ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:21 - ᐅᔅᑭ ᑎᔅᑌᒥᓐᑦ

²¹ ᑎᒧᑎ ᓂᒋᐊᑑᔅᑫᓛᑲᓐ, ᓀᔥᑕ ᓘᓯᔭᔅ, ᓀᔥᑕ ᒉᓴᓐ, ᓀᔥᑕ ᓱᓯᐯᑕᕐ, ᓂ ᐙᑯᒫᑲᓇᒃ ᑭᑦ ᐊᑕᒥᔅᑳᑯᐗᐗᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:21 ပူးပေါင်းရင်းမြစ်များ

ᐊᐸᔅᑕᓚᒃ 13:1

ᐁᑯᔅᐱ ᑮ ᐃᑖᐗᒃ ᐊᓐᑕ ᐋᔭᒥᐁᐎᑲᒥᑯᒃ ᑳ ᐃᑕᑾᒃ ᐋᓐᑎᐊᑭᒃ ᐊᑎᑦ ᐅᑭᔅᑭᐙᐃᑫᐗᒃ ᓀᔥᑕ ᐅᑭᔅᑭᓄᐊᒫᑫᐗᒃ; ᐹᕐᓇᐸᔅ, ᓀᔥᑕ ᓯᒥᔭᓐ ᑳ ᐃᔑᓂᑳᓱᑦ ᓇᐃᑲᕐ, ᓀᔥᑕ ᓘᓯᐊᔅ, ᓴᐃᕆᓂᐃᒃ ᑳ ᐅᒌᑦ, ᓀᔥᑕ ᒣᓀᐃᓐ ᑳ ᑮ ᐎᒋᐅᐱᑭᒫᑦ ᐦᐁᕋᑕ ᑳ ᐅᑭᒫᐎᓕᒋ ᓀᔥᑕ ᓵᓪ᙮

ᐊᐸᔅᑕᓚᒃ 17:14

ᑣᔦᒃ ᒫᑲ ᐊᓂᑭ ᑳ ᐎᒋᔖᓂᑐᒋᒃ ᑮ ᑭᒋᑎᔕᐌᐗᒃ ᐹᓚ, ᑭᒋ ᐃᑐᑌᓕᒋ ᑭᒋᑲᒥᒃ: ᓵᐃᓚᔅ ᒫᑲ ᓀᔥᑕ ᑕᐃᒧᑎᐊᔅ ᐁᑯᑕ ᑫᔮᐸᒡ ᑮ ᐃᑖᐗᒃ᙮

ᐊᐸᔅᑕᓚᒃ 17:5

ᒫᑲ ᒎᐗᒃ ᐁᑳ ᑳ ᑖᐺᑕᑭᒃ, ᐁ ᐅᑌᓕᑕᑭᒃ, ᑮ ᐅᑎᓀᐗᒃ ᐊᑎᑦ ᑳ ᑭᔥᑴᐊᑎᓯᓕᒋ ᐃᓕᓕᐗ ᓇᐗᒡ ᑳ ᒪᒉᓕᑕᑯᓯᓕᒋ, ᓀᔥᑕ ᒫᒪᐤ ᑮ ᒫᐗᒋᐁᐗᒃ ᐊᐌᓕᐗ, ᑮ ᒥᑯᔅᑲᒋᑖᐗᒃ ᒫᑲ ᒥᓯᐌ ᐃᑖᐎᓂᓕᐤ, ᓀᔥᑕ ᑮ ᐎ ᓂᔑᐗᓈᒋᑕᐗᒃ ᐎᑭᓕᐤ ᒉᓴᓐ, ᑮ ᓇᓈᑐᓇᐌᐗᒃ ᒫᑲ ᐁ ᐎ ᐯᒋ ᐗᓚᐎᑕᑕᐙᒋᒃ ᐃᓕᓕᐗ᙮

ᐊᐸᔅᑕᓚᒃ 18:5

ᐃᔅᐱ ᒫᑲ ᓵᐃᓚᔅ ᓀᔥᑕ ᑕᐃᒧᑎᐊᔅ ᑳ ᐯᒋ ᐅᑐᑌᒋᒃ ᒫᓯᑐᓂᐊᐃᒃ ᐅᒋ, ᐹᓪ ᑮ ᐋᑲᒣᓕᑕᒻ ᐅᑦ ᐊᒑᑯᒃ, ᓀᔥᑕ ᑮ ᑎᐸᒋᒧᔅᑕᐌᐤ ᐊᓂᐃ ᒎᐗ ᒋᓴᓴ ᐁ ᙭ᑎᐎᓕᒋ᙮

