ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:7 - ᐅᔅᑭ ᑎᔅᑌᒥᓐᑦ

⁷ ᐊᑕᒥᔅᑳᒃ ᐋᓐᑦᕋᓂᑲᔅ ᓀᔥᑕ ᒎᓂᔭ, ᓂ ᐙᑯᒫᑲᓇᒃ, ᓀᔥᑕ ᓂᒋᑭᐸᐙᑲᓇᒃ, ᑳ ᑭᔅᑌᓕᒥᑯᒋᒃ ᐊᐸᔅᑕᓚ, ᓀᔥᑕ ᑳ ᑮ ᐃᑖᒋᒃ ᙭ᑎᒃ ᐸᒧᔑ ᓂᓚ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:7 ပူးပေါင်းရင်းမြစ်များ

ᐅᐸᓓᑭᔅ ᒑᓐ 14:20

ᐊᓂᒪ ᑫ ᑭᔑᑳᒃ ᑭ ᑳ ᑭᔅᑫᓕᑌᓇᐗᐤ ᓂᓚ ᐁ ᐱᒋᔅᑲᐎᑦ ᓄᑖᐎ, ᓀᔥᑕ ᑭᓚᐗᐤ ᐁ ᐱᒋᔅᑲᐎᔦᒃ, ᓀᔥᑕ ᓂᓚ ᐁ ᐱᒋᔅᑳᑕᑾᒃ᙮

ᐅᐸᓓᑭᔅ ᒑᓐ 15:2

ᒥᓯᐌ ᑕᑐ ᐗᑎᑾᓐ ᑳ ᐱᒋᔅᑳᑯᔮᓐ ᐁᑳ ᑳ ᓂᑖᐎᑭᑖᒪᑲᒃ ᒥᓂᔕ ᐃᑲᑌᓇᒻ; ᓀᔥᑕ ᒥᓯᐌ ᑕᑐ ᐗᑎᑾᓐ ᑳ ᓂᑖᐎᑭᑖᒪᑲᒃ ᒥᓂᔕ, ᐹᔦᑭᑖᐤ, ᐊᐙᓯᑌ ᑭᒋ ᒥᓂᔑᐗᓂᓕᒃ᙮

ᐅᐸᓓᑭᔅ ᒑᓐ 6:56

ᐊᓇ ᑳ ᒥᒋᑦ ᓂᔮᓯᓕᐤ, ᓀᔥᑕ ᑳ ᒥᓂᑴᑦ ᓂᒥᑯᓕᐤ, ᓂ ᐱᒋᔅᑳᒃ, ᓀᔥᑕ ᓂᓚ ᓂ ᐱᒋᔅᑲᐗᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:10

ᐊᑕᒥᔅᑳᒃ ᐊᐱᓖᔅ ᑳ ᓇᐁᓕᑖᑯᓯᑦ ᙭ᑎᒃ᙮ ᐊᑕᒥᔅᑳᑯᒃ ᐊᓂᑭ ᑳ ᐃᑖᒋᒃ ᐋᕆᔅᑕᐱᐤᓚᓴ ᐎᒋᓕᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:11

ᐊᑕᒥᔅᑳᒃ ᐦᐃᕈᑎᔭᓐ ᓂ ᐙᑯᒫᑲᓐ᙮ ᐊᑕᒥᔅᑳᑯᒃ ᐊᓂᑭ ᑳ ᐃᑕᒋᒃ ᓈᕐᓯᓴᓴ ᐎᑭᓕᒃ, ᑳ ᐃᑖᒋᒃ ᐅᑎᐯᓕᒋᑫᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:21

ᑎᒧᑎ ᓂᒋᐊᑑᔅᑫᓛᑲᓐ, ᓀᔥᑕ ᓘᓯᔭᔅ, ᓀᔥᑕ ᒉᓴᓐ, ᓀᔥᑕ ᓱᓯᐯᑕᕐ, ᓂ ᐙᑯᒫᑲᓇᒃ ᑭᑦ ᐊᑕᒥᔅᑳᑯᐗᐗᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:3

