1 Koritia 3:13 - Godoni vuʼa maiuʼina

¹³ 'Ena'omo vea nituma roe sa'eje ea kwinu kwino puni kaukara ichá'ina ka'ene venujaho 'otua veijino veni vena kive samaa'e rehuna. Ijihuni maijaho vena kajara huhusu ea irara uné raki 'eke ara venajaho vena kihuna.

1 Koritia 3:13 ပူးပေါင်းရင်းမြစ်များ

Matiu 10:15

'Enakaivo Na nimaa nimaa 'waravu vea ka'ene 'otua ve'avari veijaho eakijahija niho'o sisea ani'ina renahuna. Kwaa ka'ene Satami Kamora renajaho asimareje niho'o ani'ina rehuna.

Matiu 16:27

Ema Puni Harihijara ro'amajaho Amoni hanaji'ina 'ee Huni ona oji'ina pu'úmo rohuna. 'Ene ea kwinu kwino pura iraka ka'ene vejujaho eha ija'ina apehuna.

Ruku 2:35

'Eje ja temuka'amajaho areri so'wa 'usa rukina joni oja 'ahi naminau ja'ina'e rehuna. Ijihuni maijaho oja vaji hema vwiha roe samaumaa rehuna 'wamana.

Romani 2:16

Ijí vea kajino Godira emaapuni hema Jesu Keriso oni vaji namahuna. Ikaho nuni vu'a.

Romani 2:5

'Enakaivo ja joni oja kisima'ura reju'e ja pataaroha roujihuna ja Godoni sena jona'e nianaura'omo Godoni sena vea ka'ene Hura 'otua arimaa'e ve'amajino roe samaahirave kahuna.

1 Koritia 1:8

Hura ja 'u'o 'uninamie kisina'e rena va'e vea túchamai 'e'une 'ee núni Natohwa Jesu Keriso oni veijaho panamúhuna.

1 Koritia 3:12

Ea irara tukeja 'aha kajino uné raki 'eke venana'e re'amajaho kahuna. Hu korutia ho siriva ho muna mavarasa'ina ho icha ho mwacha ho nipuati venana'e re'amajaho kahuna.

1 Koritia 4:5

'Enajihuna'e marako vu'a nimaijaho pahe'i kaivo ea namaha va'ava. 'Enakaivo masuani 'aja'eje Natohwijara ro'amajino iraka ka'ene nututi tanume navujija veje roe samaumaa re'amana. 'Ene emaa huni oja vaji ichá'inijaho Hura veje roe samaumaa'e rehuna. 'Ejakame ea kwinu kwino ta'arorahujaho Godina'i rena rohuna.

2 Timoti 1:12

Ijihuni hahi na 'u'o ike uneunecha kehi punijihuna'e na sisei hijuta kaivo na pajunimu. Ijihuni maijaho na irá nimaa rojujaho na nihena kavu 'ee na nimaa rojujaho Hu nara raka ka'ene Hu ve'amaro mahujaho hu areri 'ajo'eje va'e vea kajaho apehuna.

2 Timoti 1:18

'Ena'omo vea ka'ene Natohwijara ro'amani veijino Natohwijara numihuna. 'Ene hu Epasasi na ichá'ina'e ni'ajihajaho a nihena kamana.

2 Timoti 3:9

'Enakaivo pu majama pavena vahuna. Ijihuni maijaho 'unama sisea ka'ene pura vejujija samaa'e reje piunihuna. Areri ea no'ohe'i kajihi piuniva ja'ina'e rehuna.

2 Timoti 4:8

'Ena'omo vea túna'i Natohwijara ariramaa huni i'esa ka'ene ranavu'e nunijihuna'e namujaho 'otua veji'ina ariramaijara roamani veijino mihuna. 'Ene nanasu pana kaivo ea maho'o ka'ene Hura rohuniji oja mahajija 'u'o vajihuna.

Hipuru 10:25

'Enavo ja Godoni vu'a 'wavuri sei ahuma hine vu'a 'wa'iro ve'avajaho ea 'ahopo vejuja'ina'e paucha'asa'avara kaivo ea 'aho pu'úmo ahuma hine vu'a 'wame ni'ajara'avara. Ija'ina vehuni jihuni maijaho vea ka'ene Jesura kú'o 'unama iki mwe'i rohuna vea nitu'u namu.

1 Pita 1:7

'Ene joni nimairoa ijara korutia asimana'omo korutia ka'ene siserane 'ee pa'arehunijija veni vena kivuja'ina'e joni nimairoa vena kive roe areri rena parahuna. Jesu Kerisora ro'amani veijino ja ta'arorahe joni pinana veje 'urine 'ee joni iha ichutoi rehuna.

1 Pita 4:12

Ehu nune na ja oja mihi'ina ja paki'eje tata'ava. Venaka ka'ene joni roe vena puna'i renaue ja sisei hijujaho areri unenu'u pini ani'ini renau ro'ava.

2 Pita 3:10

'Enakaivo Natohwi jihuni veijara ro'amajaho areri nesa apeji'inapo rouja'ina'e rohuna. 'E'eje akúpa 'ee ichutoi uneunecha ka'ene navujija ira ni'ima'ura'e re'eje uhoa rene hirama arihe pa'arehuna 'ee mwe'a ikino uneunecha ka'ene navujija maho'o re parahuna.

2 Pita 3:7

'Enakaivo iviamaa ichutoa 'ee mwe'a ikaho Huni ira 'ahi venae 'ajaha irechavu'e navu 'ee 'otua ka'ene vehuna 'ee ea sisea ka'ene Godi pana 'wavujihi ruarahuna'e 'ajiha navu.

Revaresiani 20:12

'Ena'omo ea kwamasahi'ina kivuta. Ea mama'ina ea ma'u'umaa ijá toronu una'i nami'eme puka jarasamana. 'Enarena puka pina apena jaraajaho majama hihuni puka. 'Ena'omo ea ka'ene kwamasahajija pura raka ka'ene vejajija puka 'ahi kivi'i 'otua vetiana.