Matiyô 9:23 - Makaa

²³ Yésus mú ka kə nə́ ndɛɛ́, kə nyíi njwû dɨ́ njɔ́w. A mú kwey, buud bwə́ ŋgə́ lwɔ̧́ milaag, bwo ŋgə́ sá saagʉwo mímbií mímbií.

Matiyô 9:23 ပူးပေါင်းရင်းမြစ်များ

Matiyô 11:17

“Sə́ mə́ lwɔ̧́ bɨ́ ilúlwóŋ í ábulya məkə̂l, bɨ kú sáág; sə́ mə́ nyiŋgə wá míŋgwa mí shwɨy, bɨ kú tədʉwa.”

Lúkas 7:32

Bʉ́sə nda ikágə́ bísə́ shishɛ̧́ ísɛɛŋgyá dɨ́ yí, bíl í ŋgə́ kámbʉla nə bílʉ́gá nə́: “Sə́ mə́ lwɔ̧́ bɨ́ ilúlwóŋ í ábulya məkə̂l, bɨ kú sáág; sə́ mə́ nyiŋgə wá míŋgwa mí shwɨy, bɨ kú jɨɨ”.

Misɔ́ɔ́lʉ́gʉ́ 20:10

Pwôl mú shulə. A mú lɛɛlʉ́ kə, kə ŋkɛ̂ny ncwə́má nɨ mə́bwə́d. A mú cɨ nə buud nə́: «Kúgá kənd mílâm gwɔ̂w. Jîm jé jísə ná nyə nyúúlʉ́d.»

Misɔ́ɔ́lʉ́gʉ́ 9:39

Pyɛ̂r mú nə́mə́ tɔ̂w shí, bə́nɔ̂ŋ buud ɔ́nɨ bwə́ mú kə. Ja nyə á kə wɔ́ɔ́s yí, bwə́ á kə nə nyə fúm á gwɔ́wʉ́d. Mikúsə́ myɛ̂sh mí mú zə nə məyə̂ nyə́dɨ́, zə ŋgə lwágʉlə nyə ijud nə ikúúd Dórʉ́kas nyə á dʉ laad bwo ja bə́nɔ́ŋ bwə́ á bə yí.

Mbʉ́gʉ́lú 18:22

Nə məkə́l mə́ íbɨ́ɨ́nzhá, nə məkə́l mə́ óseye isʉsa nə məkə́l mə́ ílúlwóŋ í ábulya məkə̂l, nə məkə́l mə mícwôŋ ɨɨ́, ŋgwúd nə ŋgwúd í abʉ́lɛ ná gwɨ́ɨ́g wódɨ́. Tɔɔ muud mə sá gúl sɛ́y mə́bwə́ yɛ́, tɔɔ ncíndə́ nə́ bwə́ ŋgə kwaag ifwán í ábʉ́lɛ́ ná nə́mə́ bə.