ᐊᑕᒥᔅᑳᒃ ᑉᕆᓯᓚ ᓀᔥᑕ ᐋᑶᓚ ᑳ ᐎᒋᐃᒋᒃ ᙭ ᒋᓴᓯᒃ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:6

ᐊᑕᒥᔅᑳᒃ ᒣᕆ, ᒥᔅᑕᐃ ᑳ ᑮ ᐊᑐᔅᑳᐎᔭᒥᑦ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:8

ᐊᑕᒥᔅᑳᒃ ᐋᒻᑉᓕᔭᔅ ᑳ ᓵᑭᐊᒃ ᐅᑎᐯᓕᒋᑫᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:9

ᐊᑕᒥᔅᑳᒃ ᐊᕐᐯᓂ, ᑳ ᐎᒋᐃᑦ ᙭ᑎᒃ, ᓀᔥᑕ ᔅᑖᑮᔅ ᑳ ᓵᑭᐊᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:1

ᐊᓄᒡ ᒫᑲ ᓇᒪᐎᓚ ᓂᔑᐗᓈᒋᒥᑯᓯᐎᓂᓕᐤ ᑲᑕ ᐅᑎᑎᑯᐗᒃ ᐊᓂᑭ ᑳ ᐱᑖᒋᒃ ᙭ ᒋᓴᓯᒃ, ᐁᑳ ᐎᔮᓯᐎᓂᒡ ᑳ ᐃᔑ ᐱᒧᑌᒋᒃ, ᒫᑲ ᐊᒑᑯᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:11

ᒫᑲ ᑮᔥᐱᓐ ᐅᑦ ᐊᒑᑾ ᐊᓇ ᑳ ᑮ ᐗᓂᔥᑳᓈᑦ ᒋᓴᓴ ᐅᓂᐱᐗ ᐅᒋ ᐱᐃᑭᔅᑳᒥᑖᑴ, ᐊᓇ ᑳ ᑮ ᐗᓂᔥᑳᓈᑦ ᙭ᑕ ᐅᓂᐱᐗ ᐅᒋ ᐊᓯᒋ ᓀᔥᑕ ᑲᑕ ᐗᓂᔥᑲᓇᒻ ᑭ ᓂᐱᐎ ᑭᔭᐙᐗ ᐅᑦ ᐊᒑᑾ ᐅᒋ ᑳ ᐃᒋᔅᑳᒥᑕᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 9:3

ᐌᓴ ᓂ ᑳ ᓇᑕᐌᓕᑌᑖᔾ ᓂᓚ ᑫᒋᐗᒃ ᑭᒋ ᒪᒐᑭᒥᑳᐎᔮᓐ ᙭ ᐅᒋ, ᓂᒋᔖᓇᒃ ᐅᒋ ᐁ ᐃᑕᔅᑌᒃ ᐎᔮᓯᐎᓐ:

ᓂᔥᑕᒻ ᑯᕆᓐᑎᐊᓇ 1:30

ᒫᑲ ᐎᓚ ᐅᒋ ᑭᑦ ᐋᐎᓇᐗᐤ ᙭ ᒋᓴᓯᒃ, ᐊᓇ ᑳ ᐃᔑᑕᒫᑲᐎᔭᒃ ᑭᒋᒪᓂᑐᒃ ᐅᒋ, ᑲᑫᑕᐌᓕᑕᒧᐎᓐ, ᓀᔥᑕ ᒀᔭᔅᑭᑖᑎᓯᐎᓐ, ᓀᔥᑕ ᐸᓓᑭᐃᑯᓯᐎᓐ, ᓀᔥᑕ ᑎᐸᐊᒫᑫᔅᑕᒫᑯᓯᐎᓐ;

