ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:24 - ᐅᔅᑭ ᑎᔅᑌᒥᓐᑦ

²⁴ ᐌᓴ ᐊᔅᐯᓕᒧᐎᓐ ᑭᑦ ᐅᒋ ᐱᒫᒋᐃᑲᐎᓈᓇᐤ: ᒫᑲ ᐊᔅᐯᓕᒧᐎᓐ ᑳ ᓄᑾᒃ ᓇᒪᐎᓚ ᐊᔅᐯᓕᒧᐎᓐ: ᐌᓴ ᑫᒀᓕᐤ ᑳ ᐙᐸᑕᒃ ᐃᓕᓕᐤ, ᑖᓀᑭ ᐌᒋ ᑫᔮᐸᒡ ᑫ ᐊᔅᐯᓕᒧᑕᒃ?

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:24 ပူးပေါင်းရင်းမြစ်များ

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:12

ᐁ ᒥᓚᐙᑕᒣᒃ ᐊᔅᐯᓕᒧᐎᓂᒃ; ᐁ ᔑᐱᓚᐌᓯᔦᒃ ᐊᓕᒥᓯᐎᓂᒃ; ᐁ ᐸᑳᔅᑭᔦᒃ ᐋᔭᒥᐋᐎᓂᒃ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:13

ᐁᑯ ᑭᒋᒪᓂᑐ ᑳ ᑎᐯᓕᑕᒃ ᐊᔅᐯᓕᒧᐎᓂᓕᐤ ᑭ ᑳ ᐎ ᓵᑲᔅᑭᓇᐃᑯᐗᐤ ᒥᓯᐌ ᒥᓚᐙᑕᒧᐎᓂᓕᐤ ᓀᔥᑕ ᑳᔮᒣᓕᑕᒧᐎᓂᓕᐤ ᐁ ᑖᐺᑕᒣᒃ, ᑭᒋ ᐌᓗᑎᓯᔦᒃ ᐊᔅᐯᓕᒧᐎᓐ, ᑳ ᐸᓓᑭᓯᑦ ᐊᒑᒃ ᐅ ᓱᑳᑎᓯᐎᓐ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:4

ᐌᓴ ᑫᒀᓇ ᑳ ᑮ ᒪᓯᓇᐃᑳᑌᑭ ᐌᔅᑲᒡ ᑮ ᒪᓯᓇᐃᑳᑌᐗ ᑭᓚᓈᓇᐤ ᑭᒋ ᑭᔅᑫᓕᑕᒪᒃ, ᑭᓚᓈᓇᐤ ᔑᐱᓚᐌᓯᐎᓂᒃ ᐅᒋ, ᓀᔥᑕ ᐁ ᒥᓜᓕᒧᐃᑯᔭᒃ ᑭᒋ ᒪᓯᓇᐃᑫᐎᓇ, ᑭᒋ ᐅᒋ ᐋᔮᔭᒃ ᐊᔅᐯᓕᒧᐎᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 4:18

ᐊᓇ, ᐋᑕ ᐁ ᐋᓕᒪᒃ ᐊᔅᐯᓕᒧᐎᓐ, ᑮ ᑖᐺᔦᓕᑕᒻ ᐊᔅᐯᓕᒧᐎᓂᓕᐤ, ᑭᒋ ᑮ ᐊᑎ ᐅᑖᐎᒥᑯᑦ ᒥᒉᑦ ᑳ ᐃᑕᔅᑳᓀᓯᓕᒋ ᐃᓕᓕᐗ, ᑖᐱᔅᑯᒡ ᐊᓂᒪ ᑳ ᑮ ᐃᑣᓂᐗᓄᑯᐸᓀ, ᐁᑯ ᑫ ᐃᔑᓈᑯᓯᒋᒃ ᑭᑦ ᐊᐙᔑᒥᔕᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:2

ᐁᐗᒀᓇ ᓀᔥᑕ ᐅᒋ ᓈᑕᒪᒃ ᑖᐺᔦᓕᑕᒧᐎᓂᒃ ᐅᒋ ᐅᒪ ᔕᐌᓕᒋᑫᐎᓐ ᐃᑕ ᐁ ᐁᔑ ᓂᐸᐎᔭᒃ, ᓀᔥᑕ ᑭ ᒥᓚᐙᑌᓈᓇᐤ ᐁ ᐊᔅᐯᓕᒧᑐᑕᒶᒃ ᑭᒋᒪᓂᑐ ᐅ ᑭᔅᑌᓕᑖᑯᓯᐎᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:20

ᐌᓴ ᑳ ᐅᔑᐋᑲᓂᐎᑦ ᑮ ᐃᔑᐋᑲᓂᐎᐤ ᑭᒋ ᑎᐯᓕᒥᑯᑦ ᓂᔑᐗᓈᑎᓯᐎᓂᓕᐤ, ᓇᒪᐎᓚ ᑫᒋᐙᒃ ᐁ ᐃᔑ ᓇᐁᓕᑕᒃ, ᒫᑲ ᐊᓂᐃ ᐅᒋ ᑳ ᐃᔑ ᑎᐯᓕᑖᑯᐃᑯᑦ ᐊᔅᐯᓕᒧᐎᓂᒃ᙮

