ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:8 - ᐅᔅᑭ ᑎᔅᑌᒥᓐᑦ

⁸ ᓀᔥᑕᐱᑯ ᐊᓇ ᑳ ᑲᑫᔅᑭᒥᐌᑦ, ᐅ ᑲᑫᔅᑭᒥᐌᐎᓐ; ᐊᓇ ᑳ ᒥᓕᐌᑦ, ᐁᑯᔑ ᑲᑕ ᑐᑕᒻ ᐊᐱᔅᑌᓕᒧᐎᓂᒃ; ᐊᓇ ᑳ ᑎᐯᓕᒋᑫᑦ ᐸᑳᔅᑭᓯᐎᓂᒃ; ᐋᓇ ᑳ ᑭᑎᒫᑫᓕᒋᑫᑦ ᒥᓜᓕᒧᐎᓂᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:8 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 25:40

ᑭᒋᐅᑭᒪᐤ ᒫᑲ ᑲᑕ ᓇᔥᑴᐗᔑᐁᐤ, ᐁ ᐃᑖᑦ, ᑖᐺ ᑭᑦ ᐃᑎᓇᐗᐤ, ᐁ ᑮ ᐃᔑ ᑐᑕᐌᒃ ᐯᔭᒃ ᐅᑯ ᐁ ᒫᐗᒋ ᐋᐱᔅᑌᓕᑖᑯᓯᒋᒃ ᓂᒋᔖᓇᒃ, ᓂᓚ ᑭ ᑮ ᑐᑕᐎᓇᐗᐤ᙮

ᐊᐸᔅᑕᓚᒃ 11:23

ᐊᓇ, ᐃᔅᐱ ᑳ ᑕᑯᔑᒃ, ᓀᔥᑕ ᑳ ᑮ ᐙᐸᑕᒸᑦ ᑭᒋᒪᓂᑐᐗ ᐅ ᔕᐌᓕᒋᑫᐎᓂᓕᐤ, ᑮ ᓯᑭᓓᓯᐤ, ᓀᔥᑕ ᑮ ᑲᑫᔅᑭᒣᐤ ᒥᓯᐌ, ᐅᑌᐃᓕᒃ ᐅᒋ ᑭᒋ ᒥᒋᒥᓈᓕᒋ ᐅᑎᐯᓕᒋᑫᐗ᙮

ᐊᐸᔅᑕᓚᒃ 13:12

ᐁᑯ ᒫᑲ ᐊᓇ ᐅᑭᒪᐤ, ᐃᔅᐱ ᐎᐋᐸᑕᒃ ᐊᓂᐁᓕᐤ ᑳ ᑮ ᑐᒋᑲᑌᓕᒃ, ᑮ ᑖᐺᑕᒻ, ᐁ ᒫᒪᔅᑲᑕᒸᑦ ᐅ ᑭᔅᑭᓄᐊᒫᑫᐎᓂᓕᐤ ᐊᑎᐯᓕᒋᑫᐗ᙮

ᐊᐸᔅᑕᓚᒃ 13:15

ᐃᔅᐱ ᒫᑲ ᑳ ᐳᓂ ᐋᔭᒥᑖᓂᐗᒃ ᐅᓚᔓᐌᐎᓐ ᓀᔥᑕ ᐅᑭᔅᑭᐗᐃᑫᐗ, ᐊᓂᑭ ᑳ ᑎᐯᓕᑕᑭᒃ ᐋᔭᒥᐁᐎᑲᒥᑯᓕᐤ ᑮ ᐃᔑᑎᔕᐊᒪᐌᐗᒃ, ᐁ ᐃᑖᒋᒃ, ᑭᓚᐗᐤ ᐃᓕᓕᑐᒃ ᓀᔥᑕ ᓂᒋᔖᓂᓈᓇᒃ, ᑮᔥᐱᓐ ᐊᔮᔦᒃ ᑲᑫᔅᑭᒥᐌᐎ ᐋᔭᒥᐎᓐ ᐃᓕᓕᐗᒃ ᑭᒋ ᐃᑌᑾᒃ, ᐁᑯᔑ ᐃᑗᒃ᙮

ᐊᐸᔅᑕᓚᒃ 15:32

ᒎᑕᔅ ᒫᑲ ᓀᔥᑕ ᓵᐃᓚᔅ ᐁ ᐅᑭᔅᑭᐙᐃᑫᐎᒋᒃ ᐎᓚᐗᐤ ᓀᔥᑕ, ᑮ ᑲᑫᔅᑭᒣᐗᒃ ᑳ ᐎᒋᔕᓂᑐᓕᒋ ᒥᒉᑦ ᐋᔭᒥᐎᓇ ᐅᒋ, ᓀᔥᑕ ᑮ ᐊᔨᒋᐁᐗᒃ᙮