ᓂᔓ ᑯᕆᓐᑎᐊᓇ 11:23

ᐎᓚᐗᐤ ᓈ ᙭ ᐅᑦ ᐋᔭᒥᐋᐎ ᐊᑑᔅᑫᓛᑲᓇ? ᓂ ᑮᔥᑴᒧᓐ, ᓂᓚ ᐊᐙᓯᑌ; ᓂᑦ ᐊᑑᔅᑫᐎᓇ ᐊᐙᓯᑌ ᐁ ᒥᒉᑎᑭ, ᒥᒉᑡᐤ ᐁ ᐸᐸᓴᔅᑌᐅᑲᐎᔮᓐ, ᑭᐸᐅᑐᐎᑲᒥᑯᒃ ᐊᐙᓯᑌ ᒥᒉᑡᐤ, ᓂᐱᐎᓂᒃ ᒥᒉᑡᐤ᙮

ᓂᔓ ᑯᕆᓐᑎᐊᓇ 12:2

ᓂ ᑮ ᑭᔅᑫᓕᒪᐤ ᐃᓕᓕᐤ ᙭ᑎᒃ ᓀᐅᔖᑉ ᑕᑐ ᐱᐴᓋ ᐊᔅᐱᓐ, ᑮᔥᐱᓐ ᒥᔭᐎᒃ, ᓇᒪᐎᓚ ᓂ ᑭᔅᑫᓕᑌᓐ; ᓀᔥᑕᐱᑯ ᐁᑳ ᒥᔭᐎᒃ, ᓇᒪᐎᓚ ᓂ ᑭᔅᑫᓕᑌᓐ: ᑭᒋᒪᓂᑐ ᑭᔅᑫᓕᑕᒻ; ᐁᐗᑯ ᐊᐗ ᑮ ᐅᐱᓇᐤ ᐃᑕ ᐁ ᓂᔅᑐ ᐊᑎ ᑭᔑᑯᐗᒃ᙮

ᓂᔓ ᑯᕆᓐᑎᐊᓇ 5:17

ᐁᐗᑯ ᐅᒋ ᑮᔥᐱᓐ ᐊᐌᓇ ᐃᓕᓕᐤ ᐁᑕᑴ ᙭ᑎᒃ, ᐅᔥᑭ ᐅᔑᐋᑲᓂᐎᐤ: ᑳᔮᔥ ᑫᒀᓐ ᐌᐱᐸᓕᐗ; ᒫᑎᑲ, ᒥᓯᐌ ᑫᒀᓇ ᐊᑎ ᐅᔥᑲᐗ᙮

ᓂᔓ ᑯᕆᓐᑎᐊᓇ 5:21

ᐌᓴ ᐎᓚ ᑮ ᐃᔑᐁᐤ ᑭᒋ ᒪᒋᑣᐎᓂᐎᓕᒋ ᑭᓚᓈᓇᐤ ᐅᒋ, ᐊᓂᐃ ᐁᑳ ᑳ ᑮ ᑭᔅᑫᓕᑕᒥᓕᒋ ᒪᒋᑣᐎᓂᓕᐤ; ᑭᒋᒪᓂᑐ ᐅ ᒀᔭᔅᑭᑖᑎᓯᐎᓐ ᑭᒋ ᐃᔑᐃᑲᐎᔭᒃ ᐎᓚ ᐅᒋ᙮

ᑲᓓᔕᐊᓇ 1:22

ᓇᒪᐎᓚ ᒫᑲ ᓂ ᑮ ᑭᔅᑫᓕᒥᑾᒃ ᐊᓂᑭ ᒫᒪᐎᐋᔭᒥᐋᐗᒃ ᒍᑎᐊᐃᒃ, ᑳ ᑮ ᐃᑖᒋᒃ ᙭ᑎᒃ:

