ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:10 - ᐅᔅᑭ ᑎᔅᑌᒥᓐᑦ

¹⁰ ᐌᓴ ᑮᔥᐱᓐ ᐃᔅᐱ ᑫᔮᐸᒡ ᑳ ᐸᒀᔑᐌᔭᑯᐸᓐ, ᑭ ᑮ ᐙᑯᑕᐃᑲᐎᓈᓇᐤ ᑭᒋᒪᓂᑐ ᐅ ᓂᐱᐎᓂᓕᒃ ᐅᒋ ᐅᑯᓯᓴ, ᐊᐙᓯᑌ ᒫᑲ, ᐋᔕᔾ ᐁ ᑮ ᐙᑯᑕᐃᑲᐎᔦᒃ, ᑭ ᑳ ᐱᒫᒋᐃᑲᐎᓈᓇᐤ ᐅ ᐱᒫᑎᓯᐎᓂᒃ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:10 ပူးပေါင်းရင်းမြစ်များ

ᐅᐸᓓᑭᔅ ᒑᓐ 14:19

ᑫᔮᐸᒡ ᐎᓕᐱᔉ, ᐁᑯ ᐊᔅᑭ ᐁᑳ ᒥᓇ ᑫ ᐙᐸᒥᑯᔮᓐ; ᒫᑲ ᑭᓚᐗᐤ ᑭ ᑳ ᐙᐸᒥᓇᐗᐤ: ᐁ ᐱᒫᑎᓯᔮᓐ ᓂᓚ, ᐁᐗᑯ ᑭᓚᐗᐤ ᓀᔥᑕ ᑫ ᐅᒋ ᐱᒫᑎᓯᔦᒃ᙮

ᐅᐸᓓᑭᔅ ᒑᓐ 5:26

ᐌᓴ ᑖᐱᔅᑯᒡ ᐅᑖᐎᒪᐤ ᐁ ᐃᔑ ᐱᒋᔅᑳᑯᑦ ᐱᒫᑎᓯᐎᓂᓕᐤ; ᐁᑯ ᑳ ᐃᔑ ᒥᓛᑦ ᐅᑯᓯᓯᒫᐗ ᑭᒋ ᐱᑭᔅᑳᑯᓕᒋ ᐱᒫᑎᓯᐎᓂᓕᐤ;

ᐅᐸᓓᑭᔅ ᒑᓐ 6:40

ᐁᐗᑴᓕᐤ ᒫᑲ ᐅᑦ ᐃᑌᓕᑕᒧᐎᓐ ᐊᓇ ᑳ ᑮ ᐯᒋᑎᔕᐅᑦ, ᒥᓯᐌ ᑕᑐ ᐊᐌᓇ ᑳ ᐙᐸᒫᑦ ᐅᑯᓯᓯᒫᐗ, ᓀᔥᑕ ᑳ ᑖᐺᔦᓕᒫᑦ, ᑭᒋ ᐋᔮᑦ ᑳᑭᑫ ᐱᒫᑎᓯᐎᓂᓕᐤ: ᓂ ᑳ ᐗᓂᔥᑳᓇᐤ ᒫᑲ ᒫᒋᒡ ᑭᔑᑳᓕᑫ᙮

ᐅᐸᓓᑭᔅ ᒑᓐ 6:57

ᑖᐱᔅᑯᒡ ᑳ ᐃᔑ ᐯᒋᑎᔕᐅᑦ ᐯᒫᑎᓰᑦ ᐅᑖᐎᒪᐤ, ᓀᔥᑕ ᐁ ᐱᒫᑎᓯᔮᓐ ᐅᑖᐎᒪᐤ ᐅᒋ ᐁᑯ ᑖᐱᔅᑯᒡ ᐊᓇ ᑳ ᒧᐎᑦ, ᐎᓚ ᓀᔥᑕ ᑲᑕ ᐱᒫᑎᓯᐤ ᓂᓚ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 11:28

ᐁ ᐃᑌᓕᑖᑾᒃ ᒥᓗᐋᒋᒧᐎᓐ, ᑭᓚᐗᐤ ᐅᒋ, ᐅᐸᒀᔑᐃᐌᐎᐗᒃ: ᒫᑲ ᐁ ᑎᐹᑐᒋᑳᑌᒃ ᐙᐌᓛᐸᒥᐌᐎᓐ, ᓵᑭᐋᑲᓂᐎᐗᒃ ᐅᑖᐎᐙᐗ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:11

ᓇᒪᐎᓚ ᐅᒪ ᐱᑯ ᓀᔥᑕ, ᒫᑲ ᑭ ᓯᑭᓓᓯᓈᓇᐤ ᑭᒋᒪᓂᑐᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᐅᒋ, ᐊᓇ ᐊᓄᒡ ᑳ ᐅᒋ ᒥᓕᑲᐎᔭᒃ ᐙᑯᑕᐃᑯᓯᐎᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:6

