ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:25 - ᐅᔅᑭ ᑎᔅᑌᒥᓐᑦ

²⁵ ᐁᑯ ᐊᓇ ᑳ ᑲᔥᑭᑖᑦ ᑭᒋ ᐋᔨᒋᐃᑖᒃ ᐁ ᐃᑗᒪᑲᒃ ᓂ ᒥᓗᐋᒋᒪᐎᓐ, ᓀᔥᑕ ᐁ ᐃᔑ ᑎᐹᒋᒫᑲᓂᐎᑦ ᒋᓴᔅ ᙭, ᑳ ᑮ ᐃᔑ ᑭᔅᑫᓕᑖᑯᑖᓂᐗᒃ ᑳ ᒫᒪᔅᑳᑕᒃ, ᐊᓂᒪ ᑳ ᑮ ᑭᒧᒡ ᑲᓇᐌᓕᒋᑳᑌᒃ ᐊᔅᐱᓐ ᑳ ᐯᒋ ᐊᔅᑭᐗᒃ,

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:25 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 13:17

ᐌᓴ ᑖᐺ ᑭᑦ ᐃᑎᓇᐗᐤ, ᒥᒉᑦ ᐅᑭᔅᑭᐙᐃᑫᐗᒃ ᓀᔥᑕ ᐅᒀᔭᔅᑭᑖᑎᓯᐗᒃ ᑮ ᐊᑲᐙᑕᒶᒃ ᑭᒋ ᐐᐸᑕᑭᒃ ᐅᐅ ᑫᒀᓇ ᑳ ᐙᐸᑕᒣᒃ, ᓇᒪ ᒫᑲ ᐅᒋ ᐙᐸᑕᒶᒃ; ᓀᔥᑕ ᑭᒋ ᐯᑕᑭᒃ ᐅᐅ ᑫᒀᓇ ᑳ ᐯᑕᒣᒃ, ᓇᒪ ᒫᑲ ᑮ ᐯᑕᒶᒃ᙮

ᐅᐸᓓᑭᔅ ᒫᑎᐤ 13:35

ᑭᒋ ᑎᐱᐸᓕᓕᒃ ᑳ ᑮ ᐃᑗᑦ ᐅᑭᔅᑭᐙᐃᑫᐤ, ᐁ ᐃᑗᑦ, ᓂ ᑳ ᐹᔅᑭᑐᓀᓕᓐ ᓇᔅᐱᑐᐌᐎ ᐋᑕᓗᑳᓂᒃ; ᓂ ᑳ ᐎᑌᓐ ᑫᒀᓇ ᑳ ᑮ ᑳᒋᑳᑌᑭ ᐊᔅᐱᓐ ᑳ ᐯᒋ ᐊᔅᑭᐗᒃ᙮

ᐅᐸᓓᑭᔅ ᒫᑎᐤ 20:7

ᐃᑌᐗᒃ, ᐁᑳ ᐊᐌᓇ ᐁ ᐅᒋ ᐊᑐᑕᐎᔭᒥᑦ᙮ ᐃᑌᐤ ᒫᑲ, ᐃᑐᑌᒃ ᑭᓚᐗᐤ ᓀᔥᑕ ᔓᒥᓈᑎᑯ ᓂᑖᐎᑭᒋᑲᓂᒃ; ᑫᒀᓐ ᒫᑲ ᑳ ᒀᔭᔅᑭᑌᓕᑖᑾᒃ ᑭ ᑳ ᒥᓕᑲᐎᓇᐗᐤ᙮

ᐊᐸᔅᑕᓚᒃ 20:32

ᐊᓄᒡ ᒫᑲ, ᓂᒋᔖᓂᑐᒃ, ᑭ ᐸᑭᑌᓕᒥᑎᓇᐗᐤ ᑭᒋᒪᓂᑐ, ᓀᔥᑕ ᐅ ᔕᐌᓕᒋᑫᐎ ᐋᔭᒥᐎᓂᒃ, ᐊᓂᒪ ᑳ ᑲᔥᑭᑖᒪᑲᒃ ᑭᒋ ᓂᑕᐎᑭᐃᑯᔦᒃ, ᓀᔥᑕ ᑭᒋ ᒥᓕᑯᔦᒃ ᑎᐯᓕᒋᑫᐎᓐ ᐃᑕ ᒥᓯᐌ ᒫᒪᐤ ᑳ ᐃᑖᒋᒃ ᑳ ᐸᓓᑭᐊᑲᓂᐎᒋᒃ᙮

