ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:17 - ᐅᔅᑭ ᑎᔅᑌᒥᓐᑦ

¹⁷ ᑮᔥᐱᓐ ᒫᑲ ᐅᑦ ᐊᐙᔑᒥᔕ, ᐁᑯ ᑫ ᐋᓂᔅᑫ ᐋᔭᐗᒃ ᐅᑦ ᐋᔮᓇ, ᑫ ᐋᓂᔅᑫ ᐋᔭᐗᒃ ᑭᒋᒪᓂᑐ ᐅᑦ ᐋᔮᓇ, ᑭᓕᓈᓇᐤ ᐊᓯᒋ ᙭ ᑖᐱᔅᑯ ᐋᓂᔅᑫ ᑫ ᐋᔭᐗᒃ; ᑮᔥᐱᓐ ᐁᑭᓄᑴ ᐁ ᐎᒋᓴᑫᓕᑕᒧᒪᒃ, ᐁᑯ ᓀᔥᑕ ᑭᒋ ᐃᑕᔭᒃ ᐊᓯᒋ ᐎᓚ ᑭᔅᑌᓕᑖᑯᓯᐎᓂᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:17 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 16:24

ᐁᑯ ᒋᓴᔅ ᐁᑖᑦ ᐅ ᑭᔅᑭᓄᐊᒪᐙᑲᓇ, ᑮᔥᐱᓐ ᐊᐌᓇ ᐙ ᓄᔅᐱᓇᔑᑴ, ᐁᑯᔑ ᑲᑕ ᐋᓉᑖᑎᓱ, ᑲᑕ ᐅᑎᓇᒻ ᒫᑲ ᐅᑦ ᐋᔑᑌᐋᑎᑯᒻ, ᓂ ᑳ ᓄᔅᐱᓇᑎᒃ ᒫᑲ᙮

ᐅᐸᓓᑭᔅ ᒫᑎᐤ 25:21

ᑮ ᐃᑎᑯ ᒫᑲ ᐅᑦ ᐅᑭᒫᒪ, ᐁᑯᔖᓂ, ᑭᓚ ᒥᓗ ᐊᑑᔅᑫᓛᑲᓐ ᐁ ᒀᔭᔅᑭᑎᔭᓐ; ᑭ ᑮ ᒀᔭᔅᑯᑐᑌᓐ ᐋᑎᑦ ᑫᒀᓇ, ᑭ ᑳ ᑎᐯᓕᑕᒥᐃᑎᓐ ᒥᒉᑦ ᑫᒀᓇ; ᐱᑐᑫᐤ ᑭᑦ ᐅᑭᒫᒻ ᐅ ᒧᒋᑫᓕᑕᒧᐎᓂᒃ᙮

ᐅᐸᓓᑭᔅ ᓘᒃ 12:32

ᐁᑳᐎᓚ ᓭᑭᓯᒃ, ᐁ ᒐᑲᐙᔑᔑᔦᒃ ᒫᓂᔥᒑᓂᔑᑐᒃ; ᐌᓴ ᑰᑖᐎᐗᐤ ᒥᓜᓕᑕᒻ ᑭᒋ ᒥᓕᑖᒃ ᐊᓂᐁᓕᐤ ᐅᑭᒫᐎᐎᓂᓕᐤ᙮

ᐅᐸᓓᑭᔅ ᓘᒃ 24:26

ᓇᒪ ᓈ ᙭ ᑲᑕ ᑮ ᐎᓴᑫᓕᑕᒧᐸᓐ ᐅᐅ ᑫᒀᓇ, ᐁᑯ ᑭᒋ ᐱᑐᑫᑦ ᐅ ᑭᔅᑌᓕᑖᑯᓯᐎᓂᒃ?

ᐅᐸᓓᑭᔅ ᒑᓐ 17:24

ᓄᑖ, ᓂ ᓇᑕᐌᓕᑌᓐ ᐎᓚᐗᐤ ᐊᓯᒋ, ᑳ ᑮ ᒥᓕᔭᓐ, ᐃᑕ ᐁ ᐃᑖᔮᓐ ᑭᒋ ᐎᒉᐎᒋᒃ; ᑭᒋ ᐙᐸᑕᑭᒃ ᓂ ᑭᔅᑌᓕᑖᑯᓯᐎᓂᓕᐤ, ᑳ ᑮ ᒥᓕᔭᓐ: ᐌᓴ ᑭ ᑮ ᓵᑭᐃᓐ ᐸᒧᔑ ᐅᔑᑖᓂᐗᒃ ᐊᔅᑭ᙮