ᐊᐸᔅᑕᓚᒃ 20:2

ᐃᔅᐱ ᒫᑲ ᑳ ᑮ ᐹᐹᐃᑐᑌᑦ ᒥᓯᐌ ᐊᓐᑕ, ᓀᔥᑕ ᒥᔅᑕᐃ ᐁ ᑮ ᑲᑫᔅᑭᒫᑦ, ᑮ ᐯᒋ ᐃᑐᑌᐤ ᐊᓐᑕ ᒃᕆᓯᒃ,

ᐊᐸᔅᑕᓚᒃ 20:28

ᔮᒀᒥᓯᒃ ᐃᓴ ᑭᓚᐗᐤ, ᓀᔥᑕ ᒥᓯᐌ ᑳ ᒪᐗᒋᐃᑐᒋᒃ ᐅᒋ, ᐊᓂᐃ ᑳ ᐸᓓᑭᓯᑦ ᐊᒑᒃ ᑳ ᑮ ᑎᐁᓕᑕᒥᐃᑖᒃ, ᑭᒋ ᐊᔕᒥᒣᑾᒃ ᑭᒋᒪᓂᑐ ᐅ ᒫᒪᐎᐋᔭᒥᐋᒪ, ᑳ ᑮ ᐊᑕᐌᔅᑕᒫᓱᑦ ᑎᐱᓚᐌ ᐅᒥᑯᒻ ᐅᒋ᙮

ᐊᐸᔅᑕᓚᒃ 4:36

ᒍᓯᔅ ᒫᑲ, ᐊᓇ ᐊᐸᔅᑕᓚᒃ ᐸᕐᓇᐸᔅ ᑳ ᑮ ᐃᔑ ᐊᔅᐱᓂᑲᑖᒋᒃ (ᑳ ᐃᑗᒪᑲᒃ ᐁ ᐃᑗᔅᒋᑳᑌᒃ, ᐅᑯᓯᓯᒥᑯ ᒥᓜᓕᒧᐃᐌᐎᓂᓕᐤ,) ᐁ ᓕᐹᐃᑎᐎᑦ, ᓵᑉᕋᓯᒃ ᐁ ᐅᒋᑦ,

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:13

ᐁ ᒫᑎᓇᒪᐌᑾᒃ ᑳ ᒪᓀᓯᒋᒃ ᐅᑕᔭᒥᐋᐗᒃ; ᐁ ᐎ ᒥᓗᑳᑫᔦᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 13:6

ᐌᓴ ᐅᒪ ᐅᒋ ᑭ ᑎᐸᐙᐗᐤ ᑎᐯᓕᒋᑫᐎ ᔓᓕᐋᓐ ᓀᔥᑕ: ᐌᓴ ᐁᐗᒀᓂᑭ ᑭᒋᒪᓂᑐ ᐅᑦ ᐊᑑᔅᑫᓛᑲᓇ, ᒧᔕᒃ ᐅᒣᓕᐤ ᐁ ᐃᑖᐸᑎᓯᒋᒃ᙮

ᓂᔥᑕᒻ ᑯᕆᓐᑎᐊᓇ 12:28

ᑭᒋᒪᓂᑐ ᒫᑲ ᑮ ᐊᓓᐤ ᐋᑎᑦ ᐅᑦ ᐗᔭᒥᐋᐎᓂᒃ, ᓃᔥᑕᒻ ᐊᐸᔅᑕᓚ, ᐁ ᓂᔑᒃ ᐅᑭᔅᑭᐙᐃᑫᐗ, ᐁ ᓂᔅᑎᒃ ᐅᑭᔅᑭᓄᐊᒫᑫᐗ, ᐁᑯ ᒫᒪᑖᐎᐃᔑᒋᑫᐎᓇ, ᐁᑯ ᒥᓇᐙᒋᐃᐌᐎ ᒥᓕᐌᐎᓇ, ᓂᔓᑲᒫᑫᐎᓇ, ᑎᐯᓕᒋᑫᐎᓇ, ᐹᐱᑐᔥ ᐃᔑᑭᔗᐎᓇ᙮