ᐊᐸᔅᑕᓚᒃ 9:20

ᑣᔦᒃ ᒫᑲ ᑮ ᑲᑫᔅᑭᒥᐌᐤ ᐱᒋ ᐋᔭᒥᐁᐎᑲᒥᑾ ᐊᓂᐃ ᙭ᑕ ᐁ ᐋᐎᓕᒋ ᑭᒋᒪᓂᑐ ᐅᑯᓯᓴ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 11:25

ᐌᓴ ᓇᒪᐎᓚ ᓂ ᓇᑕᐌᓕᑌᓐ, ᓂᒋᔖᓂᑐᒃ, ᐁᑳ ᑭᒋ ᑭᔅᑫᓕᑕᒣᒃ ᐅᒪ ᑳᒋ ᑫᒀᓐ, ᐁᑳ ᑭᒋ ᑲᑫᑕᐌᓕᑕᒣᒃ ᑎᐱᓚᐌ ᑭᑦ ᐃᑌᓕᑕᒧᐎᓂᐙᒃ; ᓇᒪᐙᐱᐎᓂᓕᐤ ᐸᔅᑭ ᐁ ᑮ ᐅᑎᑎᑯᑦ ᐃᔅᕃᐃᓪ, ᐹᑎᒫ ᐅᑎᒋᐸᓕᓕᑫ ᐅ ᐌᓗᑎᓯᐎᓂᐗᐤ ᒉᓐᑖᐃᓚᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:4

ᐊᐌᓇ ᑭᓚ ᑳ ᑎᐹᔅᑯᓂᒪᑦ ᑯᑕᒃ ᐃᓕᓕᐤ ᐅᑦ ᐊᑑᔅᑫᓛᑲᓂᒪ? ᑎᐱᓚᐌ ᐅᑦ ᐅᑭᒫᒪ ᐅᒋ ᓂᐸᐎᐤ ᓀᔥᑕ ᐸᑭᔑᓐ, ᐁᐁ, ᑲᑕ ᓯᑐᓇᐤ: ᐌᓴ ᑭᒋᒪᓂᑐ ᑲᔥᑭᑕᐤ ᑭᒋ ᓂᐸᐎᐋᑦ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:24

ᐅ ᔕᐌᓕᒋᑫᐎᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᒥᓯᐌ ᑭ ᑳ ᐎ ᐎᒉᐎᑯᐙᓇᐗᐤ᙮ ᐁᒣᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:16

ᐊᓂᒪ ᑫ ᑭᔑᑳᒃ ᐃᔅᐱ ᑭᒋᒪᓂᑐ ᑫ ᑎᐹᔅᑯᓇᒸᑦ ᐃᓕᓕᐗ ᐅ ᑭᒧᑎᓯᐎᓂᓕᐗ ᐎᓚ ᐅᒋ ᒋᓴᔅ ᙭, ᐁ ᐃᑗᒪᑲᒃ ᓂ ᒥᓗᐋᒋᒧᐎᓐ᙮

ᓂᔥᑕᒻ ᑯᕆᓐᑎᐊᓇ 1:23

ᒫᑲ ᓂ ᑲᑫᔅᑭᒥᐙᓈᓐ ᙭ ᐁ ᒋᔅᑖᔅᑾᐙᑲᓂᐎᑦ, ᒍᐗᒃ ᐁ ᐅ ᐱᔓᓯᓄᐎᓂᒋᒃ, ᓀᔥᑕ ᒃᕆᑲᒃ ᑲᑫᐹᑎᓯᐎᓐ ᑳ ᐃᑌᓕᑕᑭᒃ;

ᓂᔥᑕᒻ ᑯᕆᓐᑎᐊᓇ 2:7

ᒫᑲ ᓂᑦ ᐋᓕᒧᑕᒸᓈᓐ ᑭᒋᒪᓂᑐ ᐅ ᑲᑫᑕᐌᓕᑕᒧᐎᓐ ᐁ ᐃᔑ ᑳᒋᑳᑌᒃ, ᐊᓂᒪ ᑳ ᑳᑖᓂᐗᒃ ᑲᑫᑕᐌᓕᑕᒧᐎᓐ ᐅᑎ, ᑭᒋᒪᓂᑐ ᑳ ᑮ ᐙᐌᓚᔅᑖᑦ ᐸᒧᔑ ᑮ ᐊᔅᑭᐗᒃ ᑭᒋ ᐅᒋ ᑭᔅᑌᓕᑖᑯᓯᔭᒃ:

ᓂᔥᑕᒻ ᑯᕆᓐᑎᐊᓇ 4:1

ᐁᑯᔑ ᐊᐌᓇ ᓂ ᑳ ᐃᑕᑭᒥᑯᓈᓐ ᐁ ᐅᑦ ᐋᔭᒥᐋᐎᐊᑑᔅᑫᓚᑲᓂᒥᔭᒥᑦ ᙭, ᓀᔥᑕ ᐁ ᑲᓇᐌᓕᑎᓕᑲᐎᔮᒃ ᑭᒋᒪᓂᑐ ᐅ ᑳᒋ ᑫᒀᓇ᙮

ᓂᔓ ᑯᕆᓐᑎᐊᓇ 4:3

ᒫᑲ ᑮᔥᐱᓐ ᓂ ᒥᓗᐋᒋᒧᐎᓂᓈᓐ ᑭᐋᒋᑳᑌᑭ, ᑳᑕᒪᐙᐗᒃ ᐊᓂᑭ ᑳ ᐗᓂᔑᑭᒃ:

ᓂᔓ ᑯᕆᓐᑎᐊᓇ 4:5

ᐌᓴ ᓇᒪᐎᓚ ᓂ ᑲᑫᔅᑭᒥᐙᓱᓈᓐ, ᒫᑲ ᒋᓴᔅ ᙭ ᐅᑎᐯᓕᒋᑫᐤ; ᓂᓚᓈᓐ ᓀᔥᑕ ᑭᑦ ᐊᑐᔅᑫᓚᑲᓂᐗᐗᒃ ᒋᓴᔅ ᐅᒋ᙮

ᑲᓓᔕᐊᓇ 2:2

ᓂ ᑮ ᐃᑐᑖᓐ ᒫᑲ ᑭᔅᑫᓕᑖᑯᑖᑫᐎᓂᒃ ᐃᔑ, ᓂ ᑮ ᐎᑕᒪᐙᐗᒃ ᒫᑲ ᐊᓂᒪ ᒥᓗᐋᒋᒧᐎᓐ ᑳ ᑲᑫᔅᑭᒥᐌᔮᓐ ᐃᑕ ᐁ ᐃᑖᒋᒃ ᒉᓐᑖᐃᓚᒃ, ᒫᑲ ᐯᐯᔭᒃ ᓂ ᑮ ᐎᑕᒪᐙᐗᒃ ᐊᓂᑭ ᑳ ᑭᔅᑌᓕᑖᑯᓯᒋᒃ, ᐁᑳ ᔐᔥᑾᑦ ᑭᒋ ᐱᒥᐸᑖᔮᓐ, ᓀᔥᑕᐱᑯ ᐋᔕᔾ ᐁ ᑮ ᐱᒥᐸᑖᔮᓐ᙮

ᐃᐱᓯᔭᓇ 1:9

ᐁ ᑮ ᑭᔅᑫᓕᑕᒥᐃᑕᒃ ᐁ ᐃᔑ ᑳᑖᓂᐗᓂᓕᒃ ᐅᑦ ᐃᑌᓕᑕᒧᐎᓐ, ᐁ ᐃᔑ ᒥᓗ ᐃᑌᓕᑕᒃ, ᐎᓚ ᑫᒋᐙᒃ ᑳ ᑮ ᐃᑌᓕᑕᒃ;

ᐃᐱᓯᔭᓇ 3:11

ᑳ ᐃᑕᔅᑌᒃ ᐊᓂᒪ ᑳᑭᑫ ᑫᒋᓀᓕᑕᒧᐎᓐ, ᑳ ᑮ ᑫᒋᓀᓕᑕᒃ ᙭ ᒋᓴᓯᒃ ᑭ ᑎᐯᓕᒋᑫᒥᓇᐤ;

ᐃᐱᓯᔭᓇ 3:9

ᑭᒋ ᑐᑕᐗᑭᒃ ᒫᑲ ᒥᓯᐌ ᐃᓕᓕᐗᒃ ᑭᒋ ᐙᐸᑕᑭᒃ ᐊᓂᐁᓕᐤ ᐅᑐᑌᒥᒥᑐᐎᓂᓕᐤ ᑳ ᒫᒪᔅᑳᑌᓕᑖᑾᓂᓕᒃ, ᐊᔅᐱᓐ ᓂᔥᑕᒻ ᐁ ᐊᔅᑭᐗᒃ ᑳ ᑮ ᑳᑖᓂᐗᓂᓕᒃ ᑭᒋᒪᓂᑐᒃ, ᒥᓯᐌ ᑫᒀᓇ ᑳ ᑮ ᐅᔑᑖᑦ ᒋᓴᔅ ᙭ ᐅᒋ:

