ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:8 - ᐅᔅᑭ ᑎᔅᑌᒥᓐᑦ

⁸ ᓂᑦ ᐃᑣᓐ ᒫᑲ ᒋᓴᔅ ᙭ ᐁ ᑮ ᐊᑑᔅᑫᔅᑕᒃ ᑭᔅᑭᓄᐙᒋᔓᐎᓂᓕᐤ ᐅ ᑖᐺᐎᓐ ᑭᒋᒪᓂᑐ ᐅᒋ, ᑭᒋ ᐋᔨᒋᑖᓂᐗᑭ ᐊᓂᐃ ᐊᔓᑕᒫᑫᐎᓇ ᑳ ᑮ ᐊᔓᑕᒫᒋᒃ ᐅᑖᐎᒪᐗᒃ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:8 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 15:24

ᒫᑲ ᐁ ᓇᔥᑴᐗᔑᐃᐌᑦ, ᑮ ᐃᑗᐤ, ᓂ ᑮ ᐯᒋᑎᔕᐅᑳᐎᓐ ᑭᒋ ᓈᑕᑭᒃ ᑳ ᐗᓂᔑᑭᒃ ᒫᓂᔥᒑᓂᔕᒃ ᐅ ᐙᔅᑳᔨᑲᓂᒃ ᐃᔅᕃᐃᓪ ᑳ ᐅᒋᒋᒃ᙮

ᐅᐸᓓᑭᔅ ᒫᑎᐤ 20:28

ᑖᐱᔅᑯᒡ ᐃᓕᓕᐎᑯᓯᓵᓐ ᐁᑳ ᐁ ᐊᒋ ᑕᑯᔑᒃ ᑭᒋ ᐱᒥᐋᑲᓂᐎᑦ, ᒫᑲ ᑭᒋ ᐱᒥᐃᐌᑦ, ᓀᔥᑕ ᑭᒋ ᒥᓕᐌᑦ ᐅ ᐱᒫᑎᓯᐎᓐ ᒥᒉᑦ ᑭᒋ ᐅᒋ ᐱᒫᒋᐋᑦ᙮

ᐅᐸᓓᑭᔅ ᒑᓐ 1:11

ᑮ ᐯᒋ ᓈᑌᐤ ᐊᓂᐃ ᑳ ᑎᐱᓚᐌᐎᓰᑦ, ᓇᒪᐎᓚ ᒫᑲ ᐅᒋ ᐅᑎᓂᑯ ᐊᓂᐃ ᑳ ᑎᐱᓚᐌᐎᓰᑦ᙮

ᐅᐸᓓᑭᔅ ᒑᓐ 10:16

ᑯᑕᑭᔭᒃ ᓀᔥᑕ ᒫᓂᔥᒑᓂᔕᒃ ᓂᑦ ᐋᔭᐙᐗᒃ ᐁᑳ ᐅᒪ ᒫᓂᔥᒑᓂᔑᑲᒥᑯᒃ ᐁ ᐃᑖᒋᒃ ᐁᐗᒀᓂᑭ ᔮᓕᑌᓪ ᑫ ᐯᔑᐗᑭᒃ, ᑲᑕ ᓇᑐᑕᒶᒃ ᒫᑲ ᓂ ᐯᑖᑯᓯᐎᓂᓕᐤ; ᐁᑯ ᑫ ᐯᔭᑾᒃ ᒫᓂᔥᒑᓂᔑᑲᒥᒃ, ᓀᔥᑕ ᑫ ᐯᔭᑯᑦ ᒫᓂᔥᒑᓂᔑᐎᓕᓕᐤ᙮

ᐊᐸᔅᑕᓚᒃ 13:46

ᐁᑯ ᐹᓪ ᓀᔥᑕ ᐸᕐᓇᐸᔅ ᑳ ᐊᑎ ᓱᑫᓕᒧᒋᒃ, ᑮ ᐃᑗᐗᒃ ᒫᑲ, ᑮ ᓇᑕᐌᓕᑖᑾᓐ ᑭᒋᒪᓂᑐ ᐅᑦ ᐋᔭᒥᐎᓐ ᑭᓚᐙᐤ ᓃᔥᑕᒻ ᑭᒋ ᑮ ᐋᓕᒧᑕᒫᑲᐎᔦᒃ: ᐁ ᓄᑾᒃ ᒫᑲ ᐁ ᐃᑲᑌᓇᒫᓱᔦᒃ, ᓀᔥᑕ ᐁ ᐃᑌᓕᒥᑎᓱᔦᒃ ᐁᑳ ᐁ ᑌᐸᑫᓕᑖᑯᓯᔦᒃ ᑳᑭᑫ ᐱᒫᑎᓯᐎᓐ ᑭᒋ ᐋᔮᔦᒃ, ᒫᑎᑲ ᓂ ᓈᑕᓈᓈᒃ ᒉᓐᑖᐃᓚᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 11:22