ᐊᐸᔅᑕᓚᒃ 19:22

ᐁᑯ ᒫᑲ ᐁᔑᑎᔕᐙᑦ ᒫᓯᑐᓂᐊᐃᒃ ᓂᔓ ᐊᓂᐃ ᑳ ᐊᑐᔅᑳᑯᑦ, ᑎᒧᑎ ᓀᔥᑕ ᐃᕌᔅᑕᔅ; ᒫᑲ ᐎᓚ ᑫᒋᐙᒃ ᐎᓕᐱᔉ ᑮ ᐃᑕᐤ ᐊᓐᑕ ᐁᔕᐃᒃ᙮

ᐊᐸᔅᑕᓚᒃ 20:4

ᑮ ᐎᒉᐎᑯ ᒫᑲ ᐁᔖᐃᒃ ᐃᔅᑯ, ᐊᓂᐃ ᓱᐸᑕᕐ ᐱᕆᐊᐃᒃ ᑳ ᐅᒋᑦ; ᓀᔥᑕ ᐊᓂᐃ ᑌᓴᓗᓂᐊᓇ, ᐋᕆᔅᑖᕐᑲᔅ ᓀᔥᑕ ᓯᑲᓐᑕᔅ; ᑲᐃᐊᔅ ᒫᑲ ᑕᕐᐱᐃᒃ ᐅᒋ, ᓀᔥᑕ ᑕᐃᒧᑎᐊᔅ; ᐁᔕᐃᒃ ᒫᑲ ᐅᒋ ᑎᑭᑲᔅ ᓀᔥᑕ ᑦᕈᐱᒪᔅ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:11

ᐊᑕᒥᔅᑳᒃ ᐦᐃᕈᑎᔭᓐ ᓂ ᐙᑯᒫᑲᓐ᙮ ᐊᑕᒥᔅᑳᑯᒃ ᐊᓂᑭ ᑳ ᐃᑕᒋᒃ ᓈᕐᓯᓴᓴ ᐎᑭᓕᒃ, ᑳ ᐃᑖᒋᒃ ᐅᑎᐯᓕᒋᑫᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:7

ᐊᑕᒥᔅᑳᒃ ᐋᓐᑦᕋᓂᑲᔅ ᓀᔥᑕ ᒎᓂᔭ, ᓂ ᐙᑯᒫᑲᓇᒃ, ᓀᔥᑕ ᓂᒋᑭᐸᐙᑲᓇᒃ, ᑳ ᑭᔅᑌᓕᒥᑯᒋᒃ ᐊᐸᔅᑕᓚ, ᓀᔥᑕ ᑳ ᑮ ᐃᑖᒋᒃ ᙭ᑎᒃ ᐸᒧᔑ ᓂᓚ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 9:3

ᐌᓴ ᓂ ᑳ ᓇᑕᐌᓕᑌᑖᔾ ᓂᓚ ᑫᒋᐗᒃ ᑭᒋ ᒪᒐᑭᒥᑳᐎᔮᓐ ᙭ ᐅᒋ, ᓂᒋᔖᓇᒃ ᐅᒋ ᐁ ᐃᑕᔅᑌᒃ ᐎᔮᓯᐎᓐ:

ᓂᔓ ᑯᕆᓐᑎᐊᓇ 1:1

ᐹᓪ ᐅᑦ ᐊᐸᔅᑕᓕᒪ ᒋᓴᔅ ᙭ ᐁ ᐃᑌᓕᑕᒃ ᑭᒋᒪᓂᑐ, ᓀᔥᑕ ᑎᒧᑎ ᑭᒋᔖᓂᓇᐤ, ᐁ ᒪᓯᓇᐊᒪᐙᑦ ᐊᓂᐃ ᐅ ᒫᒪᐎᐋᔭᒥᐋᒪ ᑭᒋᒪᓂᑐ ᑳ ᐃᑖᓕᒋ ᑯᕆᓐᑎᒃ, ᐊᓯᒋ ᓀᔥᑕ ᒥᓯᐌ ᐊᓂᐃ ᐅᐸᓓᑭᓴ ᑳ ᐃᑖᓂᒋ ᒥᓯᐌ ᐊᑳᔭᐃᒃ:

ᓂᔓ ᑯᕆᓐᑎᐊᓇ 1:19

ᐌᓴ ᑭᒋᒪᓂᑐ ᐅᑯᓯᓴ, ᒋᓴᔅ ᙭, ᑳ ᑮ ᐋᓕᒧᑕᒫᑕᑾᒃ, ᓂᓚ ᐅᑎ ᓀᔥᑕ ᓵᐃᓚᔅ ᓀᔥᑕ ᑎᒧᑎ ᓇᒪᐎᓚ ᐁᐁ ᓀᔥᑕ ᓇᒪᐎᓚ ᑮ ᐃᑌᓕᑖᑾᓐ, ᒫᑲ ᐎᓚ ᐅᒋ ᐁᐁ ᑮ ᐃᑌᓕᑖᑾᓐ᙮