ᐊᐸᔅᑕᓚᒃ 14:22

ᐁ ᐊᔨᒋᐃᒫᒋᒃ ᐅᑦ ᐊᒑᑯᐗᐗ ᑭᔅᑭᓄᐊᒪᐙᑲᓇᒃ, ᓀᔥᑕ ᐁ ᔖᔑᑭᒫᒋᒃ ᓲᑲ ᑭᒋ ᒥᒋᒥᓇᒥᓕᒋ ᑖᐺᔦᓕᑕᒧᐎᓂᓕᐤ, ᓀᔥᑕ ᒥᔅᑕᐃ ᐊᓕᒥᓯᐎᓐ ᑭᒋ ᑮ ᐅᒋ ᐱᑐᑫᐗᒃ ᑭᒋᒪᓂᑐ ᐅᑦ ᐅᑭᒫᐎᐎᓂᒃ᙮

ᐊᐸᔅᑕᓚᒃ 20:32

ᐊᓄᒡ ᒫᑲ, ᓂᒋᔖᓂᑐᒃ, ᑭ ᐸᑭᑌᓕᒥᑎᓇᐗᐤ ᑭᒋᒪᓂᑐ, ᓀᔥᑕ ᐅ ᔕᐌᓕᒋᑫᐎ ᐋᔭᒥᐎᓂᒃ, ᐊᓂᒪ ᑳ ᑲᔥᑭᑖᒪᑲᒃ ᑭᒋ ᓂᑕᐎᑭᐃᑯᔦᒃ, ᓀᔥᑕ ᑭᒋ ᒥᓕᑯᔦᒃ ᑎᐯᓕᒋᑫᐎᓐ ᐃᑕ ᒥᓯᐌ ᒫᒪᐤ ᑳ ᐃᑖᒋᒃ ᑳ ᐸᓓᑭᐊᑲᓂᐎᒋᒃ᙮

ᐊᐸᔅᑕᓚᒃ 26:18

ᑭᒋ ᐹᔅᑭᑌᓇᒶᑦ ᐅᔅᑭᔑᑯᐙᐗ, ᓀᔥᑕ ᑎᐱᔅᑭᓯᐎᓂᒃ ᑭᑭ ᐅᒋ ᑴᔅᑭᓇᒋᒃ ᐙᓭᔮᓯᐎᓂᒃ ᐃᔑ, ᓀᔥᑕ ᓭᑖᓐ ᐅ ᑲᔥᑭᐅᐎᓂᒃ ᐃᔑ ᑭᒋ ᑖᐺᔦᓕᒫᒋᒃ ᑭᒋᒪᓂᑕᐗ, ᑭᒋ ᒥᓛᑲᓂᐎᒋᒃ ᑭᒋ ᐌᐯᓕᑕᒫᒋᒃ ᐅ ᒪᒋᑣᐎᓂᐙᐗ, ᓀᔥᑕ ᑎᐯᓕᑕᒧᐎᓂᓕᐤ ᒣᑴᔭᔥ ᐊᓂᐃ ᑳ ᐸᓓᑭᐋᑲᓂᐎᓕᒋ ᑖᐺᔦᓕᑕᒧᐎᓐ ᐅᒋ ᑳ ᐯᒋᔅᑳᑯᔮᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:17

ᐌᓴ ᑮᔥᐱᓐ ᐯᔭᒃ ᐃᓕᓕᐤ ᐅ ᐗᓂᑐᑕᒧᐎᓐ ᐅᒋ ᓂᐱᐎᓐ ᑮ ᑎᐯᓕᒋᑫᒪᑲᒃ ᐊᓇ ᐯᔭᒃ ᐅᒋ; ᐋᓕᐙᒃ ᐊᐙᓯᑌ ᐊᓂᑭ ᑳ ᒥᓛᑲᓂᐎᒋᒃ ᒥᔅᑕᐃ ᔖᐌᓕᒋᑫᐎᓂᓕᐤ ᓀᔥᑕ ᐊᓂᐊᓕᐤ ᒥᓕᐌᐎᓂᓕᐤ ᒀᔭᔅᑭᑖᑎᓯᐎᓂᓕᐤ ᑲᑕ ᑎᐯᓕᒋᑫᐗᒃ ᐱᒫᑎᓯᐎᓂᒃ ᐯᔭᒃ ᐅᒋ, ᒋᓴᔅ ᙭᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:3

ᐌᓴ ᐊᓂᒪ ᐅᓚᔓᐌᐎᓐ ᐁᑳ ᑳ ᑮ ᑐᑕᒧᒪᑲᒃ, ᐎᔮᓯᐎᓂᒃ, ᐁ ᑮ ᐅᒋ ᓕᓚᒥᓯᒪᑲᒃ, ᑭᒋᒪᓂᑐ ᐁ ᐯᒋᑎᔓᐙᑦ ᑎᐱᓚᐌ ᐅᑯᓯᓴ ᐁ ᓇᔅᐱᑕᒪᓕᒋ ᒪᒋᑣᐎ ᐎᔮᓯᐎᓂᓕᐤ, ᓀᔥᑕ ᒪᒋᑣᐎᓐ ᐅᒋ, ᑮ ᓂᔑᐗᓈᒋᑕᒻ ᒪᒋᑣᐎᓂᓕᐤ ᐎᔮᓯᐎᓂᒃ:

ᓂᔥᑕᒻ ᑯᕆᓐᑎᐊᓇ 2:9

ᒫᑲ, ᐁ ᐃᑕᓯᓇᐃᑳᑌᒃ, ᒥᔅᑭᔑᒃ ᓇᒪᐎᓚ ᑮ ᐅᒋ ᐙᐸᑕᒧᒪᑲᓐ, ᓇᒪ ᓀᔥᑕ ᒥᑕᐗᑳᔾ ᑮ ᐯᑕᒧᒪᑲᓐ, ᓇᒪ ᓀᔥᑕ ᑮ ᐱᑐᑫᒪᑲᓂᓕᐗ ᐅᑌᐃᒃ ᐃᓕᓕᐤ, ᐊᓂᐃ ᑭᒋᒪᓂᑐ ᑳ ᑮ ᐙᐌᔑᑕᒪᐙᑦ ᐊᓂᐃ ᑳ ᓵᑭᐃᑯᑦ᙮

ᓂᔓ ᑯᕆᓐᑎᐊᓇ 1:5

ᐌᓴ ᑖᐱᔅᑯᒡ ᐁ ᐃᔑ ᐋᔭᐗᑭᑦ ᑳ ᒥᒉᑎᓂᓕᑭ ᐅ ᐎᓴᑫᓕᑕᒧᐎᓇ ᙭, ᐁᑯ ᑖᐱᔅᑯᒡ ᙭ ᐅᒋ ᐁ ᒥᒉᑎᒃ ᓂ ᑳᑮᒋᐃᑯᓯᐎᓂᓈᓐ᙮

ᓂᔓ ᑯᕆᓐᑎᐊᓇ 1:7

ᓀᔥᑕ ᓂᑦ ᐊᔅᐯᓕᒧᐎᓂᓈᓐ ᐁ ᐃᔑ ᐊᔅᐯᓕᒧᑐᑖᑾᒃ ᐋᔨᑕᔅᑌᐤ, ᐁ ᑭᔅᑫᓕᑕᒫᒃ ᐁ ᐎᒋᐃᐌᔦᒃ ᐎᓴᑫᓕᑕᒧᐎᓂᒃ, ᑖᐱᔅᑯᒡ ᓀᔥᑕ ᑭᒋ ᐎᒋᐃᐌᔦᒃ ᑲᑮᒋᐃᐌᐎᓂᒃ᙮

ᑲᓓᔕᐊᓇ 3:29

ᑮᔥᐱᓐ ᒫᑲ ᑎᐯᓕᒥᑯᔦᑭ ᙭, ᐁᑯ ᐌᑕᐗᔑᒥᔑᒥᑖᒃ ᐁᑉᕃᐊᒻ, ᓀᔥᑕ ᑫ ᐊᑎ ᑎᐱᓚᐌᐎᓯᔦᒃ ᐁ ᐃᑕᔅᑌᒃ ᐊᓂᒪ ᐊᔓᑕᒫᑫᐎᓐ᙮

ᑲᓓᔕᐊᓇ 4:7

ᐁᐗᑯ ᐌᒋ ᓇᒪᐎᓚ ᑫᔮᐸᒡ ᑭᑦ ᐊᑑᔅᑫᓛᑲᓂᐎᓐ, ᒫᑲ ᑭᑦ ᐅᑯᓯᓯᒪᐎᓐ; ᑮᔥᐱᓐ ᒫᑲ ᐌᑯᓯᓯᒪᐎᐗᓀ, ᐁᑯ ᐅ ᑎᐯᓕᑕᒧᒪᑭᒋᒪᓂᑐ, ᐎᓚ ᐅᒋ ᙭᙮

