ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:7 - ᐅᔅᑭ ᑎᔅᑌᒥᓐᑦ

⁷ ᓀᔥᑕᐱᑯ ᐋᔭᒥᐋᐎ ᐊᑑᔅᑫᐎᓐ, ᐁᑯᔑ ᐸᑳᔅᑭᑖᑕᐤ ᑭᑦ ᐋᔭᒥᐋᐎ ᐊᑑᔅᑫᐎᓂᓇᐤ: ᓀᔥᑕᐱᑯ ᐊᓇ ᑳ ᑭᔅᑭᓄᐋᒫᑫᑦ, ᐅ ᑭᔅᑭᓄᐊᒫᑫᐎᓐ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:7 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 28:19

ᐁᐗᑯ ᐅᒋ ᒫᑲ ᑭᑐᑌᒃ, ᑭᔅᑭᓄᐊᒫᑯᒃ ᒫᑲ ᒥᓯᐌ ᑳ ᑕᑐᔅᑳᓀᓯᒋᒃ ᐃᓕᓕᐗᒃ, ᐁ ᓯᑲᐋᑕᐌᑾᒃ ᐅᑖᐎᒪᐤ ᐅᑦ ᐃᔑᓂᑳᓱᐎᓂᒃ, ᓀᔥᑕ ᐅᑯᓯᓯᒪᐤ, ᓀᔥᑕ ᐯᓓᑭᓯᑦ ᐊᒑᒃ᙮

ᐅᐸᓓᑭᔅ ᒑᓐ 3:2

ᐁᐗᑯ ᐊᐗ ᑮ ᐯᒋᓈᑌᐤ ᒋᓴᓴ ᓂᐹᑎᐱᔉ, ᑮ ᐃᑌᐤ ᒫᑲ, ᕌᐸᐃ, ᓂ ᑭᔅᑫᓕᑌᓈᓐ ᐁ ᐅᑭᔅᑭᓄᐊᒫᑫᔭᓐ ᑭᒋᒪᓂᑐᒃ ᐁ ᐯᒋ ᐅᒋᔭᓐ; ᐌᓴ ᓇᒪᐎᓚ ᐊᐌᓇ ᑮ ᑐᑕᒻ ᐅᐅ ᒫᒪᑖᐎ ᐃᓯᒋᑫᐎᓇ ᑭᓚ ᑳ ᑐᑕᒪᓐ, ᑮᔥᐱᓐ ᐁᑳ ᐎᒋᐃᑯᑦ ᑭᒋᒪᓂᑐᐗ᙮

ᐊᐸᔅᑕᓚᒃ 13:1

ᐁᑯᔅᐱ ᑮ ᐃᑖᐗᒃ ᐊᓐᑕ ᐋᔭᒥᐁᐎᑲᒥᑯᒃ ᑳ ᐃᑕᑾᒃ ᐋᓐᑎᐊᑭᒃ ᐊᑎᑦ ᐅᑭᔅᑭᐙᐃᑫᐗᒃ ᓀᔥᑕ ᐅᑭᔅᑭᓄᐊᒫᑫᐗᒃ; ᐹᕐᓇᐸᔅ, ᓀᔥᑕ ᓯᒥᔭᓐ ᑳ ᐃᔑᓂᑳᓱᑦ ᓇᐃᑲᕐ, ᓀᔥᑕ ᓘᓯᐊᔅ, ᓴᐃᕆᓂᐃᒃ ᑳ ᐅᒌᑦ, ᓀᔥᑕ ᒣᓀᐃᓐ ᑳ ᑮ ᐎᒋᐅᐱᑭᒫᑦ ᐦᐁᕋᑕ ᑳ ᐅᑭᒫᐎᓕᒋ ᓀᔥᑕ ᓵᓪ᙮

