ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:16 - ᐅᔅᑭ ᑎᔅᑌᒥᓐᑦ

¹⁶ ᑭᒋ ᐋᔭᒥᐙᐎ ᐅᑦ ᐊᑑᔅᑫᓛᑲᓂᒥᑦ ᒋᓴᔅ ᙭ ᐁ ᑮ ᐋᔭᒥᐊᑭᒃ ᒉᓐᑖᐃᓚᒃ, ᐁ ᒫᑎᓇᒶᒃ ᐅ ᒥᓗᐋᒋᒧᐎᓐ ᑭᒋᒪᓂᑐ, ᐁ ᐸᑭᑎᓈᑲᓂᐎᒋᒃ ᒉᓐᑖᐃᓚᒃ ᑭᒋ ᓇᐁᓕᑖᑾᓂᓕᒃ, ᐁ ᑮ ᐸᓓᑭᐋᑲᓂᐎᒋᒃ ᐸᓓᑭ ᐊᒑᑾ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:16 ပူးပေါင်းရင်းမြစ်များ

ᐊᐸᔅᑕᓚᒃ 13:2

ᒣᒀᒡ ᐁ ᐋᑐᔅᑫᔅᑕᐙᒋᒃ ᐅᑎᐯᓕᒋᑫᐗ, ᓀᔥᑕ ᐁ ᓂᑲᓱᒋᒃ, ᑳ ᐸᓓᑭᓯᑦ ᐊᒑᒃ ᑮ ᐃᑗᐤ, ᐹᑲᓇᒪᐎᒃ ᐹᕐᓇᐸᔅ ᓀᔥᑕ ᓵᓪ ᐊᓂᒪ ᐊᑐᔅᑫᐎᓐ ᐅᒋ ᑳ ᑮ ᐃᔑ ᓇᑐᒪᑭᒃ᙮

ᐊᐸᔅᑕᓚᒃ 20:24

ᒫᑲ ᓇᒪᐎᓚ ᐅᒋ ᐯᔭᒃ ᐅᐅ ᑫᒀᓇ ᓂ ᒥᑯᔅᑳᒋᐃᑯᓐ, ᓇᒪ ᓀᔥᑕ ᓂ ᑭᔅᑕᑭᑕᒫᓱᓐ ᓂ ᐱᒪᑎᓯᐎᓐ, ᑭᒋ ᑭ ᑭᔑᑐᑕᒫᓐ ᓂᑦ ᐃᑖᐸᑎᓯᐎᓐ ᐁ ᓯᑭᓓᓯᔮᓐ, ᓀᔥᑕ ᐊᓂᒪ ᐋᔭᒥᐋᐎ ᐋᑐᔅᑫᐎᓐ, ᑳ ᑮ ᒥᓕᑦ ᐅᑎᐯᓕᒋᑫᐤ ᒋᓴᔅ, ᑭᒋ ᑎᐹᑐᑕᒫᓐ ᐁ ᒥᓗᐋᓕᒧᒋᑲᑌᓕᒃ ᐅ ᔕᐌᓕᒋᑫᐎᓐ ᑭᒋᒪᓂᑐ᙮

ᐊᐸᔅᑕᓚᒃ 20:32

ᐊᓄᒡ ᒫᑲ, ᓂᒋᔖᓂᑐᒃ, ᑭ ᐸᑭᑌᓕᒥᑎᓇᐗᐤ ᑭᒋᒪᓂᑐ, ᓀᔥᑕ ᐅ ᔕᐌᓕᒋᑫᐎ ᐋᔭᒥᐎᓂᒃ, ᐊᓂᒪ ᑳ ᑲᔥᑭᑖᒪᑲᒃ ᑭᒋ ᓂᑕᐎᑭᐃᑯᔦᒃ, ᓀᔥᑕ ᑭᒋ ᒥᓕᑯᔦᒃ ᑎᐯᓕᒋᑫᐎᓐ ᐃᑕ ᒥᓯᐌ ᒫᒪᐤ ᑳ ᐃᑖᒋᒃ ᑳ ᐸᓓᑭᐊᑲᓂᐎᒋᒃ᙮