ᓂᔥᑕᒻ ᑯᕆᓐᑎᐊᓇ 14:3

ᒫᑲ ᐊᓇ ᑳ ᑭᔅᑭᐙᐃᑫᑦ ᐋᔭᒥᐁᐤ ᐃᓕᓕᐗ, ᑭᒋ ᑭᔅᑭᓄᐊᒪᐙᑦ, ᓀᔥᑕ ᑲᑫᔅᑭᒫᑦ, ᓀᔥᑕ ᑳᑭᒋᐋᑦ᙮

ᓂᔓ ᑯᕆᓐᑎᐊᓇ 1:12

ᐌᓴ ᐅᒪ ᐅᒋ ᓂ ᒧᒋᑫᓕᑌᓈᓐ, ᐁ ᐃᑖᒋᒧᔅᑖᑯᔮᒃ ᓂ ᒥᑐᓀᓕᒋᑲᓂᓇᓐ, ᒀᔭᔉ ᐃᑌᓕᑕᒧᐎᓂᒃ ᓀᔥᑕ ᒪᓂᑐᐎ ᑖᐺᔦᓕᑖᑯᓯᐎᓂᒃ, ᓇᒪᐎᓚ ᐎᔮᓯᐎ ᑲᑫᑕᐌᓕᑕᒧᐎᓂᒃ, ᒫᑲ ᐅ ᔕᐌᓕᒋᑫᐎᓐ ᑭᒋᒪᓂᑐ ᐅᒋ, ᓂ ᑮ ᐃᔑ ᐱᒫᑎᓯᓈᓐ ᐅᑕ ᐊᔅᑮᒃ, ᐋᓕᐗᒃ ᒫᑲ ᑭᓚᐗᐤ ᐃᔑ᙮

ᓂᔓ ᑯᕆᓐᑎᐊᓇ 11:3

ᒫᑳ ᓂ ᑯᔅᑖᒋᓐ, ᓈᓐᑕᐤ ᐃᔑ, ᑖᐱᔅᑯᒡ ᒥᔑᑭᓀᐱᒃ ᑳ ᑮ ᐃᔑ ᐙᔦᔑᐋᑦ ᐃᐸ ᐅ ᑲᑳᔦᓕᓯᐎᓂᒃ ᐅᒋ, ᐁᑯ ᑖᐱᔅᑯᒡ ᑭ ᒥᑐᓀᓕᒋᑲᓂᐗᐗ ᑭᒋ ᐙᔦᔑᑖᓂᐗᑭ ᐸᓓᑭᑌᓕᑕᒧᐎᓂᐤ ᐅᒋ ᙭ᑎᒃ ᑳ ᐃᑕᑾᓂᓕᒃ᙮

ᓂᔓ ᑯᕆᓐᑎᐊᓇ 8:12

ᐌᓴ ᑮᔥᐱᓐ ᓃᔥᑕᒻ ᐁᑕᑾᑭ ᓇᐁᓕᑕᒧᐎ ᒥᑐᓀᓕᒋᑲᓐ, ᐅᑎᓂᑳᑌᓕᐤ ᐁ ᐃᔅᐱᒋ ᐋᔮᑦ ᐊᐌᓇ ᐃᓕᓕᐤ, ᓇᒪ ᒫᑲ ᐁᑳ ᑳ ᐃᔑ ᐋᔮᑦ᙮

ᓂᔓ ᑯᕆᓐᑎᐊᓇ 9:11

ᐁ ᒥᔕᑭᐃᑲᐎᔦᒃ ᒥᓯᐌ ᑫᒀᓇ ᒥᓯᐌ ᒥᓕᐌᐎᓯᐎᓂᒃ, ᑳ ᐅᒋ ᓂᓚᓈᓐ ᓈᓈᔅᑯᒧᔅᑕᐗᑭᑦ ᑭᒋᒪᓂᑐ᙮

ᓂᔓ ᑯᕆᓐᑎᐊᓇ 9:13

ᒣᒀᒡ ᐁ ᑯᒋᑖᓂᐗᒃ ᐅᒪ ᐅᑎᓇᒫᑫᐎᓐ ᑭᔅᑕᒋᒣᐗᒃ ᑭᒋᒪᓂᑐᐗ, ᐁ ᐃᔑ ᑎᐯᓕᒥᑯᐌᒃ ᙭ ᐅ ᒥᓗᐋᒋᒧᐎᓐ ᐅᒋ, ᓀᔥᑕ ᐊᓂᒪ ᐅᒋ ᐁ ᑮ ᐌᓗᒋ ᒫᑎᓇᒪᐌᑾᒃ, ᓀᔥᑕ ᒥᓯᐌ ᐃᓕᓕᐗᒃ;

