ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:39 - ᐅᔅᑭ ᑎᔅᑌᒥᓐᑦ

³⁹ ᓀᔥᑕᐱᑯ ᐁ ᐃᔥᐹᒃ, ᓀᔥᑕᐱᑯ ᐁ ᑎᒥᔮᒃ, ᓀᔥᑕᐱᑯ ᑯᑕᒃ ᐅᔑᐋᑲᓐ, ᑲᑕ ᑮ ᑲᔥᑭᑕᐤ ᑭᒋ ᐹᑳᓂᐃᑕᒃ ᐅ ᓵᑭᐃᐌᐎᓂᒃ ᐅᒋ ᑭᒋᒪᓂᑐ, ᑳ ᐃᑕᑾᓂᓕᒃ ᙭ ᒋᓴᓯᒃ ᑭ ᑎᐯᓕᒋᑫᒥᓇᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:39 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 24:24

ᐌᓴ ᑲᑕ ᐃᑖᐗᒃ ᓇᔅᐹᒡ ᙭ᑕᒃ, ᓀᔥᑕ ᓇᔅᐹᒡ ᐅᑭᔅᑭᐙᐃᑫᐗᒃ, ᑲᑕ ᐙᐸᑎᓕᐌᐗᒃ ᒫᑲ ᑭᒋ ᑭᔅᑭᓄᐙᒋ ᐙᐸᑎᓕᐌᐎᓇ ᓀᔥᑕ ᑳ ᒫᒪᔅᑳᑌᓕᑖᑾᑭ ᑫᒀᓇ: ᑫ ᐅᒋ ᐙᔦᔑᐋᒋᒃ ᐊᓂᐃ ᑳ ᐙᐌᓛᐸᒥᒥᒋ, ᑮᔥᐱᓐ ᑮ ᑐᒋᑳᑌᑭᐸᓐ᙮

ᐅᐸᓓᑭᔅ ᒑᓐ 16:27

ᐌᓴ ᐅᑖᐎᒪᐤ ᑫᒋᐙᒃ ᑭ ᓵᑭᐃᑯᐗᐤ, ᐁ ᑮ ᓵᑭᐃᔦᒃ, ᓀᔥᑕ ᐁ ᑮ ᑖᐺᑕᒣᒃ ᑭᒋᒪᓂᑐᒃ ᐁ ᐅᒋᔮᓐ᙮

ᐅᐸᓓᑭᔅ ᒑᓐ 17:26

ᓂ ᑮ ᐎᑕᒪᐙᐗᒃ ᒫᑲ ᑭᑦ ᐃᔑᓂᑳᓱᐎᓂᓕᐤ, ᓀᔥᑕ ᓂ ᑳ ᐎᑌᓐ: ᐊᓂᒪ ᓵᑭᐃᐌᐎᓐ ᑳ ᑮ ᐅᒋ ᓵᑭᐃᔭᓐ ᑭᒋ ᐱᒋᔅᑳᑯᒋᒃ, ᓂᓚ ᓀᔥᑕ ᑭᒋ ᐱᒋᔅᑲᐗᑭᒃ᙮

ᐅᐸᓓᑭᔅ ᒑᓐ 3:16

ᐌᓴ ᑭᒋᒪᓂᑐ ᐁᔅᐱᒋ ᓵᑭᑖᑦ ᐊᔅᑭᓕᐤ, ᑮ ᒥᓕᐌᐤ ᑳ ᐯᔭᑯᓕᒋ ᐅᑯᓯᓴ, ᒥᓯᐌ ᑕᑐ ᐊᐌᓕᐗ ᑳ ᑖᐺᔦᓕᒫᓕᒋ ᐁᑳ ᑭᒋ ᓂᔑᐗᓈᑎᓯᓕᒋ, ᒫᑲ ᑭᒋ ᐋᔮᓕᒋ ᑳᑭᑫ ᐱᒫᑎᓯᐎᓂᓕᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:7