ᐊᐸᔅᑕᓚᒃ 20:20

ᓀᔥᑕ ᐁᑳ ᐁ ᑮ ᓇᑲᓇᒪᑕᑾᒃ ᑫᒀᓐ ᑫ ᒥᓗ ᑐᑕᑯᔦᑭᐸᓐ, ᒫᑲ ᑭ ᑮ ᐙᐸᑎᓕᑎᓇᐗᐤ, ᓀᔥᑕ ᑭ ᑮ ᑭᔅᑭᓄᐊᒪᑎᓇᐗᐤ ᒧᔓᔐ, ᓀᔥᑕ ᐊᑭᓀ ᐙᔅᑲᔨᑲᓂᒃ᙮

ᐊᐸᔅᑕᓚᒃ 20:28

ᔮᒀᒥᓯᒃ ᐃᓴ ᑭᓚᐗᐤ, ᓀᔥᑕ ᒥᓯᐌ ᑳ ᒪᐗᒋᐃᑐᒋᒃ ᐅᒋ, ᐊᓂᐃ ᑳ ᐸᓓᑭᓯᑦ ᐊᒑᒃ ᑳ ᑮ ᑎᐁᓕᑕᒥᐃᑖᒃ, ᑭᒋ ᐊᔕᒥᒣᑾᒃ ᑭᒋᒪᓂᑐ ᐅ ᒫᒪᐎᐋᔭᒥᐋᒪ, ᑳ ᑮ ᐊᑕᐌᔅᑕᒫᓱᑦ ᑎᐱᓚᐌ ᐅᒥᑯᒻ ᐅᒋ᙮

ᐊᐸᔅᑕᓚᒃ 6:1

ᒣᒀᒡ ᒫᑲ ᐊᓂᐃ ᑭᔑᑳᐗ, ᐃᔅᐱ ᐊᓂᑭ ᑭᔅᑭᓄᐊᒪᐙᑲᓇᒃ ᑳ ᑮ ᒥᒉᑎᒋᒃ, ᐊᓂᑭ ᒃᕆᓯᔮᓇᒃ ᑮ ᒥᑕᐎᒣᐗᒃ ᐊᓂᐃ ᐦᐃᑉᕉᐊ, ᐌᓴ ᑳ ᑭᐙᑎᓯᓕᒋ ᐅᑦ ᐃᔅᑴᒥᐙᐗ ᓇᒪ ᐅᒋ ᐱᓯᔅᑫᓕᒫᑲᓂᐎᓕᐗ ᐃᔅᐱ ᑳ ᐅᒋᔅᑕᒫᑫᓈᓂᐗᓂᓕᒃ ᑕᑡᐤ ᑳᔑᑳᓕᑭ᙮

ᓂᔥᑕᒻ ᑯᕆᓐᑎᐊᓇ 12:28

ᑭᒋᒪᓂᑐ ᒫᑲ ᑮ ᐊᓓᐤ ᐋᑎᑦ ᐅᑦ ᐗᔭᒥᐋᐎᓂᒃ, ᓃᔥᑕᒻ ᐊᐸᔅᑕᓚ, ᐁ ᓂᔑᒃ ᐅᑭᔅᑭᐙᐃᑫᐗ, ᐁ ᓂᔅᑎᒃ ᐅᑭᔅᑭᓄᐊᒫᑫᐗ, ᐁᑯ ᒫᒪᑖᐎᐃᔑᒋᑫᐎᓇ, ᐁᑯ ᒥᓇᐙᒋᐃᐌᐎ ᒥᓕᐌᐎᓇ, ᓂᔓᑲᒫᑫᐎᓇ, ᑎᐯᓕᒋᑫᐎᓇ, ᐹᐱᑐᔥ ᐃᔑᑭᔗᐎᓇ᙮