ᐊᐸᔅᑕᓚᒃ 22:21

ᓂ ᑮ ᐃᑎᒃ ᒫᑲ, ᑭᑐᑌ: ᐌᓴ ᐙᓚᐤ ᑭ ᑳ ᐃᔑᑎᔕᐅᑎᓐ ᑭᒋ ᓈᑕᒋᒃ ᒉᓐᑖᐃᓚᒃ᙮

ᐊᐸᔅᑕᓚᒃ 9:15

ᒫᑲ ᐅᑎᐯᓕᒋᑫᐤ ᑮ ᐃᑌᐤ, ᒫᒑ ᐃᓴ; ᐌᓴ ᓂ ᑮ ᐙᐌᓛᐸᒪᐤ ᑭᒋ ᐃᔑᐎᑖᑦ ᓂᑦ ᐃᔑᓂᑳᓱᐎᓂᓕᐤ ᐅᑎᔥᑲᐤ ᐊᓂᐃ ᒉᓐᑖᐃᓚ, ᓀᔥᑕ ᑭᒋᐅᑭᒪᐗ; ᓀᔥᑕ ᐃᔅᕃᐃᓪ ᐅᑦ ᐊᐙᔑᒥᔕ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:1

ᐹᓪ, ᐅᑦ ᐊᑑᔅᑫᓛᑲᓇ ᒋᓴᔅ ᙭, ᐁ ᑮ ᓇᑐᒥᑲᐎᔮᓐ ᑭᒋ ᐊᐸᔅᑕᓕᐎᔭᓐ, ᐁ ᑮ ᐹᑲᓂᐃᑲᐎᔮᓐ ᑭᒋᒪᓂᑐ ᐅ ᒥᓗᐋᒋᒧᐎᓂᒃ ᐃᔑ,

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 11:13

ᐌᓴ ᑭᑦ ᐗᔭᒥᐃᑎᓇᐗᐤ ᑭᓚᐗᐤ ᒉᓐᑖᐃᓕᑐᒃ, ᐎᓚ ᓂᓚ ᐁ ᐅᑦ ᐊᐸᔅᑕᓕᒥᒥᒋᒃ ᒉᓐᑖᐃᓚᒃ, ᓂ ᑭᔅᑌᓕᑌᓐ ᓂᑦ ᐊᑑᔅᑫᐎᓐ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:18

ᐌᓴ ᓇᒪᐎᓚ ᓂ ᑳ ᐃᔅᐱᒋ ᓱᑭᑌᐋᓐ ᑭᒋ ᐋᓕᒧᑕᒫᓐ ᐊᓂᐃ ᑫᒀᓇ ᐁᑳ ᙭ ᑳ ᑭ ᑐᑕᒃ ᓂᓚ ᐅᒋ, ᑭᒋ ᑐᑕᐙᑲᓂᐎᒋᒃ ᒉᓐᑖᐃᓚᒃ ᑭᒋ ᓇᓇᐃᑕᑭᒃ, ᐋᔭᒥᐎᓂᒃ ᓀᔥᑕ ᑐᑕᒧᐎᓂᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:19

ᑭᒋ ᒫᒪᑖᐎ ᐃᓯᒋᑫᐎᓇ ᐅᒋ ᓀᔥᑕ ᒥᐋᒥᔅᑳᑌᓕᑖᑾᑭ, ᐅ ᑲᔥᑭᐅᐎᓂᓕᒃ ᐅᑦ ᐊᒑᑾ ᑭᒋᒪᓂᑐ; ᓀᔥᑕ ᒫᑲ ᒋᕉᓴᓚᒥᒃ ᐅᒋ, ᓀᔥᑕ ᒥᓯᐌ ᐙᔅᑲ ᐃᓕᕆᑲᒥᒃ ᐃᔅᑯ, ᒥᑐᓂ ᓂ ᑮ ᐙᐎᑕᒸᓐ ᐅ ᒥᓗᐋᒋᒧᐎᓐ ᙭᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:20

ᐁᐁ, ᑳ ᑮ ᐃᔑ ᑯᒋᑖᔮᓐ ᑭᒋ ᐙᐎᑕᒫᓇ ᒥᓗᐋᒋᒧᐎᓐ, ᓇᒪᐎᓚ ᐃᑕ ᐋᔕᔾ ᐁ ᑮ ᐎᒋᑳᑌᓕᒃ ᙭ ᐅ ᒥᓗᐋᒋᒧᐎᓐ, ᐌᓴ ᒫᔅᑯᒡ ᓂ ᑳ ᐙᔅᑲᔨᑳᑖᔾ ᑯᑕᒃ ᐃᓕᓕᐤ ᐅᑦ ᐅᓚᔅᑕᒋᑲᓂᒃ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:29

