ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 3:21 - ᐅᔅᑭ ᑎᔅᑌᒥᓐᑦ

²¹ ᐊᓄᒡ ᐁᑯ ᐅ ᒀᔭᔅᑭᑖᑎᓯᐎᓐ ᑭᒋᒪᓂᑐ ᑭᔅᑫᓕᑖᑾᓂᓕᐤ ᐅᓚᔓᐌᐎᓐ ᐁᑳ ᐁ ᐃᑕᑾᒃ ᐁ ᐃᑖᒋᒧᒥᑲᒃ ᐅᓚᔓᐌᐎᓐ ᓀᔥᑕ ᐅᑭᔅᑭᐙᐃᑫᐗᒃ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 3:21 ပူးပေါင်းရင်းမြစ်များ

ᐅᐸᓓᑭᔅ ᓘᒃ 24:44

ᑮ ᐃᑌᐤ ᒫᑲ, ᐅᐅ ᐁᐗᒀᓂᐃ ᐋᔭᒥᐎᓇ ᑳ ᐃᑎᑖᑾᒃ ᒣᒀᒡ ᑫᔮᐸᒡ ᐁ ᐎᒉᐎᑕᑾᒃ, ᒥᓯᐌ ᑫᒀᓇ ᑭᒋ ᑎᐱᐸᓕᑭ ᑳ ᒪᓯᓇᐃᑳᑌᑭ ᒧᓯᔅ ᐅᑦ ᐅᓚᔓᐌᐎᓂᒃ, ᓀᔥᑕ ᐅᑭᔅᑭᐙᐃᑫᐗᐤ ᐅ ᒪᓯᓇᐃᑲᓂᐗᒃ, ᓀᔥᑕ ᓂᑲᒧᐎᓂ ᒪᓯᓇᐃᑲᓂᒃ ᓂᓚ ᐁ ᐋᔨᑖᒋᒥᑲᐎᔮᓐ᙮

ᐅᐸᓓᑭᔅ ᒑᓐ 1:45

ᐱᓕᑉ ᒥᔅᑲᐌᐤ ᓇᑕᓂᔭᓚ, ᓀᔥᑕ ᐃᑌᐤ, ᓂ ᑮ ᒥᔅᑲᐙᓈᓐ ᐊᓇ ᑳ ᐋᓕᒧᒥᑯᑦ ᒧᓯᓴ ᐅᓚᔓᐌᐎᓂᒃ, ᓀᔥᑕ ᐅᑭᔅᑭᐙᐃᑫᐗ, ᒋᓴᔅ ᓈᓴᕋᑎᒃ ᑳ ᐅᒌᑦ, ᒍᓯᑉ ᐅᑯᓯᓴ᙮

ᐊᐸᔅᑕᓚᒃ 10:43

ᐎᓚ ᑎᐹᒋᒥᑯ ᒥᓯᐌ ᐅᑭᔅᑭᐗᐃᑫᐗ, ᐎᓚ ᐅᑦ ᐃᔑᓂᑳᓱᐎᓐ ᐅᒋ ᐱᑯ ᐊᐌᓇ ᑫ ᑖᐺᔦᓕᒫᑴ ᑲᑕ ᒥᓛᑲᓂᐎᐤ ᐊᔐᓇᒫᑫᐎᓐ ᒪᒋᑣᐎᓇ ᐅᒋ᙮

ᐊᐸᔅᑕᓚᒃ 15:11

ᒫᑲ ᑭ ᑖᐺᑌᓈᓇᐤ, ᐅ ᔕᐌᓕᒋᑫᐎᓐ ᐅᒋ ᐅᑎᐯᓕᒋᑫᐤ ᒋᓴᔅ ᙭ ᑭᒋ ᐱᒫᒋᐃᑲᐎᔭᒃ, ᑖᐱᔅᑯᒡ ᐎᓚᐗᐤ

ᐊᐸᔅᑕᓚᒃ 26:22

ᐁ ᑮ ᐎᒋᐃᑦ ᒫᑲ ᑭᒋᒪᓂᑐ, ᐱᓕᔥ ᐊᓄᒡ ᐁ ᑭᔑᑳᒃ ᓂᑦ ᐃᑎᓐ, ᐁ ᑎᐹᒋᒧᔅᑕᐗᑭᒃ ᑳ ᐋᐱᔅᑌᓕᑖᑯᓯᒋᒃ ᓀᔥᑕ ᑳ ᑭᔅᑌᓕᑖᑯᓯᒋᒃ, ᐁᑳ ᐱᑐᔥ ᑫᒀᓐ ᐁ ᐃᑗᔮᓐ ᐱᑯ ᐊᓂᐃ ᑳ ᑮ ᐃᑗᒋᒃ ᐅᑭᔅᑭᐙᐃᑫᐗᒃ ᓀᔥᑕ ᒧᓯᔅ ᑭᒋ ᐅᑎᒋᐸᓕᑭ:

ᐊᐸᔅᑕᓚᒃ 28:23

ᐃᔅᐱ ᒫᑲ ᑳ ᑮ ᐅᓚᑭᑕᒪᐙᒋᒃ ᐯᔭᒃ ᐁ ᑭᔑᑳᒃ, ᒥᒉᑦ ᑮ ᐯᒋ ᓈᑌᐗᒃ ᐎᑭᓕᒃ; ᐅᐅ ᒫᑲ ᑮ ᐙᐎᑕᒪᐌᐤ ᓀᔥᑕ ᑮ ᐋᓕᒧᑕᒪᐌᐤ ᑭᒋᒪᓂᑐᐗ ᐅᑦ ᐅᑭᒫᐎᐎᓂᓕᐤ, ᐁ ᑲᑫᔅᑭᒫᑦ ᐁ ᐋᓕᒧᒫᑦ ᒋᓴᓴ, ᑖᐱᔅᑯᒡ ᐅᑦ ᐅᓚᔓᐌᐎᓂᒃ ᒧᓯᔅ ᐅᒋ, ᓀᔥᑕ ᐅ ᒪᓯᓇᐃᑲᓂᐙᒃ ᐅᑭᔅᑭᐙᐃᑫᐗᒃ, ᐁ ᑭᑭᔐᐹᔮᓕᒃ ᐅᒋ ᐱᓕᔥ ᐁ ᐅᑖᑯᔑᓂᓕᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:17

ᐌᓴ ᐁᑯᑕ ᑭᒋᒪᓂᑐ ᐅ ᒀᔭᔅᑭᑖᑎᓯᐎᓐ ᐁ ᓄᑯᑖᓂᐗᓂᓕᒃ ᑖᐺᔦᓕᑕᒧᐎᓂᒃ ᐅᒋ ᓀᔥᑕ ᑖᐺᔦᓕᑕᒧᐎᓂᒃ ᐃᔑ: ᒬᒋ ᐁ ᐃᑕᓯᓇᐃᑳᑌᒃ, ᐅᒀᔭᔅᑭᑎᐤ ᑖᐺᔦᓕᑕᒧᐎᓐ ᑲᑕ ᐅᒋ ᐱᒫᑎᓯᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:2

ᐌᔅᑲᒡ ᑳ ᑮ ᐊᔓᑕᒫᑫᔅᐸᓐ ᐅᑦ ᐅᑭᔅᑭᐙᐃᑫᒪ ᐅᒋ ᐸᓓᑭ ᒪᓯᓇᐃᑲᓂᒃ,

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:26

ᒫᑲ ᐊᓄᒡ ᑳ ᑭᔅᑫᓕᑖᑯᑖᑲᓂᐗᒃ, ᓀᔥᑕ ᐅ ᒪᓯᓇᐃᑫᐎᓂᐗᐗ ᐅᒋ ᐊᓂᑭ ᐅᑭᔅᑭᐙᐃᑫᐗᒃ, ᑳ ᑮ ᐃᑕᔓᐌᑦ ᐊᓇ ᑳᑭᑫ ᐯᒫᑎᓰᑦ ᑭᒋᒪᓂᑐ, ᑳ ᑭᔅᑫᓕᑕᒥᐋᑲᓂᐄᒋᒃ ᒥᓯᐌ ᐁ ᐃᑕᔅᑳᓀᓯᒋᒃ ᐃᓕᓕᐗᒃ ᑭᒋ ᐅᒋ ᓇᓇᐃᑕᑭᒃ ᑖᐺᔦᓕᑕᒧᐎᓂᓕᐤ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 3:28

ᐁᐗᑯ ᐅᒋ ᓂᑦ ᐊᑭᑌᓈᓐ ᐃᓕᓕᐤ ᐁ ᒀᔭᔅᑳᑎᓯᐋᑲᓂᐎᑦ ᑖᐺᔦᓕᑕᒧᐎᓂᒃ ᐅᒋ ᐁᑳ ᐁ ᐃᑐᒋᑳᑎᑭ ᐅᓚᔓᐌᐎᓂ ᐊᔨᑎᐎᓇ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:19

