1 Joni 3:16 - Godoni vuʼa maiuʼina

¹⁶ Ike 'unama ikehunakino Hura nú oja múhajaho hena kavu. Ijihuni maijaho Hu Huni hia núnijihuna'e múhana. 'Enajihuna'e nú 'u'o núni hia vwehu núna'e mihuna.

1 Joni 3:16 ပူးပေါင်းရင်းမြစ်များ

Matiu 20:28

Ema Puni Harihijara roujaho ea mapoka Huni pwea pare'avarono roana kaivo Hu puni pwea re'i 'ahaume roana. Hu Huni hia ea mapoka'e mihana. Areri ema 'imenaana 'iamana.

Joni 10:11

Na niho'o sipi 'ajohi'ina mamaa. Sipia 'ajohi'ina mai huni oja sipia kajihi mihujihuna'e ijí sipia kajihipuni jihuna'e Hu kwa'ena.

Joni 10:15

Areri Amora Na hena kimuja'ina'e Na Amo hena kavura'omo Na sipia punijihuna'e kwahuna.

Joni 13:34

Na tamana maiu'ina 'u'o ja mihu. Oja ma'ara'avara! Nara ja oja mihuja'ina'e ja 'u'o oja ma'ara'avara.

Joni 3:16

Godi mwe'a kakaho oja niho'o mahajihuna'e Huni Hariha nikwinuna kaivo Hu múhana'omo ea irara Hu nimaa ronujaho hu papa'arehuna kaivo hu majama hihuna.

Akisi 20:28

'Enakúne hami ojono 'ajoarame 'ee ea ka'ene jara 'ajoha'avarono Godoni 'Aveni ja 'ajohai'ina'e irechamie 'ee Godoni sosia ka'ene Hura Huni 'aijino 'imenajaho 'ajoha'avara.

Romani 16:4

Pu unenu'u 'aho'apo renae kwamasahunijaho pavwihajara kaivo nuni hahijihuna'e pu na ni'ajihara. 'Enajihuna'e na pu no'o teamanime 'ee Jenitaru puni sosi maho'o ijihi puna'i na teamanimu.

Romani 5:8

'Enakaivo Godi nú oja ka'ene múhaji najuhu jihuni maijaho nú sisea kaivo Hu Jesuho ranavume roe núnijihuna'e kwamana.

2 Koritia 4:12

'Ena'omo nú kwamasahunijino hijukame majama hihunijaho joni vaji kaukara venu.

Epasasi 5:2

'Ene Kerisora ja oja mihaja'ina'e oja 'ekaravi'i o'avara. 'Ene Hu Huhusu nú múharena areri swara vene swasa Godona'e amua 'u'amarono venana.

Epasasi 5:25

Parue napahu jona oja mi'avara. Areri Kerisora sosi 'u'o oja maharena Huni haha mahaja'ina'e ve'avara.

Piripai 2:17

'Enakaivo na toa ijuri swasa puna'i vene joni nimaa roiji ni'ajihuna'e usekuniara. 'Ena'omo na mari'ume teamani'eju'e nuni temarijaho ja pu'úmo 'wame nasaravu.

Piripai 2:30

Ijihuni maijaho hu Keriso oni kaukara ijihuna'e kwama ape taharonamana. Hu huni hia vajijaho varapa piunihuna renana vo hu jara areri nuna vehuna sa'inijaho hura venana.

1 Tesaronia 2:8

Nú ja niho'o oja miha paraja jihuna'e nú Godoni vu'a maiu'inijiru pamihara kaivo nú niho'o ura renua para'eme núni hia 'u'o ja vajihara.

Taitasi 2:13

'Ena'omo nú vea ka'ene Hura rohuni vea mamaa kaji 'ajaha hine 'ee núni Godia ka'ene ni'ima'urijaho 'ee núni Ni'ajúhi'ina Jesu Kerisora eajarame roa arihuniji 'ajaha hiju.

1 Pita 1:18

Ja nihena kavuja'ina'e ja kú'o 'imenaume maraniajaho sahu jopuni tamaniji vene 'ee korutia siruva 'imenae maranihuna pana.

1 Pita 2:24

'Enakaivo Hura Huhusu núni sisea Huni haha 'ahi apena va'e korosia 'ahi ajimana. 'Ejakame nú sisei jihuni 'unamijaho kwamasa'ika'i ariramaa hihuna. 'Enajihuna'e Huni haha ka'ene puachamajara rejume ja maraniana.

1 Pita 3:18

Ijihuni maijaho Kerisoho ni'aha kwino sisei jihuna'e kwamana. Ariramaa ka'ene sisea pa'ajara sisea rukini jihipuni hahi kwamana. 'Enarena aherume Godoni roana. Hu hahijihuniji kwamana kaivo 'Avena vajijino vejume 'urinana.

1 Joni 2:6

Ea irara Huni vaji hinu 'iamujaho hu Hura 'urahe onaja'ina'e ohuna.

1 Joni 2:9

Hu ea pini ijá 'imujaho Na hanaji'ini hiju 'i'i kaivo vweaha semujaho hu nutuvi'ina vaji hina roe iviamaa 'e'unu.

Revaresiani 1:5

Jesu Keriso ka'ene nú maiji vwihanúe oja soni samuhajara vu'akaho 'warumu. Eaka mapoka ka'ene kwamasahi'inijipo kú'o 'urihuni amurijaho Jesura 'urinana. Hu mwe'a kakehuni ea mama'ini jihipuni 'Ajoahi'ina. Nú Jesu ta'arohu jihuni maijaho Hu nú oja múhe Huni 'aiji núni sisea somuhana.

Revaresiani 5:9

Pu javaa maiu'ina ika'ina vejara. A pukakaho areri apene huni aja rasahuna. Ijihuni maijaho A kwamajine A kachi'ina amuja 'ee kwaa ara mapoka Godona'e Oni 'aiji 'imena 'ekana.