ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:16 - ᐅᔅᑭ ᑎᔅᑌᒥᓐᑦ

¹⁶ ᐊᓇ ᐊᒑᒃ ᑫᒋᐙᒃ ᑎᐹᑐᑕᒻ ᐊᓯᒋ ᑭᑦ ᐊᒑᑯᓇᐤ, ᐁ ᐅᑦ ᐊᐙᔑᒥᔑᒥᑕᐤ ᑭᒋᒪᓂᑐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:16 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 5:9

ᔕᐌᓕᑖᑯᓯᐗᒃ ᑳ ᐅᑐᑌᒥᐃᐌᒋᒃ; ᐌᓴ ᑭᒋᒪᓂᑐ ᐅᑦ ᐊᐙᔑᒥᔕ ᑲᑕ ᐃᔑᓂᑳᓱᐗᒃ᙮

ᐅᐸᓓᑭᔅ ᓘᒃ 20:36

ᓇᒪᐎᔅᑳᑦ ᒫᑲ ᒥᓇ ᑲᑕ ᑮ ᓂᐱᐗᒃ: ᐌᓴ ᓇᔅᐱᑕᐌᐗᒃ ᐁᓐᒐᓚ: ᓀᔥᑕ ᐅᑦ ᐊᐙᔑᒥᔑᒥᑯᐗᒃ ᑭᒋᒪᓂᑐᐗ, ᐁ ᐅᑦ ᐊᐙᔑᒥᔑᒥᑯᒋᒃ ᐗᓂᔥᑳᐎᓂᓕᐤ᙮

ᐅᐸᓓᑭᔅ ᒑᓐ 1:12

ᒥᓯᐌ ᐊᓂᐃ ᒫᑲ ᑳ ᐅᑎᓂᑯᑦ, ᐁᐗᒀᓂᐃ ᒫᓛᑦ ᑲᔥᑭᐅᐎᓂᓕᐤ ᑭᒋ ᐅᑯᓯᓯᒥᑯᓕᒋ ᑭᒋᒪᓂᑐᐗ, ᐊᓂᐃ ᐅᑎ ᑳ ᑖᐺᔦᓕᑕᒥᓕᒋ ᐅᑦ ᐃᔑᓂᑳᓱᐎᓐ᙮

ᐊᐸᔅᑕᓚᒃ 5:32

ᓂᓚᓈᓐ ᒫᑲ ᓂ ᑎᐸᒋᒨᔅᑕᒪᐙᓇᓐ ᐅᐅ ᑫᒀᓇ; ᐁᒀᓂ ᓀᔥᑕ ᐁ ᑐᑕᒃ ᑳ ᐸᓓᑭᓯᑦ ᐊᒑᒃ, ᐊᓂᐃ ᑭᒋᒪᓂᑐ ᑳ ᑮ ᒥᓛᑦ ᒥᓯᐌ ᑕᑐ ᑳ ᓇᓇᐃᑖᑯᑦ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:14

ᐌᓴ ᒥᓯᐌ ᑳ ᑭᔅᑭᓄᑕᐃᑯᒋᒃ ᑭᒋᒪᓂᑐᐗ ᐅᑦ ᐊᒑᑯᓕᐗ, ᐁᐗᒀᓂᑭ ᑳ ᐅᑯᓯᓯᒥᑯᒋᒃ ᑭᒋᒪᓂᑐᐗ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:19

ᐌᓴ ᑳ ᐅᔑᐋᑲᓂᐎᑦ ᐅ ᑭᐗᔐᓕᑕᒧᐎᓐ ᐯᑖᒪᑲᓂᓕᐤ ᑭᒋ ᓄᑯᐋᑲᓂᐎᓕᒋ ᐊᓂᐃ ᑳ ᐅᑯᓯᓯᒥᑯᓕᒋ ᑭᒋᒪᓂᑐᐗ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:23

