ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:23 - ᐅᔅᑭ ᑎᔅᑌᒥᓐᑦ

²³ ᐌᓴ ᑎᐸᐊᒫᑫᐎᓇ ᑳ ᒥᓕᐌᒪᑲᒃ ᒪᒋᑡᐎᓐ ᐁᐗᑯ ᓂᐱᐎᓐ, ᒫᑲ ᑭᒋᒪᓂᑐ ᐅ ᒥᓕᐌᐎᓐ ᐁᐗᑴᓕᐤ ᑳᑭᑫ ᐱᒫᑎᓯᐎᓐ ᐎᓚ ᐅᒋ ᒋᓴᔅ ᙭ ᑭ ᑎᐯᓕᒋᑫᒥᓇᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:23 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 25:46

ᐅᑯ ᒫᑲ ᑳᑭᑫ ᑲᒀᑕᑭᓯᐎᓂᒃ ᑲᑕ ᐃᑐᑌᐗᒃ, ᒫᑲ ᐅᒀᔭᔅᑭᑖᑎᓯᐗᒃ ᑳᑭᑫ ᐱᒫᑎᓯᐎᓂᒃ᙮

ᐅᐸᓓᑭᔅ ᒑᓐ 10:28

ᓀᔥᑕ ᓂ ᒥᓛᐗᒃ ᑳᑭᑫ ᐱᒫᑎᓯᐎᓂᓕᐤ; ᓇᒪᐎᔅᑳᑦ ᒫᑲ ᑲᑕ ᓂᔑᐗᓈᑎᓯᐗᒃ, ᓇᒪᐎᓚ ᓀᔥᑕ ᐊᐌᓇ ᓂ ᑳ ᑮ ᒪᔅᑲᒥᒃ ᓂᒌᒌᒃ ᐅᒋ᙮

ᐅᐸᓓᑭᔅ ᒑᓐ 17:2

ᑖᐱᔅᑯᒡ ᐁ ᑮ ᒥᓛᑦ ᑲᔥᑭᐅᐎᓂᓕᐤ ᑭᒋ ᑎᐯᓕᒫᑦ ᒥᓯᐌ ᐃᓕᓕᐗ, ᑭᒋ ᒥᓛᑦ ᑳᑭᑫ ᐱᒫᑎᓯᐎᓂᓕᐤ ᑕᑐ ᐊᓂᐃ ᑳ ᑮ ᒥᓚᑦ᙮

ᐅᐸᓓᑭᔅ ᒑᓐ 3:36

ᐊᓇ ᑳ ᑖᐺᔦᓕᒫᑦ ᐅᑯᓯᓯᒫᐗ ᐋᔭᐤ ᑳᑭᑫ ᐱᒫᑎᓯᐎᓂᓕᐤ: ᐊᓇ ᒫᑲ ᐁᑳ ᑳ ᑖᐺᑕᐙᑦ ᐅᑯᓯᓯᒫᐗ ᓇᒪᐎᓚ ᑲᑕ ᐙᐸᑕᒻ ᐱᒫᑎᓯᐎᓂᓕᐤ; ᒫᑲ ᑭᒋᒪᓂᑐᐗ ᐅᑦ ᐊᑯᓚᐌᓯᐎᓂᓕᐤ ᒫᑕᑯᔅᑳᑯᐌᐤ᙮

ᐅᐸᓓᑭᔅ ᒑᓐ 4:14

ᒫᑲ ᑕᑐ ᐊᐌᓇ ᑫ ᒥᓂᑴᑦ ᐊᓂᐁᓕᐤ ᓂᐱᓕᐤ ᑫ ᒥᓚᒃ ᓇᒪᐎᔅᑳᑦ ᑲᑕ ᓄᑌᔮᐸᑴᐤ; ᒫᑲ ᓂᐱᓕᐤ ᑫ ᒥᓚᒃ ᑲᑕ ᐱᒋᔅᑳᑯ ᐁ ᒧᓇᐃᐹᓂᐗᓂᓕᒃ, ᐁ ᒧᔅᑭᒋᐗᓂᓕᒃ ᑭᒋ ᐅᒋ ᑳᑭᑫ ᐱᒫᑎᓰᑦ᙮

