ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 4:25 - ᐅᔅᑭ ᑎᔅᑌᒥᓐᑦ

²⁵ ᐊᓇ ᑳ ᑮ ᐸᑭᑎᓈᑲᓂᐎᑦ ᑭ ᐗᓂᐊᔨᑎᐎᓂᓇᐗ ᐅᒋ, ᓀᔥᑕ ᑳ ᑮ ᐗᓂᔥᑳᓈᑲᓂᐎᑦ ᑭᒋ ᐅᒋ ᒀᔭᔅᑭᑖᑎᓯᐃᑲᐎᔭᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 4:25 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 20:28

ᑖᐱᔅᑯᒡ ᐃᓕᓕᐎᑯᓯᓵᓐ ᐁᑳ ᐁ ᐊᒋ ᑕᑯᔑᒃ ᑭᒋ ᐱᒥᐋᑲᓂᐎᑦ, ᒫᑲ ᑭᒋ ᐱᒥᐃᐌᑦ, ᓀᔥᑕ ᑭᒋ ᒥᓕᐌᑦ ᐅ ᐱᒫᑎᓯᐎᓐ ᒥᒉᑦ ᑭᒋ ᐅᒋ ᐱᒫᒋᐋᑦ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 3:25

ᐊᓇ ᑳ ᑮ ᐸᑭᑎᓂᑯᑦ ᑭᒋᒪᓂᑐᐗ ᑭᒋ ᓇᐃᓚᐌᐃᐌᐎᓂᐎᑦ ᐁ ᑖᐺᔦᓕᒋᑳᑌᓕᒃ ᐅᒥᑯᒻ, ᑭᒋ ᐎᒋᑳᑌᓕᒃ ᐅ ᒀᔭᔅᑭᑖᑎᓯᐎᓐ ᑭᒋ ᐊᔐᓂᑳᑌᑭ ᒪᒋᐃᑎᐎᓇ ᐋᔕᔾ ᑳ ᑮ ᐋᔨᑎᓈᓂᐗᑭ, ᐁᔅᐱᒋ ᐯᑳᑎᓰᑦ ᑭᒋᒪᓂᑐ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:18

ᐁᐗᑯ ᒫᑲ ᐅᒋ ᑖᐱᔅᑯᒡ ᐯᔭᒃ ᐅ ᐗᓂᑐᑕᒧᐎᓐ ᐅᒋ ᑎᐹᔅᑯᓂᑫᐎᓂᓕᐤ ᑮ ᐅᑎᑎᑯᐗᒃ ᒥᓯᐌ ᐃᓕᓕᐗᒃ ᓂᔑᐗᓈᒋᒥᑯᓯᐎᓂᒃ ᐃᔑ; ᐁᑯ ᑖᐱᔅᑯᒡ ᐅ ᒀᔭᔅᑭᑖᑎᓯᐎᓐ ᐯᔭᒃ ᐅᒋ ᐊᓂᐁᓕᐤ ᒧᔐ ᒥᓕᐌᐎᓂᓕᐤ ᑲᑕ ᐅᑎᑎᑯᐗᒃ ᒥᓯᐌ ᐃᓕᓕᐗᒃ ᒀᔭᔅᑭᑕᑎᓯᐃᑯᓯᐎᓂᒃ ᐃᔑ ᑭᒋ ᐱᒫᑎᓯᒋᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:3

ᐌᓴ ᐊᓂᒪ ᐅᓚᔓᐌᐎᓐ ᐁᑳ ᑳ ᑮ ᑐᑕᒧᒪᑲᒃ, ᐎᔮᓯᐎᓂᒃ, ᐁ ᑮ ᐅᒋ ᓕᓚᒥᓯᒪᑲᒃ, ᑭᒋᒪᓂᑐ ᐁ ᐯᒋᑎᔓᐙᑦ ᑎᐱᓚᐌ ᐅᑯᓯᓴ ᐁ ᓇᔅᐱᑕᒪᓕᒋ ᒪᒋᑣᐎ ᐎᔮᓯᐎᓂᓕᐤ, ᓀᔥᑕ ᒪᒋᑣᐎᓐ ᐅᒋ, ᑮ ᓂᔑᐗᓈᒋᑕᒻ ᒪᒋᑣᐎᓂᓕᐤ ᐎᔮᓯᐎᓂᒃ:

ᓂᔥᑕᒻ ᑯᕆᓐᑎᐊᓇ 15:17

ᑮᔥᐱᓐ ᒫᑲ ᐁᑳ ᐌᓂᔥᑳᓈᑲᓂᐎᑴ ᙭, ᑭ ᑖᐺᔦᓕᑕᒧᐎᓂᐗᐤ ᐸᑾᓐᑕᐤ ᐃᑌᓕᑖᑾᓐ; ᑫᔮᐸᒡ ᑭᑦ ᐃᑖᓈᐊᐤ ᑭ ᒪᒋᑣᐎᓂᐙᒃ᙮

ᓂᔓ ᑯᕆᓐᑎᐊᓇ 5:15

ᓀᔥᑕ ᐁ ᑮ ᓂᐳᔅᑕᒪᐙᑦ ᒥᓯᐌ, ᐊᓂᑭ ᑳ ᐱᒫᑎᓯᒋᒃ ᐁᑳ ᐊᓄᒡ ᐅᒋ ᑭᒋ ᐱᒫᑎᓰᒻ ᑖᓯᒋᒃ, ᒫᑲ ᐊᓂᐃ ᑳ ᓂᐳᔅᑕᒫᑯᒋᒃ, ᓀᔥᑕ ᒥᓇ ᑳ ᑮ ᐗᓂᔥᑳᓕᒋ᙮

ᓂᔓ ᑯᕆᓐᑎᐊᓇ 5:21

ᐌᓴ ᐎᓚ ᑮ ᐃᔑᐁᐤ ᑭᒋ ᒪᒋᑣᐎᓂᐎᓕᒋ ᑭᓚᓈᓇᐤ ᐅᒋ, ᐊᓂᐃ ᐁᑳ ᑳ ᑮ ᑭᔅᑫᓕᑕᒥᓕᒋ ᒪᒋᑣᐎᓂᓕᐤ; ᑭᒋᒪᓂᑐ ᐅ ᒀᔭᔅᑭᑖᑎᓯᐎᓐ ᑭᒋ ᐃᔑᐃᑲᐎᔭᒃ ᐎᓚ ᐅᒋ᙮

ᑲᓓᔕᐊᓇ 1:4

ᐊᓇ ᑭ ᒪᒋᑡᐎᓂᓇᐗ ᑳ ᑮ ᐅᒋ ᐸᑭᑎᓂᑎᓱᑦ, ᑭᒋ ᑮ ᐎᑾᒋᐃᑕᒃ ᐅᒪ ᒪᒋ ᐊᔅᑮᒃ ᐅᒋ, ᑳ ᐃᑌᓕᑕᒃ ᑭᒋᒪᓂᑐ ᑯᑖᐎᓇᐤ;

ᑲᓓᔕᐊᓇ 2:20

ᓂ ᐎᒋᒋᔅᑖᔅᒀᓱᒪᐤ ᙭: ᐁᓕᐌᒃ ᒫᑲ ᓂ ᐱᒫᑎᓰᓐ; ᓇᒪᐎᓚ ᒫᑲ ᓂᓚ, ᒫᑲ ᙭ ᑳ ᐱᒫᑎᓰᔅᑲᐎᑦ: ᓀᔥᑕ ᐊᓂᒪ ᐱᒫᑎᓰᐎᓐ ᐊᓄᒡ ᑳ ᐱᒫᑎᓯᔮᓐ ᐎᔮᓯᐎᓂᒃ, ᓂ ᐱᒫᑎᓰᓐ ᐁ ᑖᐺᔦᓕᒥᒪᒃ ᑭᒋᒪᓂᑐ ᐅᑯᓯᓴ, ᑳ ᑮ ᓵᑭᐃᑦ, ᓀᔥᑕ ᑳ ᑮ ᐸᑭᑎᓂᑎᓯᔅᑕᒪᐎᑦ᙮

ᑲᓓᔕᐊᓇ 3:13

᙭ ᑭ ᑮ ᐱᒫᒋᐃᑯᓇᐤ ᐅᓚᔓᐌᐎᓂ ᒪᒐᑭᑖᑯᓯᐎᓂᒃ ᐅᒋ, ᐁ ᑮ ᒪᒐᑭᒫᑲᓂᐎᑦ ᑭᓚᓈᓇᐤ ᐅᒋ: ᐌᓴ ᐃᑕᓯᓇᐃᑳᑌᐤ, ᒪᒐᑭᑖᑯᓯᐤ ᒥᓯᐌ ᑕᑐ ᐊᐌᓇ ᒥᔅᑎᑯᒃ ᑳ ᐊᑯᓛᑲᓂᐎᑦ:

ᐃᐱᓯᔭᓇ 5:2

ᐱᒧᑌᒃ ᒫᑲ ᓵᑭᐃᐌᐎᓂᒃ, ᑖᐱᔅᑯᒡ ᑳ ᐃᔑ ᓵᑭᐃᑕᒃ ᙭, ᓀᔥᑕ ᑭᓚᓈᓇᐤ ᑳ ᑮ ᐅᒋ ᒥᓕᐌᑦ ᐎᔭᐤ, ᐸᑭᑎᓂᑫᐎᓂᓕᐤ ᓀᔥᑕ ᓵᓵᑭᐎᓕᐌᐎᓂᓕᐤ ᐁ ᐸᑭᑎᓇᒪᐙᑦ ᑭᒋᒪᓂᑐᐗ, ᐸᑭᑎᓂᑫᐎᓂᓕᐤ ᑳ ᐎᑭᒫᑾᓂᓕᒃ᙮