ᑲᓇᐙᐸᑕᒻ ᒫᑲ ᐅ ᒥᓨᑎᓯᐎᓐ ᓀᔥᑕ ᐅᑦ ᐊᒀᑎᓯᐎᓐ ᑭᒋᒪᓂᑐ: ᐊᓂᐃ ᑳ ᑮ ᐸᑭᔑᓂᓕᒋ, ᐊᒀᑎᓯᐎᓂᓕᐤ; ᒫᑲ ᑭᓚ, ᒥᓨᑎᓯᐎᓐ, ᑮᔥᐱᓐ ᒧᔕᒃ ᐃᑕᐗᑌ ᐅ ᒥᓨᑎᓯᐎᓂᒃ; ᑮᔥᐱᓐ ᒫᑲ ᐁᑳ ᑭᓚ ᓀᔥᑕ ᑭ ᑳ ᑭᔥᑲᑕᐅᑲᐎᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 11:30

ᐌᓴ ᑖᐱᔅᑯᒡ ᐅᑖᓈᒃ ᑳ ᑮ ᐃᔑ ᐁᑳ ᑖᐺᑕᐌᑯᐸᓐ ᑭᒋᒪᓂᑐ, ᐁᓕᐌᒃ ᒫᑲ ᐊᓄᒡ ᐁ ᑮ ᒥᓕᑳᐎᔦᒃ ᔕᐌᓕᒋᑫᐎᓐ ᐅᑦ ᐋᓉᔦᓕᑕᒧᐎᓂᐗᐤ ᐅᒋ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:16

ᑭᒋ ᐋᔭᒥᐙᐎ ᐅᑦ ᐊᑑᔅᑫᓛᑲᓂᒥᑦ ᒋᓴᔅ ᙭ ᐁ ᑮ ᐋᔭᒥᐊᑭᒃ ᒉᓐᑖᐃᓚᒃ, ᐁ ᒫᑎᓇᒶᒃ ᐅ ᒥᓗᐋᒋᒧᐎᓐ ᑭᒋᒪᓂᑐ, ᐁ ᐸᑭᑎᓈᑲᓂᐎᒋᒃ ᒉᓐᑖᐃᓚᒃ ᑭᒋ ᓇᐁᓕᑖᑾᓂᓕᒃ, ᐁ ᑮ ᐸᓓᑭᐋᑲᓂᐎᒋᒃ ᐸᓓᑭ ᐊᒑᑾ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 3:26

ᑭᒋ ᐎᒋᑳᑌᓕᒃ, ᓂᑦ ᐃᑣᓐ, ᐊᓄᒡ ᐅ ᒀᔭᔅᑭᑖᑎᓯᐎᓐ: ᑭᒋ ᑮ ᑾᔭᔅᑭᑎᑦ ᓀᔥᑕ ᑭᒋ ᑮ ᒀᔭᔅᑭᑖᑎᓯᐋᑦ ᐊᓂᐃ ᑳ ᑖᐺᔦᓕᒫᓕᒋ ᒋᓴᓴ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 3:3

ᑫᒀᓐ ᒫᑲ ᑮᔥᐱᓐ ᐋᑎᑦ ᐁᑳ ᑮ ᑖᐺᑕᑭᒃ? ᐅᑦ ᐋᓉᑕᒧᐎᓂᐗᐤ ᓈ ᐌᒋ ᐁᑳ ᐙᔦᔥ ᑫ ᐃᑖᐸᑕᓂᓕᒃ ᑭᒋᒪᓂᑐ ᐅ ᑖᐺᔦᓕᑕᒧᐎᓐ?

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 4:16

ᑖᐺᔦᓕᑕᒧᐎᓂᒃ ᒫᑲ ᐅᒋ, ᔕᐌᓕᒋᑫᐎᓂᒃ ᑭᒋ ᐅᒋᐸᓕᒃ: ᐊᓂᐁᓕᐤ ᐊᔓᑕᒫᑫᐎᓂᓕᐤ ᑫᒋᓈᔥ ᑭᒋ ᐃᔅᐸᓕᐃᑯᒋᒃ ᒥᓯᐌ ᐊᓂᑭ ᐊᐙᔑᔕᒃ: ᓇᒪᐎᓚ ᐱᑯ ᐊᓂᑭ ᑳ ᑎᐯᓕᒥᑯᒋᒃ ᐅᓚᔓᐌᐎᓂᓕᐤ, ᒫᑲ ᐊᓂᑭ ᐅᒋ ᑳ ᐃᑖᒋᒃ ᐁᑉᕃᐋᒻ ᐅ ᑖᐺᔦᓕᑕᒧᐎᓂᒃ; ᐊᓇ ᒥᓯᐌ ᑳ ᐃᑕᔑᔭᒃ ᑳ ᐅᑖᐎᔭᒃ,