ᑲᓓᔕᐊᓇ 2:2

ᓂ ᑮ ᐃᑐᑖᓐ ᒫᑲ ᑭᔅᑫᓕᑖᑯᑖᑫᐎᓂᒃ ᐃᔑ, ᓂ ᑮ ᐎᑕᒪᐙᐗᒃ ᒫᑲ ᐊᓂᒪ ᒥᓗᐋᒋᒧᐎᓐ ᑳ ᑲᑫᔅᑭᒥᐌᔮᓐ ᐃᑕ ᐁ ᐃᑖᒋᒃ ᒉᓐᑖᐃᓚᒃ, ᒫᑲ ᐯᐯᔭᒃ ᓂ ᑮ ᐎᑕᒪᐙᐗᒃ ᐊᓂᑭ ᑳ ᑭᔅᑌᓕᑖᑯᓯᒋᒃ, ᐁᑳ ᔐᔥᑾᑦ ᑭᒋ ᐱᒥᐸᑖᔮᓐ, ᓀᔥᑕᐱᑯ ᐋᔕᔾ ᐁ ᑮ ᐱᒥᐸᑖᔮᓐ᙮

ᑲᓓᔕᐊᓇ 2:6

ᒫᑲ ᐊᓂᑭ ᐙᔦᔥ ᑳ ᑮ ᐃᑌᓕᑖᑯᓯᒋᒃ, ᐊᐌᓂᑭ ᐁᑐᑫ, ᓇᒪᐎᓚ ᐗᔦᔥ ᓂᑦ ᐃᑌᓕᑌᓐ: ᑭᒋᒪᓂᑐ ᓇᒪᐎᓚ ᑭᔅᑕᑭᒣᐤ ᐊᐌᓕᐗ ᐁ ᐃᔑᓈᑯᓯᓕᒋ: ᐌᓴ ᐊᓂᑭ ᐋᑕ ᐙᔦᔥ ᑳ ᑮ ᐃᑌᓕᑖᑯᓯᒋᒃ, ᐁ ᐋᔭᔭᒥᐃᑐᓈᓂᐗᒃ ᓇᒪᐎᓚ ᑫᒀᓐ ᓂ ᑮ ᐃᔑ ᐎᒋᐃᑾᒃ:

ᑲᓓᔕᐊᓇ 5:6

ᐌᓴ ᒋᓴᔅ ᙭ᑎᒃ ᑭᔅᑭᓄᐙᒋᔓᐎᓐ ᓇᒪᐎᓚ ᐙᔦᔥ ᐃᑖᐸᑕᓐ, ᓇᒪ ᓀᔥᑕ ᓇᒪᑭᔅᑭᓄᐙᒋᔓᐎᓐ; ᒫᑲ ᑖᐺᔦᓕᑕᒧᐎᓐ ᓵᑭᐃᐌᐎᓂᒃ ᑳ ᐅᒋ ᐊᑑᔅᑫᒪᑲᒃ᙮

ᑲᓓᔕᐊᓇ 6:15

ᐌᓴ ᙭ ᒋᓴᓯᒃ ᑭᔅᑭᓄᐙᒋᔓᑲᐎᓐ ᓇᒪᐎᓚ ᐙᔦᔥ ᐃᑖᐸᑕᓐ, ᓇᒪ ᓀᔥᑕ ᓇᒪᑭᔅᑭᓄᐙᒋᔓᑲᐎᓐ, ᒫᑲ ᐅᔥᑭ ᐅᔑᐋᑲᓐ᙮

ᐃᐱᓯᔭᓇ 2:10

ᐌᓴ ᑭᓚᓈᓇᐤ ᐎᓚ ᐅᑦ ᐅᔑᐋᑲᓇ, ᐁ ᑮ ᐅᔑᐃᑲᐎᔭᒃ ᙭ ᒋᓴᓯᒃ ᒥᓗ ᐊᑑᔅᑫᐎᓂᒃ ᐃᔑ, ᐊᓂᐃ ᑭᒋᒪᓂᑐ ᑳ ᑮ ᐅᓚᑭᑕᒃ ᑭᒋ ᐱᒧᑖᑕᒪᒃ᙮