ᐌᓴ ᒣᒀᒡ ᑫᔮᐸᒡ ᐁᑳ ᐁ ᒪᔥᑲᐎᓯᐎᓂᔭᒃ, ᐃᔅᐱ ᐁᑎ ᐅᑎᒋᐸᓕᒃ, ᙭ ᑮ ᓂᐳᔅᑐᒪᐌᐤ ᐊᓂᐃ ᐁᑳ ᑳ ᒪᓂᑐᐙᑎᓯᓕᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:32

ᐊᓇ ᐁᑳ ᑳ ᑮ ᒪᓈᒋᐋᑦ ᑎᐱᓚᐌ ᐅᑯᓯᓴ, ᒫᑲ ᒥᓯᐌ ᐁ ᐃᑕᔑᔭᒃ ᐅᒋ ᐁ ᑮ ᐸᑭᑎᓈᑦ, ᐙᐐᔅ ᓈ ᓇᒪ ᐁᐗᒀᓂᐃ ᐊᓯᒋ ᒧᔐ ᒥᓯᐌ ᑫᒀᓇ ᑭ ᑳ ᒥᓕᑯᓇᐤ?

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:34

ᐊᐌᓇ ᐊᓇ ᑳ ᓂᔑᐗᓈᒋᒥᐌᑦ? ᙭ ᐁᐗᒀᓇ ᑳ ᑮ ᓂᐱᑦ, ᐁᐁ ᐊᐙᓯᑌ, ᒥᓇ ᑳ ᑮ ᐗᓂᔥᑲᑦ, ᐙᐙᒡ ᑭᒋᒪᓂᑐᐗ ᐅ ᑭᒋᓂᔅᑭᓕᒡ ᑳ ᐃᑖᑦ, ᐊᓇ ᓀᔥᑕ ᑳ ᐋᔭᒥᐁᔅᑕᒫᑕᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:7

ᐌᓴ ᐎᔮᓯᐎ ᒥᑐᓀᓕᒋᑲᓐ ᓇᑐᐸᓕᔅᑖᑯ ᑭᒋᒪᓂᑐ: ᐌᓴ ᓇᒪᐎᓚ ᑎᐯᓕᑖᑾᓐ ᐅᑦ ᐅᓚᔓᐌᐎᓂᐤ ᑭᒋᒪᓂᑐ, ᓇᒪᐎᓚ ᓀᔥᑕ ᑲᑕ ᑮ ᐃᑭᓐ᙮

ᓂᔓ ᑯᕆᓐᑎᐊᓇ 5:20

ᐊᓄᒡ ᒫᑲ ᓂᑦ ᐋᐎᓈᓐ ᐅᑦ ᐃᔑᑎᔕᐙᑲᓇ ᙭, ᑖᐱᔅᑯᒡ ᑭᒋᒪᓂᑐ ᐁ ᓇᑕᐌᓕᑕᒫᑖᒃ ᓂᓚᓈᓐ ᐅᒋ: ᑭ ᐸᑯᓭᓕᒥᑎᓇᐗᐤ ᙭ ᐅᒋ, ᑭᒋ ᐅᑐᑌᒥᒣᒃ ᑭᒋᒪᓂᑐ᙮

ᓂᔓ ᑯᕆᓐᑎᐊᓇ 5:21

ᐌᓴ ᐎᓚ ᑮ ᐃᔑᐁᐤ ᑭᒋ ᒪᒋᑣᐎᓂᐎᓕᒋ ᑭᓚᓈᓇᐤ ᐅᒋ, ᐊᓂᐃ ᐁᑳ ᑳ ᑮ ᑭᔅᑫᓕᑕᒥᓕᒋ ᒪᒋᑣᐎᓂᓕᐤ; ᑭᒋᒪᓂᑐ ᐅ ᒀᔭᔅᑭᑖᑎᓯᐎᓐ ᑭᒋ ᐃᔑᐃᑲᐎᔭᒃ ᐎᓚ ᐅᒋ᙮

ᐃᐱᓯᔭᓇ 2:16

ᓀᔥᑕ ᐋᔑᑌᐋᑎᑯᒃ ᐅᒋ ᐯᔭᒃ ᒥᔭᐎᒃ ᐊᓂᐃ ᑳ ᓂᔑᓕᒋ ᑭᒋ ᐙᑯᐙᒋᑕᒧᐙᑦ ᑭᒋᒪᓂᑐᐗ, ᐁᑯᑕ ᐁ ᑮ ᐅᒋ ᓂᐸᑖᑦ ᐊᓂᐁᓕᐤ ᐸᒀᑎᑐᐎᓂᓕᐤ;

