ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:17 - ᐅᔅᑭ ᑎᔅᑌᒥᓐᑦ

¹⁷ ᐌᓴ ᑮᔥᐱᓐ ᐯᔭᒃ ᐃᓕᓕᐤ ᐅ ᐗᓂᑐᑕᒧᐎᓐ ᐅᒋ ᓂᐱᐎᓐ ᑮ ᑎᐯᓕᒋᑫᒪᑲᒃ ᐊᓇ ᐯᔭᒃ ᐅᒋ; ᐋᓕᐙᒃ ᐊᐙᓯᑌ ᐊᓂᑭ ᑳ ᒥᓛᑲᓂᐎᒋᒃ ᒥᔅᑕᐃ ᔖᐌᓕᒋᑫᐎᓂᓕᐤ ᓀᔥᑕ ᐊᓂᐊᓕᐤ ᒥᓕᐌᐎᓂᓕᐤ ᒀᔭᔅᑭᑖᑎᓯᐎᓂᓕᐤ ᑲᑕ ᑎᐯᓕᒋᑫᐗᒃ ᐱᒫᑎᓯᐎᓂᒃ ᐯᔭᒃ ᐅᒋ, ᒋᓴᔅ ᙭᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:17 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 25:34

ᐁᑯ ᑭᒋᐅᑭᒪᐤ ᑫ ᐃᑖᑦ ᐊᓂᐃ ᐅ ᑭᒋᓂᔅᑮᒃ, ᐋᔅᑕᒥᑐᒃ, ᑭᓚᐗᐤ ᑳ ᒥᓦᑭᒥᑖᒃ ᓄᑖᐎ, ᐯᒋ ᐋᔮᒃ ᐊᓂᒪ ᐅᑭᒫᐎᐎᓐ ᑳ ᑮ ᐋᔦᔅᑳᐎᑕᒫᑲᐎᔦᒃ ᐊᔅᐱᓐ ᓃᔥᑕᒻ ᐁ ᐊᔅᑭᐗᒃ:

ᐅᐸᓓᑭᔅ ᒑᓐ 10:10

ᑭᒧᑎᔉ ᓇᒪᐎᓚ ᐯᒋ ᐃᑐᑌᐤ ᐱᑯ ᐙ ᑭᒧᑎᒋ, ᓀᔥᑕ ᐙ ᓂᐹᔨᐌᒋ, ᓀᔥᑕ ᐙ ᓂᔑᐗᓈᒋᐃᐌᒋ: ᓂᓚ ᓂ ᑮ ᐯᒋ ᐃᑐᑖᓐ ᑭᒋ ᐋᔮᒋᒃ ᐱᒫᑎᓯᐎᓂᓕᐤ, ᓀᔥᑕ ᐊᐙᓯᑌ ᑭᒋ ᐌᓗᒋᑖᒋᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:12

ᐁᐗᑯ ᐅᒋ ᒫᑲ, ᐯᔭᒃ ᐃᓕᓕᐤ ᐅᒋ ᒪᒋᑣᐎᓐ ᐁ ᑮ ᐱᑐᑫᒪᑲᒃ ᐊᔅᑮᒃ, ᓀᔥᑕ ᓂᐱᐎᓐ ᒪᒑᑎᓯᐎᓂᒃ ᐁ ᐅᒋᐸᓕᒃ; ᓀᔥᑕ ᓂᐱᐎᓐ ᐁ ᑮ ᐸᑲᒥᔅᑳᑯᒋᒃ ᒥᓯᐌ ᐃᓕᓕᐗᒃ, ᐌᓴ ᒥᓯᐌ ᑮ ᒪᒋᑐᑕᒶᒃ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:15