ᐅᐸᓓᑭᔅ ᒑᓐ 4:36

ᐊᓇ ᒫᑲ ᑳ ᒪᓂᔑᑫᑦ ᐅᑎᓇᒻ ᑎᐸᐊᒫᑯᓯᐎᓂᓕᐤ, ᓀᔥᑕ ᒪᐗᒋᑕᐤ ᓂᑖᐎᑭᑖᑲᓇ ᑭᒋ ᐅᒋ ᑳᑭᑫ ᐱᒫᑎᓰᑦ: ᑖᐱᔅᑯᒡ ᐊᓇ ᑳ ᐸᑭᑎᓂᑫᑦ ᓀᔥᑕ ᐊᓇ ᑳ ᒪᓂᔑᑫᑦ ᑭᒋ ᒥᓚᐙᑕᑭᒃ᙮

ᐅᐸᓓᑭᔅ ᒑᓐ 5:24

ᑖᐺ, ᑖᐺ, ᑭᑦ ᐃᑎᓇᐗᐤ, ᐊᓇ ᑳ ᓇᑐᑕᒃ ᓂᑦ ᐋᔭᒥᐎᓂᓕᐤ, ᓀᔥᑕ ᑳ ᑖᐺᔦᓕᒫᑦ ᐊᓂᐃ ᑳ ᑮ ᐯᒋᑎᔕᐅᓕᒋ, ᐋᔭᐤ ᑳᑭᑫ ᐱᒫᑎᓯᐎᓂᓕᐤ, ᓇᒪ ᓀᔥᑕ ᑲᑕ ᐅᑎᑎᑯ ᓂᔑᐗᓈᒋᒥᑯᓯᐎᓂᓕᐤ; ᒫᑲ ᑮ ᒥᔮᔥᑲᒻ ᓂᐱᐎᓂᓕᐤ ᐁ ᐅᑎᑕᒃ ᐱᒫᑎᓯᐎᓂᓕᐤ᙮

ᐅᐸᓓᑭᔅ ᒑᓐ 6:27

ᐁᑳᐎᓚ ᐋᐸᑎᓯᒃ ᑭᒋ ᐋᔮᔦᒃ ᐊᓂᒪ ᒥᒋᒻ ᑳ ᓂᔑᐙᓈᑕᒃ, ᒫᑲ ᑭᒋ ᐋᔮᔦᒃ ᐊᓂᒪ ᒥᒋᒻ ᑳᑭᑫ ᐱᒫᑎᓯᐎᓂᒃ ᑫ ᐃᔅᑯ ᐃᑕᑾᒃ, ᐃᓕᓕᐎᑯᓯᓵᓐ ᑫ ᒥᓕᑖᒃ: ᐌᓴ ᐁᐗᑯ ᑳ ᓱᑲᑭᒥᑯᑦ ᐅᑖᐎᒫᐗ᙮

ᐅᐸᓓᑭᔅ ᒑᓐ 6:40

ᐁᐗᑴᓕᐤ ᒫᑲ ᐅᑦ ᐃᑌᓕᑕᒧᐎᓐ ᐊᓇ ᑳ ᑮ ᐯᒋᑎᔕᐅᑦ, ᒥᓯᐌ ᑕᑐ ᐊᐌᓇ ᑳ ᐙᐸᒫᑦ ᐅᑯᓯᓯᒫᐗ, ᓀᔥᑕ ᑳ ᑖᐺᔦᓕᒫᑦ, ᑭᒋ ᐋᔮᑦ ᑳᑭᑫ ᐱᒫᑎᓯᐎᓂᓕᐤ: ᓂ ᑳ ᐗᓂᔥᑳᓇᐤ ᒫᑲ ᒫᒋᒡ ᑭᔑᑳᓕᑫ᙮

ᐅᐸᓓᑭᔅ ᒑᓐ 6:68

ᐁᑯ ᓀᔥᑴᐗᔑᐃᑯᑦ ᓵᐃᒪᓐ ᐱᑕᕋ, ᑌᐯᓕᒋᑫᔭᓐ, ᐊᐌᓇ ᑫ ᓈᑕᑭᑦ? ᑭᓚ ᑭᑦ ᐋᔮᓐ ᑳᑭᑫ ᐱᒫᑎᓯᐎᓂ ᐋᔭᒥᐎᓇ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:32