ᒥᓯᐌ ᕈᒥᒃ ᑳ ᐃᑖᔦᒃ, ᑳ ᓵᑭᐃᑖᒃ ᑭᒋᒪᓂᑐ, ᑳ ᓇᑐᒥᑳᐎᔦᒃ ᑭᒋ ᐸᓓᑭᓯᔦᒃ: ᔕᐌᓕᒋᑫᐎᓐ ᓀᔥᑕ ᑳᔮᒣᓕᑕᒧᐎᓐ ᑭ ᑳ ᐎ ᐋᔮᓇᐗᐤ ᑭᒋᒪᓂᑐ ᑯᑖᐎᓇᐤ ᐅᒋ, ᓀᔥᑕ ᑌᐯᓕᒋᑫᑦ ᒋᓴᔅ ᙭᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 11:33

ᐙ ᑎᐱᔮᓕᒃ ᐁ ᐃᔑ ᐌᓗᑕᓂᓕᒃ ᐅ ᑲᑫᑕᐌᓕᑕᒧᐎᓐ ᓀᔥᑕ ᐅ ᑭᔅᑫᓕᑕᒧᐎᐤ ᑭᒋᒪᓂᑐ! ᑖᐺ ᓇᒪᐎᓚ ᑲᑕ ᑮ ᓈᓇᑕᐙᐸᒋᑳᑌᓕᐤ ᐅ ᑎᐹᔅᑯᓂᑫᐎᓇ, ᓀᔥᑕ ᐅᑦ ᐃᔑᑣᐎᓇ ᓇᒪᐎᓚ ᑲᑕ ᑮ ᑌᐱ ᒥᔅᑲᐙᒋᑳᑌᓕᐤ!

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:8

ᒫᑲ ᑭᒋᒪᓂᑐ ᑭ ᐙᐸᑎᓕᑯᓇᐤ ᐅ ᓵᑭᐃᐌᐎᓐ, ᒣᒀᒡ ᑫᔮᐸᒡ ᐁ ᑮ ᒪᒋᑣᔭᒃ, ᙭ ᑭ ᑮ ᓂᐸᔅᑕᒫᑯᓇᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:23

ᐌᓴ ᑎᐸᐊᒫᑫᐎᓇ ᑳ ᒥᓕᐌᒪᑲᒃ ᒪᒋᑡᐎᓐ ᐁᐗᑯ ᓂᐱᐎᓐ, ᒫᑲ ᑭᒋᒪᓂᑐ ᐅ ᒥᓕᐌᐎᓐ ᐁᐗᑴᓕᐤ ᑳᑭᑫ ᐱᒫᑎᓯᐎᓐ ᐎᓚ ᐅᒋ ᒋᓴᔅ ᙭ ᑭ ᑎᐯᓕᒋᑫᒥᓇᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:1

ᐊᓄᒡ ᒫᑲ ᓇᒪᐎᓚ ᓂᔑᐗᓈᒋᒥᑯᓯᐎᓂᓕᐤ ᑲᑕ ᐅᑎᑎᑯᐗᒃ ᐊᓂᑭ ᑳ ᐱᑖᒋᒃ ᙭ ᒋᓴᓯᒃ, ᐁᑳ ᐎᔮᓯᐎᓂᒡ ᑳ ᐃᔑ ᐱᒧᑌᒋᒃ, ᒫᑲ ᐊᒑᑯᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:35

ᐊᐌᓇ ᑫ ᐹᑲᓂᐃᑕᒃ ᙭ ᐅ ᓵᑭᐃᐌᐎᓂᒃ ᐅᒋ? ᑲᒀᑕᑭᓯᐎᓐ ᓈ, ᓀᔥᑕᐱᑯ ᐊᓕᒥᓯᐎᓐ, ᓀᔥᑕᐱᑯ ᓇᓀᑳᒋᐃᑯᓯᐎᓐ, ᓀᔥᑕᐱᑯ ᑲᐗᑲᑌᐎᓐ, ᓀᔥᑕᐱᑯ ᒧᔐᔥᑲᑌᐎᓐ, ᓀᔥᑕᐱᑯ ᓈᓂᓵᓂᓯᐎᓐ, ᓀᔥᑕᐱᑯ ᔑᒫᑲᓐ?