ᓇᒪᐎᓚ ᒫᑲ ᐎᓚᐗᐤ ᐱᑯ, ᒫᑲ ᑭᓚᓈᓇᐤ ᓀᔥᑕ ᑳ ᐋᔮᔭᒃ ᐊᓂᐃ ᑳ ᓂᑳᓂᒥᓂᔑᐎᑦ ᐊᒑᒃ, ᑭᓚᓈᓇᐤ ᑫᒋᐙᒃ ᑭ ᒫᒫᑗᓈᓇᐤ ᐱᒋ ᑭᔭᐎᓈᒃ, ᐁ ᐯᑖᔭᒃ ᑭᒋ ᐅᑦ ᐊᐙᔑᒥᔑᒥᑲᐎᔭᒃ, ᑭᒋ ᐱᒫᒋᑖᓂᐗᒃ ᑭᔭᐎᓇᐤ ᐅᑎ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:26

ᓀᔥᑕ ᒫᑲ ᐊᒑᒃ ᐊᓯᒋ ᓂᔓᑲᒪᐙᑕᒻ ᑭ ᓕᓚᒥᓯᐎᓂᓇᐗ; ᐌᓴ ᓇᒪᐎᓚ ᑭ ᑭᔅᑫᓕᑌᓈᓇᐤ ᑫᒀᓐ ᒀᔭᔉ ᑫ ᓇᑐᑕᒫᔭᑭᐸᓐ: ᒫᑲ ᐊᒑᒃ ᑫᒋᐙᒃ ᑭᑦ ᐋᔭᒥᐁᔅᑕᒫᑯᓇᐤ ᒫᒫᑗᐎᓂᒃ ᐁᑳ ᑫ ᑮ ᐃᑣᓂᐗᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 9:26

ᑲᑕ ᐃᑭᓐ ᒫᑲ, ᐊᓂᒪ ᐃᑕ ᑳ ᑮ ᐃᑖᑲᓂᐎᒋᒃ, ᓇᒪᐎᓚ ᑭᓚᐗᐤ ᓂᑦ ᐃᓕᓕᒪᒃ; ᐁᑯᑕ ᑫ ᐃᔑᓂᑳᑖᑲᓂᐎᒋᒃ ᐅᑦ ᐊᐙᔑᒥᔕ ᐯᒫᑎᓰᑦ ᑭᒋᒪᓂᑐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 9:8

ᐁᐗᑯ ᐅᒪ, ᐊᓂᑭ ᑳ ᐅᑦ ᐊᐙᔑᒥᔑᒥᑯᒋᒃ ᐎᔮᓯᐎᓂᓕᐤ, ᐅᑯ ᓇᒪᐎᓚ ᐅᑦ ᐊᐙᔑᒥᔑᒥᑯ ᑭᒋᒪᓂᑐᐗ: ᒫᑲ ᐊᓂᑭ ᑳ ᐅᑦ ᐊᐙᔑᒥᔑᒥᑯᒋᒃ ᐊᔓᑕᒫᑫᐎᓂᓕᐤ ᐁᐗᒀᓂᑭ ᐊᐙᔑᔕᒃ ᑳ ᐃᑕᑭᒫᑲᓂᐎᒋᒃ᙮

ᓂᔓ ᑯᕆᓐᑎᐊᓇ 1:12

ᐌᓴ ᐅᒪ ᐅᒋ ᓂ ᒧᒋᑫᓕᑌᓈᓐ, ᐁ ᐃᑖᒋᒧᔅᑖᑯᔮᒃ ᓂ ᒥᑐᓀᓕᒋᑲᓂᓇᓐ, ᒀᔭᔉ ᐃᑌᓕᑕᒧᐎᓂᒃ ᓀᔥᑕ ᒪᓂᑐᐎ ᑖᐺᔦᓕᑖᑯᓯᐎᓂᒃ, ᓇᒪᐎᓚ ᐎᔮᓯᐎ ᑲᑫᑕᐌᓕᑕᒧᐎᓂᒃ, ᒫᑲ ᐅ ᔕᐌᓕᒋᑫᐎᓐ ᑭᒋᒪᓂᑐ ᐅᒋ, ᓂ ᑮ ᐃᔑ ᐱᒫᑎᓯᓈᓐ ᐅᑕ ᐊᔅᑮᒃ, ᐋᓕᐗᒃ ᒫᑲ ᑭᓚᐗᐤ ᐃᔑ᙮

ᓂᔓ ᑯᕆᓐᑎᐊᓇ 1:22

ᑳ ᑮ ᑭᔅᑭᓄᐙᒋᐃᑕᒃ, ᓀᔥᑕ ᑳ ᑮ ᒥᓕᑕᒃ ᐅ ᑫᒋᓇᐃᐌᐎᓐ ᐊᒑᒃ ᓂᑌᐃᓈᒃ᙮

ᓂᔓ ᑯᕆᓐᑎᐊᓇ 5:5

ᐊᓇ ᒫᑲ ᐅᒪ ᑫᒀᓐ ᑳ ᑮ ᑐᑕᒫᑕᒃ ᐁᐗᑯ ᑭᒋᒪᓂᑐ, ᑳ ᑮ ᒥᓕᑕᒃ ᓀᔥᑕ ᐅ ᑫᒋᓈᐅᐎᓐ ᐊᒑᒃ᙮

ᓂᔓ ᑯᕆᓐᑎᐊᓇ 6:18

ᓀᔥᑕ ᑭ ᑳ ᐅᑦ ᐅᑕᐎᒥᓇᐗᐤ, ᓀᔥᑕ ᑭᓚᐗᐤ ᑭ ᑳ ᐅᑯᓯᓯᒥᑎᓇᐗᐤ ᓀᔥᑕ ᑭ ᑳ ᐅᑖᓂᓯᒥᑎᓇᐗᐤ, ᐃᑗᐤ ᐅᑎᐯᓕᒋᑫᐤ ᒥᓯᐌ ᓯᔫᑳᑎᓰᑦ᙮

ᑲᓓᔕᐊᓇ 3:26

ᐌᓴ ᒥᓯᐌ ᐁ ᐃᑕᔑᔦᒃ ᑭᑦ ᐅᑦ ᐊᐙᔑᒥᔑᒥᑯᐗᐤ ᑭᒋᒪᓂᑐ ᐁ ᑖᐺᔦᓂᒣᒃ ᙭ ᒋᓴᔅ᙮

ᑲᓓᔕᐊᓇ 4:6

ᓀᔥᑕ ᒫᑲ ᐁ ᐅᑯᓯᓯᒪᐎᔦᒃ, ᑭᒋᒪᓂᑐ ᑮ ᐃᔑᑎᔕᐊᒬᐤ ᐅᑯᓯᓴ ᐅᑦ ᐊᒑᑯᓕᐗ ᑭᑌᐃᐙᒃ, ᐁ ᑌᐺᓕᒋ ᐋᐸ, ᓄᑖ᙮

ᐃᐱᓯᔭᓇ 1:13

ᐊᓇ ᑭᓚᐗᐤ ᓀᔥᑕ ᑳ ᑮ ᒪᒥᔑᑐᑕᐌᒃ, ᐹᑎᒫ ᑳ ᑮ ᐯᑕᒣᒃ ᐊᓂᒪ ᑕᐺᐎᓂ ᐋᔭᒥᐎᓐ, ᐊᓂᒪ ᒥᓗᐋᒋᒧᐎᓐ ᑳ ᐅᒋᐸᓕᒃ ᑭ ᐱᒫᒋᐃᑯᓯᐎᓂᐗᐤ; ᐊᓇ ᓀᔥᑕ, ᐹᑎᒪ ᑳ ᑮ ᑖᐺᑕᒣᒃ, ᑳ ᐅᒋ ᑭᔅᑭᓄᐙᒋᐃᑖᒃ ᐊᓇ ᐊᔓᑕᒫᑫᐎᓂ ᐸᓓᑭ ᐊᒑᒃ,

ᐃᐱᓯᔭᓇ 4:30

ᐁᑳᐎᓚ ᓀᔥᑕ ᒪᒥᔕᒣᓕᑕᒥᐃᒥᒃ ᑭᒋᒪᓂᑐ ᐅ ᐸᓓᑭ ᐊᒑᑾ, ᑳ ᐅᒋ ᑭᔅᑭᓄᐙᒋᐃᑲᐎᔦᒃ ᐹᑎᒪ ᑎᐸᐊᒫᑫᔅᑕᒫᑫᐎ ᑮᔑᑳᑫ᙮

ᓂᔥᑕᒻ ᒑᓐ 3:1

ᑲᓇᐙᐸᑕᒧᒃ ᑫᑯ ᑐᐎ ᓵᑭᐃᐌᐎᓂᓕᐤ ᐅᑖᐎᒪᐤ ᑳ ᑮ ᒥᓕᑕᒃ, ᑭᒋᒪᓂᑐ ᐅᑯᓯᓴ ᑭᒋ ᐃᔑᓂᑳᑎᑲᐎᔭᒃ! ᐁᐗᑯ ᐌᒋ ᐁᑳ ᑭᔅᑫᓕᒥᑯᔭᒃ ᐊᔅᑭ, ᐎᓚ ᐁᑳ ᐁ ᐅᒋ ᑭᔅᑫᓕᒥᑯᑦ᙮

