1 Koritia 12:10 - Godoni vuʼa maiuʼina

¹⁰ 'Ene ea pina uneunecha ka'ene ea areri pavehuniji mahuna. 'Ene ea pina poropetia puni iri 'warahuna'e vajahuna. 'Ene ea pina 'avena ichá'inijihi puni ani'inijihi kihuna'e mahuna. 'Ene ea pina ira ani ani'ina 'warahuna'e mahuna. 'Ene ea pina ijí ta'arohuna'e mahuna.

1 Koritia 12:10 ပူးပေါင်းရင်းမြစ်များ

Maka 16:17

Ea irahipo nimaa ro'avajaho aachakipo najahuna. Eje pu Nuni ihi 'ahi 'avena sisesa siomahe 'ee ira maiu'ina 'wahuna.

Maka 16:20

'Ejume pu kwaaka mapoka kino ea mapoka naja'eme Natohwijara pu pu'úmo va'e pu ni'ajihe vejume pu aacha ani ani'ina najahumakame Huni ira nimaa renana.

Ruku 24:49

Heha! Na Nuni Omijara raka ka'ene nahama ja 'waramajaho Nara ranave joni ro'enakúne ja ara natohwa ikino hi'eje Godoni harura kahino akúpa 'ahi rene roe ja sama'amana 'iamana.

Joni 14:12

Na nimaa nimai ja 'waravu. Ea irara Na nimaa roni'amajaho kaukara raka ka'ene Na vejuja'ina hu 'u'o vehuna. 'Ene kaukara ka'ene Nara vejukija asitahareje mama'ina vehuna. Ijihuni maijaho Na Amo oni va'ujihuna'e 'waravu.

Joni 16:13

Godoni 'Avena ka'ene nimaa nimai ijara ro'amajaho Hura nimaa nimai jihunijaho maho'o najahuna. 'Ee Hu Huni vwiha ijaho pa'warahuna kaivo raka ka'ene Hu henujiru 'warame 'ee raka ka'ene mai'o rehuniji najahuna.

Akisi 1:8

'Enakaivo Godoni 'Aveni roe ja samahakame ja harura apenareja'e iji'a Jerusaremi 'ee Jutia 'ee Sameria Na rone najahuna. 'Ene ike mwe'akaho maho'o najahuna.

Akisi 11:27

'E'eme ijihuni vea kajino poropetia 'aho'a Jerusaremi rene kami Enitioki va'ara.

Akisi 11:28

'E'eme poropetia pina huni iha Akapasiho Godoni 'Aveni ni'ajahumakame hu 'urine nami'i kaivo mwe'a kakino 'oravea natohwa rehuna 'waramana. 'Ena'omo túna'i Karautiasira 'ajohani veijino 'oravea renana.

Akisi 19:6

'Ejume Porura huni ija puni húmata 'ahi irecha'eme Godoni 'Avena ariha roe pu samahume ira ani ani 'wame 'ee túna'i raka ka'ene rehunijaho 'waravara. 'Ejume pu Godoni vu'a ea 'aho'a 'waravara.

Akisi 5:3

'Ejumakame Pitara ijá 'wama Ananaiasi'o a irakijihuna'e Setani oni oja ruha apejumakame a oni mwe'aka 'imenarena monia pwinana'a a 'ekivo Godoni 'Aveni jihuni una'i ira'ata venane?

Romani 12:6

Godira nú ea kwinu kwino maiji vwihanúa swara ani ani'ina vajúhana. Ea pipuni swara vu'a 'waravi'ina'e re'amajaho maka'eje huni nimaaroa 'ahijino 'wara'amana.

Romani 15:19

Godoni 'Aveni jihuni harura vajijino aacha ani ani ea areri pavehunijija vejuta. 'Enajihuna'e Jerusaremi rena va'e Iririkami na Keriso oni vu'a maa maiu'ina maho'o najahuta.

1 Koritia 11:4

Parua irara huni húmata 'ahi unenu 'aho'a na'eje siporua 'o'ena ho poropeti epuni ira 'wara'amajaho huni húmatijihuni hura pavenu.

1 Koritia 13:8

Oja mihuni 'unamijaho maiji nama apene vai'i nahuna. 'Enakaivo swara 'aho'a poropeti epuni ira 'warahuna kaivo ijija pa'arehuna. 'Ene 'aho'a 'ira ani ani 'warahuna kaivo ijija pa'arena vahuna. 'Ene 'aho'a henaka kaivo ijija pa'arehuna.

1 Koritia 14:13

'Enajihuna'e ea ka'ene ijí ira ani'ina 'waramujaho siporua 'ojakame hu areri ijihuni maijaho ta'arohe 'wara'amana.

1 Koritia 14:39

'Enajihuna'e vwehu nune nimaa'e poropetia puni iri 'warahunijaho ura rena'e para'avara 'ee ja paki'eje ira ani ani 'waravuji tanuvu ro'ava.

Karesia 3:5

'Ú Hu 'Avena ka'ene mihe emaa areri pavehuna ka'ene veju'e joni vaji rejajija ja tamana hene vejujihuna'e vajihana ho ja henareja nimaa rojajihuna'e venune?

1 Tesaronia 5:20

Vu'a ka'ene túna'i rehuniji 'warave he'avajaho pasena'avara.

Hipuru 2:4

'Ejumakame Godira ijí nimaa 'iamarena najahajaho aacha 'ee uneunecha ani ani vejuma rene 'ee ea areri pavehuniji vejume ea oja hwa'usahara. 'Ene Godoni 'Aveni jihuni swara ea irá vaja'iro ura renajaho Hu vajahuna.

1 Joni 4:1

Ehu nuna ka'ene na ja oja mihi'inakije ja 'avena mapokakija panimaa veti'avara. 'Enakaivo 'avena kajija vene kive Godoni rena rou ho pa'ajaho ki'avara. Ijihuni maijaho poropetia ira'asina mapoka mwe'akino ojura.

Revaresiani 2:2

Jara raka ka'ene vejajijahija Na nihena kivu. Jara Nuni kaukara'e harura vena ve'eju'e erapo jaa'e sise'i 'ahiu'ukamare'e ja matauvujaho Na nihena kivu. 'Ee ea sisesa kivujaho senavura. Ea irahipo apasorua 'iavujija ja pu vena kivura. 'Ene ja pu vena kivajaho pu apasorua pana vo pu ira'ata kivara.