ᓂᔓ ᑯᕆᓐᑎᐊᓇ 9:7

ᐁᑯᔑ ᑳ ᐃᑕᔑᑦ ᐃᓕᓕᐤ ᐁ ᐃᔑ ᐃᑌᓕᑕᒃ ᐅᑌᐃᒃ, ᐁᑯ ᑫ ᐃᔑ ᒥᓕᐌᑦ; ᐁᑳᐎᓚ ᐁ ᓵᓵᑭᓯᑦ, ᐁᑳ ᓀᔥᑕ ᑖᐱᔅᑯᒡ ᐋᓕᓵᒡ; ᐌᓴ ᑭᒋᒪᓂᑐ ᓵᑭᐁᐤ ᐊᓂᐃ ᑳ ᓯᑭᓓᓯᓕᒋ ᐁ ᒥᓕᐌᓕᒋ᙮

ᐃᐱᓯᔭᓇ 6:5

ᐊᑑᔅᑫᓛᑲᓂᑐᒃ, ᓇᓇᐃᑖᑯᒃ ᐊᓂᑭ ᐎᔮᓯᐎᓂᒃ ᑳ ᐅᑭᒫᒥᔦᒃ, ᑯᔅᐹᓀᓕᑕᒧᐎᓂᒃ ᓀᔥᑕ ᓭᑭᓯᐎᓂᒃ, ᐁ ᒀᔭᔅᑯᑌᐁᔦᒃ, ᑖᐱᔅᑯᒡ ᙭ ᐁ ᑐᑕᒧᐌᒃ;

ᑯᓚᔑᔭᓇ 3:22

ᐊᑑᔅᑫᓛᑲᓂᑐᒃ, ᒥᓯᐌ ᐃᔑ ᓇᓇᐃᑖᑯᒃ ᑭᑦ ᐅᑭᒫᒥᐗᐗᒃ ᐎᔮᓯᐎᓂᒃ ᐃᔑ; ᓇᒪᐎᓚ ᐁ ᑲᓇᐗᐸᒥᑲᐎᔦᒃ ᐱᑯ, ᑖᐱᔅᑯᒡ ᐊᓂᑭ ᑳ ᓇᐃᓚᐌᐋᒋᒃ ᐃᓕᓕᐗ; ᒫᑲ ᐸᓓᑭ ᒥᑌᐃᒃ, ᐁ ᓂᓇᒋᔅᑕᐌᒃ ᑭᒋᒪᓂᑐ:

ᓂᔥᑕᒻ ᑌᓴᓗᓂᔭᓇ 2:3

ᐌᓴ ᓂ ᔑᑭᒥᐌᐎᓂᓈᓐ ᓇᒪᐎᓚ ᑭ ᑲᑳᔦᓕᓯᐎᓂᐗᓐ, ᓇᒪ ᓀᔥᑕ ᐎᓂᓯᐎᓐ, ᓇᒪ ᓀᔥᑕ ᐙᔦᔑᐃᐌᐎᓐ:

ᓂᔥᑕᒻ ᑌᓴᓗᓂᔭᓇ 2:8

ᐁᑯᔑ ᒫᑲ ᓵᑭᐃᐌᐎᓂᒃ ᐁ ᑮ ᓇᑕᐌᓕᒥᑖᒃ, ᓂ ᑮ ᐃᑌᓕᑌᓈᓐ ᑭᒋ ᐸᑭᑎᓇᒫᑖᒃ, ᓇᒪᐎᓚ ᐱᑯ ᑭᒋᒪᓂᑐ ᐅ ᒥᓗᐋᒋᒧᐎᓐ, ᒫᑲ ᑎᐱᓚᐌ ᓂᑦ ᐊᒑᑯᓈᓇᒃ ᐊᓯᒋ, ᐁ ᑮ ᓵᑭᐃᑖᒃ᙮

ᓂᔥᑕᒻ ᑎᒧᑎ 4:13

ᐃᓕᑯᒃ ᑫ ᑕᑯᔑᓈᓐ, ᒧᔕᒃ ᐋᔭᒥᒋᑫ, ᔑᑭᒥᐌ, ᑲᑫᔅᑭᒥᐌ᙮

ᓂᔥᑕᒻ ᑎᒧᑎ 5:17

ᐁᑯᔑ ᐊᓂᑭ ᐅᓂᑳᓀᓕᑖᑯᓯᐗᒃ ᑳ ᒥᓗ ᑎᐯᓕᒋᑫᒋᒃ ᓂᔡᐤ ᐃᓕᑯᒃ ᑲᑕ ᐃᔑ ᑭᔅᑌᓕᒪᐗᒃ, ᐅᓵᒻ ᐊᓂᑭ ᑳ ᐊᑑᔅᑫᒋᒃ ᐋᔭᒥᐎᓂᒃ ᓀᔥᑕ ᑭᔅᑭᓄᐊᒫᑫᐎᓂᒃ᙮