ᓂᔥᑕᒻ ᑯᕆᓐᑎᐊᓇ 12:5

ᐱᑐᑕᓋ ᓀᔥᑕ ᐋᔭᒥᐋᐎ ᐊᑑᔅᑫᐎᓇ, ᒫᑲ ᐁᐗᒀᓇ ᑫᔮᐸᒡ ᐅᑎᐯᓕᒋᑫᐤ᙮

ᓂᔥᑕᒻ ᑯᕆᓐᑎᐊᓇ 14:26

ᑖᓐ ᐁᔑ ᐃᑭᒃ, ᓂᒋᔖᓂᑐᒃ? ᐃᔅᐱ ᐯᒋ ᒪᐗᒋᐃᑐᔦᒃ, ᑕᑐ ᐁ ᐃᑕᔑᔦᒃ ᐋᔭᐤ ᓂᑲᒧᐎᓐ, ᐋᔭᐤ ᑭᔅᑭᓄᐊᒫᑫᐎᓐ, ᐋᔭᐤ ᐃᔑᑭᔗᐎᓐ, ᐋᔭᐤ ᑭᔅᑫᓕᑖᑯᑖᑫᐎᓐ, ᐋᔭᐤ ᐃᑗᔅᑕᒫᑫᐎᓐ᙮ ᐁᑯᔑ ᒥᓯᐌ ᑫᒀᓇ ᑲᑕ ᑐᒋᑳᑌᐤ ᑭᒋ ᐃᔑ ᑭᔅᑭᓄᐊᒫᑳᓂᐗᒃ᙮

ᑲᓓᔕᐊᓇ 6:6

ᐁᑯᔑ ᐊᓇ ᑳ ᑭᔅᑭᓄᐊᒫᑦ ᐋᔭᒥᐎᓂᓕᐤ ᑲᑕ ᐅᒋᔅᑕᒪᐌᐤ ᐊᓂᐃ ᑳ ᑭᔅᑭᓄᐊᒫᑫᓕᒋ ᒥᓯᐌ ᑳ ᒥᓦᔑᓂᓕᑭ᙮

ᐃᐱᓯᔭᓇ 4:11

ᑮ ᒥᓕᐌᐤ ᒫᑲ ᐋᑎᑦ ᑭᒋ ᐋᐎᓕᒋ ᐊᐸᔅᑕᓚᒃ; ᐋᑎᑦ ᓀᔥᑕ, ᐅᑭᔅᑭᐙᐃᑫᐗᒃ; ᐋᑎᑦ ᓀᔥᑕ ᒥᓗᐋᒋᒧᐎᓕᓕᐗᒃ; ᐋᑎᑦ ᓀᔥᑕ, ᐅᑲᓇᐌᓕᒥᐌᐗᒃ ᓀᔥᑕ ᐅᑭᔅᑭᓄᐊᒫᑫᐗᒃ;

ᑯᓚᔑᔭᓇ 4:17

ᐃᑎᒃ ᒫᑲ ᐊᕐᑭᐸᔅ, ᔮᒀᒥᓰᔅᑕ ᐊᓂᒪ ᐋᔮᒥᐊᐎ ᐊᑑᔅᑫᐎᓐ ᑳ ᑮ ᐅᑎᓇᒪᓐ ᐅᑎᐯᓕᒋᑫᒃ, ᑭᒋ ᑎᐱᑐᑕᒪᓐ᙮

ᓂᔥᑕᒻ ᑎᒧᑎ 2:7

ᐁᐗᑯ ᑳ ᐅᒋ ᐹᑳᓂᐃᑲᐎᔮᓐ ᑭᒋ ᑲᑫᔅᑭᒥᐌᔮᓐ ᓀᔥᑕ ᑭᒋ ᐊᐸᔅᑕᓕᐌᔮᓐ, ᙭ᑎᒃ ᓂᑦ ᐋᔭᒥᓐ ᑖᐺᐎᓐ, ᓇᒪ ᓀᔥᑕ ᓂ ᑭᓛᔅᑭᓐ, ᑭᒋ ᑭᔅᑭᓄᐊᒪᐗᑭᒃ ᒉᓐᑖᐃᓚᒃ ᑖᐺᔦᓕᑕᒧᐎᓂᒃ ᓀᔥᑕ ᑖᐺᐎᓂᒃ᙮