ᐌᓴ ᑖᐱᔅᑯᒡ ᐯᔭᒃ ᐃᓕᓕᐤ ᐅᑦ ᐋᓉᑕᒧᐎᓐ ᐅᒋ ᒥᒉᑦ ᑮ ᒫᒑᑎᓯᐊᐗᒃ, ᐁᑯ ᑖᐱᔅᑯᒡ ᐯᔭᒃ ᐅ ᓇᓇᐃᑕᒧᐎᓐ ᐅᒋ ᒥᒉᑦ ᑲᑕ ᑲᑕ ᒀᔭᔅᑭᑕᑎᓯᐊᐗᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:21

ᑖᐱᔅᑯᒡ ᒫᑲ ᒪᒋᑣᐎᓐ ᑳ ᐃᔑ ᑎᐯᓕᒋᑫᒪᑲᒃ ᓂᐱᐎᓂᒃ ᐃᔑ, ᐁᑯ ᑖᐱᔅᑯᒡ ᔕᐌᓕᒋᑫᐎᓐ ᑫ ᑎᐯᓕᒋᑫᒪᑲᒃ ᒀᔭᔅᑭᑖᑎᓯᐎᓐ ᐅᒋ ᑳᑭᑫ ᐱᒫᑎᓯᐎᓂᒃ ᐃᔑ ᐎᓚ ᐅᒋ ᒋᓴᔅ ᙭ ᑭ ᑎᐯᓕᒋᑫᒥᓇᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 9:30

ᑫᒀᓐ ᒫᑲ ᑫ ᐃᑗᔭᒃ ᐊᓂᑭ ᒉᓐᑖᐃᓚᒃ ᐁᑳ ᑳ ᑮ ᓄᔅᐱᓇᑕᑭᒃ ᒀᔭᔅᑭᑖᑎᓯᐎᓂᓕᐤ, ᑮ ᐅᑎᑎᒶᒃ ᒀᔭᔅᑭᑖᑎᓯᐎᓂᓕᐤ, ᐊᓂᐁᓕᐤ ᒀᔭᔅᑭᑖᑎᓯᐎᓂᓕᐤ ᐅᑎ ᑖᐺᔦᓕᑕᒧᐎᓂᒃ ᑳ ᐅᒋᐸᓕᓕᒃ᙮

ᓂᔥᑕᒻ ᑯᕆᓐᑎᐊᓇ 1:30

ᒫᑲ ᐎᓚ ᐅᒋ ᑭᑦ ᐋᐎᓇᐗᐤ ᙭ ᒋᓴᓯᒃ, ᐊᓇ ᑳ ᐃᔑᑕᒫᑲᐎᔭᒃ ᑭᒋᒪᓂᑐᒃ ᐅᒋ, ᑲᑫᑕᐌᓕᑕᒧᐎᓐ, ᓀᔥᑕ ᒀᔭᔅᑭᑖᑎᓯᐎᓐ, ᓀᔥᑕ ᐸᓓᑭᐃᑯᓯᐎᓐ, ᓀᔥᑕ ᑎᐸᐊᒫᑫᔅᑕᒫᑯᓯᐎᓐ;

ᓂᔓ ᑯᕆᓐᑎᐊᓇ 3:9

ᐌᓴ ᑮᔥᐱᓐ ᑫᒋᐃᑌᓕᑖᑾᓄᑴ ᐊᓂᒪ ᐋᔭᒥᐋᐎ ᐊᑑᔅᑫᐎᓐ ᑳ ᒥᓕᐌᒪᑲᒃ ᓂᔑᐗᓈᒋᐃᒥᐌᐎᓐ, ᐊᐙᓯᑌ ᑖᐺ ᑭᒋᐃᑌᓕᑖᑾᓐ ᐊᓂᒪ ᐋᔭᒥᐊᐎ ᐊᑑᔅᑫᐎᓐ ᑳ ᒥᓕᐌᒪᑲᒃ ᒀᔭᔅᑭᑖᑎᓯᐎᓐ᙮

ᓂᔓ ᑯᕆᓐᑎᐊᓇ 5:21

ᐌᓴ ᐎᓚ ᑮ ᐃᔑᐁᐤ ᑭᒋ ᒪᒋᑣᐎᓂᐎᓕᒋ ᑭᓚᓈᓇᐤ ᐅᒋ, ᐊᓂᐃ ᐁᑳ ᑳ ᑮ ᑭᔅᑫᓕᑕᒥᓕᒋ ᒪᒋᑣᐎᓂᓕᐤ; ᑭᒋᒪᓂᑐ ᐅ ᒀᔭᔅᑭᑖᑎᓯᐎᓐ ᑭᒋ ᐃᔑᐃᑲᐎᔭᒃ ᐎᓚ ᐅᒋ᙮