ᓂᔓ ᑯᕆᓐᑎᐊᓇ 11:3

ᒫᑳ ᓂ ᑯᔅᑖᒋᓐ, ᓈᓐᑕᐤ ᐃᔑ, ᑖᐱᔅᑯᒡ ᒥᔑᑭᓀᐱᒃ ᑳ ᑮ ᐃᔑ ᐙᔦᔑᐋᑦ ᐃᐸ ᐅ ᑲᑳᔦᓕᓯᐎᓂᒃ ᐅᒋ, ᐁᑯ ᑖᐱᔅᑯᒡ ᑭ ᒥᑐᓀᓕᒋᑲᓂᐗᐗ ᑭᒋ ᐙᔦᔑᑖᓂᐗᑭ ᐸᓓᑭᑌᓕᑕᒧᐎᓂᐤ ᐅᒋ ᙭ᑎᒃ ᑳ ᐃᑕᑾᓂᓕᒃ᙮

ᓂᔓ ᑯᕆᓐᑎᐊᓇ 2:11

ᓭᑕᓐ ᐁᑳ ᑭᒋ ᐙᔦᔑᐃᑕᒃ: ᐌᓴ ᑭ ᑭᔅᑫᓕᑕᒸᓈᓇᐤ ᐅ ᑲᑳᔦᓕᓯᐎᓇ᙮

ᐃᐱᓯᔭᓇ 1:4

ᑖᐱᔅᑯᒡ ᑳ ᑮ ᐃᔑ ᐙᐌᓛᐸᒫᑕᒃ ᑭᒋ ᐱᒋᔥᑲᐗᑭᑦ ᐸᒧᔑ ᑮ ᒫᒋ ᐅᔑᑖᓂᐗᒃ ᐅᒪ ᐊᔅᑭ, ᑭᒋ ᐸᓓᑭᓯᔭᒃ, ᓀᔥᑕ ᐁᑳ ᑭᒋ ᐊᑖᒣᓕᑕᑯᓯᔭᒃ ᐁᑖᔅᑕᒪᐱᑦ ᓵᑭᐃᐌᐎᓂᒃ:

ᐱᓕᐱᔭᓇ 3:12

ᓇᒪᐎᓚ ᑖᐱᔅᑯᒡ ᐋᔕᔾ ᐁ ᑮ ᐅᑎᑕᒫᓐ, ᓀᔥᑕᐱᑯ ᐋᔕᔾ ᐁ ᒥᑐᓂᐎᓯᔮᓐ; ᒫᑲ ᓂ ᓄᔅᐱᓇᑌᓐ, ᑮᔥᐱᓐ ᑫ ᐅᑎᑎᓇᒧᐙᓀ ᐊᓂᒪ ᑳ ᑮ ᐅᒋ ᐅᑎᑎᓂᑦ ᙭ ᒋᓴᔅ᙮

ᐱᓕᐱᔭᓇ 3:3

ᐌᓴ ᑭᓚᓈᓇᐤ ᑭᔅᑭᓄᐙᒋᔓᐎᓐ ᑭᑦ ᐋᔮᓈᓇᐤ, ᑳ ᓇᐗᑭᔥᑕᐗᒃ ᑭᒋᒪᓂᑐ ᐊᒑᑯᐎᓂᒃ, ᓀᔥᑕ ᑳ ᒥᓚᐙᑕᔭᒃ ᙭ ᒋᓴᔅ, ᓀᔥᑕ ᐁᑳ ᐊᔅᐯᓕᒧᑐᑕᒪᒃ ᐎᔮᓯᐎᐎᓂᒃ:

ᐱᓕᐱᔭᓇ 3:8

ᐁᐁ, ᑭᔅᑎᓈᒃ, ᒥᓯᐌ ᑫᒀᓇ ᐸᑾᓐᑕᐤ ᓂᑦ ᐃᑕᑭᑌᓐ ᐁ ᐃᔑ ᑭᔅᑌᓕᑖᑾᓂᓕᒃ ᐅ ᑭᔅᑫᓕᒥᑯᓯᐎᓐ ᙭ ᒋᓴᔅ ᓂ ᑎᐯᓕᒋᑫᒻ; ᐊᓇ ᒥᓯᐌ ᑫᒀᓇ ᑳ ᑮ ᐅᒋ ᐗᓂᑖᔮᓐ, ᓀᔥᑕ ᑖᐱᔅᑯᒡ ᒥᒋᑾᓛᔕ ᓂᑦ ᐃᑕᑭᑌᓐ, ᑭᒋ ᑲᔥᑭᐊᒃ ᙭,

