1 Koritia 1:6 - Godoni vuʼa maiuʼina

⁶ Vu'a ka'ene Keriso rone 'waravajaho niroe joni vaji tusame nimaa'e rena namu.

1 Koritia 1:6 ပူးပေါင်းရင်းမြစ်များ

Maka 16:20

'Ejume pu kwaaka mapoka kino ea mapoka naja'eme Natohwijara pu pu'úmo va'e pu ni'ajihe vejume pu aacha ani ani'ina najahumakame Huni ira nimaa renana.

Akisi 11:17

'Ejume nú Natohwa ka'ene Jesu Keriso nimaa rojumakame Godira swara ka'ene nú múhaji pu nikwinu'ina kaji mi'amajaho na ea irana'omo Huni 'unama tanu'ejo? 'iamana.

Akisi 11:21

'Ejume Natohwi jihuni harura pu pu'úmo navumakame ea mapoka nimaa ronareja ta'arohe Natohwi jihuni roara.

Akisi 18:5

'E'eme Sairasi'o Timoti'i Mesatonia rene roara. Poruho na'ia mapoka huni vea natohwa Godoni ira toi raname hine Jua najahe ijá 'iama Jesuho Kerisona 'iamana.

Akisi 20:21

Na'ia mapoka vu'aka rona 'waravujaho nikwinu'inake Jua 'ee Kuriki puni sisea aremamaa are'i kaivo ta'arohe Godoni roe 'ee núni Natohwa Jesu Keriso nimaa roha 'iavura.

Akisi 20:24

'Enakaivo na nuni hiijaho natohwa pakavura kaivo Godira maiji vwihanúani vu'a mamaa ka'ene ea naja'urono Natohwa Jesura mihaji na ve parahuniji kavu.

Akisi 22:18

Ijí navaha kajino na kavume Hu ijá 'wima Mamako Jerusaremi are'i kaivo 'urine va'a. Ijihuni maijaho a Nuni vu'a iki naja'amajaho pu pahe'ejakúne 'wimana.

Akisi 23:11

Ijihuni na'ia kajino Natohwijara roe huni rori nami'i kaivo ijá 'wama Paju'amana kaivo a ichá'ina'e rone a iki Jerusaremi 'warama ja'ina'e Romu 'u'o 'wara'amana 'wamana.

Akisi 28:23

'E'ikaivo vea ka'ene vu'a kaji 'wahunijaho iji pijahara'omo vea kaji apejumakavi'i ea mapoka nianae apena roe sea ka'ene hura hinaji roara. Hu Godoni arijihuni maiji najahe 'ee Mosisi oni tamana tahe najahe 'ee poropetia puni vu'a taha vejakame pu Jesu nimaa ro'avarono 'warama avanana. Hu vea sú'u sú'u rene vu'a 'warama va'e vea nutu 'o'unaji aremana.

Romani 15:19

Godoni 'Aveni jihuni harura vajijino aacha ani ani ea areri pavehunijija vejuta. 'Enajihuna'e Jerusaremi rena va'e Iririkami na Keriso oni vu'a maa maiu'ina maho'o najahuta.

2 Koritia 12:12

Apasorua nimai jihipuni 'unamijija joni vaja masuani ajuarane vene najahajaho ikena. Acha ani ani'ina 'ee ea areri pavehunijija 'ee ea kime vwiha puruva retihunijija vene najahara.

Karesia 3:5

'Ú Hu 'Avena ka'ene mihe emaa areri pavehuna ka'ene veju'e joni vaji rejajija ja tamana hene vejujihuna'e vajihana ho ja henareja nimaa rojajihuna'e venune?

2 Tesaronia 1:10

Vea ka'ene Hu kú'o 'unama ro'amajaho ea maho'o ka'ene Hu nimaa roji'inijija 'ee Huni ea arimai jihipu'úmo Hu ta'arohe 'ee tata'ora pihuna. Ijihuni maijaho nú raka ka'ene 'waravajaho ja nimaa rojara.

1 Timoti 2:6

Ijihuna'e vea nimaa nimaa ka'ene 'waramajara ro apejume Hu Huni hahijino miharena ja maho'o 'imenae 'ekana.

2 Timoti 1:8

'Enajihuna'e núni Natohwiji rone 'warahunijaho paju'amana. 'Ee nara Hunijihuna'e tipura hijujihuna'e pajuna'amana kaivo roe ja pu'úmo Godira harura ka'ene múhana vajijino ahuma Huni vu'a maiu'ini jihuna'e sisei hija.

Revaresiani 1:2

'Ene Godi'o Jesu Keriso'o vu'a raka ka'ene Joni 'waravume hu hene 'ee raka ka'ene hu huni nii kimajaho ijá ike asura vajakino venana.

Revaresiani 1:9

Vwehu nune na Jonira joni asurakaho mutumutu iha Patimasi hiji'i veju. Godoni vu'a 'ee Jesura núni maa ka'ene venaji rone na ea 'aho'a 'waravumakame senavume na tipurai ranamiara. Nú ja pu'úmo 'ajori Jesuni vaji ahija vaji aruvara. 'Ene Huni harura hari hine 'ee Hura ni'ajú'eje ata kairasahe 'unama ariri hiju.

Revaresiani 12:11

Pura hu asitaha ijihuni maijaho Remui jihuni 'aijine puni nimaaroa ka'ene rona 'waravajina. 'Ene puni hiijaho oja pamaha jihuna'e kwamasahunijaho pavwihajara.

Revaresiani 12:17

'Ejume anakijaho naparijara niho'o ajima parajume huni amuhija ka'ene Godoni varapa 'ajohe 'ee Jesuni vu'a 'unanavu jihipu'úmo ajira ve'iro va'ana.

Revaresiani 19:10

'Ejume na huni una'i one oja ma'i ve'eme hu ika'ina 'warimana. A paka'eje ija'ina'e ve'ama. Na 'u'o pwea areri a 'ee oni vwehija ka'ene Jesu rona 'waravi'inijihipu vare'ina. 'Enakúne Godiru oja ma'amana. Poropesi jihuni maijaho Jesuni vu'a ka'ene samaumai najahujina 'wimana.

Revaresiani 6:9

Vea ka'ene aja iropu ijí Hu rasamajaho na kavume swasa vejuri 'aiju hariji ea ka'ene Godoni ira rone 'warame 'ee ihajinanava jihuna'e 'aniume kwamasaha jihipuni 'avena kivuta.