ᐱᓕᐱᔭᓇ 1:1

ᐹᓪ ᓀᔥᑕ ᑎᒧᑎ, ᐅᑦ ᐊᑑᔅᑫᓛᑲᓂᒪ ᒋᓴᔅ ᙭, ᐁ ᒪᓯᓇᐊᒪᐙᒋᒃ ᒥᓯᐌ ᐅᐸᓓᑭᓴ ᙭ ᒋᓴᓯᒃ, ᑳ ᐃᑖᓕᒋ ᐱᓕᐹᐃᐃᒃ, ᐊᓯᒋ ᑭᒋᐋᔭᒥᐁᐎᑭᒪᐗ ᓀᔥᑕ ᑎᑲᓇ:

ᑯᓚᔑᔭᓇ 1:1

ᐹᓪ, ᐅᑦ ᐊᐸᔅᑕᓕᒪ ᒋᓴᔅ ᙭, ᑭᒋᒪᓂᑐ ᐁ ᐃᑌᓕᑕᒃ, ᓀᔥᑕ ᑎᒧᑎ, ᑭᒋᔖᓂᓇᐤ:

ᓂᔥᑕᒻ ᑌᓴᓗᓂᔭᓇ 1:1

ᐹᓪ, ᓀᔥᑕ ᓵᐃᓚᔅ, ᓀᔥᑕ ᑎᒧᑎ, ᐁ ᒪᓯᓇᐊᒪᐙᒋᒃ ᐊᓂᐃ ᑌᓴᓗᓂᔭ ᒫᒪᐎᐋᔭᒥᐊᐗ, ᑳ ᐃᑖᓕᒋ ᑭᒋᒪᓂᑐᓈᒃ ᐌᐅᑖᐎᒪᐎᑦ, ᓀᔥᑕ ᐅᑎᐯᓕᒋᑫᐤ ᒋᓴᔅ ᙭: ᔕᐌᓕᒋᑫᐎᓐ ᑭ ᑳ ᐎ ᐋᔮᓇᐗᐤ, ᓀᔥᑕ ᑳᔮᒣᓕᑕᒲᐎᓐ, ᑭᒋᒪᓂᑐ ᐅᒋ ᐌᐅᑖᐎᒪᐎᑦ, ᓀᔥᑕ ᐅᑎᐯᓕᒋᑫᐤ ᒋᓴᔅ ᙭᙮

ᓂᔥᑕᒻ ᑌᓴᓗᓂᔭᓇ 3:2

ᓀᔥᑕ ᒫᑲ ᓂ ᑮ ᐃᔑᑎᔕᐙᓈᓐ ᑎᒧᑎ, ᓂᒋᔖᓂᓈᓐ, ᓀᔥᑕ ᐅᑦ ᐋᔭᒥᐋᐎ ᐊᑑᔅᑫᓛᑲᓂᒪ ᑭᒋᒪᓂᑐ, ᓀᔥᑕ ᓂᒋᐊᑑᔅᑫᓛᑲᓂᓈᓐ ᐅ ᒥᓗᐋᒋᒧᐎᓂᒃ ᙭, ᑭᒋ ᐊᔨᒋᐃᑖᒃ ᓀᔥᑕ ᑭᒋ ᑳᑭᒋᐃᑖᒃ ᑭ ᑖᐺᔦᓕᑕᒧᐎᓂᐗᐤ ᐅᒋ:

ᓂᔥᑕᒻ ᑌᓴᓗᓂᔭᓇ 3:6

ᒫᑲ ᐁᑯ ᐃᔅᐱ ᑳ ᐯᒋ ᑖᑯᔑᒃ ᑎᒧᑎ ᑭᓚᐗᐤ ᐅᒋ, ᓀᔥᑕ ᐁ ᑮ ᒥᓗ ᐋᓕᒧᑕᒪᐎᔭᒥᑦ ᑭ ᑖᐺᔦᓕᑕᒧᐎᓂᐗᐤ ᓀᔥᑕ ᑭ ᓵᑭᐃᐌᐎᓂᐗᐤ, ᓀᔥᑕ ᒧᔕᒃ ᐁ ᒥᓗ ᑭᔅᑭᓯᑐᑕᐎᔭᒥᑦ, ᓈᔅᐱᒡ ᐁ ᐎ ᐙᐸᒥᔭᒥᑦ, ᑖᐱᔅᑯᒡ ᓂᓚᓈᓐ ᓀᔥᑕ ᑭᒋ ᐙᐸᒥᑖᒃ;