ᒫᑲ ᓇᒪᐎᓚ ᑖᐱᔅᑯᒡ ᐗᓂᑐᑕᒧᐎᓐ ᐁ ᐃᔑᓈᑾᒃ ᐊᓂᒪ ᒧᔐ ᒥᓕᐌᐎᓐ᙮ ᐌᓴ ᑮᔥᐱᓐ ᐯᔭᒃ ᐅ ᐗᓂᑐᑕᒧᐎᓐ ᐅᒋ ᒥᒉᑦ ᓀᐱᒋᒃ, ᐋᓕᐙᒃ ᐊᐙᓯᑌ ᐅ ᔕᐌᓕᒋᑫᐎᐧᓐ ᑭᒋᒪᓂᑐ, ᓀᔥᑕ ᐊᓂᒪ ᒥᓕᐌᐎᓐ ᔕᐌᓕᒋᑫᐎᓂᒃ ᑳ ᐅᒋᐸᓕᒃ, ᐊᓂᒪ ᐯᔭᒃ ᐃᓕᓕᐤ ᑳ ᐅᒋ ᑕᑾᒃ, ᑮ ᑌᐱᐸᓕᐃᑯᐗᒃ ᒥᒉᑦ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:20

ᓀᔥᑕ ᒫᑲ ᐅᓚᔓᐌᐎᓐ ᑮ ᐱᑐᑫᒪᑲᓐ ᑭᒋ ᒥᒉᑎᒃ ᐗᓂᑐᑕᒧᐎᓐ᙮ ᒫᑲ ᐃᑕ ᑳ ᐃᔑ ᒥᒉᑎᒃ ᒪᒋᑣᐎᓐ, ᐁᑯᑕ ᐋᓕᐙᒃ ᐊᐙᓯᑌ ᑮ ᒥᒉᑌᓐ ᔕᐌᓕᒋᑫᐎᓐ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:14

ᐌᓴ ᒪᒋᑣᐎᓐ ᓇᒪᐎᓚ ᑭ ᑳ ᑎᐯᓕᒥᑯᓇᐗᐤ: ᐌᓴ ᓇᒪᐎᓚ ᑭᑦ ᐃᑖᓇᐗᐤ ᐅᓚᔓᐌᐎᓂᒃ ᒫᑲ ᔕᐌᓕᒋᑫᐎᓂᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:23

ᐌᓴ ᑎᐸᐊᒫᑫᐎᓇ ᑳ ᒥᓕᐌᒪᑲᒃ ᒪᒋᑡᐎᓐ ᐁᐗᑯ ᓂᐱᐎᓐ, ᒫᑲ ᑭᒋᒪᓂᑐ ᐅ ᒥᓕᐌᐎᓐ ᐁᐗᑴᓕᐤ ᑳᑭᑫ ᐱᒫᑎᓯᐎᓐ ᐎᓚ ᐅᒋ ᒋᓴᔅ ᙭ ᑭ ᑎᐯᓕᒋᑫᒥᓇᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:39

ᓀᔥᑕᐱᑯ ᐁ ᐃᔥᐹᒃ, ᓀᔥᑕᐱᑯ ᐁ ᑎᒥᔮᒃ, ᓀᔥᑕᐱᑯ ᑯᑕᒃ ᐅᔑᐋᑲᓐ, ᑲᑕ ᑮ ᑲᔥᑭᑕᐤ ᑭᒋ ᐹᑳᓂᐃᑕᒃ ᐅ ᓵᑭᐃᐌᐎᓂᒃ ᐅᒋ ᑭᒋᒪᓂᑐ, ᑳ ᐃᑕᑾᓂᓕᒃ ᙭ ᒋᓴᓯᒃ ᑭ ᑎᐯᓕᒋᑫᒥᓇᐤ᙮