ᑕᐃᑕᔅ 2:14

ᐊᓇ ᑳ ᑮ ᐸᑭᑎᓂᑎᓱᔅᑕᒫᑕᒃ, ᒥᓯᐌ ᒪᒑᑎᓯᐎᓂᒃ ᑭᒋ ᐅᒋ ᐱᒫᒋᐃᑕᒃ, ᓀᔥᑕ ᑭᒋ ᐸᓓᑭᔅᑕᒫᓱᑦ ᐙᐌᓛᐸᒫᑲᓂᐎ ᐃᓕᓕᐗ, ᐁ ᓱᑫᓕᑕᒥᓕᒋ ᑭᒋ ᒥᓗ ᐊᑑᔅᑫᓕᒋ᙮

ᐦᐃᑉᕉᐗ 8:3

ᐌᓴ ᒥᓯᐌ ᑕᑐ ᑭᒋ ᓵᓵᑭᐎᓕᐌᐎᓕᓕᐤ ᐸᑳᓂᐊᐤ ᑭᒋ ᐸᑭᑎᓂᑫᑦ ᒥᓕᐌᐎᓇ ᓀᔥᑕ ᓵᓵᑭᐎᓕᐌᐎᓇ: ᐁᐗᑯ ᐅᒋ ᐅᒋᑕᐤ ᓇᑕᐌᓕᑖᑾᓐ ᐊᐗ ᐃᓕᓕᐤ ᑫᒀᓕᐤ ᑭᒋ ᐋᔮᑦ ᑭᒋ ᐸᑭᑎᓂᑫᑦ᙮

ᐦᐃᑉᕉᐗ 9:28

ᐁᑯ ᓂᔥᑕ ᙭ ᐯᔭᑾᐤ ᑳ ᐸᑭᑎᓈᑲᓂᐎᑦ ᑭᒋ ᓇᔭᑕᒸᑦ ᒥᒉᑦ ᐅ ᒪᒋᑣᐎᓂᓕᐗ: ᐊᓂᐃ ᒫᑲ ᑳ ᐊᔕᐙᐸᒥᑯᑦ ᒥᓇ ᑲᑕ ᓄᑯᓰᔅᑕᐌᐤ, ᐁᑳ ᐁ ᐅᑎᓇᒃ ᒪᒋᑣᐎᓂᓕᐤ, ᑭᒋ ᐱᒫᒋᐋᑦ᙮

ᓂᔥᑕᒻ ᐱᑕᕐ 1:21

ᑭᓚᐗᐤ ᐎᓚ ᑳ ᐅᒋ ᑖᐺᔦᓕᒣᒃ ᑭᒋᒪᓂᑐ, ᑳ ᑮ ᐗᓂᔥᑳᓈᑦ ᐅᓂᐱᐗ ᐅᒋ, ᓀᔥᑕ ᑳ ᑮ ᒥᓛᑦ ᑭᔅᑌᓕᑖᑯᓯᐎᓂᓕᐤ: ᑭᒋ ᑮ ᑖᐺᔦᓕᒣᒃ ᓀᔥᑕ ᐊᔅᐯᓕᒧᑐᑕᐌᒃ ᑭᒋᒪᓂᑐ᙮

ᓂᔥᑕᒻ ᐱᑕᕐ 2:24

ᐎᓚ ᑫᒋᐙᒃ ᑳ ᑮ ᐅᑎᓇᒃ ᑎᐱᓚᐌ ᐎᔭᐎᒃ ᑭ ᒪᒋᑣᐎᓂᓇᐗ ᒥᔅᑎᑯᒃ; ᑭᓚᓇᓇᐤ, ᐁ ᓂᐱᔭᒃ ᒪᒋᑣᐎᓂᒃ ᐅᒋ, ᑭᒋ ᐱᒫᑎᓯᔭᒃ ᒀᔭᔅᑭᑖᑎᓯᐎᓂᒃ ᐃᔑ: ᐅ ᐸᐸᓴᔅᑕᐅᑯᓯᐎᓇ ᑳ ᐅᒋ ᒥᓇᐗᒋᐃᑲᐎᔦᒃ᙮

