1 Koritia 15:3 - Godoni vuʼa maiuʼina

³ Ijihuni maijaho iraka ka'ene nara apejujaho na amura'e areri unenu'u pina ni'ima'ura ja mihuta. Ijaho Godoni irijara 'waramajaho Kerisoho núni sisei jihuna'e kwamana.

1 Koritia 15:3 ပူးပေါင်းရင်းမြစ်များ

Matiu 26:24

Ijí Emaa Puni Hariha kajaho areri nitama Godoni Ira vaji Hua'e rone 'warama ja'ina'e vahuna kaivo ea ka'ene ijí Hu nahama ea 'aho'a 'waramajaho vi eha niho'o sisea ape'ena. Maijaho ike ea ka'ene Emaa Puni Hariha nahamahuna kajaho panahe'ipisa mamaa'e veja'a 'iamana.

Matiu 26:28

Ijihuni maijaho ikaho Nuni 'aa ka'ene eaka mapoki jihipuni siseijihuna'e 'arihakame puni sisea pa'arehunaka nimaa vena 'waramajina 'iamana.

Ruku 24:25

'Ejume Hu pu ijá 'iama Ea ka'ene niho'o pavwihaji'inakije uneunecha mapoka ka'ene poropetiepo 'waravajaho ja marako'a panimaa rojara.

Joni 1:29

Ijihuni sú'uhijino hu ka'eme Jesuho roe huni nini roume ijá 'iama Heha! Ikaho Godoni Remua ka'ene mwe'a kehuni sisea apehunijina.

Akisi 17:2

'Ejume Poru oni tamana'omo hu puni va'e Sapati no'opisu pu pu'úmo Godoni ira vaji tahe pira'aravara.

Akisi 3:18

'Enakaivo ikija Godi nitama poropetia 'waramarena ijá 'iamana. Huni Kerisora roe sisei hihunaka 'warumajaho iviamaa ijaho Hu vejume nimaa renana.

Akisi 8:32

Ijí puka vaja kajino hura Godoni ira ka'ene tahajaho ikena. Hu sipia 'ani'irono 'eka va'uja'ina'e ahema va'ara 'ee areri sipia 'u'ua sapasa usimahi'ini jihuni una'i ira pa'arene naminu ja'ina'e Hu ira pa'waramana.

Romani 3:25

Nú nimaa rojujaho Godira Jesuho ranavume roe núni tinia apene kwame Huni 'aa ka'ene arihajara vejume Godiho oja sonanana. Ija'ina'e venajaho Hu arimaiji najuhana. 'Enajihuna'e nitama ea ka'ene sisea vejajaho Godiho maraku'a matauma puni sisei jihuni eha pamihana.

Romani 4:25

Jesuho núni sisei jihuna'e kwamana. 'Enarena Hu kú'o 'urinajaho nú venue ariramaa re'avarono 'urinana.

1 Koritia 11:2

Ja uneunecha mapoka vajijaho na vwihaniu jihuna'e na iviama ja ta'arorahu. 'Enakúne tamana ka'ene nara ja vajihujija ija kisina'e 'uninamiu.

1 Koritia 11:23

Ijihuni maijaho na Natohwi jihuni apejuji na ja 'u'o 'waravu. Ijí na'ia kajino nahama'avarono Hu puretia apenana.

2 Koritia 5:21

'Enajihuna'e Hu vejume Keriso ka'ene sisea pa'ajaho sisea renana. 'Ejakame nú Huni vaji Godoni una'i arimaa'e re'avarono avanana.

Karesia 1:12

Ijihuni maijaho na emaapuna'a paapejuta 'ee ei pini najihuna pana kaivo Jesu Keriso oni vajijino vejume roe samaa rejume na apejuta.

Karesia 1:4

Hu núni sisei jihuna'e kwamana 'ee areri Godi ka'ene núni Omijara Huni ura ijino niamariarama ja'ina'e ike mwe'a sisea vajakino ni'ajúhe siriruma ruva'ana.

Karesia 3:13

'Enavo Kerisora Varapa Tamani jihuni vaji siripumajaho siriruma 'ekuana. Ijihuni maijaho varapijara siripuma jihuni eha ijaho Hura apenana. Ijihuni maijaho ika'ina'e vejara Ea irahipo icha 'ahi 'aninamiume kurinamie navujija siripavara 'úmana.

Epasasi 1:7

'Ene Hura ori Huni 'aa vajijino ni'ajúhe kú'o 'ekuana. Huni maiji vwihanii'ina ka'ene itu'o'una namuna vajijino núni sisea vwihanúe aremana.

Epasasi 5:2

'Ene Kerisora ja oja mihaja'ina'e oja 'ekaravi'i o'avara. 'Ene Hu Huhusu nú múharena areri swara vene swasa Godona'e amua 'u'amarono venana.

Hipuru 5:1

Nitama sosi puni ni'ajihi'ina natohwa emaa'e iji pijahu'e hura emaa 'aho'ijihi punijihuna'e Godoni una'i ni'ajihuna. 'Ejukame pura puni swara ka'ene 'eka roe vajahujaho hura 'eke punijihuna'e Godoni swasa venana. 'Ene kú'o puni sisei jihuni swara ka'ene 'eka roe vajahujaho hura 'eke puni sisei jihuna'e swasa venana.

Hipuru 5:3

Ijihuni hahi hu ea 'ahopuni sisei jihuni swasa vene 'ee huni sisei jihuni swasa 'u'o venuna.

1 Pita 1:11

Ea irana ho vea iraki ijaho rehuniji henaka'i savari vajijino Keriso oni 'Avena ka'ene puni vaji hinajara raka ka'ene túna'i Kerisora haha hiana ka'ene apene 'ee Huni pinana ka'ene 'urihunijaho najahana.

1 Pita 2:24

'Enakaivo Hura Huhusu núni sisea Huni haha 'ahi apena va'e korosia 'ahi ajimana. 'Ejakame nú sisei jihuni 'unamijaho kwamasa'ika'i ariramaa hihuna. 'Enajihuna'e Huni haha ka'ene puachamajara rejume ja maraniana.

1 Pita 3:18

Ijihuni maijaho Kerisoho ni'aha kwino sisei jihuna'e kwamana. Ariramaa ka'ene sisea pa'ajara sisea rukini jihipuni hahi kwamana. 'Enarena aherume Godoni roana. Hu hahijihuniji kwamana kaivo 'Avena vajijino vejume 'urinana.

1 Joni 2:2

Jesura núni sisei jihuni eha apenana. 'Enakaivo núni siseijiru pana vo ea maho'o mwe'akino hiju jihipuna 'u'o apenana.

Revaresiani 1:5

Jesu Keriso ka'ene nú maiji vwihanúe oja soni samuhajara vu'akaho 'warumu. Eaka mapoka ka'ene kwamasahi'inijipo kú'o 'urihuni amurijaho Jesura 'urinana. Hu mwe'a kakehuni ea mama'ini jihipuni 'Ajoahi'ina. Nú Jesu ta'arohu jihuni maijaho Hu nú oja múhe Huni 'aiji núni sisea somuhana.