Mbʉ́gʉ́lú 16:5 - Makaa

⁵ Mə mú gwág *éŋgəles mə jwú nə məncúwó yɛ́ mə́ cɨ nə Zɛmbî nə́: Wo wə́ jɨ́ bə́lɛ bə Zɛmbî, wo Zɛmbî jísə́ yɛ́, wo nyɔɔŋg wo á bwey bə yɛ́; wo jɨ tʉ́təlí nə váál wó mə́ cígal mílə́sʉ́ nɨ.

Mbʉ́gʉ́lú 16:5 ပူးပေါင်းရင်းမြစ်များ

Yuánɛs 17:25

Dâ, wo muud jɨ́ tʉ́təlí yɛ́, buud ɔ shí ga bwə́ ámpúyɛ́ wo, mɛɛ mə mpú wo, buud wo á yə mə ɔ́ga bwə́ á mə́ mpu nə́ wo á ntɨ mə.

Buud ɔ́ Róma 2:5

Ntɔ́, wo mə́ yidá bə njɨ miŋgáádə́ nə miŋgáádə́, mpug nə́ Zɛmbî mə bá lwágʉlə búud bɛ̂sh mpimbə jé dúl jwɔ́wʉ́d. Wo ŋgə sá nə́ mpimbə jɔɔŋg í bâg bul yáág shú dwô dɨ̂. Jwɔ̂w dɔɔŋgʉ́, Zɛmbî mə bá lwágʉlə nə́ á dʉ sámb buud mílə́sʉ́ sémbyé á tʉ́təlî.

Buud ɔ́ Róma 3:5

Ŋkí olɨ́lɨŋgɨ̂ bʉ́sʉ́ bwə́ dʉ sá nə́ otʉ́təlí ɔ́ Zɛmbî bwə́ mpúg nyîn, sə́ ka cɨ cínɔŋg nə́ jɨ? Ye sə́ é cɨ nə́ Zɛmbî mə́ dʉ nə́mə́ sá ócícɛ́ndɛ́ ja á dʉ lwóya mpimbə jé nə sə́ yí? Mə fwóg ná lás zhizhe lásʉ́lə á buud.

Mbʉ́gʉ́lú 1:4

Mə, Yuánɛs wə́ mə́ cílə́ mə́dɔ̧ mə Zɛmbî zaŋgbá mə́sə́ Azî má. Zɛmbî nyə á bə yɛ́, á jísə́ yɛ́, á ŋgə́ zə yɛ́, bə́nɔ̂ŋ mishíshim zaŋgbá mí tə́l nyə mpwóómbʉ́ caaŋgə́d myá bwə́ ɔ́ sá bɨ́ mpaam, bwə́ ɔ́ sá nə́mə́ nə́ bɨ cʉ́gəg nə́ shɛɛ.

Mbʉ́gʉ́lú 1:8

Zɛmbî Cwámba ŋgə cɨ nə́: «Mə jɨ Alʉ́fa, mə Oméga, mə jisə, mə á bwey dʉ bə, mə ŋgə nə́mə́ zə, mə jɨ áŋkul nyɛ̂sh.»

Mbʉ́gʉ́lú 11:17

Bwə́ á ŋgə yə nyə gúmə́ bwə́ ŋgə́ cɨ nə́: Sə́ ŋgə yə wo akíba, yé Zɛmbî wúsʉ́ Cwámba, Zɛmbî á ŋkul nyɛ̂sh, Zɛmbî jísə́ yɛ́, nyə á bwey nə́mə́ dʉ bə yɛ́. Sə́ ŋgə yə wo akíba nə wo wɛɛfʉ́lə məma ŋkûl nywô, tə́l íjwûga byô.

Mbʉ́gʉ́lú 16:4

Eŋgəles alɛ́ɛl mú kə nə jé kwɔ̂w kə shwu míŋgwɔ̧ɔ̧́ nə mə́ncwuŋʉd, myɛ̂sh mí mú bə mə́cií məcií.

Mbʉ́gʉ́lú 16:7

Mə mú gwág dúl kə́l í ŋgə́ zhu *alatâr dɨ́, í ŋgə́ cɨ nə́: «Haaw! Yé Cwámba wúsʉ́ Zɛmbî á ŋkul nyɛ̂sh, sémbyé wó dʉ sámb búúd milə́sʉ́ yí wúsə bʉ́bə́lɛ́ nə tʉ́təlî.»

Mbʉ́gʉ́lú 19:2

nəcé á dʉ cígal mílə́sʉ́ tʉ́təlí nə́ jəlá. A mə́ sámb lə́sʉ́ mə́ məma mbyóóŋg múdá í á ŋgə ntáma shí nə jaŋga yí, a mə́ kunda ósɔ́ɔl ɔ mə́sáal bɛ́, a mə́ yá nə mbyóóŋg múdá í á gwú bwo yí.

Mbʉ́gʉ́lú 4:8

Mikuwó mí ísâ mínɔ̧̂ mínɨ myɛ̂sh mí ŋgə́ bə nə məfaafʉgə́ mə́saman mə́saman, faafʉgə́ dɛ̂sh nə mísh kʉ́l jɛ̂sh, tɔɔ gwɔ̂w, tɔɔ shí. Mikuwó mí ísâ mínɨ mí dʉ wá ŋgwa ja jɛ̂sh bulú nə mwásə́ nə́: Zɛmbî Cwámba jɨ Ŋkɛ̧́ŋkɛ̧̂, a jɨ Ŋkɛ̧́ŋkɛ̧̂, a jɨ Ŋkɛ̧́ŋkɛ̧̂, Zɛmbî á ŋkul nyɛ̂sh, Zɛmbî nyə á bə yɛ́, á jísə́ yɛ́, á ŋgə́ zə yɛ́.

Mbʉ́gʉ́lú 6:10

Mishíshim myɔɔŋg mí á ŋgə kɨ̂m gwɔ́w-gwɔ̂w nə́: «Yé Ŋkɛ̧́ŋkɛ̧́ Mása, Mása áfwámɛ́, ŋgaá wó jəlá nə kunda sə̂, yá nə buud ɔ shí bwə́ á gwú sə́ wá? Wo é ŋgə bwey ntʉ́nɨ nə́ ndɛɛ́ kə wɔ́ɔ́s jáyɛ́ ja?»