Mbʉ́gʉ́lú 18:11 - Makaa

¹¹ Buud bwə́ dʉ kusha kúm shí ndon wá ŋgə jɨɨ nyə nda bwə́ dʉ jɨɨ mbimbə nə́, nəcé kú ná nə muud mə kúsə́ zhwog kúm bʉ́sə́ nə ndɨ́ yí.

Mbʉ́gʉ́lú 18:11 ပူးပေါင်းရင်းမြစ်များ

Matiyô 22:5

Njɨ buud bɔɔŋgʉ́ kú bísh njúwúlú mə cî, bwə́ mú yida ŋgə bwɨ́lya, nyâŋ kə nyə́dɨ́ fambə́, nyâŋ kə mákîd mɛ́d,

Yuánɛs 2:16

Nyə nə buud bwə́ á ŋgə kusha məfaf wá nə́: «Yílʉ́gá isâ íga wa. Kúgá ŋwa njɔ́w mə́ pʉpa nda watála.»

2 Pyɛ̂r 2:3

Oyɨ́ɨ́gʉli ɔ mə́shɨɨgâ bɔɔŋgʉ́, nda bwə́ ŋgə́ sɔ̧́ məzhɨɨ́ mɛ̂sh nə́ bwə́ bə́g nə zhwog məbii nə́, bwə́ é dʉ zə nyúg bɨ́ nə mikaand mí mə́shɨɨgâ shú nə́ bwə́ dɨ́yá nə bɨ̂. Mpugá nə́ intʉ́gʉ́lí byáŋ í mə́ bwey bə, Zɛmbî wál bá zə jaŋgʉlə bwo.

Mbʉ́gʉ́lú 18:15

Buud bwə́ á kusha kúm dɔɔŋgʉ́ bíg nə dwo wá bwə́ bá fúndə nə́ bwə́ ashíshɛ́ kʉ́l á jɨ́ cwúnd dɨ́ yí, bwə́ bá tɔ̂w shwóg-shwóg ka ŋgə jɨɨ nyə nda bwə́ dʉ jɨɨ mbimbə nə́.

Mbʉ́gʉ́lú 18:20

O yé búúd bɨ́ joŋ dɨ́ wá, gwágʉ́gá məshusʉg nə ŋgwə́la nɨ cɨɨmʉ́lə! Tɔɔ bɨ́ miŋkɛ̧́ŋkɛ̧̂ mi búúd, nə *buud ɔ lwámá, nə bɨ́ *buud ɔ mícúndə́, gwágʉ́gá nə́mə́ mə́shusʉg. Nəcé, ja Zɛmbî mə́ sámb Babilɔn lə́sʉ́ yé tʉ́təlí nɨ, a mə́ kunda bɨ̂.

Mbʉ́gʉ́lú 18:23

Í bá bə, kú ná nə tɔɔ iŋgʉ́ŋgə́ŋ nə́ lámba dʉ́sə njidá, kú ná gwádʉga tɔɔ məshusʉg mâ nə́ ncwə́má bá sás bwə́ ŋgə kúnɔw béya. Í bá bə ntɔ́ nəcé okusha ɔ kúm bwô wə́ bwə́ á bul bə, wo á shɨɨg ikúl í cúgɛ́ Oyúdɛn yí byɛ̂sh nə misɔ́ɔ́lʉ́gʉ́ mí jamb wo á dʉ sá myá.

Mbʉ́gʉ́lú 18:3

Í músə ntɔ́ nəcé ikúl í cúgɛ́ *Oyúdɛn yí byɛ̂sh í á nyíŋgʉla jaŋga dɛ́d nda bwə́ dʉ nyíŋgʉla íŋgulʉga dɨ́ nə́. Micî myâ shí mí á wusə mənyúul jaŋga dɨ́ nə nyə, buud bwə́ á dʉ kusha kúm shí ndon wá, bwə́ á bíg nə yáág-yáág tɔɔm yé ásɔ̧́ mísh.

Mbʉ́gʉ́lú 18:9

Micî myâ shí myɛ̂sh bə́nɔ́ŋ bwə́ á wusə mənyúul jaŋga dɨ́ nə tɔɔm ásɔ̧́ mísh dɨ́ myá, mí bá jɨɨ mə́yə̂, mí bí mə́bwə́ bʉd dɨ́ shú dɛ́d ja bwə́ bá dʉ́g yílɛ í ŋgə́ kə gwɔ́w nə́ a ŋgə jígə yí.