ᓂᔥᑕᒻ ᑯᕆᓐᑎᐊᓇ 13:13

ᐊᓄᒡ ᒫᑲ ᐃᑕᑾᓋ ᑖᐺᔦᓕᑕᒧᐎᓐ, ᐊᔅᐯᓕᒧᐎᓐ, ᓵᑭᐃᐌᐎᓐ, ᐅᐅ ᓂᔅᑐ; ᒫᑲ ᐊᓂᒪ ᑳ ᒪᐗᒋ ᑭᔅᑌᓕᑖᑾᒃ ᐁᐗᑯ ᓵᑭᐃᐌᐎᓐ᙮

ᓂᔓ ᑯᕆᓐᑎᐊᓇ 4:18

ᒣᒀᒡ ᐁᑳ ᐁ ᑲᓇᐙᐸᑕᒪᒃ ᐊᓂᐃ ᑳ ᓄᑾᑭ, ᒫᑲ ᐊᓂᐃ ᐁᑳ ᑳ ᓀᑾᑭ: ᐌᓴ ᐊᓂᐃ ᑳ ᓄᑾᑭ ᐊᒋᓚᐤ ᐃᑕᑾᓋ; ᒫᑲ ᐊᓂᐃ ᐁᑳ ᑳ ᓄᑾᑭ ᑳᑭᑫ ᐃᑕᑾᓋ᙮

ᓂᔓ ᑯᕆᓐᑎᐊᓇ 5:7

ᐌᓴ ᑖᐺᔦᓕᑕᒧᐎᓐ ᑭᑦ ᐅᒋ ᐱᒧᑕᓈᓇᐤ, ᓇᒪᐎᓚ ᐊᓂᐃ ᐅᒋ ᑳ ᐗᐸᑕᒪᒃ:

ᑲᓓᔕᐊᓇ 5:5

ᐌᓴ ᑭ ᐯᑖᓈᓇᐤ ᐎᓚ ᐊᒑᒃ ᐅᒋ ᒀᔭᔅᑭᑖᑎᓯᐎᓂ ᐊᔅᐯᓕᒧᐎᓐ ᑖᐺᔦᓕᑕᒧᐃᓐ ᐅᒋ᙮

ᑯᓚᔑᔭᓇ 1:23

ᑮᔥᐱᓐ ᑫᔮᐸᒡ ᑕᔑᑫᔦᑴ ᑖᐺᔦᓕᑕᒧᐎᓂᒃ, ᐁ ᐋᔨᒋᑳᐸᐎᔦᒃ ᓀᔥᑕ ᐁ ᑫᒋᓇᐅᔦᒃ, ᐁᑳ ᓀᔥᑕ ᐋᒋᐸᓕᐃᑲᐎᔦᑴ ᐁ ᐃᔑ ᐊᔅᐯᓕᒧᑐᑕᒣᒃ ᒥᓗᐋᒋᒧᐎᓐ, ᑳ ᑮ ᐯᑕᒣᒃ, ᓀᔥᑕ ᑳ ᑮ ᐎᑕᒪᐙᑲᓂᐎᑦ ᒥᓯᐌ ᐊᐌᓇ ᔑᐹ ᑭᒋᑭᔑᑯᒃ ᑳ ᐃᑖᑦ; ᐁᐗᑯ ᑳ ᐅᒋ ᓂᓚ ᐹᓪ ᐁ ᐋᔭᒥᐋᐎ ᐊᑐᔅᑫᓛᑲᓂᔮᓐ᙮

ᑯᓚᔑᔭᓇ 1:27

ᐊᓂᐃ ᑭᒋᒪᓂᑐ ᑫ ᑮ ᑭᔅᑫᓕᑕᒥᐋᔅᐸᓐ ᐁᔅᐱᒋ ᐌᓗᒋ ᑭᔅᑌᓕᑖᑾᒃ ᐅᒪ ᑳ ᒫᒪᔅᑳᑌᓕᑖᑾᒃ ᐃᑕ ᐁ ᐃᑖᒋᒃ ᒉᓐᑖᐃᓚᒃ; ᐁᐗᑯ ᙭ ᐁ ᐱᒋᔅᑳᑖᒃ, ᐁ ᐊᔅᐯᓕᒧᑐᒋᑳᑌᒃ ᑭᔅᑌᓕᑖᑯᓯᐎᓐ:

ᑯᓚᔑᔭᓇ 1:5

ᐊᓂᒪ ᐊᔅᐯᓕᒧᐎᓐ ᐅᒋ ᑳ ᐊᔅᑣᑲᐎᔦᒃ ᑭᒋᑭᔑᑯᒃ, ᐊᓂᒪ ᐋᔕᔾ ᑳ ᑮ ᐯᑕᒣᒃ, ᐁ ᐃᔑ ᐃᑗᒪᑲᒃ ᑖᐺᐎᓐ ᒥᓄᐋᒋᒧᐎᓂᒃ;