ᓂᔥᑕᒻ ᐱᑕᕐ 3:18

ᐌᓴ ᙭ ᓀᔥᑕ ᐯᔭᑾᐤ ᒪᒋᑐᑕᒧᐎᓇ ᑮ ᐅᒋ ᐙᐎᓴᑭᓕᑕᒻ, ᑳ ᒀᔪᔅᑭᑎᑦ ᒦᔅᑯᒡ ᐁᑳ ᑳ ᒀᔭᔅᑭᑎᓕᒋ, ᑭᒋ ᑮ ᐯᔑᑕᒃ ᑭᒋᒪᓂᑐ ᑭᒋ ᐋᔭᐎᑕᒃ, ᐁ ᑮ ᓂᐸᐋᑲᓂᐎᑦ ᐎᔮᓯᐎᓂᒃ, ᒫᑲ ᐁ ᑮ ᐅᒋ ᐱᒫᑎᓯᐋᑲᓂᐎᑦ ᐊᒑᑾ:

ᓂᔥᑕᒻ ᒑᓐ 2:2

ᐎᓚ ᒫᑲ ᑮ ᑎᐸᐃᑫᔅᑕᒻ ᑭ ᒪᒋᑐᑕᒧᐎᓂᓇᐗ; ᓇᒪ ᓀᔥᑕ ᑭᓚᓈᓇᐤ ᐱᑯ, ᒫᑲ ᐊᓯᒋ ᐅ ᒪᒋᑐᑕᒧᐎᓂᐙᐗ ᐊᓂᑭ ᒥᓯᐌ ᐊᔅᑮᒃ ᑳ ᐃᑖᒋᒃ᙮

ᑭᔅᑫᓕᑖᑯᑖᑫᐎᓐ 1:5

ᓀᔥᑕ ᒋᓴᔅ ᙭ ᐅᒋ, ᑳ ᒀᔭᔅᑭᑎᑦ ᐅᑎᐹᒋᒧ, ᓀᔥᑕ ᑳ ᓃᔥᑕᒧᔖᓂᐎᑦ ᐅᓂᐱᐗ ᐅᒋ, ᓀᔥᑕ ᑳ ᑭᒋᐅᑭᒫᑳᑕᐙᑦ ᑭᒋᐅᑭᒪᐗ ᐅᑕ ᐊᔅᑮᒃ᙮ ᐎᓚ ᑳ ᑭ ᓵᑭᐃᑕᒃ, ᓀᔥᑕ ᑎᐱᓚᐌ ᐅ ᒥᑯᒃ ᑳ ᑮ ᑭᒋᔅᑖᐸᐗᓕᑕᒃ ᑭ ᒪᒋᑡᐎᓂᓇᐗ ᐅᒋ,

ᑭᔅᑫᓕᑖᑯᑖᑫᐎᓐ 5:9

ᑮ ᓂᑲᒧᐗᒃ ᒫᑲ ᐅᔥᑭ ᓂᑲᒧᐎᓂᓕᐤ, ᐁ ᐃᑗᒋᒃ, ᑮ ᑌᐸᑫᓕᑖᑯᓯᓐ ᑭᒋ ᐅᑎᓇᒪᐤ ᒪᓯᓇᐃᑲᓐ, ᓀᔥᑕ ᑭᒋ ᐋᐸᐗᒋᒃ ᐊᑯᔅᑭᐗᓯᑲᓇᒃ: ᐌᓴ ᑭ ᑮ ᓂᐹᐃᑲᐎᓐ, ᓀᔥᑕ ᑭ ᑮ ᐱᒫᒋᐃᓈᓐ ᑭᒋᒪᓂᑐ ᐅᒋ ᑭᒥᑯᒻ ᐅᒋ, ᓇᓈᑲᐤ ᐁ ᐅᑕᔅᑳᓀᓯᔮᒃ, ᓀᔥᑕ ᓇᓇᑲᐤ ᐁ ᐃᔑ ᑭᔗᔮᒃ, ᓀᔥᑕ ᐁ ᐃᓕᓕᐎᔮᒃ, ᓀᔥᑕ ᐁ ᐃᑕᔅᑳᓀᓯᔮᒃ;

ᑭᔅᑫᓕᑖᑯᑖᑫᐎᓐ 7:14

ᓂ ᑮ ᐃᑕᐤ ᒫᑲ, ᐅᑭᒪᐤ, ᑭᓚ ᑭ ᑭᔅᑫᓕᑌᓐ᙮ ᓂ ᑮ ᐃᑎᒃ ᒫᑲ, ᐅᑯ ᐁᐗᒀᓂᑭ ᑭᒋ ᐊᓕᒥᓯᐎᓂᒃ ᑳ ᑮ ᐯᒋ ᐅᑐᑌᒋᒃ, ᑮ ᑭᒋᔅᑕᐸᐎᑖᐗᒃ ᒫᑲ ᐅᑦ ᐊᑯᐅᓂᐙᐗ, ᓀᔥᑕ ᑮ ᐙᐱᑖᐗᒃ ᐅ ᒥᑯᒥᓕᒃ ᒫᓂᔥᒑᓂᔑᔕ᙮