ᓂᔥᑕᒻ ᑯᕆᓐᑎᐊᓇ 15:49

ᑖᐱᔅᑯᒡ ᓀᔥᑕ ᐁ ᑮ ᐋᔭᐗᒃ ᐅᑦ ᐃᔑᓈᑯᓯᐎᓐ ᐊᓇ ᑳ ᐊᔅᑭᐎᑦ, ᐁᑯ ᓀᔥᑕ ᑫ ᐋᔭᐗᒃ ᐊᓇ ᑳ ᑭᔑᑳᐎᑦ ᐅᑦ ᐃᔑᓈᑯᓯᐎᓐ᙮

ᓂᔥᑕᒻ ᑯᕆᓐᑎᐊᓇ 4:8

ᐊᓄᒡ ᑭ ᑭᔥᐳᓇᐗᐤ, ᐊᓄᒡ ᑭ ᒥᔕᑭᓯᓇᐗᐤ, ᑭ ᑮ ᑎᐯᓕᒋᑳᓇᐗᐤ ᑖᐱᔅᑯᒡ ᑭᒋᐅᑭᒪᐗᒃ ᐋᑕ ᐁᑳ ᐁ ᐎᒉᐎᑖᒃ; ᓐᑕᒫᑕ ᓀᔥᑕ ᑖᐺ ᑎᐯᓕᒋᑫᔦᒃ, ᓂᓚᓈᓐ ᐊᓯᒋ ᑭᓚᐗᐤ ᑭᒋ ᑎᐯᓕᒋᑫᔮᒃ᙮

ᐱᓕᐱᔭᓇ 3:9

ᓀᔥᑕ ᑭᒋ ᒥᔅᑳᑲᐎᔮᓐ ᐁ ᐱᒋᔅᑲᐗᒃ, ᐁᑳ ᐁ ᐋᔮᔮᓐ ᑎᐱᓚᐌ ᓂ ᒀᔭᔅᑭᑖᑎᓯᐎᓐ, ᐅᓚᔓᐌᐎᓂᒃ ᑳ ᐅᒋ ᑕᑾᒃ, ᒫᑲ ᐊᓂᒪ ᐅ ᑖᐺᔦᓕᒥᑯᓯᐎᓂᒡ ᙭ ᑳ ᐅᒋᐸᓕᒃ, ᐊᓂᒪ ᒀᔭᔅᑭᑖᑎᓯᐎᓐ ᑭᒋᒪᓂᑐᒃ ᑳ ᐅᒋᐸᓕᒃ ᑖᐺᔦᓕᑕᒧᐎᓐ ᐅᒋ:

ᓂᔥᑕᒻ ᑎᒧᑎ 1:14

ᓀᔥᑕ ᐅ ᔕᐌᓕᒋᑫᐎᓐ ᑭ ᑎᐯᓕᒋᑫᒥᓇᐤ ᓈᔅᐱᒡ ᑮ ᐌᓗᒋᐸᓕᓕᐤ, ᐊᓯᒋ ᑖᐺᔦᓕᑕᒧᐎᓐ ᓀᔥᑕ ᓵᑭᐃᐌᐎᓐ ᑳ ᐃᔑ ᐱᒋᔅᑳᑯᑦ ᙭ ᒋᓴᔅ᙮

ᓂᔓ ᑎᒧᑎ 2:12

ᑮᔥᐱᓐ ᐎᓴᑫᓕᑕᒥᐃᑲᐎᔭᒃ, ᐊᓯᒋ ᓀᔥᑕ ᑭ ᑳ ᐎᒋᑎᐯᓕᒋᑫᒫᓇᐤ; ᑮᔥᐱᓐ ᐋᓉᑕᐗᒃ, ᐎᓚ ᓀᔥᑕ ᑭ ᑳ ᐋᓉᑖᑯᓇᐤ:

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 2:5

ᓇᑐᑕᒧᒃ, ᓯᐋᑭᐃᑕᑾᒃ ᓂᒋᔖᓂᑐᒃ, ᓇᒪ ᓈ ᑭᒋᒪᓂᑐ ᑮ ᐙᐌᓛᐸᒣᐤ ᐊᓂᐃ ᑳ ᑭᑎᒫᑭᓯᓕᑭ ᐅᑕ ᐊᔅᑮᒃ, ᐁ ᒥᔕᑭᓯᓕᑭ ᑖᐺᔦᓕᑕᒧᐎᓂᒃ, ᓀᔥᑕ ᑫ ᐊᑎ ᐋᔮᓕᒋ ᐊᓂᐁᓕᐤ ᐅᑭᒫᐎᐎᓂᓕᐤ ᑳ ᑮ ᐊᔓᑕᒪᐙᑦ ᐊᓂᐃ ᑳ ᓵᑭᐃᑯᑦ?

ᓂᔥᑕᒻ ᐱᑕᕐ 2:9

ᒫᑲ ᑭᓚᐗᐤ ᑭᑦ ᐋᐎᓇᐎᐤ ᑳ ᐙᐌᓛᐸᒫᑲᓂᐎᒋᒃ ᑳ ᐋᓂᔅᑫ ᐱᒫᑎᓯᒋᒃ, ᑳ ᑭᔅᑌᓕᑖᑯᓯᒋᒃ ᓵᓵᑭᐎᓕᐌᐎᓕᓕᐗᒃ, ᑳ ᐸᓓᑭᓯᒋᒃ ᐁ ᐃᑕᔅᑳᓀᓯᒋᒃ ᐃᓕᓕᐗᒃ, ᑳ ᑭᔅᑕᑭᑖᑯᓯᒋᒃ ᐃᓕᓕᐗᒃ; ᑭᒋ ᐙᐸᑎᓕᐌᔦᒃ ᐅ ᒥᓨᑎᓰᐃᓇ ᐊᓇ ᐗᓂᑎᐱᔅᑭᓯᐎᓂᒃ ᑳ ᑮ ᐅᒋ ᓇᑐᒥᑖᒃ ᐅ ᒫᒪᔅᑳᒋ ᐙᓭᔮᓱᐎᓂᒃ ᐃᔑ;

ᑭᔅᑫᓕᑖᑯᑖᑫᐎᓐ 1:6

ᓀᔥᑕ ᑳ ᑮ ᐃᑐᑖᑕᒃ ᑭᒋ ᑭᒋᐅᑭᒫᐎᔭᒃ ᓀᔥᑕ ᓵᓵᑭᐎᓕᐌᐎᓕᓕᐎᔭᒃ ᐅᑎᔥᑲᐤ ᑭᒋᒪᓂᑐ ᓀᔥᑕ ᐅᑖᐃᔭ; ᐎᓚ ᑲᑕ ᐎ ᐋᔭᐤ ᑭᔅᑌᓕᑖᑯᓯᐎᓂᓕᐤ ᓀᔥᑕ ᑎᐯᓕᒥᐌᐎᓂᓕᐤ ᑳᑭᑫ ᓀᔥᑕ ᑳᑭᑫ᙮ ᐁᒣᓐ᙮