ᐃᐱᓯᔭᓇ 6:19

ᓀᔥᑕ ᓂᓚ ᐊᓯᒋ, ᑭᒋ ᒥᓕᑲᐎᔮᓐ ᑭᒋ ᐹᔅᑭᑐᓀᓕᔮᓐ, ᑭᒋ ᑭᔅᑫᓕᑖᑯᑖᔮᓐ ᐁ ᐃᔑ ᒫᒪᔅᑳᑌᓕᑖᑾᒃ ᒥᓗᐋᒋᒧᐎᓐ:

ᑯᓚᔑᔭᓇ 2:2

ᐅᑌᐃᐙᐗ ᑭᒋ ᑳᑭᒋᑖᓂᐗᓂᓕᑭ, ᐁ ᒪᐗᓴᑯᓈᑲᓂᐎᒋᒃ ᓵᑭᐃᐌᐎᓂᒃ, ᓀᔥᑕ ᑭᒋ ᒥᑐᓂᑫᒋᓇᐅᐎ ᓂᓯᑐᑕᑭᒃ ᐁ ᐃᔑ ᐌᓗᑕᓂᓕᒃ, ᒥᑐᓂ ᑭᒋ ᑭᔅᑫᓕᑕᒸᒋᒃ ᑭᒋᒪᓂᑐᐗ ᐅ ᒫᒪᔅᑳᑌᓕᑖᑯᓯᐎᓂᓕᐤ, ᓀᔥᑕ ᐅᑖᐎᒪᐗ, ᓀᔥᑕ ᙭ᑕ;

ᑯᓚᔑᔭᓇ 4:3

ᐊᓯᒋ ᓀᔥᑕ ᐁ ᐋᔭᒥᐁᔅᑕᒪᐎᔮᒃ, ᑭᒋᒪᓂᑐ ᑭᒋ ᐹᔅᑭᑌᓇᒪᐎᔭᒥᑦ ᓂᑕᐌᐎᓂᐃᔥᒀᑌᒡ, ᑭᒋ ᐋᓕᒪᑕᒲᒃ ᙭ ᐅ ᒫᒪᔅᑳᑌᓕᑖᑯᓯᐎᓐ, ᐁᐗᑯ ᑳ ᐅᒋ ᒫᒫᒋᒀᐱᓱᔮᓐ:

ᓂᔥᑕᒻ ᑌᓴᓗᓂᔭᓇ 3:13

ᑭᒋ ᐋᔨᒋᑖᑦ ᑭᑌᐃᐙᐗ ᐁᑳ ᑭᒋ ᐊᑕᒣᓕᑖᑯᓯᔦᒃ ᐸᓕᑭᓯᐎᓂᒃ, ᐅᑎᔥᑲᐤ ᑭᒋᒪᓂᑐ, ᑯᑖᐎᓇᐤ ᐅᑎ, ᐯᒋ ᑕᑯᔑᑫ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᐊᓯᒋ ᒥᓯᐌ ᐅ ᐸᓓᑭᓯᒪ᙮

ᓂᔓ ᑌᓴᓗᓂᔭᓇ 2:14

ᐃᑕ ᑳ ᑮ ᐃᔑ ᓇᑐᒥᑖᒃ ᓂ ᒥᓗᐋᒋᒧᐎᓂᓈᓐ ᐅᒋ, ᑭᒋ ᒥᓕᑲᐎᔦᒃ ᐅ ᑭᔅᑌᓕᑖᑯᓯᐎᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭᙮

ᓂᔓ ᑌᓴᓗᓂᔭᓇ 3:3

ᒫᑲ ᐅᑎᐯᓕᒋᑫᐤ ᑖᐺᐎᐤ, ᐊᓇ ᑫ ᐋᔨᒋᐃᑖᒃ, ᓀᔥᑕ ᑫ ᑲᓇᐌᓕᒥᑖᒃ ᑳ ᒫᓛᑕᒃ ᐅᒋ᙮

ᓂᔓ ᑎᒧᑎ 1:9

ᐊᓇ ᑳ ᑮ ᐱᒫᒋᐃᑕᒃ, ᓀᔥᑕ ᑳ ᑮ ᓇᑐᒥᑕᒃ ᐸᓓᑭ ᓇᑐᑫᐎᓂᒃ, ᓇᒪᐎᓚ ᐁ ᐃᔑ ᐊᑑᔅᑫᔭᒃ, ᒫᑲ ᑳ ᐃᑕᔅᑌᓕᒃ ᑎᐱᓚᐌ ᐅᑦ ᐃᑌᓕᑕᒧᐎᓐ, ᓀᔥᑕ ᐅ ᔕᐌᓕᒋᑫᐎᓐ ᑳ ᑮ ᒥᓕᑲᐎᔭᒃ ᙭ ᒋᓴᓯᒃ, ᐸᒧᔑ ᒥᐊᒋ ᐃᑕᑾᒃ ᐊᔅᑭ;

