ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:18 - ᐅᔅᑭ ᑎᔅᑌᒥᓐᑦ

¹⁸ ᐌᓴ ᓇᒪᐎᓚ ᓂ ᑳ ᐃᔅᐱᒋ ᓱᑭᑌᐋᓐ ᑭᒋ ᐋᓕᒧᑕᒫᓐ ᐊᓂᐃ ᑫᒀᓇ ᐁᑳ ᙭ ᑳ ᑭ ᑐᑕᒃ ᓂᓚ ᐅᒋ, ᑭᒋ ᑐᑕᐙᑲᓂᐎᒋᒃ ᒉᓐᑖᐃᓚᒃ ᑭᒋ ᓇᓇᐃᑕᑭᒃ, ᐋᔭᒥᐎᓂᒃ ᓀᔥᑕ ᑐᑕᒧᐎᓂᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:18 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 25:16

ᐁᑯ ᐊᓇ ᑳ ᑮ ᐅᑎᓈᑦ ᓂᔮᓚᓐ ᑖᓕᓐᑕ ᑮ ᓇᑕᐎ ᐊᑖᐙᑫᐤ ᐊᓂᐃ, ᑮ ᑕᑯᐁᐤ ᒫᑲ ᑯᑕᑭᔭ ᓂᔮᓚᓐ ᑖᓕᓐᑕ᙮

ᐅᐸᓓᑭᔅ ᒫᕐᒃ 16:20

ᐁᑯ ᒫᑲ ᑫᑐᑌᒋᒃ, ᒥᓯᐌ ᐃᑕ ᒫᑲ ᑮ ᑲᑫᔅᑭᒥᐌᐗᒃ, ᐁ ᐎᒋᐋᑑᔅᑫᒥᑯᒋᒃ ᐅᑎᒪᓕᒋᑫᐗ ᓀᔥᑕ ᐁ ᐋᔨᒋᑖᓕᒋ ᐋᔭᒥᐎᓂᓕᐤ ᐁ ᐊᓯᒋᐸᓕᑖᑦ ᑭᔅᑭᐙᐃᑫᐎ ᐙᐸᑎᓕᐌᐎᓇ᙮ ᐁᒣᓐ᙮

ᐊᐸᔅᑕᓚᒃ 14:27

ᐃᔅᐱ ᒫᑲ ᑳ ᑕᑯᔑᑭᒃ, ᓀᔥᑕ ᑳ ᒫᒪᐎ ᒫᐗᒋᐋᒋᒃ ᒫᒪᐎᐋᔭᒥᐋᐗ ᑮ ᑎᐹᑐᑕᒶᒃ ᒥᓯᐌ ᑭᒋᒪᓂᑐᐗ ᑳ ᑮ ᑐᑕᒫᑯᒋᒃ, ᓀᔥᑕ ᑳ ᐃᔑ ᐋᐸᐊᒪᐙᑦ ᑖᐯᔦᓕᑕᒧᐎᓂ ᐃᔥᒀᑌᒥᓕᐤ ᐊᓂᐃ ᒉᓐᑖᐃᓚ᙮

ᐊᐸᔅᑕᓚᒃ 15:12

ᐁᑯ ᒥᓯᐌ ᑳ ᒫᒪᐎᒥᒉᑎᒋᒃ ᐃᓕᓕᐗᒃ ᑭ ᑭᐱᑐᐌᐗᒃ, ᓀᔥᑕ ᑮ ᓇᑐᑕᐌᐗᒃ ᐹᕐᓇᐸᓴ ᓀᔥᑕ ᐹᓚ, ᐁ ᐙᐎᑕᒥᓕᒋ ᐊᓂᐃ ᒫᒪᔅᑳᒋᐃᓯᒋᑫᐎᓇ ᓀᔥᑕ ᒫᒪᑖᐎ ᐊᑑᔅᑫᐎᓇ ᑭᒋᒪᓂᑐ ᑳ ᑮ ᑐᑕᒪᐙᑦ ᐊᓂᐃ ᒉᓐᑖᐃᓚ, ᐎᓚᐗᐤ ᐅᒋ᙮

