ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:14 - ᐅᔅᑭ ᑎᔅᑌᒥᓐᑦ

¹⁴ ᓂᓚ ᓀᔥᑕ ᓂ ᑫᒋᓇᐅᓐ ᐁ ᐃᑌᓕᒥᑖᑾᒃ, ᓂᒋᔖᓂᑐᒃ, ᑭᓚᐗᐤ ᓀᔥᑕ ᐁ ᓵᑲᔅᑭᓀᔅᑳᑯᔦᒃ ᒥᓨᑎᓯᐎᓐ, ᐁ ᓵᑲᔅᑭᓀᔅᑳᑯᔦᒃ ᒥᓯᐌ ᑭᔅᑫᓕᑕᒧᐎᓐ, ᐁ ᑲᔥᑭᑖᔦᒃ ᓀᔥᑕ ᑭᒋ ᑲᑫᔅᑭᒥᑐᔦᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:14 ပူးပေါင်းရင်းမြစ်များ

ᓂᔥᑕᒻ ᑯᕆᓐᑎᐊᓇ 1:5

ᒥᓯᐌ ᑫᒀᓐ ᐁ ᑮ ᒥᔕᑭᐃᑖᒃ, ᒥᓯᐌ ᐋᔭᒥᐎᓂᒃ, ᓀᔥᑕ ᒥᓯᐌ ᑭᔅᑫᓕᑕᒧᐎᓂᒃ;

ᓂᔥᑕᒻ ᑯᕆᓐᑎᐊᓇ 12:8

ᐌᓴ ᐯᔭᒃ ᒥᓛᑲᓂᐎᐤ ᐊᒑᑾ ᐅᒋ ᑲᑫᑕᐌᓕᑕᒧᐎ ᐋᔭᒥᐎᓂᓕᐤ; ᑯᑕᒃ ᑭᔅᑫᓕᑕᒧᐄ ᐊᔭᒥᐎᓂᓕᐤ ᐊᓂᐃ ᑫᔮᐸᒡ ᐊᒑᑾ ᐅᒋ;

ᓂᔥᑕᒻ ᑯᕆᓐᑎᐊᓇ 13:2

ᐋᑕ ᒫᑲ ᐁ ᐋᔮᔮᓐ ᒥᓕᑯᓯᐎᓐ ᑭᒋ ᑭᔅᑭᐙᐃᑫᔮᓐ, ᓀᔥᑕ ᓂᓯᑐᑕᒫᓐ ᒥᓯᐌ ᑳᒋ ᑫᒀᓇ, ᓀᔥᑕ ᒥᓯᐌ ᑭᔅᑫᓕᑕᒧᐎᓐ; ᐋᑕ ᒫᑲ ᐁ ᐋᔮᔮᓐ ᒥᓯᐌ ᑖᐺᔦᓕᑕᒧᐎᓐ, ᐃᔥᐱᔥ ᑭᒋ ᑮ ᐋᑕᔅᑖᔮᓐ ᐗᒋᔭ, ᐁᑳ ᒫᑲ ᐋᔮᔮᓐ ᓵᑭᐃᐌᐎᓐ, ᓇᒪᐎᓚ ᑫᒀᓐ ᓂᑦ ᐃᑌᓕᑖᑯᓯᓐ᙮

ᓂᔥᑕᒻ ᑯᕆᓐᑎᐊᓇ 8:1

ᐊᓂᐃ ᑫᒀᓇ ᒫᑲ ᑳ ᐸᑭᑎᓇᒫᒋᒃ ᒪᓂᑐᑳᓂᒃ, ᑭ ᑭᔅᑫᓕᑌᓈᓇᐤ ᒥᓯᐌ ᐁ ᐃᑕᔑᔭᒃ ᐁ ᐊᔮᔭᒃ ᑭᔅᑫᓕᑕᒧᐎᓐ᙮ ᑭᔅᑫᓕᑕᒧᐎᓐ ᑭᔅᑌᓕᒧᔅᑳᑫᒪᑲᓐ, ᒫᑲ ᓵᑭᐃᐌᐎᓐ ᑭᔅᑭᓄᐊᒫᑫᒪᑲᓐ᙮

