Mbʉ́gʉ́lú 6:2 - Makaa

² Mə músə nyiŋgə kənd mísh, mə mú dʉ́g kabʉlí í njúl nə́ fuûm, muud njúl gwo gwɔ̂w nə baŋgá mbwə́d. Bwə́ mú yə múúd wɔɔŋgʉ́ *tûm gúmə́. A mú tɨ́ njɔɔnd nə́, nda á jɨ́ mə́ntɔ̧-buud nə́, a nyiŋgə nə́mə́ kə ŋgə ntɔ̧.

Mbʉ́gʉ́lú 6:2 ပူးပေါင်းရင်းမြစ်များ

Matiyô 28:18

Yésus músə shísh bwə́dɨ́ kúnə́-kúnə, zə cɨ nə bwo nə́: «Dá Zɛmbî mə́ yə mə ŋkul nə́ mə jwúg nə isâ byɛ̂sh, tɔɔ ya joŋ dɨ́, tɔɔ ya shî ga.

1 Buud ɔ́ Kɔrɛ̂nt 15:25

Nəcé í jɨɨ nə́ a bâg jwú nə ndɛɛ́ kə wɔ́ɔ́s ja Zɛmbî mə bá culʉshi mízhízhíŋ myɛ́ myɛ̂sh, a nyaál myo nə məkuú yí.

Mbʉ́gʉ́lú 11:15

Nə́ ndɛɛ́, *éŋgəles á zaŋgbá mú lwɔ̧́ yé cwôŋ. Məkə́l mə́ mú kyɛɛg joŋ dɨ́ nə ŋkulú nə́: Cwámba wúsʉ́ wə́ músə́ nə ijwûga juwʉ́lə nə shí ndon, nə nyə nə Krîst yé. Nyə e jwú kandʉgə á kandʉgə.

Mbʉ́gʉ́lú 11:18

Ikúl í á gwág mpimbə, njɨ, wo mə́ kuya mpimbə gwô, fwála í mə́ wɔ́ɔ́s nə́ wo sámbʉ́g buud bwə́ á yə wá milə́sʉ́, fwála á nə́ wo yə́g osɔ́ɔl ɔ mə́sáal bwô myə́na myáŋ; osɔ́ɔl ɔ mə́sáal bɔɔŋg bʉ́sə, nə *buud ɔ mícúndə́ nə miŋkɛ̧́ŋkɛ̧̂ mi búúd ɨɨ́, nə bɔɔŋg bɛ̂sh bwə́ á ŋgə ŋwa jínə́ dwô nə gúmə́ wá, tɔɔ ozhizhe ɔ búúd tɔɔ fwámɛ́ búúd. Fwála í mə́ wɔ́ɔ́s nə́ wo cáámʉg buud bwə́ ŋgə́ caam shí wá.

Mbʉ́gʉ́lú 14:14

Mə músə nyiŋgə kənd mísh, mə mú dʉ́g ŋkúdú áfufumə́, muud njúl ŋkúdú wɔɔŋg dɨ́, a ŋgə́ bɛ̧ɛ̧la nə Mwân mə múúd. Nyə á bə nə *tûm gúmə́ lúúd, í njúl sɨ́yá nə or, a mbíd njəwá báágə́ bwə́ dʉ saag *blé nə ndɨ́ yí mbwə́d.

Mbʉ́gʉ́lú 15:2

Mə mú dʉ́g gúl sá njúl nda məma mâŋ, í ŋgə́ faan nə́mə́ nda yên, í ŋgə́ bə fʉlá nə kuda. Mə mú dʉ́g ɨɨ́, buud bwə́ á bə nə́, ŋkul nyáŋ í á ntɔ̧ biin í ntɔ̧ vʉgʉli jé ntɔ̧ nə́mə́ tâŋ í ŋgə́ bwəma nə jínə́ dɛ́ wá, mə mú dʉ́g búúd bɔɔŋg bwə́ tə́l məma mâŋ mɔɔŋgʉ́d, bwə́ mbíd ibɨ́ɨ́nzhá Zɛmbî nyə á yə bwo yí.

Mbʉ́gʉ́lú 17:14

Myɛ̂sh mí é lúmbʉli nə Mwâ Ncwəmbɛ, njɨ Mwâ Ncwəmbɛ nyə e cú bwo. Nəcé nywáá jisə Cwámba míl mícwámba myɛ̂sh mí ŋgə́ gwɔ̧́ɔ̧ yí, Cí í jwú nə micî myɛ̂sh yí. Bə́nɔ̂ŋ buud nyə á mə́ jɔ̂w wá, bwə́ wə́ bwə́ bá cú mícî myɔɔŋg. Nəcé nyə a fɛ́ɛ́sh buud nyə á jɔ̂w wá, bʉ́sə nyə wəabúgʉ́lág.»

Mbʉ́gʉ́lú 19:14

Misámbá mí dɔ́ɔ́mb mísə́ joŋ dɨ́ myá mí á ŋgə bɛ̧ nyə, bɛ̂sh bwə́ njúl íkabʉlí í áfufumə̂ dɨ̂, bwə́ mbid mimbwéédí mí fwámɛ́ lɛ̧̂, a njúl ŋkí fumə, fúbán nə́ fwɔ̧́-fwɔ̧́.

Mbʉ́gʉ́lú 3:21

Muud mə bá ntɔ̧ yɛ́, mə bá sá nə́ a zə́g, sá zə ji mə́dɨ́ caaŋgə́d; nəcé ja mə́ á ntɔ̧ yí, mə á zə nə́mə́, sá pʉpá zə ji nyə́dɨ́ caaŋgə́d.

Mbʉ́gʉ́lú 9:7

Ikájalá byɔɔŋg í á ŋgə bə nda ikabʉlí bwə́ mə shîn cwɔ̧ nə́ bwə́ kə́ nə ndɨ́ dɔ́ɔ́mb dɨ́ yí. Í á bə nə isâ mílúúd nda mitûm mi gúmə́ myâ sɨ́yá nə or, bwə́ nə məmpwoombʉ́ nda buud.