ᓂᔥᑕᒻ ᑎᒧᑎ 6:18

ᑭᒋ ᒥᓗ ᑐᑖᑫᒋᒃ, ᑭᒋ ᐌᓗᑎᓯᒋᒃ ᒥᓗ ᐊᑑᔅᑫᐎᓂᒃ, ᑭᒋ ᒥᓜᓕᑕᑭᒃ ᐁ ᒫᑎᓇᒫᑫᒋᒃ, ᑭᒋ ᓯᑭᓓᓯᒋᒃ ᐁ ᒥᓕᐌᒋᒃ;

ᐦᐃᑉᕉᐗ 10:25

ᐁᑳ ᐁ ᐳᓂ ᒪᐗᒋᐃᑐᔭᒃ, ᑖᐱᔅᑯᒡ ᐁ ᑐᑕᑭᒃ ᐋᑎᑦ; ᒫᑲ ᐁ ᑲᑫᔅᑭᒥᑐᔭᒃ, ᐊᐙᓯᑌ ᒫᑲ ᑫᔮᐸᒡ ᐁ ᑐᑕᒪᒃ ᐁ ᑆᐸᑕᒣᒃ ᐊᓂᒪ ᐁ ᑭᔑᑳᒃ ᐁ ᐹᐸᓕᒃ᙮

ᐦᐃᑉᕉᐗ 13:17

ᓇᓇᐃᑖᑯᒃ ᐊᓂᑭ ᑳ ᑎᐯᓕᒥᑖᑾᒃ, ᓀᔥᑕ ᑕᐸᑌᓕᒥᑎᓱᔅᑖᑯᒃ: ᐌᓴ ᐊᔕᐙᐸᒣᐗᐤ ᑭᑦ ᐊᒑᑯᐙᐗ, ᑖᐱᔅᑯᒡ ᐊᓂᑭ ᑫ ᐃᑖᒋᒧᒋᒃ, ᒥᓚᐙᑕᒧᐎᓂᒃ ᑭᒋ ᐃᔑ ᑐᑕᑭᒃ, ᓇᒪ ᒫᑲ ᒪᒥᔕᒣᓕᑕᒧᐎᓂᒃ: ᐌᓴ ᐊᓂᒪ ᓇᒪᐎᓚ ᓈᓐᑕᐤ ᑭᑦ ᐃᑖᐸᒋᐃᑯᓇᐗᐤ᙮

ᐦᐃᑉᕉᐗ 13:22

ᑭ ᐸᑯᓭᓕᒥᑎᓇᐗᐤ ᓀᔥᑕ, ᓂᒋᔖᓂᑐᒃ, ᐅᑎᓇᒧᒃ ᔑᑭᒥᐌᐎ ᐋᔭᒥᐎᓐ: ᐌᓴ ᑭ ᑮ ᒪᓯᓇᐊᒫᑎᓇᐗᐤ ᒐᑲᐙᔑᔥ ᐋᔭᒥᐎᓂᒃ᙮

ᐦᐃᑉᕉᐗ 13:24

ᐊᑕᒥᔅᑳᑯᒃ ᒥᓯᐌ ᐊᓂᑭ ᑳ ᑎᐯᓕᒥᑖᑾᒃ, ᓀᔥᑕ ᒥᓯᐌ ᐅᐸᓓᑭᓴᒃ᙮ ᐊᓂᑭ ᐃᑕᓕ ᑳ ᐅᒋᒋᒃ ᑭᑦ ᐊᑕᒥᔅᑳᑯᐗᐗᒃ᙮

ᐦᐃᑉᕉᐗ 13:7

ᑭᔅᑭᓯᑐᑖᑯᒃ ᐊᓂᑭ ᑳ ᑎᐯᓕᒥᑖᒀᒃ, ᑳ ᑮ ᐋᓕᒧᑕᒫᑖᑾᒃ ᑭᒋᒪᓂᑐ ᐅᑦ ᐋᔭᒥᐎᓐ: ᐅ ᑖᐺᔦᓕᑕᒧᐎᓂᐗᐤ ᓄᔅᐱᓈᑕᒸᒃ, ᐁ ᒫᒥᑐᓀᓕᑕᒣᒃ ᐁ ᐃᔑ ᐳᓂᐸᓕᓕᒃ ᐅᑦ ᐃᔑᐱᒫᑎᓯᐎᓂᐗᐤ᙮