ᓂᔥᑕᒻ ᑯᕆᓐᑎᐊᓇ 8:10

ᐌᓴ ᑮᔥᐱᓐ ᐊᐌᓇ ᐃᓕᓕᐤ ᐙᐸᒥᔅᑫ ᑳ ᐋᔮᔭᓐ ᑭᔅᑫᓕᑕᒧᐎᓐ ᐁ ᐊᐱᔭᓐ ᐁ ᒥᒋᓱᔭᓐ ᒪᓂᑐᑳᓂᐄ ᐋᔭᒥᐁᐎᑲᒥᑯᒃ, ᓇᒪ ᓈ ᐅ ᒥᑐᓀᓕᑭᑲᓂᒃ ᐊᓇ ᑳ ᓕᓚᒥᓯᑦ ᑲᑕ ᓱᑫᓕᑕᒻ ᑭᒋ ᒥᒋᑦ ᐊᓂᐃ ᑳ ᐸᑭᑎᓇᒫᓕᒋ ᒪᓂᑐᑳᓇ;

ᓂᔥᑕᒻ ᑯᕆᓐᑎᐊᓇ 8:7

ᒫᑲ ᓇᒪᐎᓚ ᒥᓯᐌ ᐃᓕᓕᐗᒃ ᐋᔭᐗᒃ ᐅᒣᓕᐤ ᑭᔅᑫᓕᑕᒧᐎᓂᓕᐤ: ᐌᓴ ᐋᑎᑦ, ᐁ ᑭᔅᑫᓚᒫᒋᒃ ᒪᓂᑐᑳᓇ, ᐱᓕᔥ ᐊᓄᒡ, ᒥᒋᐗᒃ ᑖᐱᔅᑯᒡ ᑫᒀᓕᐤ ᑳ ᑮ ᐸᑭᑎᓇᒫᓕᒋ ᒪᓂᑐᑳᓇ; ᓀᔥᑕ ᐅ ᒥᑐᓀᓕᒋᑲᓂᐗᐤ ᐁ ᓕᓚᒥᓯᒪᑲᓂᓕᒃ ᐎᓕᐱᑖᓂᐗᓂᓕᐤ᙮

ᓂᔓ ᑯᕆᓐᑎᐊᓇ 8:7

ᐁᐗᑯ ᒫᑲ ᐅᒋ, ᐁ ᐃᔑ ᐌᓗᑎᓯᔦᒃ ᒥᓯᐌ ᑫᒀᓐ, ᑖᐺᔦᓕᑕᒧᐎᓂᒃ, ᓀᔥᑕ ᐋᔭᒥᐎᓂᒃ, ᓀᔥᑕ ᑭᔅᑫᓕᑕᒧᐎᓂᒃ, ᓀᔥᑕ ᒥᓯᐌ ᑭᓯᓴᐎᓯᐎᓂᒃ, ᓀᔥᑕ ᐁ ᐃᔑ ᓵᑭᐃᔮᒃ, ᐁᑯᔑ ᐅᒪ ᐃᔑ ᔕᐌᓕᒋᑫᐎᓂᒃ ᐌᓗᑎᓰᒃ ᓀᔥᑕ᙮

ᐃᐱᓯᔭᓇ 5:9

ᐌᓴ ᐊᓂᒪ ᑳ ᒥᓂᔑᐎᑦ ᐊᒑᒃ ᐃᑕᑾᒃ ᒥᓯᐌ ᒥᓨᑎᓯᐎᓂᒃ, ᓀᔥᑕ ᒀᔭᔅᑭᑖᑎᓯᐎᓂᒃ, ᓀᔥᑕ ᑖᐺᐎᓂᒃ;

ᐱᓕᐱᔭᓇ 1:11

ᐁ ᓵᑲᔅᑭᓀᔅᑳᑯᔦᒃ ᐁ ᐃᔑ ᒥᓂᔑᐗᒃ ᒀᔭᔅᑖᑎᓯᐎᓐ, ᐊᓂᐃ ᒋᓴᔅ ᙭ ᑳ ᐅᒋ ᐅᑎᒋᐸᓕᑭ, ᑭᒋ ᐅᒋ ᑭᔅᑖᒋᒫᑲᓂᐎᑦ ᓀᔥᑕ ᒫᒥᒋᒫᑲᓂᐎᑦ ᑭᒋᒪᓂᑐ᙮