ᓂᔓ ᑎᒧᑎ 2:8

ᑭᔅᑭᓯ ᒋᓴᔅ ᙭, ᑌᐱᑦ ᐅᑦ ᐊᐙᔑᒥᔕ ᑳ ᐅᒋᐸᓕᑦ, ᐁ ᑮ ᐗᓂᔥᑳᓈᑲᓂᐎᑦ ᐅᓂᐱᐗ ᐅᒋ, ᐁ ᐃᑗᒪᑲᒃ ᓂ ᒥᓗᐋᒋᒧᐎᓐ:

ᑕᐃᑕᔅ 1:2

ᐁ ᐊᔅᐯᓕᒧᑐᒋᑳᑌᒃ ᑳᑭᑫ ᐱᒫᑎᓯᐎᓐ, ᐊᓂᒪ ᑭᒋᒪᓂᑐ, ᐁᑳ ᑳ ᑮ ᑭᓛᔅᑭᑦ, ᑳ ᑮ ᐊᔓᑕᒫᑫᑦ ᐸᒧᔑ ᑮ ᒫᒋ ᐊᔅᑭᐗᒃ:

ᐦᐃᑉᕉᐗ 7:25

ᐁᐗᑯ ᐅᒋ ᑲᔥᑭᑕᐤ ᓀᔥᑕ ᑳᑭᑫ ᑭᒋ ᐱᒫᒋᐋᑦ ᐊᓂᐃ ᐎᓚ ᐅᒋ ᑳ ᐯᒋ ᓈᑖᓕᒋ ᑭᒋᒪᓂᑐᐗ, ᐁ ᓄᑾᒃ ᑳᑭᑫ ᐁ ᐱᒫᑎᓰᑦ ᑭᒋ ᐋᔭᒥᐁᔅᑕᒪᐙᑦ᙮

ᓂᔥᑕᒻ ᐱᑕᕐ 1:20

ᐊᓇ ᑖᐺ ᓂᑳᓐ ᑳ ᑮ ᐹᑲᓂᐋᑲᓂᐎᑦ ᐸᒧᔑ ᑮ ᒫᒋ ᐃᑕᑾᒃ ᐊᔅᑭ, ᒫᑲ ᒣᒀᒡ ᐅᐅ ᒫᒋᒡ ᐁ ᑭᔑᑳᑭ ᑭᓚᐗᐤ ᑳ ᐅᒋ ᓄᑯᐋᑲᓂᐎᑦ;

ᓂᔥᑕᒻ ᐱᑕᕐ 5:10

ᒫᑲ ᑭᒋᒪᓂᑐ ᑳ ᐋᔮᑦ ᒥᓯᐌ ᔕᐌᓕᒋᑫᐎᓂᓕᐤ, ᑳ ᑮ ᓇᑐᒥᑕᒃ ᑭᒋ ᐋᔭᐗᒃ ᐅ ᑳᑭᑫ ᑭᔅᑌᓕᑖᑯᓯᐎᓐ ᒋᓴᔅ ᙭ ᐅᒋ, ᐎᓕᐱᔉ ᑮ ᐎᓴᑫᓕᑕᒣᑴ, ᑭ ᑳ ᐎ ᒥᑐᓂᐎᐃᑯᐗᐤ, ᐋᔨᒋᐃᑯᐗᐤ ᒪᔥᑲᐎᐃᑯᐗᐤ, ᓱᑭᑳᐸᐎᐃᑯᐗᐤ᙮

ᑭᔅᑫᓕᑖᑯᑖᑫᐎᓐ 10:7

ᒫᑲ ᒣᒀᒡ ᐊᓂᐃ ᐁ ᑭᔑᑳᑭ ᐁ ᐯᑖᑯᓯᑦ ᐊᓇ ᓃᔂᔅ ᐁᓐᒐᓪ, ᐃᔅᐱ ᒫᒋ ᑭᑐᑖᑦ ᐁᑯ ᑭᒋ ᑭᔑᑖᓂᐗᓂᓕᒃ ᑭᒋᒪᓂᑐ ᐅ ᒪᒪᔅᑳᑎᐎᓐ, ᒬᒋ ᑳ ᑭ ᐃᔑ ᐎᑕᒪᐙᑦ ᐅᑦ ᐊᑑᔅᑫᓛᑲᓇ ᐅᑭᔅᑭᐙᐃᑫᐗ᙮