ᐃᐱᓯᔭᓇ 2:3

ᐊᓂᑭ ᒥᓯᐌ ᑭᓚᓋᓇᐤ ᓀᔥᑕ ᑳᔮᔥ ᑳ ᑮ ᐎᒉᐗᑭᒃ, ᐁ ᐃᔑ ᒪᒋ ᓇᑕᐌᓕᑕᒧᒪᑲᒃ ᑭ ᐎᔮᓯᓇᐤ, ᐁ ᑎᐱᑐᑕᒪᒃ ᐁ ᐃᔑ ᓇᑕᐌᓕᑕᒧᒪᑲᒃ ᐎᔮᓯᐎᓐ ᓀᔥᑕ ᒥᑐᓀᓕᒋᑲᓐ; ᓀᔥᑕ ᐁ ᐃᓚᑐᑣᔭᒃ ᑭᓯᐙᓯᐎᓐ ᑭ ᑮ ᐅᑦ ᐊᐙᔑᒥᔑᒥᑯᓇᐗᐤ, ᑖᐱᔅᑯᒡ ᑯᑕᑭᔭᒃ᙮

ᐦᐃᑉᕉᐗ 2:17

ᐁᐗᑯ ᒫᑲ ᐅᒋ ᒥᓯᐌ ᐃᔑ ᑮ ᐃᑕᔅᑌᓕᐤ ᑭᒋ ᐃᔑᐋᑲᓂᐎᑦ ᑖᐱᔅᑯᒡ ᐎᒋᔖᓇ; ᑭᒋ ᔕᐌᓕᒋᑫᐎ ᓀᔥᑕ ᑾᔭᔅᑭᑎᐎ ᑭᒋᓵᓵᑭᐎᓕᐌᐎᓕᓕᐎᑦ, ᐊᓂᐃ ᑫᒀᓇ ᐅᒋ ᑳ ᑎᐯᓕᑕᒥᓕᒋ ᑭᒋᒪᓂᑐᐗ, ᑭᒋ ᑎᐸᐊᒸᑦ ᐃᓕᓕᐗ ᐅ ᒪᒋᑣᐎᓂᓕᐗ᙮

ᐦᐃᑉᕉᐗ 7:25

ᐁᐗᑯ ᐅᒋ ᑲᔥᑭᑕᐤ ᓀᔥᑕ ᑳᑭᑫ ᑭᒋ ᐱᒫᒋᐋᑦ ᐊᓂᐃ ᐎᓚ ᐅᒋ ᑳ ᐯᒋ ᓈᑖᓕᒋ ᑭᒋᒪᓂᑐᐗ, ᐁ ᓄᑾᒃ ᑳᑭᑫ ᐁ ᐱᒫᑎᓰᑦ ᑭᒋ ᐋᔭᒥᐁᔅᑕᒪᐙᑦ᙮

ᓂᔥᑕᒻ ᒑᓐ 2:1

ᓂᑦ ᐊᐱᔅᑕᐙᔑᒥᔑᒥᑐᒃ, ᐅᐅ ᑫᒀᓇ ᑭ ᒪᓯᓇᐊᒫᑎᓇᐗᐤ, ᐁᑳ ᑭᒋ ᒪᒋᑐᑕᒣᒃ᙮ ᑮᔥᐱᓐ ᒫᑲ ᐊᐌᓇ ᑮ ᒪᒋᑐᑕᒃ, ᑭᑦ ᐋᔭᐙᓇᐤ ᐅᑖᔭᒥᐁᔅᑕᒫᑫᐤ ᑳ ᐋᔭᒥᐋᑦ ᐅᑖᐎᒪᐗ, ᒋᓴᔅ ᙭ ᐅᒀᔭᔅᑭᑖᑎᓯᐤ:

ᓂᔥᑕᒻ ᒑᓐ 4:10

ᐁᐗᑯ ᐅᒪ ᓵᑭᐃᐌᐎᓐ, ᓇᒪᐎᓚ ᑭᓚᓈᓇᐤ ᐁ ᑮ ᓵᑭᐊᒃ ᑭᒋᒪᓂᑐ, ᒫᑲ ᐎᓚ ᐁ ᑮ ᓵᑭᐃᑕᒃ, ᓀᔥᑕ ᐁ ᑮ ᐯᒋᑎᔕᐙᑦ ᐅᑯᓯᓴ ᑭᒋ ᑎᐸᐊᒫᑫᔅᑕᒫᑕᒃ ᑭ ᒪᒋᑐᑕᒧᐎᓂᓇᐗ᙮

ᑭᔅᑫᓕᑖᑯᑖᑫᐎᓐ 1:18

ᓂᓚ ᐁᐗᑯ ᑳ ᐱᒫᑎᓯᔮᓐ, ᓀᔥᑕ ᑳ ᑭ ᓂᐱᔮᓐ; ᒫᑎᑲ, ᒫᑲ, ᓂ ᓈᔅᐱᒋ ᐱᒫᑎᓰᓐ, ᐁᒣᓐ; ᓂᑦ ᐋᔮᓐ ᒫᑲ ᑳᑭᑫ ᐃᔥᑯᑌᐤ ᓀᔥᑕ ᓂᐱᐎᓐ ᐎᑯᑕᐃᑲᓇ᙮