ᓂᔥᑕᒻ ᑌᓴᓗᓂᔭᓇ 5:8

ᒫᑲ ᐁᑯᔑ ᑭᓚᓈᓇᐤ ᐁ ᑭᔑᑳᒃ ᑳ ᑎᐯᓕᑖᑯᓯᔭᒃ ᐯᑳᑖᑎᓯᑕᐤ, ᐁ ᐳᔅᑎᔅᑲᒪᒃ ᑖᐺᔦᓕᑕᒧᐎᓂ ᓀᔥᑕ ᓵᑭᐃᐌᐎᓂ ᒥᔅᑳᔅᑭᑲᓈᐱᔉ; ᓀᔥᑕ ᑭᒋ ᓇᑐᐸᓕᐎ ᐊᔅᑐᑎᓂᔦᒃ ᐱᒫᒋᐃᐌᐎᓂ ᐊᔅᐯᓕᒧᐎᓐ:

ᓂᔓ ᑌᓴᓗᓂᔭᓇ 2:16

ᐁᑯ ᐎᓚ ᑫᒋᐙᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᓀᔥᑕ ᑭᒋᒪᓂᑐ, ᑯᑖᐎᓇᐤ ᐅᑎ, ᑳ ᑮ ᓵᑭᐃᑕᒃ, ᓀᔥᑕ ᑳ ᑮ ᒥᓕᑕᒃ ᑳᑭᑫ ᒥᓜᓕᒧᐎᓐ, ᓀᔥᑕ ᒥᓗ ᐊᔅᐯᓕᒧᐎᓐ ᔕᐌᓕᒋᑫᐎᓐ ᐅᒋ᙮

ᑕᐃᑕᔅ 3:7

ᐁ ᑮ ᒀᔭᔅᑭᑖᑎᓯᐃᑯᐗᒃ ᐅ ᔕᐌᓕᒋᑫᐎᓐ, ᑭᒋ ᐋᓂᔅᑫ ᐋᔮᔭᒃ, ᐊᔅᐯᓕᒧᐎᓐ ᐅᒋ, ᑳᑭᑫ ᐱᒫᑎᓯᐎᓐ᙮

ᐦᐃᑉᕉᐗ 11:1

ᑖᐺᔦᓕᑕᒧᐎᓐ ᒫᑲ ᑫᒋᓇᐅᐎᓂᐗᓐ ᐊᓂᐃ ᑫᒀᓇ ᑳ ᐊᔅᐯᓕᒧᒋᑳᑌᑭ, ᐌᒋ ᑫᒋᓈᔦᓕᒋᑳᑌᑭ ᐊᓂᐃ ᐁᑳ ᑳ ᓄᑾᑭ᙮

ᓂᔥᑕᒻ ᐱᑕᕐ 1:21

ᑭᓚᐗᐤ ᐎᓚ ᑳ ᐅᒋ ᑖᐺᔦᓕᒣᒃ ᑭᒋᒪᓂᑐ, ᑳ ᑮ ᐗᓂᔥᑳᓈᑦ ᐅᓂᐱᐗ ᐅᒋ, ᓀᔥᑕ ᑳ ᑮ ᒥᓛᑦ ᑭᔅᑌᓕᑖᑯᓯᐎᓂᓕᐤ: ᑭᒋ ᑮ ᑖᐺᔦᓕᒣᒃ ᓀᔥᑕ ᐊᔅᐯᓕᒧᑐᑕᐌᒃ ᑭᒋᒪᓂᑐ᙮

ᓂᔥᑕᒻ ᐱᑕᕐ 1:3

ᑲᑕ ᐎ ᒫᒥᒋᒥᑯᓯᐤ ᑭᒋᒪᓂᑐ ᐅᑖᐎᔭ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᐊᓇ ᑳ ᒥᒉᓂᓕᒃ ᐅ ᔕᐌᓕᒋᑫᐎᓐ ᐅᒋ ᒥᓇ ᑳ ᑮ ᓂᑖᐎᑭᐃᑕᒃ ᑭᒋ ᐱᒫᑎᓯᐎ ᐊᔅᐯᓕᒧᐎᓂᔭᒃ, ᐅ ᐗᓂᔥᑲᐎᓐ ᒋᓴᔅ ᙭ ᐅᓂᐱᐗ ᐅᒋ,

ᓂᔥᑕᒻ ᒑᓐ 3:3

ᓀᔥᑕ ᒥᓯᐌ ᑕᑐ ᐃᓕᓕᐤ ᑳ ᐋᔮᑦ ᐅᒣᓕᐤ ᐊᔅᐯᓕᒧᐎᓂᓕᐤ, ᐹᔦᑭᐃᑎᓱ, ᑖᐱᔅᑯᒡ ᐁ ᐃᔑ ᐸᓓᑭᓯᓕᒋ᙮