ᐱᓕᐱᔭᓇ 1:7

ᐁ ᒀᔭᔅᑾᒃ ᐅᒪ ᑭᒋ ᐃᔑ ᐃᑌᓕᒥᑕᑾᒃ ᒥᓯᐌ ᐁ ᐃᑕᔑᔦᒃ, ᐁ ᐋᔭᐎᑕᑾᒃ ᓂᑌᐃᒃ, ᐌᓴ ᐁ ᒫᒫᒋᒀᐱᔅᑲᐅᑲᐎᔮᓐ, ᐁ ᓇᔅᑯᔅᑕᒫᓐ ᓀᔥᑕ ᐁ ᐊᓕᒋᑖᔮᓐ ᒥᓗᐋᒋᒧᐎᓐ, ᐊᓯᒋ ᓂᓚ ᑭ ᑮ ᒫᑎᓇᒫᑲᐎᓇᐗᐤ ᔕᐌᓕᒋᑫᐎᓐ᙮

ᑯᓚᔑᔭᓇ 3:16

ᐁᑯᔑ ᙭ ᐅᑦ ᐋᔭᒥᐎᓐ ᑭ ᑳ ᐌᓗᒋ ᐱᒋᔅᑳᑯᐙᓇᐗᐤ ᒥᓯᐌ ᑲᑫᑕᐌᓕᑕᒧᐎᓂᒃ; ᐁ ᑭᔅᑭᓄᐊᒫᑐᔦᒃ ᓀᔥᑕ ᑲᑫᔅᑭᒥᑐᔦᒃ ᓵᓪᒥᒃ, ᓀᔥᑕ ᐋᔭᒥᐋᐎ ᓂᑲᒧᐎᓂᒃ, ᓀᔥᑕ ᐊᒑᑯᐎ ᓂᑲᒧᐎᓂᒃ, ᐁ ᓂᑲᒧᔅᑕᐌᒃ ᐅᑎᐯᓕᒋᑫᐤ ᐁ ᐃᑕᑾᒃ ᓇᓈᔅᑯᒧᐎᓐ ᑭᑌᐃᐙᒃ᙮

ᓂᔥᑕᒻ ᑌᓴᓗᓂᔭᓇ 5:11

ᐁᐗᑯ ᐅᒋ, ᒫᒪᐎ ᑳᑭᒋᐃᑐᒃ, ᓀᔥᑕ ᑭᔅᑭᓄᐊᒫᑐᒃ, ᑖᐱᔅᑯᒡ ᓀᔥᑕ ᑳ ᐃᔑ ᑐᑕᒣᒃ᙮

ᓂᔥᑕᒻ ᑌᓴᓗᓂᔭᓇ 5:14

ᐊᓄᒡ ᒫᑲ ᑭ ᐸᑯᓭᓕᒥᑎᓈᓐ, ᓂᒋᔖᓂᑐᒃ, ᔮᒀᒥᒥᑯᒃ ᐊᓂᑭ ᑳ ᐋᓉᑕᑭᒃ, ᑳᑭᒋᐃᑯᒃ ᐊᓂᑭ ᑳ ᓕᓚᒥ ᒥᑐᓀᓕᒋᑲᓂᒋᒃ, ᓂᔓᑲᒫᑯᒃ ᐊᓂᑭ ᑳ ᓕᓚᒥᓯᒋᒃ, ᔑᐱᓚᐌᓯᔅᑖᑯᒃ ᒥᓯᐌ ᐃᓕᓕᐗᒃ᙮

ᓂᔓ ᑌᓴᓗᓂᔭᓇ 1:11

ᐁᐗᑯ ᐅᒋ ᒧᔕᒃ ᑭᑦ ᐋᔭᒥᐁᔅᑕᒫᑎᓈᓐ, ᑭ ᑭᒋᒪᓂᑐᒥᓇᐤ ᑭᒋ ᑌᐸᑫᓕᒥᑖᒃ ᐅᒪ ᓇᑐᑫᐎᓂᒃ, ᓀᔥᑕ ᑭᒋ ᑎᐱᑐᑕᒫᑖᒃ ᒥᓯᐌ ᐁ ᐃᔑ ᒥᓨᔑᑭ, ᓀᔥᑕ ᑖᐺᔦᓕᑕᒧᐎᓂ ᐊᑑᔅᑫᐎᓐ ᑲᔅᑭᐅᐎᓂᒃ;