ᐃᐱᓯᔭᓇ 3:6

ᒉᓐᑖᐃᓚᒃ ᑭᒋ ᐎᒋ ᑎᐯᓕᑕᒧᒥᐌᒋᒃ, ᐊᓂᒪ ᑫᔮᐸᒡ ᒥᔭᐎᒃ ᓀᔥᑕ ᑭᒋ ᑕᑯᐋᑲᓂᐎᒋᒃ, ᓀᔥᑕ ᑭᒋ ᐎᒋ ᐅᑎᓇᒧᒥᐌᒋᒃ ᐅᑦ ᐊᔓᑕᒫᑫᐎᓂᓕᐤ ᙭ᑎᒃ ᒥᓗᐋᒋᒧᐎᓐ ᐅᒋ:

ᐱᓕᐱᔭᓇ 1:29

ᐌᓴ ᑭᓚᐗᐤ ᑭ ᒥᓕᑲᐎᓇᐗᐤ ᐅᑦ ᐃᑌᓕᑖᑯᓯᐎᓂᒃ ᙭, ᓇᒪᐎᓚ ᐱᑯ ᑭᒋ ᑖᐺᔦᓕᒣᒃ, ᒫᑲ ᐊᓯᒋ ᐎᓚ ᐅᒋ ᑭᒋ ᐎᓴᑫᓕᑕᒣᒃ;

ᐱᓕᐱᔭᓇ 3:10

ᑭᒋ ᑭᔅᑫᓕᒪᒃ, ᓀᔥᑕ ᐁᔅᐱᒋ ᑲᔥᑭᐅᒪᑲᓂᓕᒃ ᐅ ᐗᓂᔥᑲᐎᓐ, ᓀᔥᑕ ᐊᓂᒪ ᐎᒉᐎᐌᐎᓐ ᐅ ᐙᐎᓴᑫᓕᑕᒧᐎᓂᒃ ᑳ ᐅᒋᐸᓕᒃ, ᐁ ᐃᔑᓈᑯᐃᑲᐎᐗᒃ ᐅ ᓂᐱᐎᓐ;

ᑯᓚᔑᔭᓇ 1:24

ᐊᓄᒡ ᒫᑲ ᓂ ᒥᓚᐙᑌᓐ ᓂ ᐎᓴᑫᓕᑕᒧᐎᓂᒃ ᑭᓚᐗᐤ ᐅᒋ, ᓀᔥᑕ ᓂ ᓵᑲᔅᑭᓇᑖᓐ ᐊᓂᐁᓕᐤ ᑳ ᓄᑌᐸᓕᓕᒃ ᐅ ᑲᒀᑕᑭᓯᐎᓇ ᙭, ᓂ ᐎᔮᓯᒃ, ᐎᔭᐤ ᐅᒋ, ᐁᐗᑯ ᒫᒪᐎᐋᔭᒥᐊᐗᒃ;

ᑕᐃᑕᔅ 3:7

ᐁ ᑮ ᒀᔭᔅᑭᑖᑎᓯᐃᑯᐗᒃ ᐅ ᔕᐌᓕᒋᑫᐎᓐ, ᑭᒋ ᐋᓂᔅᑫ ᐋᔮᔭᒃ, ᐊᔅᐯᓕᒧᐎᓐ ᐅᒋ, ᑳᑭᑫ ᐱᒫᑎᓯᐎᓐ᙮

ᐦᐃᑉᕉᐗ 1:14

ᓇᒪ ᓈ ᒥᓯᐌ ᐊᑑᔅᑫᐎ ᐊᒑᑯᐎᐗᒃ, ᐁ ᐯᒋᑎᔕᐙᑲᓂᐎᒋᒃ ᑭᒋ ᐊᔭᒥᐊᐎ ᐊᑑᔅᑲᐙᒋᒃ ᐊᓂᐃ ᑫ ᐊᑎ ᐊᔮᓕᒋ ᐱᒫᒋᐃᐌᐎᓂᓕᐤ?