ᐌᓴ ᓂ ᑫᒋᓇᐅᓐ, ᐃᔅᐱ ᐯᒋ ᐅᑎᑎᑕᑾᐗ, ᓂ ᑳ ᑕᑯᔑᓂᓐ ᐁ ᐃᔑ ᑭᔅᑌᓕᑖᑯᓯᐎ ᔕᐌᓕᑖᑾᓂᓕᒃ ᐅ ᒥᓗᐋᒋᒧᐎᓐ ᙭᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:5

ᓀᔥᑕ ᐊᔅᐯᓕᒧᐎᓐ ᐁ ᐃᑕᑾᒃ ᓇᒪᐎᓚ ᓇᓀᐯᐎᓯᓋᓂᐗᓐ; ᐌᓴ ᑭᒋᒪᓂᑐ ᐅ ᓵᑭᐃᐌᐎᓐ ᓯᑭᓂᑳᑌᓕᐤ ᑭᑌᐃᓈᒃ ᐸᓓᑭ ᐋᒑᒃ ᐅᒋ ᑳ ᒥᓕᑲᐎᔭᒃ᙮

ᓂᔥᑕᒻ ᑯᕆᓐᑎᐊᓇ 3:5

ᐊᐌᓇ ᒫᑲ ᐹᓪ, ᐊᐌᓇ ᒫᑲ ᐊᐸᓚᔅ, ᐱᑯ ᐋᔭᒥᐋᐎ ᐊᑑᔅᑫᓛᑲᓇᒃ ᑳ ᑮ ᐅᒋ ᑖᐺᔦᓕᑕᒣᒃ, ᐱᑯ ᑳ ᐃᔑ ᒥᓛᑦ ᐅᑎᐯᓕᒋᑫᐤ ᒥᓯᐌ ᑕᑐ ᐃᓕᓕᐗ?

ᓂᔥᑕᒻ ᑯᕆᓐᑎᐊᓇ 4:1

ᐁᑯᔑ ᐊᐌᓇ ᓂ ᑳ ᐃᑕᑭᒥᑯᓈᓐ ᐁ ᐅᑦ ᐋᔭᒥᐋᐎᐊᑑᔅᑫᓚᑲᓂᒥᔭᒥᑦ ᙭, ᓀᔥᑕ ᐁ ᑲᓇᐌᓕᑎᓕᑲᐎᔮᒃ ᑭᒋᒪᓂᑐ ᐅ ᑳᒋ ᑫᒀᓇ᙮

ᓂᔥᑕᒻ ᑯᕆᓐᑎᐊᓇ 6:19

ᑫᒀᓐ! ᓇᒪ ᓈ ᑭ ᑭᔅᑫᓕᑌᓇᐗᐤ ᑭᔭᐎᐗᐤ ᐁ ᐅᑦ ᐋᔭᒥᐁᐎᑲᒥᑯᒥᑦ ᐸᓓᑭ ᐊᒑᒃ, ᑳ ᐱᒋᔅᑳᑖᒃ, ᑳ ᑮ ᒥᓕᑖᒃ ᑭᒋᒪᓂᑐ, ᓀᔥᑕ ᐁᑳ ᐁ ᑎᐯᓕᒥᑎᓱᔦᒃ?

ᓂᔓ ᑯᕆᓐᑎᐊᓇ 11:23

ᐎᓚᐗᐤ ᓈ ᙭ ᐅᑦ ᐋᔭᒥᐋᐎ ᐊᑑᔅᑫᓛᑲᓇ? ᓂ ᑮᔥᑴᒧᓐ, ᓂᓚ ᐊᐙᓯᑌ; ᓂᑦ ᐊᑑᔅᑫᐎᓇ ᐊᐙᓯᑌ ᐁ ᒥᒉᑎᑭ, ᒥᒉᑡᐤ ᐁ ᐸᐸᓴᔅᑌᐅᑲᐎᔮᓐ, ᑭᐸᐅᑐᐎᑲᒥᑯᒃ ᐊᐙᓯᑌ ᒥᒉᑡᐤ, ᓂᐱᐎᓂᒃ ᒥᒉᑡᐤ᙮

ᓂᔓ ᑯᕆᓐᑎᐊᓇ 5:20

ᐊᓄᒡ ᒫᑲ ᓂᑦ ᐋᐎᓈᓐ ᐅᑦ ᐃᔑᑎᔕᐙᑲᓇ ᙭, ᑖᐱᔅᑯᒡ ᑭᒋᒪᓂᑐ ᐁ ᓇᑕᐌᓕᑕᒫᑖᒃ ᓂᓚᓈᓐ ᐅᒋ: ᑭ ᐸᑯᓭᓕᒥᑎᓇᐗᐤ ᙭ ᐅᒋ, ᑭᒋ ᐅᑐᑌᒥᒣᒃ ᑭᒋᒪᓂᑐ᙮