ᓂᔥᑕᒻ ᑎᒧᑎ 3:2

ᑭᒋᐋᔭᒥᐁᐎᑭᒪᐤ ᒫᑲ ᑫᒋᓈᔥ ᑲᑕ ᒥᓗᐃᑌᓕᑖᑯᓯᐤ, ᐁ ᐅ ᓈᐯᒥᒥᑯᑦ ᐯᔭᒃ ᐃᔅᑴᐗ, ᐁ ᑭᓯᓴᐎᓰᑦ, ᐁ ᐯᑳᒡ ᐃᑖᑎᓰᑦ, ᐁ ᒥᓦᑎᓰᑦ ᑭᔐᐙᑐᑕᐙᑦ ᒫᓐᑌᐗ, ᐁ ᑲᔥᑭᑖᑦ ᑭᒋ ᑭᔅᑭᓄᐊᒫᑫᑦ;

ᓂᔥᑕᒻ ᑎᒧᑎ 4:16

ᔮᒀᒥᓯᔅᑕᒫᓱ, ᓀᔥᑕ ᑭ ᑭᔅᑭᓄᐊᒫᑫᐎᓐ: ᑕᑭ ᓄᒋᑖ: ᐌᓴ ᐅᒪ ᐁ ᑐᑕᒪᓐ ᑖᐱᔅᑯᒡ ᑭ ᑳ ᐱᒫᒋᐃᑎᓱᓐ ᐊᓂᑭ ᓀᔥᑕ ᑳ ᓇᑐᑖᔅᑭᒃ᙮

ᓂᔥᑕᒻ ᑎᒧᑎ 5:17

ᐁᑯᔑ ᐊᓂᑭ ᐅᓂᑳᓀᓕᑖᑯᓯᐗᒃ ᑳ ᒥᓗ ᑎᐯᓕᒋᑫᒋᒃ ᓂᔡᐤ ᐃᓕᑯᒃ ᑲᑕ ᐃᔑ ᑭᔅᑌᓕᒪᐗᒃ, ᐅᓵᒻ ᐊᓂᑭ ᑳ ᐊᑑᔅᑫᒋᒃ ᐋᔭᒥᐎᓂᒃ ᓀᔥᑕ ᑭᔅᑭᓄᐊᒫᑫᐎᓂᒃ᙮

ᓂᔓ ᑎᒧᑎ 2:2

ᐊᓂᐃ ᒫᑲ ᑳ ᑮ ᐯᑕᐎᔭᓐ ᐁ ᐊᔨᑖᒋᒧᔮᓐ ᐊᓯᒋ ᒥᒉᑦ ᐅᑎᐹᒋᒧᐗᒃ, ᐁᐗᒀᓂᐃ ᐸᑭᑎᓇᒪᐎᒃ ᑳ ᒀᔭᔅᑭᑎᒋᒃ ᐃᓕᓕᐗᒃ, ᑫ ᑲᔥᑭᑖᒋᒃ ᑯᑕᑭᔭ ᓀᔥᑕ ᑭᒋ ᑭᔅᑭᓄᐊᒪᐙᒋᒃ᙮

ᓂᔓ ᑎᒧᑎ 2:24

ᐊᓇ ᒫᑲ ᑳ ᐅᑦ ᐊᑑᔅᑫᓚᑲᓂᒥᑯᑦ ᐅᑎᐯᓕᒋᑫᐗ ᓇᒪᐎᓚ ᑳᑕ ᐋᔑᑌᒥᐌᐤ; ᒫᑲ ᑲᑕ ᓗᔅᑳᑎᓰᔅᑕᐌᐤ ᒥᓯᐌ ᐃᓕᓕᐗ, ᐁ ᐎ ᑭᔅᑭᓄᐊᒫᑫᑦ, ᐁ ᔑᐱᓚᐌᓯᑦ,

ᓂᔓ ᑎᒧᑎ 4:2

ᑲᑫᔅᑭᒥᐌ ᐊᔭᒥᐎᓐ; ᑭᓯᓴᐎᓯ ᐌᑎᒋᐸᓕᑭ, ᓀᔥᑕ ᐁᑳ ᐌᑎᒋᐸᓕᑭ; ᓇᑭᒥᐌ, ᑭᑕᐊᒫᑫ, ᔑᑭᑫᒧ, ᒥᓯᐌ ᔑᐯᓕᑕᒧᐎᓂᒃ ᓀᔥᑕ ᑭᔅᑭᓄᐊᒫᑫᐎᓂᒃ᙮