1 Koritia 4:10 - Godoni vuʼa maiuʼina

¹⁰ Nú Keriso onijihuna'e vwiha pa'anepo vejuja'ina'e veju kaivo ja Keriso oni vaji hami vwihaji'ina reju roju. 'Ene nú harura pa'arenujaho ja harura rukina roju. 'Ene pu ja 'eke niriri irechamiura kaivo pu núni hura pavejura.

1 Koritia 4:10 ပူးပေါင်းရင်းမြစ်များ

Matiu 24:9

'Enajihuna'e ea 'ahopo ja 'eka sise'i 'ahie 'ee 'anie kwamasahuna. Ijihuna'e kwaa araka mapoka kijahija Nuni ihijihuni hahi ja niho'o senama paranihuna.

Matiu 5:11

Nunijihuna'e erapo ja ira sisea 'warame 'ararihie vu'a sisea ani ani'ina 'warame ijá veja ki'avajaho ja teamana'avara.

Ruku 10:16

Ea irahipo joni ira he'avajaho pu Nuni ira hene avahuna. Ea irahipo jaa'e pataarora'avajaho Naa'e pataarorihe avahuna. Ea irara Naa'e pataarori'amajaho hu Godi ka'ene Naa'e ranamiume rouji pataarohe avahuna 'iamana.

Ruku 18:9

'Enarena Hu haa ike 'u'o ea ka'ene pu pusumano arira maa ro'ika'i ea 'aho'a senavujihi 'waramana.

Ruku 6:22

Ja Emaa Puni Harihijihuni hahi emaapo kima sename 'ee pataarorahe 'ee ira sisea namahe erapo ira sisea 'warame ja 'ararihie vu'a sisea ani ani'ina 'ee joni iha 'urihi'i sisea vwihaja ki'avajaho ja teamanamama.

Akisi 17:18

Epikuriani ora 'ee Sitoika ora ka'ene hena kavi'inijipo Poru piuname pu pu'úmo nakaravara. 'Ejume ea kajihuni ea 'aho'ijipo ijá 'wava Ike eakaho iraka vene hina kasi'uamo 'wavara. 'Ejume ea 'ahopo ijá 'iava Nú vwihajujaho hu ea 'ahopuni Godi rona 'waramu. Ijihuni maijaho Jesuni vu'a 'ee Huni 'urinaji rone 'warumu 'wavara.

Akisi 17:32

Pu he'eme ijí kwama 'urina kaji 'waravume hejajaho ea 'aho'a ijasahume 'ee ea 'aho'a ijá 'wava Nú kú'o vu'a ikaho he'i 'ahúu 'wavara.

Akisi 26:24

Poruho huni vu'iji vahame 'waravume Pesitasira ira ajira ijá 'wama Poru! Oni henaka ni'inijara venau'e a nanamu 'wamana.

Akisi 9:16

Nara Nuni ihijihuna'e hura haha ni'ima'ura ka'ene hiahunijaho nahuna 'wamana.

1 Koritia 1:21

Mwe'a kehuni vwiha mamaa vajijaho paroe Godi hena kahunijaho nikimana. Godi teamamajaho ike vu'a ka'ene ea 'ahopo kavume maa pa'ana'e renuna vajakino najahume ea ka'ene nimaa rojajija maraniana.

1 Koritia 1:23

'Enakaivo núra najahujaho Kerisora korosia 'ahi kwamaji najahe 'waravura. 'Enakaivo ike vu'akaho Jua puna'ijaho ijara venau'e amaaresume arihujina. 'Enakaivo Jenitaru puna'ijaho ike vu'akaho maa pa'ana.

1 Koritia 1:25

Ijihuni hahi emaapo vwihaju'e Godi vwiha mamaa pana rojujara emaapuni vwiha mamaijija asita paranana. 'Ene emaapo vwihaju'e Godi harura pa'ana rojujara emaapuni harura asita paranana.

1 Koritia 10:12

'Enakúne hu vwihaje hu kisi naminu ro'amajaho hami 'ajoara'amana. 'Enareje hu pa'o'amana.

1 Koritia 2:14

'Enakaivo ea ka'ene Godoni ea pa'ajija Godoni 'Aveni jihuni uneunechijija pu panimaa'e vejura. Ijihuni maijaho ijija huni una'ijaho maa pa'ajihuna'e hu areri pahehuna. Ijihuni maijaho ijija 'Avena huni kukui jihuna'e pu pahehuna.

1 Koritia 2:3

Na ja pu'úmo hijujaho haha ajuaranie 'ee jume 'ee ni'ima'ura'e simavi'i 'waravuta.

1 Koritia 3:18

'Ene paveje emaa ori'ini papisivara'amana. Ea irara vea ikehuni vajakino vwihaje hu vwiha mamaa vwihaji'ina ro'amajaho veje maijaho hu roe túa'e renareje iji'a vwiha mamaa vwihaji'ina'e re'amana.

1 Koritia 3:2

Na ja 'iruma kisina pavajihuta kaivo musaru vajihuta. Ijihuni maijaho ja mai'o areri pa'ekahuna'e kimarejo avajuta. 'Ene ja iviamaa 'u'o areri paapehuna.

1 Koritia 4:8

Ja vwihajujaho ja niroe areri rena paraniana roju 'ee ja uneunecha rukima'ura rejara roju. 'Ene ja nú pa'a kinia'e rejara'omo na ura reniujaho ja nimaa'e roe kinia'e rejakame nú ja pu'úmo ea 'ajoha'ina'e re'ipisana roju.

2 Koritia 10:10

Ijihuna'e pu ijá 'wavu. Huni asurijija ahisima'ure 'ee harura rukina 'wavu kaivo hu ea maijaho harura pana. 'Ene hura iraka ka'ene 'waramujija senahuna 'wavu.

2 Koritia 11:19

Ja vwihajujaho ja hami vwihaji'ina ronare'e ea ka'ene vwiha pa'ajija nimaa teamana'eju'e 'ekura.

2 Koritia 11:29

Ea irara harura pa'arenujaho na 'u'o pa'areniuna. 'Ene ea irara sisei vaji arumujaho na niho'o natohwa'e hunijihuna'e vwiha kisina'e vwihajura.

2 Koritia 13:9

Nú temarasahu jihuni maijaho vea ka'ene nú harura pa'arenujaho ja niho'o harura renau. 'Enajihuna'e nú ike 'u'o siporua 'ojura'omo ja vena'e mahou'ina'e renahuna.

2 Koritia 4:12

'Ena'omo nú kwamasahunijino hijukame majama hihunijaho joni vaji kaukara venu.

2 Koritia 6:8

'Ene ta'aroruhe hura pavenuhura 'ee sisea ronuhe 'wavura 'ee mamaa ronuhe 'wavura 'ee pisimisavi'ina 'wavura vo nú majano nimaa veji'ina.

1 Tesaronia 4:8

'Enajihuna'e ea irara ike hene pataarohujaho hu emaa papataarohu kaivo Godi ka'ene Huni 'Avena mahaji pataaroha avanu.

1 Pita 4:14

'Enajihuna'e Jesuni ihijihuna'e sise'i 'ahie 'wara'avajaho ja teamana'avara. Ijihuni maijaho 'Avena ka'ene pinana rukinijaho 'ee Godoni 'Avena ja pu'úmo hinu.