1 Joni 3:12 - Godoni vuʼa maiuʼina

¹² Nú Keni vare'ina pana. Hu 'avena sisei jihuni ea ijihuna'e hu huni 'u'ua 'anaume kwamana. Hu 'u'uaha rakijihuna'e 'anaume kwamane? Ijihuni maijaho hura raka ka'ene venajaho sisei jihuna'e pamaranana. 'Enakaivo 'u'uahi venajara marana jihuna'e avanana.

1 Joni 3:12 ပူးပေါင်းရင်းမြစ်များ

Matiu 13:19

'Ina ka'ene 'unamu toi arihajihuni maijaho ikena. Pu Godoni arijihuni vu'a hejura kaivo ijihuni mai pahejura. 'Avena siseijara roare'e Godoni ira ka'ene puni oja vaji namujaho 'etujiha 'ato'arumuna.

Matiu 13:38

'Enakaivo juasi'ijaho ike mwe'akena. 'Ene 'ina ka'ene mamaijija ea ka'ene Godoni eijihina. 'Enakaivo ija siseijaho 'avena siseijihuni ehijijihina.

Matiu 23:35

Joni ehijijipo ea arira ka'ene iki mwe'i hijajihi 'ania jihipuni 'aa joni 'ahi ariha jihuna'e ja eha apehuna. Eporu ka'ene ea aririjihuni 'aa arihaji rena roe Sakaraia ka'ene Perakaia oni harihijihuni 'aa ka'ene Temiporu 'ee swasa vejuri 'aijua riramo'oa kaji 'anaaji ro 'e'unana.

Matiu 27:23

'Ejume hu ijá 'iama Irakijihuna'e? Hu sisea iraka venane? 'iamana. 'Enakaivo pu niho'o ijí 'umejajaho pasonananamie Icha 'ahi 'anaa 'umejara.

Matiu 5:37

Ijaho 'avena siseijarahara a venau'e ira kajaho 'waramukúne ija'ina pa'wara'amana kaivo manimaa 'iame 'ee pana 'i'amana.

Ruku 11:51

Eporu ka'ene ea aririjihuni 'aa arihaji rena roe Jakaraia oni 'aa ka'ene Temiporu 'ee swasa vejuri 'aijua rira mu'oa kaji 'anaji ro 'e'unana. Na ja 'waravu. Ijihuni eha ijaho eaka iviamai hijukipo apehuna.

Joni 10:32

Jesu eha vena ijá 'iama Amouna'i uneunecha mapoka mavarasa'i rena roume Na najahuta kaivo uné rakijihuna'e ja Na muni 'ani'iro vejo? 'iamana.

Joni 8:40

Na ea ka'ene Godina'i nimaiji hena 'waravujina. 'Ena'omo ja Na 'ani'irono sarivu. Eparahami ija'ina paveja'a.

Joni 8:41

Ja joni omijara raka ka'ene venuji veju 'iamana. 'Ejume pu Hu ijá 'wava Nú Oma pa'ana pana kaivo núni Oma Godina 'wavara.

Akisi 7:52

Poropetia ea irahija'e emahu jona sisei pa'ahiare? 'Ejume pu Ea ka'ene arimaijara rohuniji 'waravajija 'aniume kwamasahara. Ja Ea kaji nahamahe 'anaume kwamajihina.

1 Tesaronia 2:14

'Enajihuna'e vwehu núne Godoni sosia ka'ene Jesu Keriso oni vaji Jutia namijujipo vejaja'ina'e ja vejara. Ja ehu jopuna'i sisea ichá'ina ka'ene piuniva ja'ina'e pu 'u'o Jua puna'i sisea ija'ina'e piunivara vo kirasahara.

Hipuru 11:4

Nimairoa vajijino Eporura Godoni swasa ka'ene venahajara Keni oni swasa asimana. 'Ejumakame Godira Eporu oni swasiji ura renajihuni maijaho Godi najuharena Eporuho ariramaa 'úma avanana. 'Ene Eporuho nikwavuma paranana vo hu majama huni nimaaroijaho hina 'warumuna.

Hipuru 12:24

Ja vu'a maiu'inijara 'warama ja'ina'e Jesu ka'ene Godiho 'ee emaa ijihipuni rira mu'oi hinujihuni roara. 'Ene ja 'aa ka'ene ijikumajara Eporu oni 'aa asima ira mamaa 'warama jihuni roara.

1 Pita 4:4

Ijihuna'e ea kajija pu maho'o tatavujaho ja kú'o puni pwinana'a pareju'e pu jonuna'i sisea vwihane ira sisea 'waravura.

1 Joni 3:8

Ea irara sisea venujaho hu 'avena sisei jihuni ea. Ijihuni maijaho 'avena siseijaho nitama anejijino sisea venana. Godoni Harihijara roajihuni maijaho 'avena sisei jihuni kaukara tiraku'i roana.

Juta 1:11

Pu eha sisea apehuna. Ijihuni maijaho pu Keni oni 'unamijino va'ara 'ee eha apehuni jihuna'e Peramura venaja'ina'e vejura 'ee Korara ninakarame rena pa'arena ja'ina'e vejura.

Revaresiani 17:6

'Enarena napara kajaho na ka'eme Godoni ehija 'ee Jesuni vu'a 'waravi'ini jihipuni 'aa ine nanamana. 'Ejumakame na ijí kamarejo niho'o ni'ima'ura vwihajuta.