1 Koritia 2:1 - Godoni vuʼa maiuʼina

¹ Vwehu nune vea ka'ene na joni roe Godi rone najahe 'waravujaho na ira ka'ene ja pahehuni ira ho vwiha mama'ina ka'ene ja pahehunijaho paahuvi'i 'waravuta.

1 Koritia 2:1 ပူးပေါင်းရင်းမြစ်များ

Akisi 20:21

Na'ia mapoka vu'aka rona 'waravujaho nikwinu'inake Jua 'ee Kuriki puni sisea aremamaa are'i kaivo ta'arohe Godoni roe 'ee núni Natohwa Jesu Keriso nimaa roha 'iavura.

Akisi 22:18

Ijí navaha kajino na kavume Hu ijá 'wima Mamako Jerusaremi are'i kaivo 'urine va'a. Ijihuni maijaho a Nuni vu'a iki naja'amajaho pu pahe'ejakúne 'wimana.

Romani 16:18

Ijihuni maijaho ea ija'inijija núni Natohwa Keriso oni kaukara pavejura kaivo pu opuipu teamanahuni ja'ina'e 'wame 'ee puni ira kajikano vu'a 'aho'a kajija 'eke 'warame amairia nirisame mama'ina vena 'eke usee 'ee ea ka'ene hami pavwihaji'inijija pisivisavura.

Romani 16:25

Hu areri vena'e ja kirasahe namihuna 'ee nuni vu'a 'ee Jesu Keriso rone najahujara ni'ajihuna 'ee hema ka'ene mwe'akara aneja venaji rene nesi nama roajaho iviamaa samaahiramu.

1 Koritia 1:17

Ijihuni maijaho Kerisoho na ea toi sama'urono ranamihuna pana kaivo vu'a maa maiu'ina'e naja'urono ranamiana. 'Enakaivo na emaapuni vwiha ijino 'wara'ipisa Keriso oni korosijihuni vu'ijaho maa pa'ana'e reja'a.

1 Koritia 1:6

Vu'a ka'ene Keriso rone 'waravajaho niroe joni vaji tusame nimaa'e rena namu.

1 Koritia 2:13

Uneunecha ka'ene Godira vajúhaji nú ja najahu kaivo emaapuni vwiha mamaiji rone 'warahuna pana kaivo 'Avenijara najuhajihi najahu. Nú Godoni 'Aveni jihuni vwiha 'ee 'Avena huni iriji'i ahuvi'i 'waravu.

1 Koritia 2:4

Nuni vu'a ka'ene nara najahujaho ira ka'ene ja oja 'urinahuni irijaho pana kaivo 'Avenijara ori Huni irijaho vejume harura'e re'eme na najahuta.

1 Koritia 2:7

'Enakaivo nú Godoni vwiha mamaa hema ka'ene maku'ijaho renamiume navajija mwe'akaho mai'o pareji'ini núa'e maranúhuni jihuna'e niamairiume navara.

2 Koritia 10:10

Ijihuna'e pu ijá 'wavu. Huni asurijija ahisima'ure 'ee harura rukina 'wavu kaivo hu ea maijaho harura pana. 'Ene hura iraka ka'ene 'waramujija senahuna 'wavu.

2 Koritia 11:6

'Enakaivo na ira hami pa'waravi'ina vo na henaka rukina. Nú ikija nimaa nú vejume jonuna'a uneunecha maho'o samaa renana.

2 Tesaronia 1:10

Vea ka'ene Hu kú'o 'unama ro'amajaho ea maho'o ka'ene Hu nimaa roji'inijija 'ee Huni ea arimai jihipu'úmo Hu ta'arohe 'ee tata'ora pihuna. Ijihuni maijaho nú raka ka'ene 'waravajaho ja nimaa rojara.

1 Timoti 1:11

'Ene Godi ka'ene merajúhi'inijara vu'a mavarasa'ina ikaho nara naja'urono mihana.

2 Timoti 1:8

'Enajihuna'e núni Natohwiji rone 'warahunijaho paju'amana. 'Ee nara Hunijihuna'e tipura hijujihuna'e pajuna'amana kaivo roe ja pu'úmo Godira harura ka'ene múhana vajijino ahuma Huni vu'a maiu'ini jihuna'e sisei hija.

1 Joni 4:14

Amora Huni Hariha ranavume mwe'a kehuni Ni'ajihi'ina'e re'i roajaho nú núni nii kavaji ea 'waravara.

Revaresiani 1:2

'Ene Godi'o Jesu Keriso'o vu'a raka ka'ene Joni 'waravume hu hene 'ee raka ka'ene hu huni nii kimajaho ijá ike asura vajakino venana.

Revaresiani 1:9

Vwehu nune na Jonira joni asurakaho mutumutu iha Patimasi hiji'i veju. Godoni vu'a 'ee Jesura núni maa ka'ene venaji rone na ea 'aho'a 'waravumakame senavume na tipurai ranamiara. Nú ja pu'úmo 'ajori Jesuni vaji ahija vaji aruvara. 'Ene Huni harura hari hine 'ee Hura ni'ajú'eje ata kairasahe 'unama ariri hiju.

Revaresiani 19:10

'Ejume na huni una'i one oja ma'i ve'eme hu ika'ina 'warimana. A paka'eje ija'ina'e ve'ama. Na 'u'o pwea areri a 'ee oni vwehija ka'ene Jesu rona 'waravi'inijihipu vare'ina. 'Enakúne Godiru oja ma'amana. Poropesi jihuni maijaho Jesuni vu'a ka'ene samaumai najahujina 'wimana.