ᓂᔓ ᑯᕆᓐᑎᐊᓇ 8:5

ᐅᒪ ᓀᔥᑕ ᑮ ᑐᑕᒶᒃ, ᓇᒪᐎᓚ ᑳ ᐃᔑ ᐊᔅᐯᓕᒧᔮᑭᐸᓐ, ᓂᔥᑕᒻ ᒫᑲ ᑮ ᐸᑭᑎᓂᑎᓱᔅᑕᐌᐗᒃ ᐅᑎᐯᓕᒋᑫᐗ ᓂᓚᓈᓐ ᐊᓯᒋ ᑳ ᐃᑌᓕᑕᒃ ᑭᒋᒪᓂᑐ᙮

ᑲᓓᔕᐊᓇ 3:5

ᐊᓇ ᒫᑲ ᑳ ᒫᑎᓇᒫᑖᒃ ᐊᒑᒃ, ᓀᔥᑕ ᑳ ᒫᒪᑖᐎ ᐃᔑᒋᑫᑦ ᐃᑕ ᐁ ᐃᑖᔦᒃ, ᑐᑕᒻ ᓈ ᐅᓚᔓᐌᐎᓂ ᐃᔑᒋᑫᐎᓇ ᐅᒋ, ᓀᔥᑕᐱᑯ ᐁ ᐯᒋᑳᑌᒃ ᑖᐺᔦᓕᑕᒧᐎᓐ ᐅᒋ?

ᐃᐱᓯᔭᓇ 2:18

ᐌᓴ ᐎᓚ ᐅᒋ ᐯᔭᒃ ᐊᒑᑯᒃ ᓂ ᐯᔣᐸᒫᓈᓐ ᐅᑖᐎᒪᐤ᙮

ᐃᐱᓯᔭᓇ 2:22

ᐊᓇ ᐃᑕ ᑭᓚᐗᐤ ᐊᓯᒋ ᑳ ᒫᒪᐎ ᒋᒪᓕᑲᐎᔦᒃ ᑭᒋ ᐋᐎᔦᒃ ᐃᑕ ᐁ ᐎᑭᑦ ᑭᒋᒪᓂᑐ ᐎᓚ ᐊᒑᒃ ᐅᒋ᙮

ᐃᐱᓯᔭᓇ 5:2

ᐱᒧᑌᒃ ᒫᑲ ᓵᑭᐃᐌᐎᓂᒃ, ᑖᐱᔅᑯᒡ ᑳ ᐃᔑ ᓵᑭᐃᑕᒃ ᙭, ᓀᔥᑕ ᑭᓚᓈᓇᐤ ᑳ ᑮ ᐅᒋ ᒥᓕᐌᑦ ᐎᔭᐤ, ᐸᑭᑎᓂᑫᐎᓂᓕᐤ ᓀᔥᑕ ᓵᓵᑭᐎᓕᐌᐎᓂᓕᐤ ᐁ ᐸᑭᑎᓇᒪᐙᑦ ᑭᒋᒪᓂᑐᐗ, ᐸᑭᑎᓂᑫᐎᓂᓕᐤ ᑳ ᐎᑭᒫᑾᓂᓕᒃ᙮

ᐱᓕᐱᔭᓇ 2:17

ᐁᐁ, ᑮᔥᐱᓐ ᒫᑲ ᓯᑭᓂᑲᐎᔮᓀ ᐃᑕ ᐁ ᓵᓵᑭᐎᓕᐙᓂᐗᒃ ᓀᔥᑕ ᐁ ᐋᐸᒋᑖᓂᐗᒃ ᑮ ᑖᐺᔦᓕᑕᒧᐎᓂᐗᐤ, ᓂ ᒧᒋᑫᓕᑌᓐ, ᓀᔥᑕ ᐊᓯᒋ ᒥᓯᐌ ᐁ ᐃᑕᔑᔦᒃ ᓂ ᒧᒋᑫᓕᑌᓐ᙮