ᓂᔥᑕᒻ ᑯᕆᓐᑎᐊᓇ 1:12

ᐅᒪ ᒫᑲ ᓂᑦ ᐃᑣᓐ, ᒥᓯᐌ ᑕᑐ ᐁ ᐃᑕᔑᔦᒃ ᐁ ᐃᑗᑦ, ᓂᓚ ᓂ ᓄᔅᐱᓇᑕᐤ ᐹᓪ; ᓀᔥᑕ ᓂᓚ ᐊᐸᓚᔅ; ᓀᔥᑕ ᓂᓚ ᓯᐸᔅ; ᓀᔥᑕ ᓂᓚ ᙭᙮

ᓂᔥᑕᒻ ᑯᕆᓐᑎᐊᓇ 10:19

ᑖᓂ ᑫ ᐃᑗᔮᓐ ᒫᑲ? ᐙᔦᔥ ᐁ ᐃᑌᓕᑖᑯᓯᑦ ᒪᓂᑐᑳᓐ, ᓀᔥᑕᐱᑯ ᐊᓂᒪ ᑳ ᓵᓵᑭᐎᓕᐌᔅᑕᐙᑲᓂᐎᑦ ᒪᓂᑐᑳᓐ ᐙᔦᔥ ᐁ ᐃᑌᓕᑖᑾᒃ?

ᓂᔥᑕᒻ ᑯᕆᓐᑎᐊᓇ 10:29

ᒥᑐᓀᓕᒋᑲᓐ, ᓂᑦ ᐃᑣᓐ, ᓇᒪᐎᓚ ᑭᓚ ᑎᐱᓕᐌ, ᒫᑲ ᐊᓇ ᑯᑐᒃ; ᐌᓴ ᑖᓀᑭ ᐌᒋ ᓂ ᑎᐯᓕᒥᑎᓱᐎᓐ ᑯᑕᒃ ᐊᐌᓇ ᐅ ᒥᑐᓀᓕᒋᑲᓂᒃ ᑫ ᐅᒋ ᑎᐹᔅᑯᓀᓕᒋᑳᑌᒃ?

ᓂᔥᑕᒻ ᑯᕆᓐᑎᐊᓇ 15:50

ᐅᒪ ᒫᑲ ᓂᑦ ᐃᑣᓐ, ᓂᒋᔖᓂᑐᒃ, ᐎᔮᔅ ᓀᔥᑕ ᒥᑯ ᓇᒪᐎᓚ ᑲᑕ ᑮ ᐱᑐᑫᒪᑲᓋ ᑭᒋᒪᓂᑐ ᐅᑦ ᐅᑭᒪᐎᐎᓂᓐ; ᓇᒪ ᓀᔥᑕ ᐊᓂᒪ ᑳ ᓂᔑᐗᓈᑕᒃ ᑲᑕ ᑮ ᐊᔑᑕᑭᑌᐤ ᐊᓂᒪ ᐁᑳ ᑳ ᓂᔑᐗᓈᑕᒃ᙮

ᓂᔓ ᑯᕆᓐᑎᐊᓇ 1:20

ᐌᓴ ᒥᓯᐌ ᐅᑦ ᐊᔓᑕᒫᑫᐎᓇ ᑭᒋᒪᓂᑐ ᐎᓚ ᐅᒋ ᐁᐁ ᐃᑌᓕᑖᑾᓋ, ᓀᔥᑕ ᐎᓚ ᐅᒋ ᐁᒣᓐ, ᑭᒋ ᐃᔑ ᒪᒥᒋᒥᑲᓂᐎᑦ ᑭᒋᒪᓂᑐ ᓂᓚᓈᓐ ᐅᒋ᙮

ᐃᐱᓯᔭᓇ 2:12

ᐁᑯᔅᐱ ᒫᑲ ᓇᒪᐎᓚ ᑭ ᑮ ᓴᑭ ᐋᔭᐗᐤ ᙭, ᐁ ᑮ ᐋᔭᒡ ᐃᓕᓕᐎᔦᒃ ᐃᔅᕃᐃᓪ ᑎᐯᓕᒋᑫᐎᓐ ᐅᒋ, ᓀᔥᑕ ᐁ ᑮ ᒫᓐᑌᐎᔦᒃ ᐊᔓᑕᒫᑫᐎᓂ ᓇᔅᑯᒥᑐᐎᓇ ᐅᒋ, ᐁᑳ ᐁ ᑮ ᐅᑦ ᐊᔅᐯᓕᒧᐎᓂᔦᒃ, ᓀᔥᑕ ᐁᑳ ᐁ ᑮ ᐅ ᑭᒋᒪᓂᑐᒥᔦᒃ ᐅᑕ ᐊᔅᑮᒃ᙮