ᓂᔓ ᑌᓴᓗᓂᔭᓇ 1:1

ᐹᓪ, ᓀᔥᑕ ᓵᐃᓚᔅ, ᓀᔥᑕ ᑎᒧᑎ, ᐁ ᒪᓯᓇᐊᒪᐙᒋᒃ ᐊᓂᐃ ᑌᓴᓗᓂᔭ ᒫᒪᐎᐋᔭᒥᐊᐗ, ᑳ ᐃᑖᓕᒋ ᑭᒋᒪᓂᑐᒃ ᑯᑖᐎᓇᐤ ᓀᔥᑕ ᐅᑎᐯᓕᒋᑫᒃ ᒋᓴᔅ ᙭:

ᓂᔥᑕᒻ ᑎᒧᑎ 1:2

ᐁ ᒪᓯᓇᐊᒪᐗᒃ ᑎᒧᑎ, ᑎᐱᓚᐌ ᓂᑯᓯᔅ ᑖᐺᔦᓕᑖᒧᐎᓂᒃ: ᑭᔐᐙᑎᓯᐎᓐ, ᔕᐌᓕᒋᑫᐎᓐ, ᓀᔥᑕ ᑳᔮᒣᓕᑕᒧᐎᓐ, ᑭ ᑳ ᐎ ᐋᔮᓐ, ᑭᒋᒪᓂᑐ ᑯᑖᐎᓇᐤ ᐅᒋ, ᓀᔥᑕ ᒋᓴᔅ ᙭ ᑭ ᑎᐯᓕᒋᑫᒥᓇᐤ᙮

ᓂᔥᑕᒻ ᑎᒧᑎ 6:11

ᒫᑲ ᑭᓚ ᑳ ᐅᑦ ᐃᓕᓕᒥᒥᔉ ᑭᒋᒪᓂᑐ, ᐅᔑᒧᔅᑕ ᐅᐅ ᑫᒀᓇ: ᓄᔅᐱᓇᑖ ᒫᑲ ᒀᔭᔅᑭᑖᑎᓯᐎᓐ, ᒪᓂᑐᐙᑎᓯᐎᓐ, ᑖᐺᔦᓕᑕᒧᐎᓐ, ᓵᑭᐃᐌᐎᓐ, ᔑᐱᓚᐌᓯᐎᓐ, ᓗᔅᑳᑎᓯᐎᓐ᙮

ᓂᔥᑕᒻ ᑎᒧᑎ 6:20

ᐅ ᑎᒧᑎ, ᑲᓇᐌᓕᑕ ᐊᓂᒪ ᑳ ᑲᓇᐌᓕᑎᓕᑲᐎᔭᓐ, ᐁ ᐌᐱᓇᒪᓐ ᒪᒋ ᓀᔥᑕ ᐸᑾᓐᑕᐤ ᐱᑭᔅᑴᐎᓇ, ᓀᔥᑕ ᓇᔅᑯᔅᑕᒧᐎᓇ ᑳ ᐅᒋᐸᓕᑭ ᑭᔅᑫᓕᑕᒧᐎᓂᒃ ᐁᑳ ᒀᔭᔉ ᒫᑲ ᐅᒪ ᐁ ᐃᔑᓂᑳᑌᒃ;

ᓂᔓ ᑎᒧᑎ 1:2

ᑎᒧᑎ ᐁ ᒪᓯᓇᐊᒪᐗᒃ ᓈᔅᐱᒡ ᑳ ᓵᑭᐊᒃ ᓂᑯᓯᔅ: ᑭᔐᐙᑎᓯᐎᓐ, ᔕᐌᓕᒋᑫᐎᓐ, ᓀᔥᑕ ᑳᔮᒣᓕᑕᒧᐎᓐ, ᑭᒋᒪᓂᑐ ᐌᐅᑖᐎᒪᐎᑦ ᐅᒋ, ᓀᔥᑕ ᙭ ᒋᓴᔅ ᑭ ᑎᐯᓕᒋᑫᒥᓇᐤ᙮

ᐦᐃᑉᕉᐗ 13:23

ᑭ ᑭᔅᑫᓕᑌᓇᐗᐤ ᒫᑲ, ᑭᒋᔖᓂᓇᐤ ᑎᒧᑎ ᐁ ᐋᐸᐙᑲᓂᐎᑦ; ᐊᓯᒋ ᐎᓚ, ᐎᐸᒡ ᑕᑯᔑᑫ, ᑭ ᑳ ᐙᐸᒥᑎᓈᐗᐤ᙮