'arena ja'ina'e Natohwi jihuni veijara ro'amajaho areri nesa apeji'inijara na'i rouja'ina'e rohuna.

Hipuru 4:13

Uneunecha mapoka ka'ene venaji paki'eje nahuna pa'amaa. 'Ene uneunecha mapokakija Huni nia 'ahijaho samaumaa areri maisu namijuja'ina. Ike Godikara raka ka'ene nú vejujaho veje samaahiravakame nú ijihuni maijaho Hu 'warahuna.

Jemisi 4:11

Vwehu nune ira kisina 'wame ninakaravi'ina pareha! Ea irara huni vwea ira kisi niname 'ee namahujaho hu varapiji niname 'ee namaha avanu. 'Enakaivo ja varapiji nama'avajaho ja varapa 'ararihai'ina pana kaivo ijí namahi'ina.

Jemisi 5:7

'Enajihuna'e vwehu nune masuani ajuarasahe hina va'eje Natohwijaho ro'amana. Ea ka'ene juara 'oji'inijara huni uja mavarasa'ina ka'ene mwe'a vaji irechavu'e navujipo nehi pine sona'eje marasa'avarono masuani 'ajiha hinujaho kaha.

Jemisi 5:9

'Enakúne vwehu nune pasu'arame ninakara'avara. 'Ejakame ja panama'avara. Heha! 'Otua heji'inijaho vwicha jiamai naminu.

1 Pita 1:7

'Ene joni nimairoa ijara korutia asimana'omo korutia ka'ene siserane 'ee pa'arehunijija veni vena kivuja'ina'e joni nimairoa vena kive roe areri rena parahuna. Jesu Kerisora ro'amani veijino ja ta'arorahe joni pinana veje 'urine 'ee joni iha ichutoi rehuna.

1 Pita 5:4

'Enakúne vea ka'ene Sipia 'Ajoha'ina Natohwijara ro'amajaho ja pinana mamaahuni i'esa ka'ene majama nahuniji 'ekahuna.

2 Pita 3:12

Ja Godira marako ro'amajina roju. 'Enakaivo ijí vea kajaho ichutoi kahija veni reje pa'arehuna 'ee uneunecha ka'ene ichutoi navujija vena uhoi ni'ima'uri rena'e hirama arihe pa'arehuna.

2 Pita 3:4

'Ene pu ija'ina 'ihuna Hura rohuna ka'ene nahama 'waramajaho ichí roo? 'iame 'ijahe 'warahuna. Ijihuni maijaho uneunecha ka'ene mai'o mwe'a aneja vejajino rene roe emahu núpo kwamasahajino unenu'u pina ani'ina pare'eju'e nija'ina'e navu 'iahuna.

Juta 1:14

'Ene ike 'unama nikwinu'ina ka'ina'e Inakira Atamu oni amuhija iropu no'o pa'are'eme iraka ka'ene túna'i rehuniji kime ijá 'iama Kaha! Natohwijaho Huni ehija ka'ene arira maijihi pu'úmo ea niho'o mapoka mapoka asisame roara.

Revaresiani 1:7

Ike kaha! Hura ro'amajaho Hu akúpa 'ahi 'imitiji'i rohuna. 'E'eje ea mapoka Hu nii mai kahuna. 'Eje ea ka'ene Hua'e 'anaa pijahajija 'u'o Hu kahuna. 'Ejakame araraka mapokakaho eaka mapoka ka'ene hijujija pu puni niijikano maho'o kamareje niho'o temukave niramaruhuna. Nara raka ka'ene iviamaja ja 'waravukaho niho'o nimaa. Ameni.

Revaresiani 20:12

'Ena'omo ea kwamasahi'ina kivuta. Ea mama'ina ea ma'u'umaa ijá toronu una'i nami'eme puka jarasamana. 'Enarena puka pina apena jaraajaho majama hihuni puka. 'Ena'omo ea ka'ene kwamasahajija pura raka ka'ene vejajija puka 'ahi kivi'i 'otua vetiana.