1 Koritia 3:16 - Godoni vuʼa maiuʼina

¹⁶ Ja pahene pakavo? Ja Godoni Temiporua'omo Godoni 'Avena joni vaji hinu.

1 Koritia 3:16 ပူးပေါင်းရင်းမြစ်များ

Joni 14:17

Godoni 'Avena ka'ene nimaa nimaijaho mwe'akaho Hu niho'o paapehuna. Ijihuni maijaho mwe'akaho Godi pahene pakavu jihuna'e paapehuna. 'Enakaivo Hu ja pu'úmo joni oja vaji hinujihuna'e ja Hu niheju.

Romani 6:16

'Ú ja paheju? Vea ka'ene ja ea 'ahopuni ira hene vejujaho ijí ea ka'ene ja huni ira hene vejujihuni pwehija rejura. Areri ja sisei jihuni ira hene vejujihuni eha ijaho kwamasahuna. 'Ene mamai jihuni ira hene vejujihuni eha ijaho arimaa'e rehune?

Romani 6:3

Jesu Keriso oni vaji samue 'ee Hura kwamajino nú 'u'o pu pu'úmo kwamasahajaho ja vi hena kavo?

Romani 8:11

'Ene Godoni 'Avena ka'ene Jesu vejume kwama 'urinajara joni oja vaji hi'amajaho ja kwamasahuna vo Hura vejume Jesu Keriso 'urina ja'ina'e Huni 'Avena ka'ene joni vaji hinujara venae ja 'u'o 'urihuna.

Romani 8:9

'Enakaivo ja sisei jihuni hara pahiju. 'Enavo ja Godoni 'Aveni jihuni hari hiju. Ijihuni maijaho Godoni 'Avenijaho joni vaji hinu kaivo ea irara Keriso oni 'Avena paape'amajaho hu Huni ea pana.

1 Koritia 3:17

'Ena'omo ei pini Godoni Temiporua kaji ruara'amajaho Godira ea kajaho ruarahe pa'arehuna. Ijihuni maijaho Godoni Temiporu ijaho ariramaa akuavi'ina'omo ja ijí Temiporua kajiana.

1 Koritia 3:9

'Enajihuna'e nú Godi'i pu'úmo ahuma kaukara veji'ina. 'Eju'e ja Godoni juara 'ee Godoni ara.

1 Koritia 5:6

Jara jarika'e rejujaho mai'o maa pa'ana. Ja isitia ma'u'umaijipo harava maho'o arumau'e ni'ima'ura'e renujaho ja vi kivure?

1 Koritia 6:16

'Ene 'ú ja pahejure? Ea irara napara 'uasa veji'iniji'i puni haha vajúsaravujaho pu no'o haha kwinu rejura. Ijihuni maijaho Godoni ira vaji ika'ina'e 'waramana. No'o roe haha kwinu rehuna 'úmana.

1 Koritia 6:19

'Ú oni hahakaho Godoni 'Avena ka'ene Godoni rena roana ka'ene oni vaji hinujihuni Temiporu ijaho a mai'o paheno? 'Enajihuna'e oni hahijaho a'asu onaru pana.

1 Koritia 6:9

'Ú ea ka'ene arira pahijujija Godoni ara areri pavahunijaho ja vi hena kavo? Ja paki'eje emaapo pisimi'ava. Ijihuni maijaho 'asúra kivasa ka'ene 'uasa veji'inijija 'ee ea ka'ene godia ira'ata'e oja mihi'ina 'ee ea 'ahopuni napara 'ee parua aherame oji'ina 'ee parua ka'ene puni haha 'eke monia 'imena'ina 'ee parua parua'e aherame 'oju'e 'ee napara napara aherame oji'inijija areria Godoni ara pavahuna.

1 Koritia 9:13

Ea ka'ene Temiporu vaji kaukara vejujija 'iruma ka'ene ijí Temiporua kaji 'eke roujino ijujaho ja mai'o pahejo? 'Ene ea ka'ene swasa vejujija 'iruma ka'ene swasa ve'avarono 'eka roujino ijujaho 'ú ja mai'o pahejure?

1 Koritia 9:24

Ja pavwihajo? Ea ka'ene chacharame ninukujahujaho ea maho'o ninukujahura kaivo ea kwinu eha apenuna. 'Enakúne eha apehuni 'unamijino chacharame ninukujaha.

2 Koritia 6:16

'Ene ichá'ina'e Godoni Temiporu iji'o godi ira'atiji'o roe nimaa veti'ara'eja? Ijihuni maijaho nú Godi ka'ene mai'o hiji'ini jihuni Temiporua. Godira nú ijá 'warumana Na puni vaji hine 'ee puni vaji 'urahe ohuna. 'Ene Na puni Godia'e reje 'ee pu Nuni ea rehuna 'úmana.

1 Timoti 3:15

'Enakaivo vejuro'i na tetama vehuni jihuna'e na ikija veju. 'Ejakame ja ea kwinu kwino ichá'ina'e Godoni kachi'ina vajijino kara ichá'ina'e veji'i hihuni 'unamijaho kame hehuna. Ijí kachi'ina kajija Godi ka'ene majama hiji'ini jihuni sosia 'ee pu tukeja ka'ene nimaiji 'unanamujina.

2 Timoti 1:14

'Ene Godoni 'Avena ka'ene núni vaji hinujara ni'aja'eje mamaa ka'ene mahajaho 'ajo'amana.

Hipuru 3:6

Keriso ka'ene Godoni Harihijara majama hami Huni sea 'ajohuna. 'Ena'omo nú nimaa roji'i ija kisi 'unanama hina va'e uri use'avajaho nú sea kajina.

Jemisi 4:4

Godoni hura pavenahi'inakije 'Ú ja mwe'a ike'i napura vejujara reju'e Godoni naka rejujaho ja pahene pakavo? Ijihuni hahi ea irara mwe'ake'i napura vehuna ura renujaho hu ori veju'e hu Godoni naka renuna.

1 Pita 2:5

Ja 'u'o areri muna ka'ene mai'u hiji'ina ka'ene 'eke 'Avena huni ara vejara ka'ene ariramaa rejuri pirisitijihina. 'Ena'omo 'avena huni swasa ka'ene Godi teamamu ja'ina'e Jesu Keriso oni vaji swasa vejura.

1 Joni 4:12

'Enakaivo na'i pini ei pini Godi niho'o kahuna pana kaivo nú ea 'aho pu'úmo oja 'ekaravujaho Godi núni vaji hinuna. 'Ene Huni oja 'ekaravujaho núni vaja areri renuna.