ᐱᓕᐱᔭᓇ 4:18

ᒫᑲ ᒥᓯᐌ ᓂᑦ ᐋᔮᓐ, ᓀᔥᑕ ᓂ ᐌᓗᒋᐸᓕᐃᑯᓐ: ᓂ ᓵᑲᔅᑭᓀᓕᑯᓐ; ᐁ ᑮ ᒥᓕᑦ ᐃᐹᑉᕈᑖᐃᑕᔅ ᐊᓂᐃ ᑳ ᑮ ᐃᔑᑎᔕᐊᒪᐎᔦᒃ, ᑫᒀᓐ ᐁ ᐎᑭᒫᑾᒃ, ᓵᓵᑭᐎᓕᐌᐎᓐ ᑳ ᐎ ᐅᑎᓇᒃ, ᐁ ᓇᐃᓚᐌᐃᑯᑦ ᑭᒋᒪᓂᑐ᙮

ᓂᔥᑕᒻ ᑌᓴᓗᓂᔭᓇ 2:2

ᒫᑲ ᐃᔅᐱ ᐋᔕᔾ ᑳ ᑮ ᐙᐎᓴᑫᓕᑕᒫᒃ, ᓀᔥᑕ ᐁ ᑮ ᓇᓀᐯᐎ ᐋᔨᑐᑖᑲᐎᔮᒃ, ᐁ ᐃᔑ ᑭᔅᑫᓕᑕᒣᒃ ᐊᓐᑕ ᐱᓕᐸᐃᐃᒃ, ᓂ ᑮ ᓱᑭᑌᐁᔅᑕᐙᓈᓐ ᓂ ᑭᒋᒪᓂᑐᒥᓈᓐ ᑭᒋ ᐃᑕᒫᑖᒃ ᐅ ᒥᓗᐋᒋᒧᐎᓐ ᑭᒋᒪᓂᑐ ᑭᒋ ᐋᑴᓕᒧᐎᓂᒃ᙮

ᓂᔥᑕᒻ ᑌᓴᓗᓂᔭᓇ 2:9

ᐌᓴ ᑮ ᑭᔅᑭᓯᓇᐗᐤ, ᓂᒋᔖᓂᑐᒃ, ᓂᑦ ᐊᑑᔅᑫᐎᓂᓈᓐ ᓀᔥᑕ ᓂ ᑲᒀᑕᑭᓯᐎᓂᓈᓐ; ᐌᓴ, ᐁ ᐊᑑᔅᑫᔮᒃ ᐁ ᑎᐱᔅᑳᒃ ᓀᔥᑕ ᐁ ᑭᔑᑳᒃ, ᐁᑳ ᐊᐌᓇ ᐁ ᐃᑕᔑᔦᒃ ᐁ ᐎ ᐅᒋ ᐅᑎᓇᒶᑭᑦ ᑎᐸᐊᒫᑯᓯᐎᓐ, ᑭ ᑮ ᑲᑫᔅᑭᒥᑎᓈᓐ ᑭᒋᒪᓂᑐ ᐅ ᒥᓗᐋᒋᒧᐎᓐ᙮

ᓂᔥᑕᒻ ᑌᓴᓗᓂᔭᓇ 5:23

ᐊᓇ ᒫᑲ ᑖᐺ ᑭᒋᒪᓂᑐ ᑳ ᑎᐯᓕᑕᒃ ᑳᔮᒣᓕᑕᒧᐎᓂᓕᐤ ᒥᑐᓂ ᑭ ᑳ ᐎ ᐸᓓᑭᐃᓂᐊᐤ; ᓂ ᓇᑐᑕᒪᐗᐤ ᒫᑲ ᒥᑐᓂ ᑭᑦ ᐊᒑᑯᐗᐤ ᓀᔥᑕ ᑭ ᒥᑐᓀᓕᒋᑲᓂᐗᐤ ᓀᔥᑕ ᑭᔭᐎᐗᐤ ᑭᒋ ᑲᓇᐌᓕᒋᑳᑌᑭ ᐁᑳ ᐋᑕᒣᓕᑖᑯᓯᐎᓂᒃ ᐱᓕᔥ ᑫ ᑕᑯᔑᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭᙮

ᓂᔥᑕᒻ ᑎᒧᑎ 1:11

ᐁ ᐃᔑ ᐃᑗᒪᑲᓂᓕᒃ ᐅ ᑭᔅᑌᓕᑖᑯᓯᐎ ᒥᓗᐋᒋᒧᐎᓐ ᑳ ᔕᐌᓕᑖᑯᓯᑦ ᑭᒋᒪᓂᑐ, ᑳ ᑮ ᐸᑭᑎᓇᒫᑲᐎᐗᒃ ᑭᒋ ᑲᓇᐌᓕᑕᒶᒃ᙮

ᓂᔥᑕᒻ ᑎᒧᑎ 2:7

ᐁᐗᑯ ᑳ ᐅᒋ ᐹᑳᓂᐃᑲᐎᔮᓐ ᑭᒋ ᑲᑫᔅᑭᒥᐌᔮᓐ ᓀᔥᑕ ᑭᒋ ᐊᐸᔅᑕᓕᐌᔮᓐ, ᙭ᑎᒃ ᓂᑦ ᐋᔭᒥᓐ ᑖᐺᐎᓐ, ᓇᒪ ᓀᔥᑕ ᓂ ᑭᓛᔅᑭᓐ, ᑭᒋ ᑭᔅᑭᓄᐊᒪᐗᑭᒃ ᒉᓐᑖᐃᓚᒃ ᑖᐺᔦᓕᑕᒧᐎᓂᒃ ᓀᔥᑕ ᑖᐺᐎᓂᒃ᙮

ᓂᔓ ᑎᒧᑎ 1:11

ᐃᑕ ᑳ ᑮ ᐅᒋ ᐃᑕᔓᐙᑎᑲᐎᔮᓐ ᑭᒋ ᑲᑫᔅᑭᒥᐌᔮᓐ, ᓀᔥᑕ ᑭᒋ ᐊᐸᔅᑕᓕᐎᔮᓐ, ᓀᔥᑕ ᑭᒋ ᑭᔅᑭᓄᐊᒪᐗᑭᒃ ᒉᓐᑖᐃᓚᒃ᙮

ᐦᐃᑉᕉᐗ 13:16

ᒫᑲ ᑭᒋ ᒥᓗᑐᑖᑫᔦᒃ ᓀᔥᑕ ᑭᒋ ᒪᑎᓇᒫᑫᔦᒃ, ᐁᑳᐎᓚ ᐗᓂᑭᔅᑭᓯᒃ: ᐌᓴ ᐁᑯ ᑐᐎ ᓵᓵᑭᐎᓕᐌᐎᓇ ᓈᔅᐱᒡ ᒥᓜᓕᑕᒻ ᑭᒋᒪᓂᑐ᙮

ᓂᔥᑕᒻ ᐱᑕᕐ 1:12

ᐊᓂᑭ ᑳ ᑮ ᐙᐸᑎᓛᑲᓂᐎᒋᒃ, ᓇᒪᐎᓚ ᐎᓚᐗᐤ ᑫᒋᐙᒃ, ᒫᑲ ᑭᓚᓈᓇᐤ ᐊᓂᐃ ᐁ ᑮ ᐊᑐᔅᑫᔅᑕᒫᑕᑾᒃ, ᐊᓂᐃ ᐊᓄᒡ ᑳ ᐎᑕᒫᑖᑾᒃ ᐊᓂᑭ ᑳ ᑮ ᑲᑫᔅᑭᒥᑖᑾᒃ ᒥᓗᐋᒋᒧᐎᓐ ᐯᓓᑭᓯᑦ ᐊᒑᒃ ᐅᒋ ᑭᒋᑭᔑᑯᒃ ᑳ ᑮ ᐯᒋ ᓛᔑᑎᔕᐙᑲᓂᐎᑦ: ᐅᐅ ᑫᒀᓇ ᐁᓐᒐᓚᒃ ᑮ ᐸᑯᓭᓕᒧᐗᒃ ᑭᒋ ᑲᓇᐗᐸᑕᑭᒃ᙮

ᓂᔥᑕᒻ ᐱᑕᕐ 2:5

ᑭᓚᐗᐤ ᓀᔥᑕ ᑖᐱᔅᑯᒡ ᐱᒫᑎᓯᐎ ᐊᓯᓂᔭᒃ ᑭᑦ ᐅᔑᐃᑲᐎᓇᐗᐤ ᐊᒑᑯᐎ ᐙᔅᑳᔨᑲᓐ, ᐸᓓᑭ ᓵᓵᑭᐎᓕᐌᐎᓕᓕᐎᐎᓐ, ᑭᒋ ᐸᑭᑎᓂᑫᔦᒃ ᐊᒑᑯᐎ ᓵᓵᑭᐎᓕᐌᐎᓇ, ᑳ ᓇᐃᓚᐌᐃᑯᑦ ᑭᒋᒪᓂᑐ ᐎᓚ ᐅᒋ ᒋᓴᔅ ᙭᙮