1 Koritia 14:20 - Godoni vuʼa maiuʼina

²⁰ Vwehu nune sesamaa puna'i pavwiha'avara. Musiapo sisea pavwihaju ja'ina'e vwiha'avara. 'Enakaivo joni vwiha ijija emakinepo vwihaju ja'ina'e vwiha'avara.

1 Koritia 14:20 ပူးပေါင်းရင်းမြစ်များ

Matiu 11:25

'E'ikaivo ijihuni vea kajino Jesura eha vene ijá 'wama Amo ka'ene akúpa mwe'a ijihuni Natohwiji'o Na teimani 'wavujihuni maijaho Ara uneunechakija ea ka'ene vwiha mamaa vwihaji'inijija 'ee hena kavi'ini jihipuni una'a pavejume samaa renana kaivo kasimaaru najahana.

Matiu 18:3

'Ene ijá 'iama Na nimai ja 'waravu ja pata'arohe roe kasima sa'ina pare'avajaho ja Godoni ara niho'o pakahuna.

Matiu 19:14

'Enakaivo Jesura ijá 'iama Kasima kajija maki'eje Nuni roajiva kaivo ja patanu'uriha. Ijihuni maijaho kasima ika'ina Godoni arijihuna 'iamana.

Matiu 19:4

'Ejume Hu eha vene ijá 'iama Ja nitama ea ka'ene parua napara aneja venajaho ja pataha kavare? 'iamana.

Maka 10:15

Na nimaa ja 'waravo. Ea irara Godoni ariji sesamaa puna'i paape'amajaho hu ijaho pavahuna 'iamana.

Ruku 18:17

Na nimaa nimai ja 'waravu. Ea irara sesamapo Godoni ara apeju ja'ina'e paape'amajaho Godoni ara pavahuna 'iamana.

Romani 1:13

Ehu nune na nimarako ura roe ja ki'iro 'ahiana kaivo unenu'u pini rejumakame na parou kajaho ja nihena kavu. Ijihuni maijaho na Jenitaru 'aho'a kajihi puni vaji 'ina 'aho'a 'ekuja'ina'e 'aho'a joni vaji 'ina rukina'e rehuna ura reniu.

Romani 16:19

'Ene eaka mapokijipo hena kivujaho ja Godoni ira ija kisi apene joni una'i sanama hina vejujihuna'e na teamanimu. Na ura ja raka ka'ene ariramaijiru ka'avarono ura reniu kaivo uneunecha ka'ene sisei jihunijija juha'avara.

1 Koritia 13:11

Vea ka'ene na kasimaa hijuti veijaho kasimaa puni iri 'waravuta 'ee na sesamaa puna'i vwihajute 'ee sesamaa puna'i hene vejuta. 'Enakaivo na vea ka'ene emakina rejujaho kasimaa puni uneunechijija ni irechavume pa'arejara.

1 Koritia 14:19

'Enakaivo na ura ira oma iropu heji'i ea ni'ajihe 'warahuna'e ura reniu kaivo vu iji'a ira mapoka mapoka (10,000) ira pahehunijino 'warahunijaho ura pareniu.

1 Koritia 2:6

'Enakaivo ea ka'ene ni 'Avena vaji emakina rejajihi puni vajijaho nú vwiha mamaiji rone 'waravara. 'Enakaivo mwe'a kehuni vwiha ija'ina pane 'ee 'ajohai'ina puni vwiha mamaa ka'ene pa'arena va'uja'ina pana.

Epasasi 4:13

'Ene pura najuhe ajima va'eje núni nimaa roijaho nikwinu rena paraje 'ee Godoni Harihiji hena kavujaho roe emarena parahuna. 'Ene areri Kerisora emarenani manuri ja'ina'e rehuna.

Piripai 1:9

'Ene na siporua 'ojujihuna'e jara ea 'aho'a oja mihujaho niho'o emarena parane 'ee joni henaka hami vwihane veji'ina'e rehuna.

Piripai 3:15

Ja ea mapoka'e ni emaina'e rejajihuna'e roe ja pu'úmo vwiha ikehuna kino vwiha'avara. 'Ene unenu'u 'ahopuni jihuna'e ja vwiha ani ani vwiha'avajaho Godira ijija 'u'o veje jonuna'a samaa'e rehuna.

1 Pita 2:2

'Enakaivo musiapo musaru ura renau ja'ina'e ja Godoni Iriji ura rena'avara. 'Enareje veje ijara ja ni'ajihe maranie emarene 'uri'avara.

2 Pita 3:18

'Enakaivo núni Natohwa 'ee Ni'ajúhi'ina Jesu Keriso oni maiji vwihani'ina 'ee henaka vajijino emare'avara. 'Ene iviamaakino rene va'e majama aneja púsa pa'ana 'ee pinana maijaho Huna. Ameni.