ᓂᔓ ᑎᒧᑎ 1:5

ᐃᔅᐱ ᑫᔅᑭᓯᑐᑕᒫᓂ ᐊᓂᒪ ᑖᐺ ᑖᐺᔦᓕᑕᒧᐎᓐ ᑳ ᐱᒋᔅᑳᑯᔭᓐ, ᓂᔥᑕᒻ ᑳ ᑮ ᐱᒋᔅᑳᑯᑦ ᑯᑯᒻ ᓗᐃᔅ ᓀᔥᑕ ᑭᑳᐎ ᐃᔫᓂᔅ; ᓀᔥᑕ ᓂ ᑫᒋᓇᐅᓐ ᑭᓚ ᐊᓯᒋ ᐁ ᐱᒋᔅᑳᑯᔭᓐ᙮

ᐹᐃᓕᒪᓐ 1:21

ᐁ ᒪᔥᑲᐎ ᐊᔅᐯᓕᒧᔮᓐ ᑭ ᓇᓇᐃᑕᒧᐎᓂᒃ, ᑭ ᒪᓯᓇᐊᒫᑎᓐ, ᐁ ᑭᔅᑫᓕᑕᒫᓐ ᐊᐙᓯᑌ ᑭᒋ ᑐᑕᒪᓐ ᐃᔥᐱᔥ ᐊᓂᒪ ᑳ ᐃᑗᔮᓐ᙮

ᐦᐃᑉᕉᐗ 5:12

ᐌᓴ ᐃᔅᐱ ᐌᑎᒋᐸᓕᒃ ᑭᒋ ᑭᔅᑭᓄᐊᒫᑫᔦᒃ, ᑭ ᓇᑕᐌᓕᑖᑯᓯᓇᐗᐤ ᐊᐌᓇ ᒥᓇ ᑭᒋ ᑭᔅᑭᓄᐊᒫᑖᒃ, ᐊᓂᐃ ᑳ ᓂᑳᓀᓕᑖᑾᑭ ᐅᑦ ᐃᑕᔓᐌᐎᓇ ᑭᒋᒪᓂᑐ; ᓀᔥᑕ ᑭ ᓇᔅᐱᑕᐗᐗᐗᒃ ᐊᓂᑭ ᑳ ᓇᑕᐌᓕᑕᑭᒃ ᒍᒍᔑᒫᐳᓕᐤ, ᓇᒪ ᒫᑲ ᑳ ᒪᔥᑲᐙᓕᒃ ᒥᒋᒥᓕᐤ᙮

ᐦᐃᑉᕉᐗ 6:9

ᒫᑲ, ᓯᐋᑭᐃᑕᑾᒃ, ᓇᐗᒡ ᒥᓗ ᑫᒀᓇ ᑭ ᐸᑯᓭᓕᑕᒫᑎᓈᓐ, ᐊᓂᐃ ᑫᒀᓇ ᓀᔥᑕ ᑳ ᐎᒋᐃᐌᐸᓕᑭ ᐱᒫᒋᐃᐌᐎᓂᒃ, ᐋᑕ ᐅᒪ ᐁ ᐃᔑ ᐋᔭᒥᔮᒃ᙮

ᓂᔓ ᐱᑕᕐ 1:12

ᐁᐗᑯ ᐅᒋ ᓇᒪᐎᓚ ᓂ ᑳ ᐋᔮᒌᔅᑕᐌᓕᑌᓐ ᑭᒋ ᑭᔅᑭᓯᐃᑖᑾᒃ ᐅᐅ ᑫᒀᓇ, ᐋᑕ ᐁ ᑭᔅᑫᓕᑕᒣᒃ, ᓀᔥᑕ ᐁ ᐋᔨᒋᑳᐸᐎᔦᒃ ᐊᓄᒡ ᑖᐺᐎᓂᒃ᙮

ᓂᔥᑕᒻ ᒑᓐ 2:21

ᓇᒪᐎᓚ ᑭ ᑮ ᒪᓯᓇᐊᒫᑎᓇᐗᐤ ᐁᑳ ᐁ ᑭᔅᑫᓕᑕᒣᒃ ᑖᐺᐎᓐ, ᒫᑲ ᐁ ᑖᐺᑕᒣᒃ, ᓀᔥᑕ ᐁᑳ ᐁ ᑭᓛᔅᑭᐎᓂᐗᒃ ᑖᐺᐎᓐ᙮