ᑯᓚᔑᔭᓇ 4:10

ᐋᕆᔅᑖᕐᑲᔅ, ᓂᒋ ᑭᐸᐙᑲᓐ, ᑭᑦ ᐊᑕᒥᔅᑳᑯᐗᐤ, ᓀᔥᑕ ᒫᕐᒃ, ᐹᕐᓇᐸᔅ ᐎᒋᔖᓂᔅᑴᒪ ᐅᑯᓯᓯᓕᐗ, ᑳ ᑮ ᐅᒋ ᐃᑕᔓᒥᑲᐎᔦᒃ: ᑮᔅᐱᓐ ᐯᒋ ᓇᑎᑖᑴ, ᐱᑐᑲᐃᒃ;

ᐹᐃᓕᒪᓐ 1:23

ᐅᑯ ᑭᑦ ᐊᑕᒥᔅᑳᑾᒃ ᐁᐸᑉᕌᔅ, ᓂᒋᑭᐸᐙᑲᓐ ᙭ ᒋᓴᓯᒃ;

ᓂᔥᑕᒻ ᒑᓐ 4:13

ᐅᒪ ᑭ ᐅᒋ ᑭᔅᑫᓕᑌᓈᓇᐤ ᐁ ᐱᒋᔅᑲᐗᒃ, ᐎᓚ ᓀᔥᑕ ᐁ ᐱᒋᔅᑳᑕᒃ, ᐁ ᑮ ᒥᓕᑕᒃ ᐅᑦ ᐊᒑᑾ᙮

ᓂᔥᑕᒻ ᒑᓐ 5:20

ᑭ ᑭᔅᑫᓕᑌᓈᓇᐤ ᓀᔥᑕ ᑭᒋᒪᓂᑐ ᐅᑯᓯᓴ ᐁ ᑕᑯᔑᓂᓕᒋ, ᓀᔥᑕ ᐁ ᑮ ᒥᓕᑕᒃ ᓂᓯᑐᑕᒧᐎᓂᓕᐤ, ᑭᒋ ᑭᔅᑫᓕᒪᒃ ᐊᓇ ᑳ ᑖᐺᐎᓂᐎᑦ; ᑭ ᐱᒋᔅᑲᐙᓈᓇᐤ ᒫᑲ ᐊᓇ ᑳ ᑖᐺᐎᓂᐎᑦ, ᐊᓇ ᐅᑎ ᐅᑯᓯᓴ ᒋᓴᔅ ᙭᙮ ᐁᐗᑯ ᐊᐗ ᑖᐺ ᑭᒋᒪᓂᑐ, ᓀᔥᑕ ᑳᑭᑫ ᐱᒫᑎᓯᐎᓐ᙮

ᑭᔅᑫᓕᑖᑯᑖᑫᐎᓐ 1:9

ᓂᓚ ᒑᓐ, ᑳ ᐎᒋᔖᓂᐎᔦᒃ ᓀᔥᑕ ᑭ ᐎᒉᐙᑲᓂᐗᐤ ᐊᓕᒥᓯᐎᓂᒃ, ᓀᔥᑕ ᐅᑦ ᐅᑭᒫᐎᐎᓂᒃ ᓀᔥᑕ ᐅ ᔑᐱᓚᐌᓯᐎᓂᒃ ᒋᓴᔅ ᙭, ᓂ ᑮ ᐃᑖᓐ ᒥᓂᔅᑎᑯᒃ ᐹᑦᒪᔅ ᑳ ᐃᔑᓂᑳᑌᒃ, ᑭᒋᒪᓂᑐ ᐅᑦ ᐋᔭᒥᐎᓐ ᐅᒋ, ᓀᔥᑕ ᐅ ᑎᐹᒋᒧᐎᓐ ᒋᓴᔅ ᙭ ᐅᒋ᙮