ᐁᐗᒀᓂᑭ ᐋᑕ ᐁ ᑭᔅᑫᓕᑕᒸᒋᒃ ᑭᒋᒪᓂᑐ ᐅ ᑎᐹᔅᑯᓂᑫᐎᓂᓕᐤ, ᐊᓂᑭ ᐅᒣᓕᐤ ᑐᐎ ᑳ ᑐᑕᑭᒃ ᐁ ᑌᐸᑫᓕᑖᑯᓯᒋᒃ ᑭᒋ ᓂᐱᒋᒃ, ᓇᒪᐎᓚ ᐱᑯ ᑫᒋᐙᒃ ᑐᑕᒶᒃ, ᒫᑲ ᐊᓯᒋ ᓀᔥᑕ ᓇᐃᓚᐌᐃᑯᐗᒃ ᐊᓂᐃ ᑳ ᑐᑕᒥᓕᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:7

ᐊᓂᐃ ᔑᐱᓚᐌᓯᐎᓂᒃ ᑕᑭ ᒥᓗᑐᑕᒥᓕᒋ ᐁ ᓈᓇᑕᐌᓕᑕᒥᓕᒋ ᑭᔅᑌᓕᑖᑯᓯᐎᓂᓕᐤ ᓀᔥᑕ ᑭᔅᑎᓯᐎᓂᓕᐤ ᓀᔥᑕ ᑭᒋᐱᒫᑎᓯᐎᓂᓕᐤ, ᒥᓓᐤ ᑳᑭᑫ ᐱᒫᑎᓯᐎᓂᓕᐤ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:12

ᐁᐗᑯ ᐅᒋ ᒫᑲ, ᐯᔭᒃ ᐃᓕᓕᐤ ᐅᒋ ᒪᒋᑣᐎᓐ ᐁ ᑮ ᐱᑐᑫᒪᑲᒃ ᐊᔅᑮᒃ, ᓀᔥᑕ ᓂᐱᐎᓐ ᒪᒑᑎᓯᐎᓂᒃ ᐁ ᐅᒋᐸᓕᒃ; ᓀᔥᑕ ᓂᐱᐎᓐ ᐁ ᑮ ᐸᑲᒥᔅᑳᑯᒋᒃ ᒥᓯᐌ ᐃᓕᓕᐗᒃ, ᐌᓴ ᒥᓯᐌ ᑮ ᒪᒋᑐᑕᒶᒃ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:17

ᐌᓴ ᑮᔥᐱᓐ ᐯᔭᒃ ᐃᓕᓕᐤ ᐅ ᐗᓂᑐᑕᒧᐎᓐ ᐅᒋ ᓂᐱᐎᓐ ᑮ ᑎᐯᓕᒋᑫᒪᑲᒃ ᐊᓇ ᐯᔭᒃ ᐅᒋ; ᐋᓕᐙᒃ ᐊᐙᓯᑌ ᐊᓂᑭ ᑳ ᒥᓛᑲᓂᐎᒋᒃ ᒥᔅᑕᐃ ᔖᐌᓕᒋᑫᐎᓂᓕᐤ ᓀᔥᑕ ᐊᓂᐊᓕᐤ ᒥᓕᐌᐎᓂᓕᐤ ᒀᔭᔅᑭᑖᑎᓯᐎᓂᓕᐤ ᑲᑕ ᑎᐯᓕᒋᑫᐗᒃ ᐱᒫᑎᓯᐎᓂᒃ ᐯᔭᒃ ᐅᒋ, ᒋᓴᔅ ᙭᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:21

ᑖᐱᔅᑯᒡ ᒫᑲ ᒪᒋᑣᐎᓐ ᑳ ᐃᔑ ᑎᐯᓕᒋᑫᒪᑲᒃ ᓂᐱᐎᓂᒃ ᐃᔑ, ᐁᑯ ᑖᐱᔅᑯᒡ ᔕᐌᓕᒋᑫᐎᓐ ᑫ ᑎᐯᓕᒋᑫᒪᑲᒃ ᒀᔭᔅᑭᑖᑎᓯᐎᓐ ᐅᒋ ᑳᑭᑫ ᐱᒫᑎᓯᐎᓂᒃ ᐃᔑ ᐎᓚ ᐅᒋ ᒋᓴᔅ ᙭ ᑭ ᑎᐯᓕᒋᑫᒥᓇᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:16

ᓇᒪ ᓈ ᑭ ᑭᔅᑫᓕᑌᓇᑄᐤ, ᐊᓇ ᑳ ᐃᔑ ᐸᑭᑎᓂᑎᓱᔦᒃ ᐁ ᐅᑦ ᐊᑑᔅᑫᓛᑲᓂᒥᑖᒃ ᑭᒋ ᓇᓇᐃᑕᐌᒃ, ᐁᐗᒀᓇ ᑳ ᐅᑦ ᐊᑑᔅᑫᓛᑲᓂᒥᑖᒃ ᑳ ᓇᓇᐃᑕᐌᒃ; ᑮᔥᐱᓐ ᒪᒋᑣᐎᓐ ᓂᐱᐎᓂᒃ ᐃᔑ, ᓀᔥᑕᐱᑯ ᓇᓇᐃᑕᒧᐎᓐ ᒀᔭᔅᑭᑖᑎᓯᐎᓂᒡ ᐃᔑ?

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:21

ᑫᑯ ᒥᓂᔕ ᒫᑲ ᑳ ᑮ ᐋᔮᔦᒃ ᑳ ᐅᒋᐸᓕᑭ ᐊᓂᐃ ᑫᒀᓂᒃ ᐊᓄᒡ ᑳ ᐅᒋ ᓇᓀᐯᐎᓯᔦᒃ? ᐁᓴ ᐅᐅ ᑫᒀᓇ ᐃᑕᒧᐗ ᓂᐱᐎᓂᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:13

ᐌᓴ ᑮᔥᐱᓐ ᐎᔮᓯᐎᓂᒃ ᐃᔑ ᐱᒫᑎᓯᔦᑴ, ᑭ ᑳ ᓂᐱᓇᐗᐤ: ᒫᑲ ᑮᔥᐱᓐ ᐋᒑᒃ ᐅᒋ ᓂᔑᐗᓈᒋᑖᔦᑴ ᒥᔭᐎ ᐃᔑᑣᐎᓇ, ᑭ ᑳ ᐱᒫᑎᓯᓇᐗᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:38

ᐌᓴ ᓂ ᑫᒋᓇᐅᓐ, ᓇᒪᐎᓚ ᓂᐱᐎᓐ, ᓀᔥᑕᐱᑯ ᐱᒫᑎᓯᐎᓐ, ᓀᔥᑕᐱᑯ ᐁᓐᒐᓚᒃ, ᓀᔥᑕᐱᑯ ᑎᐯᓕᒋᑫᐎᓇ, ᓀᔥᑕᐱᑯ ᑳ ᑭᔅᑕᑭᑖᑾᑭ, ᓀᔥᑕᐱᑯ ᐊᓄᒡ ᑳ ᐃᑕᑾᑭ, ᓀᔥᑕᐱᑯ ᐁᔥᑾ ᑫ ᐃᑕᑾᑭ,

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:39

ᓀᔥᑕᐱᑯ ᐁ ᐃᔥᐹᒃ, ᓀᔥᑕᐱᑯ ᐁ ᑎᒥᔮᒃ, ᓀᔥᑕᐱᑯ ᑯᑕᒃ ᐅᔑᐋᑲᓐ, ᑲᑕ ᑮ ᑲᔥᑭᑕᐤ ᑭᒋ ᐹᑳᓂᐃᑕᒃ ᐅ ᓵᑭᐃᐌᐎᓂᒃ ᐅᒋ ᑭᒋᒪᓂᑐ, ᑳ ᐃᑕᑾᓂᓕᒃ ᙭ ᒋᓴᓯᒃ ᑭ ᑎᐯᓕᒋᑫᒥᓇᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:6

ᐌᓴ ᑭᒋ ᐎᔮᓯᐎ ᒥᑐᓀᓕᒋᑲᓂᐗᒃ ᐁᐗᒀᓂᒪ ᓂᐱᐎᓐ; ᒫᑲ ᑭᒋ ᐊᒑᑯᐎ ᒥᑐᓀᓕᒋᑲᓂᐗᒃ ᐁᐗᒀᓂᒪ ᐱᒫᑎᓯᐎᓐ ᓀᔥᑕ ᑳᔮᒣᓕᑕᒧᐎᓐ᙮

ᑲᓓᔕᐊᓇ 3:10

ᐌᓴ ᒥᓯᐌ ᑳ ᑎᐯᓕᑖᑯᓯᒋᒃ ᐅᓚᔓᐌᐎ ᐃᔑᒋᑫᐎᓂᒃ ᒪᒐᑭᑖᑯᓯᐎᓂᒃ ᐃᑕᐗᒃ: ᐌᓴ ᐃᑕᓯᓇᐃᑳᑌᐤ, ᒪᒉᓕᑖᑯᓯᐤ ᒥᓯᐌ ᑕᑐ ᐊᐌᓇᐌᑳ ᒧᔕᒃ ᑳ ᑲᓇᐌᓕᑕᒃ ᒥᓯᐌ ᑫᒀᓇ ᑳ ᒪᓯᓇᐃᑳᑌᓕᒋ ᐅᓚᔓᐌᐎᓂ ᒪᓯᓇᐃᑲᓂᒃ ᑭᒋ ᑐᑕᒃ᙮

ᑕᐃᑕᔅ 1:2

ᐁ ᐊᔅᐯᓕᒧᑐᒋᑳᑌᒃ ᑳᑭᑫ ᐱᒫᑎᓯᐎᓐ, ᐊᓂᒪ ᑭᒋᒪᓂᑐ, ᐁᑳ ᑳ ᑮ ᑭᓛᔅᑭᑦ, ᑳ ᑮ ᐊᔓᑕᒫᑫᑦ ᐸᒧᔑ ᑮ ᒫᒋ ᐊᔅᑭᐗᒃ:

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:15

ᐁᑯᔅᐱ ᒫᑲ, ᐱᔅᐱ ᒪᒋ ᓇᑕᐌᓕᑕᒧᐎᓐ ᑮ ᑲᓄᔥᑲᑕᐗᓱᒪᑲᒃ ᓂᑕᐎᑭᑖᒪᑲᓐ ᒪᒋᑐᑕᒧᐎᓐ; ᓀᔥᑕ ᒪᒋᑐᑕᒧᐎᓐ ᐃᔅᐱ ᑭᔑᒋᑳᑌᒃ, ᓂᑖᐎᑭᑖᒪᑲᓐ ᓂᐱᐎᓐ᙮

ᓂᔥᑕᒻ ᒑᓐ 2:25

ᐁᐗᑯ ᒫᑲ ᐅᒪ ᐊᔓᑕᒫᑫᐎᓐ ᑳ ᑮ ᐊᔓᑕᒫᑕᒃ, ᑳᑭᑫ ᐱᒫᑎᓯᐎᓐ ᐅᑎ᙮

ᑭᔅᑫᓕᑖᑯᑖᑫᐎᓐ 21:8

ᒫᑲ ᑳ ᓭᑭᓯᒋᒃ, ᓀᔥᑕ ᐁᑳ ᑳ ᑖᐺᑕᑭᒃ, ᓀᔥᑕ ᑳ ᓂᐹᓯᓈᑯᓯᒋᒃ, ᓀᔥᑕ ᑳ ᐱᔑᒀᑎᓯᒋᒃ, ᓀᔥᑕ ᒥᑌᐗᒃ, ᓀᔥᑕ ᑳ ᓇᐗᑮᔅᑕᐙᒋᒃ ᒪᓂᑐᑳᓇ, ᓀᔥᑕ ᒥᓯᐌ ᐅᑭᓛᔅᑭᔅᑲᒃ, ᑲᑕ ᐋᔮᐗᒃ ᐅ ᑎᐸᐊᒫᑯᓯᐎᓂᐗᐤ ᐊᓂᒪ ᓵᑲᐃᑲᓂᒃ ᐃᑕ ᐁ ᐗᓚᑌᒃ ᐃᔥᑯᑌᐤ ᓀᔥᑕ ᐅᓵᐙᐱᔅᑯᓯᓂ; ᐁᐗᒀᓂᒪ ᓂᔓ ᓂᐱᐎᓐ᙮