ᓂᔓ ᑌᓴᓗᓂᔭᓇ 2:4

ᐊᓇ ᑳ ᓇᔅᑯᔅᑳᑫᑦ ᓀᔥᑕ ᐊᐙᓯᑌ ᑭᔅᑌᓕᑖᑯᐃᑎᓱᑦ ᐃᔥᐱᔥ ᐊᓂᐃ ᑭᒋᒪᓂᑐ ᑳ ᐃᔑᓂᑳᓱᓕᑭ, ᓀᔥᑕᐱᑯ ᑳ ᓇᐗᑮᔅᑕᐙᑲᓂᐎᓕᒋ; ᓀᔥᑕ ᒫᑲ ᑖᐱᔅᑯᒡ ᑭᒋᒪᓂᑐᐗ ᐊᐱᐤ ᐅᑦ ᐋᔭᒥᐁᐎᑲᒥᑯᓕᒃ ᑭᒋᒪᓂᑐᐗ, ᐁ ᐙᐸᑎᓕᐌᑦ ᐁ ᑭᒋᒪᓂᑐᐎᑦ᙮

ᓂᔥᑕᒻ ᒑᓐ 4:16

ᑭ ᑮ ᑭᔅᑫᓕᑌᓈᓇᐤ ᒫᑲ ᓀᔥᑕ ᑭ ᑮ ᑖᐺᑌᓈᓇᐤ ᐁ ᐃᔑ ᓵᑭᐃᑕᒃ ᑭᒋᒪᓂᑐ᙮ ᑭᒋᒪᓂᑐ ᓵᑭᐃᐌᐎᓂᐎᐤ; ᐊᓇ ᒫᑲ ᑳ ᐃᑖᑦ ᓵᑭᐃᐌᐎᓂᒃ, ᐱᒋᔅᑲᐌᐤ ᑭᒋᒪᓂᑐᐗ ᓀᔥᑕ ᐱᒋᔅᑳᑯ ᑭᒋᒪᓂᑐᐗ᙮

ᓂᔥᑕᒻ ᒑᓐ 4:19

ᑭ ᓵᑭᐋᓇᐤ ᐎᓕᔅᑕᒻ ᐁ ᑮ ᓵᑭᐃᑕᒃ᙮

ᑭᔅᑫᓕᑖᑯᑖᑫᐎᓐ 12:9

ᑭᒋ ᒥᔑᑭᓀᐱᒃ ᒫᑲ ᑮ ᐗᓚᐎᐌᐱᓇᐤ, ᐅᓇ ᑭᔐ ᒥᔑᑭᓀᐱᒃ, ᑳ ᐃᔑᓂᑳᓱᑦ ᒪᒋᒪᓂᑐ, ᓀᔥᑕ ᓭᑖᓐ, ᑳ ᐙᔦᔑᐃᐌᑦ ᒥᓯᐌ ᐊᔅᑮᒃ: ᐊᔅᑮᒃ ᑮ ᐃᔑ ᐗᓚᐎᐌᐱᓇᐤ, ᐅᑦ ᐁᓐᒐᓕᒪ ᐊᓯᒋ ᑮ ᐗᓚᐎᐌᐱᓈᑲᓂᐎᓕᐗ᙮

ᑭᔅᑫᓕᑖᑯᑖᑫᐎᓐ 13:14

ᐙᔦᔑᐁᐤ ᒫᑲ ᐊᓂᐃ ᐊᔅᑮᒃ ᑳ ᑕᔑᑫᓕᒋ, ᐊᓂᐃ ᒫᒪᔅᑳᒋ ᐃᔑᒋᑫᐎᓇ ᐅᒋ ᑳ ᑲᔥᑭᑖᑦ ᑭᒋ ᑐᑕᒃ ᐁ ᑲᓇᐙᐸᒥᑯᑦ ᐊᓂᐃ ᐊᐌᓯᓴ; ᐁ ᐃᑖᑦ ᐊᓂᐃ ᐊᔅᑮᒃ ᑳ ᑕᔑᑫᓕᒋ, ᑭᒋ ᒪᓯᓕᓕᑲᐙᓕᒋ ᐊᐌᓯᓴ, ᐊᓇ ᑳ ᑭ ᒥᔣᑲᓂᐎᑦ ᔑᒫᑲᓂᓕᐤ ᐅᒋ, ᐁᓕᐌᒃ ᒫᑲ ᐁ ᑮ ᐱᒫᑎᓰᑦ᙮