ᑭᔅᑫᓕᑖᑯᑖᑫᐎᓐ 20:4

ᓂ ᑮ ᐙᐸᑌᓐ ᒫᑲ ᐅᑭᒪᐗᐱᐎᓇ, ᐊᓂᑭ ᓀᔥᑕ ᑳ ᑌᑕᐱᒋᒃ, ᑮ ᒥᓛᐗᒃ ᒫᑲ ᑭᒋ ᑎᐹᔅᑯᓂᑫᒋᒃ: ᓂ ᑮ ᐙᐸᒥᒫᐗ ᒫᑲ ᐅᑦ ᐊᒑᑯᐙᐗ ᐊᓂᑭ ᑳ ᑮ ᑮᔥᑭᑴᐙᑲᓂᐎᒋᒃ ᐅ ᑎᐹᒋᒧᐎᓐ ᒋᓴᔅ ᐅᒋ, ᓀᔥᑕ ᐅᑦ ᐋᔭᒥᐎᓐ ᑭᒋᒪᓂᑐ, ᐁᑳ ᓀᔥᑕ ᑳ ᑮ ᓇᐗᑮᔅᑕᐙᒋᒃ ᐊᓂᐃ ᐊᐌᓯᓴ, ᐁᑳ ᓀᔥᑕ ᐅ ᒪᓯᓕᓕᒥᓕᐗ, ᐁᑳ ᓀᔥᑕ ᑳ ᑮ ᐅᑎᓇᒸᒋᒃ ᐅ ᑭᔅᑭᓄᐙᒋᒋᑲᓂᓕᐤ ᐅᔅᑲᑎᑯᐙᒃ, ᓀᔥᑕᐱᑯ ᐅᒋᒋᐙᒃ; ᑮ ᐎᒋᐱᒫᑎᓯᒣᐗᒃ ᓀᔥᑕ ᑮ ᐎᒋᑎᐯᓕᒋᑫᒣᐗᒃ ᙭ᑕ ᐃᔥᐱᔥ ᑭᒋᒥᑖᑐᒥᑕᓇᐤ ᐱᐴᓋ᙮

ᑭᔅᑫᓕᑖᑯᑖᑫᐎᓐ 20:6

ᔕᐌᓕᑖᑯᓯᐤ ᓀᔥᑕ ᐸᓓᑭᓯᐤ ᐊᓇ ᑳ ᐎᒋᐃᐌᑦ ᓂᔥᑕᒻ ᐗᓂᔥᑲᐎᓂᒃ: ᐅᑯ ᑐᐎ ᓂᔓ ᓂᐱᐎᓂᓕᐤ ᓇᒪᐎᓚ ᑎᐯᓕᒥᑯᐗᒃ, ᒫᑲ ᑲᑕ ᐋᐎᐗᒃ ᑭᒋᒪᓂᑐ ᐅ ᓵᓵᑭᐎᓕᐌᐎᓕᓕᒪ, ᓀᔥᑕ ᙭, ᓀᔥᑕ ᑲᑕ ᐎᒋᑎᐯᓕᒋᑫᒣᐗᒃ ᐃᔥᐱᔥ ᑭᒋᒥᑖᑐᒥᑕᓇᐤ ᐱᐴᓋ᙮

ᑭᔅᑫᓕᑖᑯᑖᑫᐎᓐ 22:5

ᓇᒪᐎᓚ ᒫᑲ ᐊᓐᑕ ᑲᑕ ᑎᐱᔅᑲᐤ; ᓇᒪ ᓀᔥᑕ ᓇᑕᐌᓕᑕᒶᒃ ᐙᔅᑌᓇᒫᑲᓂᓕᐤ, ᓇᒪ ᓀᔥᑕ ᐱᓯᒻ ᐅ ᐙᔅᑌᐎᓐ; ᐌᓴ ᐙᔅᑌᓇᒫᑯᐗᒃ ᑭᒋᒪᓂᑐᐗ: ᑲᑕ ᑎᐯᓕᒋᑫᐗᒃ ᒫᑲ ᑳᑭᑫ ᓀᔥᑕ ᑳᑭᑫ᙮

ᑭᔅᑫᓕᑖᑯᑖᑫᐎᓐ 3:21

ᐊᓇ ᑳ ᔖᑯᒋᐃᐌᑦ ᓂ ᑳ ᒥᓚᐤ ᑭᒋ ᐎᑕᐱᒥᑦ ᓂᑦ ᐅᑭᒪᐗᐱᐎᓂᒃ, ᑖᐱᔅᑯᒡ ᓂᓚ ᓀᔥᑕ ᐁ ᑮ ᔖᑯᒋᐃᐌᔮᓐ, ᓀᔥᑕ ᐁ ᐎᑕᐱᒪᒃ ᓄᑖᐎ ᐅᑦ ᐅᑭᒪᐗᐱᐎᓂᒃ᙮