ᐊᐸᔅᑕᓚᒃ 15:4

ᐃᔅᐱ ᒫᑲ ᑳ ᑕᑯᔑᑭᒃ ᒋᕉᓴᓚᒥᒃ, ᑮ ᐅᑎᓂᑯᐗᒃ ᒫᒪᐎᐋᔭᒥᐋᐗ, ᓀᔥᑕ ᐊᐸᔅᑎᓚ, ᓀᔥᑕ ᐊᓂᐃ ᑳ ᓂᑳᓀᓕᑖᑯᓯᓕᒋ, ᑮ ᑎᐹᑐᑕᒶᒃ ᒫᑲ ᒥᓯᐌ ᑫᒀᓇ ᑭᒋᒪᓂᑐᐗ ᑳ ᑮ ᑐᑕᒫᑯᒋᒃ᙮

ᐊᐸᔅᑕᓚᒃ 21:19

ᐃᔅᐱ ᒫᑲ ᑳ ᑮ ᐋᔭᑕᒥᔅᑲᐙᑦ, ᒥᑐᓂ ᑮ ᐙᐎᑕᒪᐌᐤ ᐊᓂᐃ ᑫᒀᓇ ᑭᒋᒪᓂᑐᐗ ᑳ ᑮ ᑐᑕᒥᓕᒋ ᒣᑴᔭᔥ ᒉᓐᑖᐃᓚ ᐅ ᑲᑫᔅᑭᒥᐌᐎᓐ ᐅᒋ᙮

ᐊᐸᔅᑕᓚᒃ 26:20

ᒫᑲ ᓃᔥᑕᒻ ᓂ ᑮ ᐙᐸᑎᓛᐗᒃ ᐊᓂᑭ ᑎᒫᔅᑲᓯᒃ ᑳ ᐃᑖᒋᒃ ᓀᔥᑕ ᒋᕉᓴᓚᒥᒃ, ᓀᔥᑕ ᒥᓯᐌ ᐙᔅᑲ ᒎᑎᐊᐃᒃ, ᐁᑯ ᓀᔥᑕ ᒉᓐᑖᐃᓚᒃ, ᑭᒋ ᑴᔅᑳᑎᓯᒋᒃ ᓀᔥᑕ ᑭᒋ ᑴᔅᑭᔅᑕᐙᒋᒃ ᑭᒋᒪᓂᑐᐗ, ᓀᔥᑕ ᑭᒋ ᑐᑕᑭᒃ ᐁ ᐃᔑ ᐊᑑᔅᑫᒪᑲᒃ ᑴᔅᑳᑎᓯᐎᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:5

ᐁᐗᑯ ᐊᐗ ᑳ ᑮ ᐅᒋ ᒥᓕᑲᐎᔭᒃ ᔕᐌᓕᒋᑫᐎᓐ ᓀᔥᑕ ᐊᐸᔅᑕᓕᐎᐎᓐ, ᑭᒋ ᐅᒋ ᓇᓇᐃᑕᑭᒃ ᑖᐺᔦᓕᑕᒧᐎᓂᓕᐤ ᒥᓯᐌ ᐁ ᐃᑕᑐᔅᑳᓀᓯᒋᒃ ᐃᓕᓕᐗᒃ, ᐅᑦ ᐃᔑᓇᑳᓱᐎᓐ ᐅᒋ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:26

ᒫᑲ ᐊᓄᒡ ᑳ ᑭᔅᑫᓕᑖᑯᑖᑲᓂᐗᒃ, ᓀᔥᑕ ᐅ ᒪᓯᓇᐃᑫᐎᓂᐗᐗ ᐅᒋ ᐊᓂᑭ ᐅᑭᔅᑭᐙᐃᑫᐗᒃ, ᑳ ᑮ ᐃᑕᔓᐌᑦ ᐊᓇ ᑳᑭᑫ ᐯᒫᑎᓰᑦ ᑭᒋᒪᓂᑐ, ᑳ ᑭᔅᑫᓕᑕᒥᐋᑲᓂᐄᒋᒃ ᒥᓯᐌ ᐁ ᐃᑕᔅᑳᓀᓯᒋᒃ ᐃᓕᓕᐗᒃ ᑭᒋ ᐅᒋ ᓇᓇᐃᑕᑭᒃ ᑖᐺᔦᓕᑕᒧᐎᓂᓕᐤ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:17

