1 Joni 1:7 - Godoni vuʼa maiuʼina

⁷ 'Enakaivo nú hanaji'ini hina 'urahojujaho areri Hura hanaji'ini hinuja'ina'e nú ea 'aho pu'úmo hami hami veju. 'Ene Jesu ka'ene Huni Harihi jihuni 'aijara núni sisea maho'o sovu'e pa'arenu.

1 Joni 1:7 ပူးပေါင်းရင်းမြစ်များ

Joni 1:29

Ijihuni sú'uhijino hu ka'eme Jesuho roe huni nini roume ijá 'iama Heha! Ikaho Godoni Remua ka'ene mwe'a kehuni sisea apehunijina.

Joni 12:35

'Ejume Jesu pu ijá 'iama Hanaji'inijaho ja pu'úmo 'aha josu'a pahihuna. Iviamai hananukino 'urahe o'avara. 'E'irakúne nututijaho ja areri pana'irati'amana. Ijihuna'e ea irara nutuvi'ini 'urahonujaho hura 'unama ka'ene ichá vahunijaho puruva renu.

Joni 5:4

Na'i 'aho'i Natohwi jihuni 'ona oji'ini vea ape'eju'e ijí toa vaja kaji va'e arihare'e veju'e nivavukavi'i ea pina ka'ene toa vaja kaji marako urane va 'onajaho maraju'e roe ajimuna.

Romani 13:12

'Ene na'imajaho nipa'are'i venu kaivo vea hanahuna nitu'u renu. 'Enajihuna'e nú 'unama sisea ka'ene nutuvi'ini jihunijaho arehuna kaivo hanaji'ini jihuni nana'ejuri kukuijino 'eka same ohuna.

1 Koritia 6:11

Ja ea 'aho'a ikija nimarako 'unama ija'iniji ojara. 'Enakaivo ja somahe 'ee venaume ea akuavi'ina'e rejara. 'Ene Jesu Keriso oni ihijihuni vaja 'ee núni Godijihuni 'Aveni jihuni vaji ja venaume ea arira'e rejara.

Epasasi 1:7

'Ene Hura ori Huni 'aa vajijino ni'ajúhe kú'o 'ekuana. Huni maiji vwihanii'ina ka'ene itu'o'una namuna vajijino núni sisea vwihanúe aremana.

Epasasi 5:8

Ijihuni maijaho ja marako nututi hinojara kaivo iviamaa ja Natohwijihuni vaji hanaji'ini hiju. 'Enakúne hanaji'ina puni harihipo 'uraha ojuja'ina'e o'avara.

1 Timoti 6:16

Majama hihunijaho Hununa'i namu 'ee Hu hanaji'ina vaji hiju'e ea areri Huni una'a pava'ura. 'Ene ea Hu pakavi'ina 'ee Hua'e kahuna areri pana. 'Ene harura 'ee hura vejujaho maho'o majamano Huna.

Taitasi 2:14

Hu núnijihuna'e kwamana. Nú sisei vaji hi'eme nú Huni ea re'avarono 'eka ruva'uana. Hu nú venume Huni ea arimaa rene 'ee Huni ea ka'ene Hu mamaa nimaijihi rene 'ee nú mamaaru vehuna ura renau.

Hipuru 9:14

'Enakaivo ikaho niho'o vwihaha! Niho'o ni'ima'urijaho ikena. Nú kwamasahuni 'unama ka'ene vejujaho Keriso oni 'aijara núni oja sovuma paranana. 'Enajihuni hahi Godi ka'ene majama hiji'inijaho nú oja mahe 'ee ta'arohu. Ijihuni maijaho Kerisora majama hinuni 'Avena vajijino ori'ini sisea pa'ajara núnijihuna'e Godina'i swasa ka'ene ariramaijaho venana.

Jemisi 1:17

'Ene uneunecha maho'o mamaa 'ee swara arira mamaijija ichutoi hanaji'ini jihipuni Omijihuna'i rene roura. Hu pata'arohe ani ani'ina rene 'ee Hu areri nihapo ikehikehi niha rena va'a va'uja'ina pana.

1 Pita 1:19

'Enakaivo ja Keriso oni 'aa ka'ene mavarasa'inijino 'imenae 'ekara. Hu areri sipia ka'ene niho'o chiha titana 'ee matana pa'aja'inijina.

1 Joni 1:3

Iraka kame hejajaho nú ja 'u'o 'waravu. 'Ejakame ja nú pu'úmo hami vehuna. 'Ejume nú nimaa Amoho 'ee Huni Hariha Jesu Keriso pu'úmo hami veju.

1 Joni 1:5

Ikaho Huni vu'a ka'ene núra hejaji ja 'waravu Godiho niho'o hanaji'ina kaivo Huni vajijaho niho'o panutuvi'ina.

1 Joni 5:6

Ikaho Ea ka'ene toa 'ee 'aa vaji roajina. Hu Jesu Kerisona toaru pana kaivo toa 'ee 'aiji'i roajina.

1 Joni 5:8

Ijihuni maijaho ike no'opisu ikipo Huni vu'akaho nimaa vejara. 'Avenijine toijine 'ee 'aijina. 'Ee ike no'opisu ikipo ahume avacharavara.

2 Joni 1:4

Na sesahu jona 'aho'a ki'eme nimai jihuni vaji 'urahojajaho na teamanimana. Areri núra vehuna ka'ene Amouna'i apeja ja'ina vejara.

3 Joni 1:4

'Eju'ukamare'e sesahu núpo 'unama mamaiji ojuji na hejujaho na niho'o teamanima paraniu.

Revaresiani 1:5

Jesu Keriso ka'ene nú maiji vwihanúe oja soni samuhajara vu'akaho 'warumu. Eaka mapoka ka'ene kwamasahi'inijipo kú'o 'urihuni amurijaho Jesura 'urinana. Hu mwe'a kakehuni ea mama'ini jihipuni 'Ajoahi'ina. Nú Jesu ta'arohu jihuni maijaho Hu nú oja múhe Huni 'aiji núni sisea somuhana.

Revaresiani 12:11

Pura hu asitaha ijihuni maijaho Remui jihuni 'aijine puni nimaaroa ka'ene rona 'waravajina. 'Ene puni hiijaho oja pamaha jihuna'e kwamasahunijaho pavwihajara.

Revaresiani 7:14

'Ejume na ijá 'wavo Nuni natohwe! Na pana vo a heji'ina 'wavuta. Hu ijá 'wima Ea ikijahija sisea ni'ima'ura vajijino roe usevara. Pu Remui jihuni 'aijino puni ateha sovume sajasa'ina rejara.