Mbʉ́gʉ́lú 7:10 - Makaa

¹⁰ Bwə́ á ŋgə kɨ̂m gwɔ́w-gwɔ̂w nə́: Zɛmbî wúsʉ́ muud njúl caaŋgə́d yɛ́, bá Mwâ Ncwəmbɛ wə́ bwə́ mə́ cʉg sə̂.

Mbʉ́gʉ́lú 7:10 ပူးပေါင်းရင်းမြစ်များ

Lúkas 3:6

muud yɛ̂sh ka bá dʉ́g cʉgʉ́lə Zɛmbî mə bá cʉg búúd yí.»

Yuánɛs 1:29

Nə́ ndɛɛ́, mán mələ̂m, Yuánɛs nyə a dʉ́g Yésus ŋgə́ zə nyə́dɨ́, a mú cɨ nə́: «Dʉgá, *Mwân Ncwəmbɛ mə́ Zɛmbî wə́ ɛ́ga, nyə wə́ mə́ zə́ yîl búúd ɔ shí ga *sə́m wáŋ.

Yuánɛs 1:36

a mú dʉ́g Yésus ŋgə́ cɔ̧́, a mú cɨ nə́: «Dʉgá, *Mwân Ncwəmbɛ mə́ Zɛmbî wə́ ɛ́ga.»

Yuánɛs 4:22

Bɨ́ ŋgə kənd gúmə́ kʉ́l bɨ́ ampúyɛ́ yí; sə́ bâŋ sə́ ŋgə kənd kʉ́l sə́ mə́ mpú yí, nəcé cʉgʉshílə Zɛmbî ŋgə́ cʉgʉshi buud yí í ŋgə ciŋgya Oyúdɛn dɨ́.

Buud ɔ́ Ifɛ̂z 2:8

Mpugá nə́ mpaam mə́ Zɛmbî wə́ í á mə́ sá nə́ bɨ dʉ́gʉ́g cʉg, bɨ a mə́ ka ntâg bii mpaam nyɔɔŋgʉ́ nə zhɨɨ́ a búgə́. Sɔ́ɔ́lʉ́gʉ́ wɔɔŋg í cúgɛ́ sɔ́ɔ́lʉ́gʉ́ wʉ́n, jísə yána mə́ Zɛmbî.

Mbʉ́gʉ́lú 12:10

Mə mú gwág dúl kə́l í ŋgə́ cɨ nə ŋkulû joŋ dɨ́ nə́: Fwála Zɛmbî mə cʉg búúd yí í mə́ wɔ́ɔ́s, nə ŋkul nyɛ́, nə íjwûga byé, nə mpə̂l mə́ Krîst yé. Nəcé bwə́ mə́ wáŋgʉlə wusə múúd ontaandɛ̂ shí. Nyə muud nyə á dʉ kə nə ontaandɛ̂ ɔ́ ómínyɔŋʉ̂ bʉ́sʉ́ kə dʉ jaaw Zɛmbî tɔɔ ibulú, tɔɔ mimwásə́ yɛ́.

Mbʉ́gʉ́lú 19:1

Ja ísâ ínɨ í mə́ shîn yí, mə mú gwág nda kúdə zhwog buud bwə́ ŋgə kɨ̂m joŋ dɨ́, bwə́ ŋgə́ cɨ nə́: *Alelúya! Zɛmbî wúsʉ́ wə́ mə́ dʉ cʉg búúd, milwanə́ nə mpífə́ bísə Zɛmbî wúsʉ́ isâ byé,

Mbʉ́gʉ́lú 21:5

Muud nyə á bə a njúl caaŋgə́d yɛ́ mú cɨ nə́: «Wo mə́ dʉ́g ɨɨ́? Mə ŋgə sá isâ byɛ̂sh ogúgwáan.» Nyə nə́mə́ nə́: «Cilə́g ísâ ínɨ, nəcé iciyá byâm bísə í abúgʉ́lág, bísə obʉ́bə́lɛ́.»

Mbʉ́gʉ́lú 22:3

Sá í ábʉ́lɛ́ ná nyiŋgə bwəma nə məlweemyâ ŋgwə́la wɔɔŋgʉ́d. Caaŋgə́ mə́ Zɛmbî bá Mwâ Ncwəmbɛ í bá bə wu. Osɔ́ɔl ɔ́ mə́sáal ɔ́ Zɛmbî bwə́ bá sá Zɛmbî isɛ́y.

Mbʉ́gʉ́lú 4:6

Mə dʉ́g nə́mə́ gúl sá cínɔŋg mpwóómbʉ́ caaŋgə́d nda məma mâŋ, nə́ ŋkʉ́l-ŋkʉ́l nda yên kristâl. Bílʉ́gá ísâ ínɔ̧̂ í njúl míkuwó í á bə na tâm caaŋgə́ nə mə́koogʉ́ məkoogʉ́, isâ byɔɔŋg í njúl nə mísh bwəma nə nyúúl nyɛ̂sh.

Mbʉ́gʉ́lú 5:7

Mwâ ncwəmbɛ wɔɔŋg nyə á ŋgə shísh nə́ ndɛɛ́ kə kumə wə́ muud nyə á bə a njúl caaŋgə́d yɛ́; a músə lə́g kálaad múúd wɔɔŋg dɨ́ mbwə̂ məncwúmʉ́d.