ᒫᑲ ᑭᒋᒪᓂᑐ ᑲᑕ ᐎ ᓇᓈᔅᑯᒪᐤ, ᐁ ᑮ ᐅᑦ ᐊᑑᔅᑫᓚᑲᓂᒥᑯᔦᒃ ᒪᒋᑣᐎᓐ, ᒫᑲ ᑭᑌᐃᐙᒃ ᑭ ᑮ ᐅᒋ ᓇᓇᐃᑌᓇᐗᐤ ᐊᓂᒪ ᑐᐎ ᑭᔅᑭᓄᐊᒫᑫᐎᓐ ᑳ ᑮ ᐸᑭᑎᓇᒫᑲᐎᔦᒃ᙮

ᓂᔓ ᑯᕆᓐᑎᐊᓇ 11:31

ᑭᒋᒪᓂᑐ, ᑭ ᑎᐯᓕᒋᑫᒥᓇᐤ ᒋᓴᔅ ᙭ ᐅᑖᐎᔭ ᑳᑭᑫ ᑫᔅᑌᓕᑖᑯᓯᑦ ᑭᔅᑫᓕᑕᒻ ᐁᑳ ᐁ ᑭᓛᔅᑭᔮᓐ᙮

ᓂᔓ ᑯᕆᓐᑎᐊᓇ 12:6

ᐌᓴ ᐋᑕ ᐁ ᐎ ᓇᑕᐌᓕᑕᒫᐸᓐ ᑭᒋ ᒫᒪᑖᑯᒧᔮᓐ, ᓇᒪᐎᓚ ᓂ ᑳ ᑮᔥᒀᓐ: ᐌᓴ ᓂ ᑳ ᑖᑆᓐ: ᒫᑲ ᐊᓄᒡ ᓂ ᐳᓃᓐ, ᐁᑳᐎᓚ ᐊᐌᓇ ᐃᓕᓕᐤ ᐊᐙᓯᑌ ᑭᒋ ᐃᑌᓕᒥᑦ ᐃᔥᐱᔥ ᐊᓂᒪ ᐁ ᐃᔑ ᐙᐸᒥᑦ, ᓀᔥᑕᐱᑯ ᐃᔥᐱᔥ ᑳ ᐯᑕᒃ ᐁ ᐃᑖᒋᒥᑲᐎᔮᓐ᙮

ᓂᔓ ᑯᕆᓐᑎᐊᓇ 3:5

ᐁᑳ ᐁ ᑲᔥᑭᑖᔮᒃ ᓂᓚᓈᓐ ᑫᒋᐙᒃ ᑫᒀᓐ ᑭᒋ ᒫᒥᑐᓀᓕᑕᒫᒃ, ᒫᑲ ᑭᒋᒪᓂᑐ ᐁᐗᒀᓇ ᑳ ᐅᒋ ᑲᔥᑭᑖᔮᒃ᙮

ᓂᔓ ᑯᕆᓐᑎᐊᓇ 6:1

ᓂᓚᓈᓐ ᒫᑲ ᐁ ᒫᒪᐄ ᐎᒋᐊᑑᔅᑫᒪᑭᑦ, ᑭ ᓇᑐᑕᒫᑎᓈᓐ ᐁᑳ ᐸᑾᓐᑕᐤ ᑭᒋ ᐅᑎᓇᒬᒃ ᑭᒋᒪᓂᑐ ᐅ ᔕᐌᓕᒋᑫᐎᓐ᙮

ᑲᓓᔕᐊᓇ 2:8

ᐌᓴ ᐊᓇ ᑳ ᑮ ᑲᔥᑭᐅᐎ ᐊᑑᔅᑫᑦ ᐱᒋ ᐱᑕᕐ ᑭᒋ ᐋᐐᑦ ᐅᑦ ᐊᐸᔅᑕᓕᒥᐗᐗ ᐁᑳ ᑳ ᑭᔅᑭᓄᐙᒋᔣᑲᓂᐎᒋᒃ, ᐁᐗᒀᓇ ᑳ ᑮ ᓱᑳᑎᓰᔅᑲᐎᑦ ᒉᓐᑖᐃᓚᒃ ᐃᔑ:

ᑯᓚᔑᔭᓇ 3:17

ᑫᒀᓐ ᒫᑲ ᑳ ᑐᑕᒣᒃ ᐋᔭᒥᐎᓂᒃ ᓀᔥᑕᐱᑯ ᐋᔨᑎᐎᓂᒃ, ᒥᓯᐌ ᑐᑕᒧᒃ ᐅᑎᐯᓕᒋᑫᐤ ᒋᓴᔅ ᐅᑦ ᐃᔑᓂᑳᓱᐎᓂᒃ, ᐁ ᓇᓈᔅᑯᒣᒃ ᑭᒋᒪᓂᑐ ᐌᐅᑖᐎᒪᐎᑦ ᐎᓚ ᐅᒋ᙮

ᓂᔓ ᑌᓴᓗᓂᔭᓇ 2:17

ᑭ ᑳ ᐎ ᑳᑭᒋᐃᑯᐗᐤ ᑭᑌᐃᐙᒃ, ᓀᔥᑕ ᑭ ᑳ ᐎ ᐋᔨᒋᐃᑯᐗᐤ ᒥᓯᐌ ᑕᑐ ᒥᓗ ᐋᔭᒥᐎᓂᒃ ᓀᔥᑕ ᐊᑖᔅᑫᐎᓂᒃ᙮

ᐦᐃᑉᕉᐗ 11:8

ᑖᐺᔦᓕᑕᒧᐎᓐ ᐅᒋ ᐁᑉᕃᐋᒻ, ᐃᔅᐱ ᓀᑐᒫᑲᓂᐎᑦ ᑭᒋ ᐃᑐᑌᑦ ᐃᑕ ᐁᔥᑾ ᑫ ᒥᓛᑲᓂᐎᑦ ᑭᒋ ᑎᐱᓚᐌᐎᓯᑦ, ᑮ ᑖᐺᑕᒻ; ᑮ ᐗᓚᐎᐃᑐᑌᐤ ᒫᑲ, ᐁᑳ ᐁ ᑭᔅᑫᓕᑕᒃ ᑖᓐᑌ ᐁ ᐃᑐᑌᑦ᙮

ᐦᐃᑉᕉᐗ 5:9

ᓀᔥᑕ ᒫᑲ ᐁ ᑮ ᒥᑐᓂᐎᐋᑲᓂᐎᑦ, ᑮ ᐊᑎ ᑎᐯᓕᑕᒪᐌᐤ ᐱᒫᒋᐃᐌᐎᓂᓕᐤ ᒥᓯᐌ ᐊᓂᐃ ᑳ ᓇᓇᐃᑖᑯᑦ;

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:22

ᒫᑲ ᑐᑕᒧᒃ ᑳ ᐃᑗᒪᑲᒃ ᐋᔭᒥᐎᓐ, ᐁᑳ ᒫᑲ ᐯᑕᒧᒃ ᐱᑯ, ᐁ ᐙᔦᔑᐃᑎᓱᔦᒃ:

ᓂᔥᑕᒻ ᒑᓐ 3:18

ᓂᑦ ᐊᐱᔅᑕᐙᔑᒥᔑᒥᑐᒃ, ᐁᑳᐎᓚ ᑭᑦ ᐋᔭᒥᐎᓂᓈᒃ ᓀᔥᑕ ᑭᑌᓚᓕᓈᒃ ᓵᑭᐃᐌᑕᐤ; ᒫᑲ ᑭᑦ ᐃᑐᑕᒧᐎᓂᓈᒃ ᓀᔥᑕ ᑖᐺᐎᓂᒃ᙮

ᒎᑦ 1:9

ᐁᓕᐌᒃ ᒫᑳ ᒫᐃᑫᓪ ᐊᓇ ᑭᒋᐁᓐᒐᓪ, ᐃᔅᐱ ᐃᐋᔑᑌᒫᑦ ᒪᒋᒪᓂᑐᐗ, ᑮ ᐙᔦᔥ ᐃᑗᐤ, ᒧᓯᓴ ᐎᔭᐎᓕᐤ ᐅᒋ, ᓇᒪᐎᓚ ᑮ ᐃᑌᓕᑕᒻ ᑭᒋ ᑭᑳᒫᑦ, ᒫᑲ ᑮ ᐃᑗᐤ, ᐅᑎᐯᓕᒋᑫᐤ ᑭ ᑳ ᐎ ᑭᑕᐊᒫᒃ᙮