ᑭᔅᑫᓕᑖᑯᑖᑫᐎᓐ 19:20

ᐊᓇ ᐊᐌᓯᔅ ᒫᑲ ᑭ ᐅᑎᓇᐤ, ᐊᓯᒋ ᐊᓇ ᓀᔥᑕ ᓇᔅᐹᒡ ᐅᑭᔅᑭᐙᐃᑫᐗ ᑳ ᒫᒪᑖᐎ ᐃᔑᒋᑫᔅᑖᑯᑦ, ᐊᓂᐃ ᑳ ᐅᒋ ᐙᔦᔑᐋᑦ ᑳ ᑮ ᐅᑎᓇᒥᓕᒋ ᐅ ᑭᔅᑭᓄᐙᒋᒋᑲᓂᓕᐤ ᐊᐌᓯᓴ, ᓀᔥᑕ ᐊᓂᑭ ᑳ ᓇᐗᑭᔅᑕᐅᒫᒋᒃ ᐅ ᒪᓯᓕᓕᒪ᙮ ᐅᑯ ᒫᑲ ᒫᒪᐤ ᐁ ᐱᒫᑎᓯᒋᒃ ᑮ ᐃᔑᐌᐱᓇᐗᒃ ᐃᔥᑯᑌᐎ ᓵᑲᐃᑲᓂᒃ ᐁ ᐗᓚᑌᒃ ᐅᓵᐙᐱᔅᑯᓯᓂ᙮

ᑭᔅᑫᓕᑖᑯᑖᑫᐎᓐ 2:24

ᒫᑲ ᑭᓚᐗᐤ ᑭᑦ ᐃᑎᓈᐗᐤ, ᓀᔥᑕ ᒥᓯᐌ ᐊᓂᑭ ᑕᐃᔭᑖᐃᕋᐃᒃ ᑳ ᐃᑖᒋᒃ, ᒥᓯᐌ ᐊᓂᑭ ᐁᑳ ᑳ ᐋᔮᒋᒃ ᐅᒣᓕᐤ ᑭᔅᑭᓄᐊᒫᑫᐎᓂᓕᐤ, ᐁᑳ ᓀᔥᑕ ᑳ ᑭᔅᑫᓕᑕᒸᒋᒃ ᓭᑕᓇ ᐅ ᑎᒥᐋᒥᓕᐗ, ᐁ ᐃᔑᓂᑳᑕᑭᒃ; ᓇᒪᐎᓚ ᑯᑕᒃ ᓇᔭᒋᑲᓐ ᑭ ᑳ ᐸᑭᑎᓇᒫᑎᓈᐗᐤ:

ᑭᔅᑫᓕᑖᑯᑖᑫᐎᓐ 20:3

ᑮ ᐌᐱᓀᐤ ᒫᑲ ᐊᓐᑕ ᐁᑳ ᐁ ᒥᓴᔅᑫᔮᒃ ᐙᑎᑳᓂᒃ, ᑮ ᑭᐸᐌᐤ ᒫᑲ, ᓀᔥᑕ ᑮ ᐊᑯᔅᑭᐙᓶᐤ, ᐁᑳᐎᔅᑳᑦ ᒥᓇ ᑭᒋ ᐙᔦᔑᐋᓕᒋ ᑳ ᑕᑐᔅᑳᓀᓱᓕᒋ ᐃᓕᓕᐗ, ᐹᑎᒫ ᑮ ᑎᐱᐸᓕᑾᐌ ᑭᒋᒥᑖᑐᒥᑕᓇᐤ ᐱᐴᓋ: ᐁᑯᔅᐱ ᒫᑲ ᐊᒋᓚᐤ ᑭᒋ ᐋᐸᐙᑲᓂᐎᓕᒋ᙮

ᑭᔅᑫᓕᑖᑯᑖᑫᐎᓐ 20:7

ᐃᔅᐱ ᒫᑲ ᑮ ᑎᐱᐸᓕᑾᐌ ᑭᒋᒥᑖᑐᒥᑕᓇᐤ ᐱᐴᓋ, ᓭᑕᓐ ᑲᑕ ᐋᐸᐗᐤ ᐅ ᑭᐸᐅᑐᐎᑲᒥᑯᒃ ᐅᒋ,