ᓂᔥᑕᒻ ᒑᓐ 3:10

ᐁᐗᑯ ᐁ ᐃᔑ ᑭᔅᑫᓕᑖᑯᓯᓕᒋ ᑭᒋᒪᓂᑐ ᐅᑦ ᐊᐙᔑᒥᔕ ᓀᔥᑕ ᒪᒋᒪᓂᑐ ᐅᑦ ᐊᐙᔑᒥᔕ: ᐊᐌᓇ ᐁᑳ ᑎᐅᑕᒧᑴ ᒀᔭᔅᑭᑖᑎᓯᐎᓂᓕᐤ, ᓇᒪᐎᓚ ᑭᒋᒪᓂᑐᒃ ᐅᒋᐤ, ᓇᒪ ᓀᔥᑕ ᐊᓇ ᐁᑳ ᑳ ᓵᑭᐋᑦ ᐎᒋᔖᓇ᙮

ᓂᔥᑕᒻ ᒑᓐ 3:2

ᓯᐋᑭᐃᑕᑾᒃ, ᐊᓄᒡ ᑭᒋᒪᓂᑐ ᑭᑦ ᐅᑯᓯᓯᒥᑯᓇᐤ, ᓀᔥᑕ ᓇᒪᐎᓚ ᐁᔥᑾ ᓄᑾᓐ ᑫ ᐃᔑ ᐋᔮᔭᒃ; ᒫᑲ ᑭ ᑭᔅᑫᓕᑌᓈᓇᐤ, ᐃᔅᐱ ᓄᑯᓯᑌ, ᑭ ᑳ ᓇᔅᐱᑕᐙᓇᐤ; ᐌᓴ ᑭ ᑳ ᐙᐸᒫᓇᐤ ᐁ ᐃᔑᓈᑯᓯᑦ᙮

ᓂᔥᑕᒻ ᒑᓐ 4:13

ᐅᒪ ᑭ ᐅᒋ ᑭᔅᑫᓕᑌᓈᓇᐤ ᐁ ᐱᒋᔅᑲᐗᒃ, ᐎᓚ ᓀᔥᑕ ᐁ ᐱᒋᔅᑳᑕᒃ, ᐁ ᑮ ᒥᓕᑕᒃ ᐅᑦ ᐊᒑᑾ᙮

ᓂᔥᑕᒻ ᒑᓐ 5:10

ᐊᓇ ᑳ ᑖᐺᔦᓕᒥᒫᑦ ᑭᒋᒪᓂᑐ ᐅᑯᓯᓴ, ᐋᔭᐤ ᐅᒣᓕᐤ ᑎᐹᒋᒧᐎᓂᓕᐤ ᐁ ᐱᒋᔅᑳᑯᑦ: ᐊᓇ ᐁᑳ ᑳ ᑖᐺᑕᐙᑦ ᑭᒋᒪᓂᑐᐗ, ᑭᓛᔅᑭᔉ ᑮ ᐃᔑᐁᐤ: ᐁᑳ ᐁ ᑖᐺᑕᒸᑦ ᐅ ᑎᐹᒋᒧᐎᓂᓕᐤ ᑭᒋᒪᓂᑐᐗ ᑳ ᑮ ᐃᑖᒋᒫᓕᒋ ᐅᑯᓯᓴ᙮

ᑭᔅᑫᓕᑖᑯᑖᑫᐎᓐ 21:7

ᐊᓇ ᑳ ᔖᑯᒋᐃᐌᑦ ᑲᑕ ᐊᑎ ᐋᔭᐤ ᐅᐅ ᑫᒀᓇ; ᓂ ᑳ ᐅ ᑭᒋᒪᓂᑐᒥᒥᒃ ᒫᑲ, ᓂᓚ ᓀᔥᑕ ᓂ ᑳ ᐅᑯᓯᓯᒪᐤ᙮