ᐦᐃᑉᕉᐗ 1:2

ᒣᒀᒡ ᐅᐅ ᒫᒋᒡ ᐁ ᑭᔑᑳᑭ ᑭ ᑮ ᐋᔭᒥᐃᑯᓇᐤ ᐅᑯᓯᓴ ᐅᒋ, ᑳ ᑮ ᐸᑭᑎᓈᑦ ᑭᒋ ᑎᐯᓕᑕᒥᓕᒋ ᒥᓯᐌ ᑫᒀᓇ, ᐁᐗᒀᓂᐃ ᓀᔥᑕ ᑳ ᑮ ᐅᒋ ᐅᔑᑖᑦ ᐊᔅᑭᔭ;

ᐦᐃᑉᕉᐗ 6:17

ᐃᑕ ᑭᒋᒪᓂᑐ, ᐁ ᓇᑕᐌᓕᑕᒃ ᐊᐙᓯᑌ ᑭᒋ ᐙᐸᑎᓛᑦ ᐊᓂᐃ ᑳ ᐊᑎ ᐋᔮᓕᒋ ᐊᓂᐁᓕᐤ ᐊᔓᑕᒫᑫᐎᓂᓕᐤ ᐁᑳ ᑭᒋ ᑴᔅᑭᐸᓕᓕᒃ ᐅᑦ ᐃᑌᓕᑕᒧᐎᓐ, ᑭᒋᐃᑗᐎᓂᒃ ᑮ ᐅᒋ ᐊᔨᒋᑕᐤ;

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 2:5

ᓇᑐᑕᒧᒃ, ᓯᐋᑭᐃᑕᑾᒃ ᓂᒋᔖᓂᑐᒃ, ᓇᒪ ᓈ ᑭᒋᒪᓂᑐ ᑮ ᐙᐌᓛᐸᒣᐤ ᐊᓂᐃ ᑳ ᑭᑎᒫᑭᓯᓕᑭ ᐅᑕ ᐊᔅᑮᒃ, ᐁ ᒥᔕᑭᓯᓕᑭ ᑖᐺᔦᓕᑕᒧᐎᓂᒃ, ᓀᔥᑕ ᑫ ᐊᑎ ᐋᔮᓕᒋ ᐊᓂᐁᓕᐤ ᐅᑭᒫᐎᐎᓂᓕᐤ ᑳ ᑮ ᐊᔓᑕᒪᐙᑦ ᐊᓂᐃ ᑳ ᓵᑭᐃᑯᑦ?

ᓂᔥᑕᒻ ᐱᑕᕐ 1:4

ᑭᒋ ᐅ ᑎᐯᓕᒋᑲᓂᔭᒃ ᐁᑳ ᑫ ᓂᔑᐗᓈᑕᒃ, ᐁᑳ ᑳ ᐎᓕᐹᒃ, ᐁᑳ ᓀᔥᑕ ᑳ ᐊᑎ ᐌᐱᐸᓕᒃ, ᐁ ᐊᔅᑖᒫᑲᐎᔦᒃ ᑭᒋᑭᔑᑯᒃ,

ᓂᔥᑕᒻ ᐱᑕᕐ 4:13

ᒫᑲ ᒥᓚᐙᑕᒧᒃ, ᐁ ᑮ ᐎᒋᐃᐌᔦᐤ ᙭ ᐅ ᐙᐎᓴᑫᓕᑕᒧᐎᓇ; ᐃᔅᐱ ᓄᑾᓂᓕᑫ ᐅ ᑭᔅᑌᓕᑖᑯᓯᐎᓐ, ᑭᓚᐗᐤ ᓀᔥᑕ ᑭᒋ ᓯᑭᓓᓯᔦᑳ ᑭᒋ ᒥᓚᐙᑕᒧᐎᓂᒃ᙮

ᑭᔅᑫᓕᑖᑯᑖᑫᐎᓐ 21:7

ᐊᓇ ᑳ ᔖᑯᒋᐃᐌᑦ ᑲᑕ ᐊᑎ ᐋᔭᐤ ᐅᐅ ᑫᒀᓇ; ᓂ ᑳ ᐅ ᑭᒋᒪᓂᑐᒥᒥᒃ ᒫᑲ, ᓂᓚ ᓀᔥᑕ ᓂ ᑳ ᐅᑯᓯᓯᒪᐤ᙮

ᑭᔅᑫᓕᑖᑯᑖᑫᐎᓐ 3:21

ᐊᓇ ᑳ ᔖᑯᒋᐃᐌᑦ ᓂ ᑳ ᒥᓚᐤ ᑭᒋ ᐎᑕᐱᒥᑦ ᓂᑦ ᐅᑭᒪᐗᐱᐎᓂᒃ, ᑖᐱᔅᑯᒡ ᓂᓚ ᓀᔥᑕ ᐁ ᑮ ᔖᑯᒋᐃᐌᔮᓐ, ᓀᔥᑕ ᐁ ᐎᑕᐱᒪᒃ ᓄᑖᐎ ᐅᑦ ᐅᑭᒪᐗᐱᐎᓂᒃ᙮