ᑲᓓᔕᐊᓇ 3:8

ᓀᔥᑕ ᒪᓯᓇᐃᑫᐎᓐ, ᓂᑳᓐ ᐁ ᐙᐸᑕᒧᒪᑲᒃ ᑭᒋᒪᓂᑐ ᑭᒋ ᒀᔭᔅᑳᑎᓯᐋᑦ ᐁᑳ ᑳ ᐋᔭᒥᐋᓕᒋ ᑖᐺᔦᓕᑕᒧᐎᓐ ᐅᒋ, ᓂᑳᓐ ᒥᓗᐋᒋᒧᐎᓂᓕᐤ ᑮ ᑲᑫᔅᑭᒥᑯ ᐁᑉᕃᐊᒻ, ᐁ ᐃᑎᑯᑦ, ᑭᓚ ᐅᒋ ᑲᑕ ᒥᓦᑭᒪᐗᒃ ᒥᓯᐌ ᑳ ᑕᑐᔅᑳᓀᓯᒋᒃ ᐃᓕᓕᐗᒃ᙮

ᑲᓓᔕᐊᓇ 5:5

ᐌᓴ ᑭ ᐯᑖᓈᓇᐤ ᐎᓚ ᐊᒑᒃ ᐅᒋ ᒀᔭᔅᑭᑖᑎᓯᐎᓂ ᐊᔅᐯᓕᒧᐎᓐ ᑖᐺᔦᓕᑕᒧᐃᓐ ᐅᒋ᙮

ᐱᓕᐱᔭᓇ 3:9

ᓀᔥᑕ ᑭᒋ ᒥᔅᑳᑲᐎᔮᓐ ᐁ ᐱᒋᔅᑲᐗᒃ, ᐁᑳ ᐁ ᐋᔮᔮᓐ ᑎᐱᓚᐌ ᓂ ᒀᔭᔅᑭᑖᑎᓯᐎᓐ, ᐅᓚᔓᐌᐎᓂᒃ ᑳ ᐅᒋ ᑕᑾᒃ, ᒫᑲ ᐊᓂᒪ ᐅ ᑖᐺᔦᓕᒥᑯᓯᐎᓂᒡ ᙭ ᑳ ᐅᒋᐸᓕᒃ, ᐊᓂᒪ ᒀᔭᔅᑭᑖᑎᓯᐎᓐ ᑭᒋᒪᓂᑐᒃ ᑳ ᐅᒋᐸᓕᒃ ᑖᐺᔦᓕᑕᒧᐎᓐ ᐅᒋ:

ᓂᔥᑕᒻ ᐱᑕᕐ 1:10

ᐊᓂᒪ ᐱᒫᒋᐃᐌᐊᓐ ᒫᑲ ᐅᑭᔅᑭᐙᐃᑫᐗᒃ ᑮ ᐅᒋ ᑲᑴᒋᑫᒧᐗᒃ ᓀᔥᑕ ᐌᐌᓕᑦ ᑮ ᓈᓇᑕᐌᓕᑕᒶᒃ, ᐊᓂᑭ ᑳ ᑮ ᓂᑳᓂᐎᑕᑭᒃ ᐊᓂᒪ ᔕᐌᓕᒋᑫᐎᓐ ᑫ ᐅᑎᑎᑯᔦᑭᐸᓐ:

ᓂᔓ ᐱᑕᕐ 1:1

ᓵᐃᒪᓐ ᐱᑕᕐ, ᐅᑦ ᐊᑑᔅᑫᓛᑲᓇ ᓀᔥᑕ ᐅᑦ ᐊᐸᔅᑕᓕᒪ ᒋᓴᔅ ᙭, ᐁ ᒪᓯᓇᐊᒪᐗᑭᒃ ᐊᓂᑭ ᑳ ᐊᓯᒋ ᐋᔮᒋᒃ ᐊᓂᐁᓕᐤ ᑖᐺᔦᓕᑕᒧᐎᓂᓕᐤ ᑖᐱᔅᑯᒡ ᓂᓛᓇᓐ, ᐅ ᒀᔭᔅᑭᑖᑎᓯᐎᓐ ᐅᒋ ᑭᒋᒪᓂᑐ, ᓀᔥᑕ ᑭ ᑎᐯᓕᒋᑫᒥᓇᐤ ᒋᓴᔅ ᙭: